www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Monday, January 21, 2019

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် လာအိုပြည်သူ့ တပ်မတော်တည်ထောင်မှု နှစ်(၇ဝ)ပြည့် စစ်ရေးပြအခမ်းအနားသို့ တက်ရောက်

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် လာအိုပြည်သူ့ တပ်မတော်တည်ထောင်မှု နှစ်(၇ဝ)ပြည့် စစ်ရေးပြအခမ်းအနားသို့ တက်ရောက်
-
နေပြည်တော်၊ ဇန်နဝါရီ  ၂ဝ 
-
လာအိုအမျိုးသား ကာကွယ်ရေးဝန်ကြီး General Chansamone CHANYALATH ၏ဖိတ်ကြားချက်အရ လာအိုပြည်သူ့တပ်မတော် တည်ထောင်မှု နှစ်(၇ဝ)ပြည့် စစ်ရေးပြ အခမ်းအနားသို့တက်ရောက်ရန်အတွက် တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သည့် မြန်မာ့တပ်မတော်ချစ်ကြည်ရေး ကိုယ်စားလှယ်အဖွဲ့သည် ယနေ့နံနက်ပိုင်းတွင်ဗီယင်ကျန်းပြည်နယ်ရှိ ကိုမာဒမ်စစ်တက္ကသိုလ်၌ ကျင်းပပြုလုပ်သည့် လာအိုပြည်သူ့တပ်မတော် တည်ထောင်မှု နှစ်(၇ဝ)ပြည့် စစ်ရေးပြ အခမ်းအနားသို့ တက်ရောက်သည်။
-
-
အဆိုပါအခမ်းအနားသို့ လာအိုပြည်သူ့ ဒီမိုကရက်တစ် သမ္မတနိုင်ငံ၊ သမ္မတ Mr. Bounnhang Vorachith နှင့် အစိုးရအဖွဲ့ဝင်များ၊ ကာကွယ်ရေးဝန်ကြီး General Chansamone CHANYALATH၊ လာအိုအမျိုးသား တပ်မတော် အရာရှိကြီးများ၊ ဖိတ်ကြားထားသည့် တရုတ်ပြည်သူ့သမ္မတနိုင်ငံ ဗဟိုစစ်ကော်မရှင် အဖွဲ့ဝင်၊ နိုင်ငံရေး လုပ်ငန်းဌာန ညွှန်ကြားရေးမှူး၊ ဗီယက်နမ်နိုင်ငံ ပေါလစ်ဗျူရိုအဖွဲ့ဝင်၊ ဗဟိုစစ်ကော်မရှင် ဒုတိယဥက္ကဋ္ဌနှင့် ကာကွယ်ရေးဝန်ကြီး၊ ရုရှားကာကွယ်ရေး ဝန်ကြီးဌာန၊ နိုင်ငံတကာ စစ်ဘက်ဆိုင်ရာ ပူးပေါင်းဆောင်ရွက်ရေးညွှန်ကြားရေးမှူးရုံး အကြီးအကဲ၊ ကမ္ဘောဒီးယား နိုင်ငံကာကွယ်ရေးဝန်ကြီး၊ ထိုင်းနိုင်ငံ ဒုတိယ ကာကွယ်ရေးဝန်ကြီး၊ လာအိုနိုင်ငံဆိုင်ရာ နိုင်ငံခြားသံရုံးများမှ သံအမတ်ကြီးများ၊ စစ်သံမှူးများ၊ဖိတ်ကြားထားသူများ တက်ရောက်ကြသည်။
-
အခမ်းအနားကို လာအိုပြည်သူ့ တပ်မတော်ယဉ်ကျေးမှု အဖွဲ့မှ လာအိုရိုးရာ သရုပ်ဖော်အကများဖြင့် စတင်ပြီး ဂုဏ်ပြုတပ်ဖွဲ့က လာအိုနိုင်ငံအလံအား လွှင့်ထူ၍ လာအို နိုင်ငံတော်သီချင်းအားသံပြိုင်သီဆိုကြသည်။ ယင်းနောက် လာအိုပြည်သူ့ တပ်မတော်မှ Major General Sonthong Phommalavong က လာအိုပြည်သူ့တပ်မတော် သမိုင်းကြောင်း အား အကျဉ်းချုပ်ရှင်းလင်းပြောကြားသည်။
-
ထို့နောက် လာအိုပြည်သူ့သမ္မတနိုင်ငံသမ္မတ Mr. Bounnhang Vorachith က မိန့်ခွန်းပြောကြားပြီး ကာကွယ်ရေးဝန်ကြီးက စစ်ရေးပြတပ်ဖွဲ့များအား မော်တော်ယာဉ်ဖြင့် စစ်ဆေးသည်။ ယင်းနောက် အလံကိုင်တပ်ဖွဲ့၊ စစ်မှုထမ်းဟောင်းအဖွဲ့၊ လာအိုတပ်မတော် လွတ်မြောက်ရေးတပ်ဖွဲ့၊ လာအိုပြည်သူ့တပ်မတော် လွတ်မြောက်ရေးတပ်ဖွဲ့၊ လာအို ပြည်သူ့တပ်မတော်အမျိုးသမီးတပ်ဖွဲ့၊ လေတပ်ဖွဲ့၊ နယ်စပ်ရေးရာတပ်ဖွဲ့၊ ခြေလျင်တပ်ဖွဲ့၊ ဆက်သွယ်ရေးတပ်ဖွဲ့၊ ဆေးပညာတပ်ဖွဲ့၊ နယ်ခြားစောင့်တပ်ဖွဲ့၊ ပြည်သူ့စစ်တပ်ဖွဲ့၊ ကိုယ်ခံပညာတပ်ဖွဲ့၊သံချပ်ကာတပ်ဖွဲ့မှ သံချပ်ကာယာဉ်များ၊ အမြောက်တပ်ဖွဲ့မှ အမြောက်ဆွဲယာဉ်များ၊ လေကြောင်းရန် ကာကွယ်ရေးတပ်ဖွဲ့မှ လေကြောင်းရန် ကာကွယ်ရေးယာဉ်များ၊ ဆောက်လုပ်ရေးအင်ဂျင်နီယာတပ်ဖွဲ့မှ ဆောက်လုပ်ရေးယာဉ် များနှင့် စစ်တီးဝိုင်းတပ်ဖွဲ့တို့က စစ်ရေးပြ အစီအစဉ်အတိုင်း ချီတက်အလေးပြုကြသည်။
-
-
ထိုသို့ချီတက်အလေးပြုနေစဉ် အချိန်အတွင် ရဟတ်ယာဉ်များက လာအိုနိုင်ငံအလံ၊ ပါတီအလံနှင့် လာအိုပြည်သူ့တပ်မတော်အလံများအား ချိတ်ဆွဲပျံသန်းပြီး ဂျက်တိုက် လေယာဉ်များကစွမ်းရည်သရုပ်ပြ အလှပြမောင်းနှင်ကြသည်။ ထို့အတူ လေထီးတပ်ဖွဲ့မှ လေထီးခုန်စစ်သည်၊ စစ်သမီးများက လာအိုနိုင်ငံအလံ၊ ပါတီအလံ၊ လာအိုပြည်သူ့ တပ်မတော်အလံနှင့်ရောင်စုံအလံများအား ချိတ်ဆွဲ၍ စစ်ရေးပြကွင်း အတွင်းသို့ ဂုဏ်ပြု ဆင်းသက်ကြပြီး လာအိုပြည်သူ့တပ်မတော်မှ Major General Sonthong Phommalavong  က စစ်ရေးပြ အခမ်းအနားများပြီးဆုံးကြောင်းကြေညာ၍ ကျေးဇူးတင်စကားပြောကြားသည်။
-
-
လာအိုပြည်သူ့တပ်မတော်သည် ပြင်သစ်နယ်ချဲ့များအား တွန်းလှန်တိုက်ခိုက်ခဲ့ သော ပသက်လာအိုတပ်ဖွဲ့မှ စတင်ပေါက်ဖွားခဲ့ခြင်းဖြစ်ပြီး ၁၉၄၉ ခုနှစ် ဇန်နဝါရီ ၂ဝ ရက်နေ့တွင်စတင်ထူထောင်ခဲ့ခြင်းဖြစ်သည်။ ပသက်လာအို တပ်ဖွဲ့များဖြင့် ဖွဲ့စည်းခဲ့သည့် လာအို(Issara)လွတ်မြောက်ရေး တပ်ဖွဲ့အား ၁၉၆၅ ခုနှစ်၊ အောက်တိုဘာလတွင် လာအိုပြည်သူ့လွတ်မြောက်ရေးတပ်မတော်အဖြစ်သို့ လည်းကောင်း၊ ၁၉၇၆ ခုနှစ်တွင် လာအိုပြည်သူ့တပ်မတော်ဟူ၍ လည်းကောင်း ပြောင်းလဲခေါ်ဝေါ်ခဲ့ခြင်းဖြစ်သည်။ လာအိုပြည်သူ့တပ်မတော်၏ အဓိကတာဝန် ၂ ရပ်မှာနိုင်ငံတော် ကာကွယ်ရေးနှင့် နိုင်ငံတော်လုံခြုံရေးတို့ ဖြစ်ကြောင်း သိရှိရသည်။
-
ဆက်လက်ပြီး ညပိုင်းတွင် တပ်မတော် ကာကွယ်ရေးဦးစီးချုပ် ဦးဆောင်သည့် မြန်မာ့တပ်မတော် ကိုယ်စားလှယ်အဖွဲ့သည် လာအိုအမျိုးသား ကာကွယ်ရေးဝန်ကြီးဌာန၌ ကျင်းပပြုလုပ်သည့်လာအိုပြည်သူ့တပ်မတော် တည်ထောင်မှု နှစ်(၇ဝ)ပြည့်အထိမ်းအမှတ် ဂုဏ်ပြုညစာစားပွဲ အခမ်းအနားသို့ တက်ရောက်ခဲ့ကြောင်း သတင်းရရှိသည်။
-
#မြ၀တီနေ့စဉ်သတင်းစာ

ရတနာပုံနေ့စဉ်သတင်းစာ (၂၁- ၁- ၂၀၁၉)


တနာပုံနေ့စဉ်သတင်းစာ (၂၁- ၁- ၂၀၁၉)
-
Download Links

မြဝတီနေ့စဉ်သတင်းစာ (၂၁-၁-၂၀၁၉)

မြဝတီနေ့စဉ်သတင်းစာ (၂၁-၁-၂၀၁၉)

-
 Download Links

Friday, January 18, 2019

ဥရောပနိုင်ငံများမှ တစ်နှစ်လျှင် မြန်မာ့ပျားရည် တန်ချိန် ၈ဝဝ ဝယ်ယူရန် ကမ်းလှမ်း

ဥရောပနိုင်ငံများမှ တစ်နှစ်လျှင် မြန်မာ့ပျားရည် တန်ချိန် ၈ဝဝ ဝယ်ယူရန် ကမ်းလှမ်း
-
ရန်ကုန် ဇန်နဝါရီ ၁၇ 
-
ဥရောပနိုင်ငံများမှ တစ်နှစ်လျှင် မြန်မာ့ပျားရည်တန်ချိန် ၈ဝဝ ခန့်အထိ ဝယ်ယူရန် ကမ်းလှမ်းထားကြောင်း စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန မွေးမြူရေးနှင့်ကုသရေး ဦးစီးဌာနပျားလုပ်ငန်းဌာနမှ သိရသည်။ 
-
''ဥရောပက ပျားရည်ဝယ်ဖို့ ကမ်းလှမ်းထားပါတယ်။ အခု တင်ပို့ဖို့ စစ်ဆေးနေပါတယ်။ ဥရောပကို ပျားရည် တင်ပို့မယ်ဆိုရင် ၂ဝ၂ဝ ပြည့်နှစ်လောက်မှ တင်ပို့ဖြစ်မှာပါ'' ဟု ပျားလုပ်ငန်းဌာနမှ တာဝန်ရှိသူ တစ်ဦးက ပြောသည်။ 
-
မြန်မာ့ပျားရည် ဝယ်ယူရန် ကမ်းလှမ်းထားသည့် ဥရောပနိုင်ငံများမှာ ဂျာမနီ၊ ပိုလန်၊ နယ်သာလန်နှင့် တခြားဥရောပနိုင်ငံ များဖြစ်ပြီး မြန်မာနိုင်ငံမှ လက်ရှိပျားရည် တင်ပို့နေသည့် ပြည်ပနိုင်ငံများမှာ တရုတ်၊ ထိုင်း၊ ဂျပန်၊တောင်ကိုရီးယား၊ အိန္ဒိယနှင့် ကနေဒါနိုင်ငံတို့ ဖြစ်ကြောင်း သိရသည်။ 
-
လက်ရှိတွင် ပြည်ပနိုင်ငံများသို့ နှစ်စဉ်ပျားရည်တန်ချိန် ၂၄ဝဝ မှ ၂၆ဝဝ ကြား တင်ပို့နေရပြီး ဥရောပ နိုင်ငံများသို့ တန်ချိန် ၈ဝဝ ခန့် ထပ်မံ တင်ပို့နိုင်ပါက မြန်မာ့ပျားရည် လုပ်ငန်းရှင်များအတွက် အခွင့်အလမ်းများ ပိုမိုရရ လာနိုင်မည်ဖြစ်ကြောင်း သိရသည်။ ၂ဝ၁၉-၂ဝ၂ဝ ဘဏ္ဍာနှစ် သုံးလတာ ကာလအတွင်း တရုတ်၊ ထိုင်း၊ တောင်ကိုရီးယား၊ ဂျပန်၊ အိန္ဒိယ စသည့် နိုင်ငံများသို့လည်း ပျားရည်တန်ချိန် ၁၂ဝဝ နီးပါး တင်ပို့ထားကြောင်း သိရသည်။
-
မှိုင်းဝေ(AMIA)
-
#မြ၀တီနေ့စဉ်သတင်းစာ

ပြောင်းစိုက်ခင်းအတွင်း ငမြှောင်တောင်ပိုးများ ကျရောက်မှု မရှိစေရေး စစ်ဆေး

ပြောင်းစိုက်ခင်းအတွင်း ငမြှောင်တောင်ပိုးများ ကျရောက်မှု မရှိစေရေး စစ်ဆေး
-
အင်းတော်  ဇန်နဝါရီ  ၁၇ 
-
စစ်ကိုင်းတိုင်းဒေသကြီး   ကသာခရိုင် အင်းတော်မြို့နယ်အတွင်းရှိ ပြောင်းစိုက် တောင်သူများ၏ စိုက်ပျိုးမြေများ၌  ငမြှောင်တောင်ပိုး ကျရောက်မှု မရှိစေရေးအတွက် မြို့နယ်စိုက်ပျိုးရေး ဦးစီးဌာနမှ ဝန်ထမ်းများသည် ယမန်နေ့က ပြောင်းစိုက်တောင်သူများ၏စိုက်ပျိုးမြေများသို့ သွားရောက်၍   ကွင်းဆင်းစစ်ဆေး ဆောင်ရွက်ပေးလျက် ရှိကြောင်း သိရသည်။
-
''ကျွန်တော်တို့အင်းတော်မြို့နယ် အတွင်းမှာရှိတဲ့ ပြောင်းစိုက်တောင်သူတွေ အနေနဲ့ မိမိတို့စိုက်ပျိုးထားတဲ့ သီးနှံတွေ ပျက်စီးဆုံးရှုံးမှုမရှိဘဲ အကျိုးခံစားမှု အပြည့်အဝ ရရှိစေချင်တဲ့အတွက် အခုလို ဆောင်ရွက်ပေးရခြင်းပဲ ဖြစ်ပါတယ်။ ဒါ့အပြင် တောင်သူတွေ အနေနဲ့ ပိုးသတ်ဆေးတွေကို အလွန်အကျွံသုံးစွဲခြင်း၊   ပိုးသတ်ဆေး မှားယွင်းသုံးစွဲခြင်းကြောင့် ဖြစ်ပေါ်လာမယ့် အကျိုးဆက်တွေကို ရှောင်ရှားနိုင်အောင်လို့ ကျွန်တော်တို့ ဝန်ထမ်းတွေ ကိုယ်တိုင် သက်ဆိုင်ရာ လယ်ယာစိုက်ခင်းများအရောက် ကွင်းဆင်း ဆောင်ရွက်ပေးရခြင်းပဲ ဖြစ်ပါတယ်။ အခြားတောင်သူတွေ အနေနဲ့လည်း မိမိတို့စိုက်ပျိုးထားတဲ့ ယာမြေ၊ လယ်မြေတွေမှာ အခက်အခဲတွေ တွေ့ရှိပါက  ကျွန်တော်တို့ စိုက်ပျိုးရေးဦးစီးဌာနကို လာရောက်ဆက်သွယ် အကူအညီ တောင်းခံနိုင်ပါတယ်''ဟု မြို့နယ်စိုက်ပျိုးရေး ဦးစီးဌာန ဦးစီးမှူးက ပြောသည်။ 
-
ထိုသို့ စစ်ဆေးဆောင်ရွက်ပေးရာတွင် မြို့နယ်စိုက်ပျိုးရေး ဦးစီးဌာနမှ ဝန်ထမ်းများက ပြောင်းစိုက်တောင်သူများကို ငမြှောင်တောင်ပိုးကျရောက်ပါကမပြန့်ပွားရန်ထိန်းသိမ်းနည်းများကိုလည်းအသိပညာပေး ဆွေးနွေးပြောကြားကြောင်း သိရသည်။
-
#မြ၀တီနေ့စဉ်သတင်းစာ

အရှည်ပေ ၈၁ဝ ရှိ ဆွာချောင်းတံတား ပြုပြင်ခြင်းလုပ်ငန်း မတ်လအတွင်း အပြီး ဆောင်ရွက်သွားမည်

အရှည်ပေ ၈၁ဝ ရှိ ဆွာချောင်းတံတား ပြုပြင်ခြင်းလုပ်ငန်း မတ်လအတွင်း အပြီး ဆောင်ရွက်သွားမည်
-
ရေတာရှည် ဇန်နဝါရီ ၁၇ 
-
ပဲခူးတိုင်းဒေသကြီး ရေတာရှည်မြို့နယ် ဆွာချောင်းတမံ ပင်မရေပိုလွှဲသည် ၂ဝ၁၈ ခုနှစ် သြဂုတ် ၂၉ ရက်က ကျိုးပေါက်ခဲ့မှုကြောင့် ရန်ကုန်-နေပြည်တော် အမြန်လမ်းပိုင်း မိုင်တိုင်  (၁၆၅/၁)နှင့် (၁၆၅/၃) အကြား အရှည်ပေ  ၈၁ဝ ရှိ  ဆွာချောင်းတံတား ဖြတ်တံတား အဆန် လမ်းပိုင်းတွင် ရေလယ်တိုင်အချို့ နိမ့်ကျသဖြင့် အုတ်ခုံနှင့် မီနီဘိုးပိုင် တူးခြင်း၊ ကွန်ကရစ်လောင်းခြင်းအစရှိသည့် လုပ်ငန်းများကို နေ့ညဆောင်ရွက်လျက်ရှိရာ ယခုအခါ ရေလယ်တိုင် သုံးတိုင်အနက် နှစ်တိုင်ပြီးစီး သွားပြီဖြစ်ပြီး  သုံးလုံးမြောက်တိုင်ကို စတင် ဆောင်ရွက်နေပြီဖြစ်ကြောင်းသိရသည်။
-
''ပထမအဆင့် ခွင့်ပြုငွေကျပ် ၃၉၅ သန်း ရရှိတဲ့အခါ ဇန်နဝါရီ ၁၁ ရက်က တင်ဒါခေါ်ယူပြီး ဆောင်ရွက်တာဖြစ်ပါတယ်။ တိုင်အမှတ်(၇)၊ တိုင်အမှတ်(၆)၊ တိုင်အမှတ်(၅)တို့ကို သုည ဒသမ ၈  မီလီမီတာ မီနီဘိုးပိုင်လုပ်ငန်းတွေ ဆောင်ရွက်ရတဲ့အခါမှာ တိုင်နှစ်လုံး ပြီးသွားပြီ။  တစ်လုံးကိုလုပ်ငန်း စတင်ဆောင်ရွက်နေပြီ။ကျွန်တော်တို့ အနေနဲ့ မတ်လကို နောက်ဆုံးထားပြီးလုပ်ရမှာမိုးမကျခင်ပေါ့''ဟုအငယ်တန်းအင်ဂျင်နီယာ(၁)(မြို့ပြ)  ဦးမင်းသူ ကပြောသည်။  
-
ဆောက်လုပ်ရေး ဝန်ကြီးဌာနအနေဖြင့် ဆွာချောင်းရေကြီးရေလျှံမှု ဖြစ်စဉ်ကပင် အမြန်လမ်းမကြီး အတိုင်း အစုန်အဆန်သွားလာလျက်ရှိသောယာဉ်များ အဆင်ပြေစွာသွားလာနိုင်ရေးအတွက် ဆောင်ရွက်နေကြောင်း သိရသည်။
-
#မြ၀တီနေ့စဉ်သတင်းစာ

အင်္ဂလိပ် စာအုပ်ပေါင်း ၁ သန်းကျော် ပါဝင်သည့် စာအုပ်ဈေးရောင်း ပွဲတော် ကျင်းပ

အင်္ဂလိပ် စာအုပ်ပေါင်း ၁ သန်းကျော် ပါဝင်သည့် စာအုပ်ဈေးရောင်း ပွဲတော် ကျင်းပ
-
ရန်ကုန် ဇန်နဝါရီ ၁၇ 
-
မြန်မာနိုင်ငံ၌ ပထမဆုံးအကြိမ်အဖြစ် အင်္ဂလိပ်စာအုပ်ပေါင်း တစ်သန်းကျော် ရောင်းချပေးသည့် The Big Bad Wolf Book (2019) စာအုပ်ဈေးရောင်းပွဲတော်ကို ယနေ့တွင် ရန်ကုန်မြို့ ဓမ္မလမ်းရှိ Myanmar Event Park ၌ ကျင်းပသည်။ 
-
''အဓိကကတော့ လူငယ်လူရွယ်တွေ စာဖတ်စေချင်လို့ အခုလို ကျင်းပပေးရတာပါ။ စာများများဖတ်မှလည်း အသိပညာများမယ်။ အလုပ်အကိုင်တွေအကြောင်း ပိုနားလည်မယ်။ ကျွမ်းကျင်လုပ်သားတွေများလာမယ်။ ပြန်ကြားရေးဝန်ကြီးဌာန ကလည်း စာဖတ်ဖို့ နှိုးဆော်နေသလို ကျွန်တော်တို့ ကိုယ်တိုင်ကလည်း တစ်ထောင့်တစ်နေရာကနေ ပါဝင်ပေးခြင်း ဖြစ်ပါတယ်။ ဒါ့ပြင် ဒီပွဲကနေ တစ်ဆင့် Save the Library နဲ့ပူးပေါင်းပြီး စာကြည့်တိုက်တွေမှာလည်း လှူဒါန်းသွားဖို့ ရှိပါတယ်'' ဟု The Big Bad Wolf စာအုပ်အရောင်းပြပွဲ စီစဉ်ကျင်းပသူ ဦးမျိုးသူက ပြောသည်။ 
-
အဆိုပါ စာအုပ်အရောင်းပြပွဲတွင် အင်္ဂလိပ်စာအုပ် အမျိုးအစားပေါင်း ၂၂ဝဝဝ ခန့် ပါဝင်ပြီး အုပ်ရေတစ်သန်း ရှိကြောင်း၊ ထို့ပြင် အင်္ဂလန်နှင့် အမေရိကန်နိုင်ငံတို့မှ အင်္ဂလိပ်ဘာသာဖြင့်ပုံနှိပ်ထားသော စာအုပ်များ ပါဝင်ပြီး ဇန်နဝါရီ ၁၈ ရက်မှ ၂၈ ရက်အထိ ၂၄ နာရီပြသ ရောင်းချပေးမည် ဖြစ်ကြောင်းနှင့် ဒုတိယအကြိမ် ပြုလုပ်မည့် မန္တလေးစာအုပ် အရောင်းပြပွဲတွင် မြန်မာစာအုပ်များပါ ထည့်သွင်း ရောင်းချပေးမည် ဖြစ်ကြောင်း သိရသည်။ 
-
ယင်းစာအုပ်အရောင်းပြပွဲသို့ တက်ရောက်လာသူများ အနေဖြင့်လည်း ကိုယ်တိုင်ကိုယ်ကျ စာအုပ်များ လှူဒါန်းနိုင်ပြီး ရောင်းချထားသည့် စာအုပ်များကိုလည်း ၅ဝ ရာခိုင်နှုန်းမှ ၉ဝ ရာခိုင်နှုန်းအထိ လျှော့ချပေးထားသည့်အတွက် စိတ်ကြိုက် ဝယ်ယူနိုင်ကြောင်း၊ နိုင်ငံတစ်ဝန်းလုံးရှိ စာကြည့်တိုက်ပေါင်း ၇ဝဝ ခန့်ရှိသည့်အနက် လိုအပ်သည့် စာကြည့်တိုက်များသို့ လှူဒါန်းမည်ဖြစ်ရာစာအုပ်လှူဒါန်း လိုသူများအနေဖြင့် ယင်းပြပွဲမှစ၍ ပြပွဲပြီးဆုံးသည့်နေ့အထိ လာရောက် လှူဒါန်းနိုင်ကြောင်း သိရသည်။ 
-
''နိုင်ငံပေါင်း ၃ဝ လောက်က ပါဝင်တယ်လို့ သိရတယ်။ ဒီပွဲကနေ အလှူခံလို့ ရလာတဲ့ စာအုပ်တွေကိုလည်း လိုအပ်နေတဲ့နေရာတွေ၊ စာကြည့်တိုက်တွေမှာ လှူဒါန်းသွားမှာပါ။ ကျွန်တော်တို့ စာကြည့်တိုက်နဲ့ ကိုက်ညီတဲ့ စာအုပ်ဆိုရင်ဝယ်တာရှိတယ်။ အင်္ဂလိပ်စာအုပ်က အားနည်းနေသေးတယ်။ ဒီပွဲမှာဆိုရင် ကလေးတွေအတွက် တော်တော်လေး ကောင်းတဲ့ စာအုပ်တွေပါတယ်။ ဒါတွေကိုလည်း အဆင်ပြေသလို လှူဒါန်းသွားမှာပါ။ အဓိကကတော့ လိုအပ်လို့ ဆက်သွယ်လာတဲ့အပေါ် မူတည်ပြီး လှူမယ်'' ဟု Save the Libraryမှ တာဝန်ခံ ဦးမောင်မောင်စိုးက ပြောသည်။
-
ဇွန်သီတာ
-
#မြ၀တီနေ့စဉ်သတင်းစာ

စစ်မှုထမ်းဟောင်းအဖွဲ့ဝင်များ၊ ကျောင်းသား၊ ကျောင်းသူများနှင့် ဒေသခံပြည်သူများအား ကျန်းမာရေးစောင့် ရှောက်မှု လုပ်ငန်းများ ဆောင်ရွက်

စစ်မှုထမ်းဟောင်းအဖွဲ့ဝင်များ၊ ကျောင်းသား၊ ကျောင်းသူများနှင့် ဒေသခံပြည်သူများအား  ကျန်းမာရေးစောင့် ရှောက်မှု လုပ်ငန်းများ ဆောင်ရွက်
-
နေပြည်တော်  ဇန်နဝါရီ  ၁၇ 
-
ပဲခူးတိုင်းဒေသကြီး၊  ပြည်မြို့၊  ပေါက်ကုန်းကျေးရွာရှိ  စစ်မှုထမ်းဟောင်းအဖွဲ့ဝင်များ၊ ကျောင်းသား၊ ကျောင်းသူ များနှင့် ဒေသခံပြည်သူ များအား ယနေ့နံနက်ပိုင်းတွင် တောင်ပိုင်းတိုင်း စစ်ဌာနချုပ်၊ နယ်လှည့်ဆေးကုသရေး အဖွဲ့က အဆိုပါကျေးရွာရှိ သာသနာ့ မဏ္ဍိုင် ပေါက်ကုန်းကျောင်း တိုက်၌ ကျန်းမာရေးစောင့်ရှောက်မှု လုပ်ငန်းများ ဆောင်ရွက်ပေးသည်။
-
ထိုသို့ဆောင်ရွက်ပေးရာတွင် ဆေးကုသရေး အဖွဲ့က စစ်မှုထမ်းဟောင်း အဖွဲ့ဝင်များ၊ ကျောင်းသား၊ ကျောင်းသူ များနှင့် ဒေသခံပြည်သူ စုစုပေါင်း ၁၅ဝ ဦးတို့ကို ခွဲစိတ်ကုသမှုဆိုင်ရာ ရောဂါ၊ အရိုး/ အကြောရောဂါ၊ သွားနှင့် ခံတွင်း ရောဂါ၊ သားဖွား/မီးယပ်ရောဂါ၊ အထွေထွေရောဂါတို့နှင့်ပတ်သက်၍ လိုအပ်သည့် ကျန်းမာရေး စစ်ဆေးကုသ ပေးခြင်းများ ဆောင်ရွက်ပေးပြီး ဆေးရုံတက်ရောက်ကုသရန်လိုအပ်သူ ၁၂ ဦးကို ပြည်မြို့ရှိ တပ်မတော် ဆေးရုံသို့ တက်ရောက်ကုသနိုင်ရေး  စီစဉ်ဆောင်ရွက်ပေးသည်။ 
-
ယင်းသို့ဆောင်ရွက်ပေးနေမှုများကို နယ်မြေခံတပ်မှတာဝန်ရှိသူများက သွားရောက်ကြည့်ရှု အားပေးပြီး စစ်မှုထမ်းဟောင်း အဖွဲ့ဝင်များနှင့် မိသားစုဝင်များအတွက် စားသောက်ဖွယ်ရာများပေးအပ်သည်။ ထို့နောက်  ပေါက်ကုန်း ကျေးရွာဘုန်းတော်ကြီးကျောင်းဆရာတော် ဘဒ္ဒန္တ ဥာဏ္ဏနဓဇအား ဖူးမြော်ကာ ဆန်၊ ဆီနှင့်လှူဖွယ် ပစ္စည်းများ ဆက်ကပ် လှူဒါန်းခဲ့ကြောင်း သတင်း ရရှိသည်။
-
#မြ၀တီနေ့စဉ်သတင်းစာ

ခရီးသည်တင် မော်တော်ယာဉ်ပေါ်၌ လိုက်ပါလာသူနှစ်ဦးထံမှ ငွေကျပ်သိန်းပေါင်း ၅ဝဝဝ ခန့်တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ

ခရီးသည်တင် မော်တော်ယာဉ်ပေါ်၌ လိုက်ပါလာသူနှစ်ဦးထံမှ ငွေကျပ်သိန်းပေါင်း ၅ဝဝဝ ခန့်တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ
-
နေပြည်တော်  ဇန်နဝါရီ  ၁၇
-
မန္တလေးတိုင်းဒေသကြီး၊ ပုသိမ်ကြီးမြို့နယ် ၁၆ မိုင် ကျောက်ချော စစ်ဆေးရေးဂိတ်၌ ဌာနဆိုင်ရာ တာဝန်ရှိသူများ ပါဝင်သော ပူးပေါင်းအဖွဲ့က ယာဉ်ဝင်/ထွက်မှုများ စစ်ဆေးဆောင်ရွက်စဉ်လားရှိုးမြို့ဘက်မှ ရန်ကုန်မြို့ဘက်သို့ဦးဇော်မင်းထွန်းမောင်းနှင်လာသောမြတ်မန္တလာထွန်းခရီးသည်တင်မော်တော်ယာဉ်အား ယနေ့နံနက် ၁ နာရီ ၄၅ မိနစ်ခန့်တွင် ရပ်တန့်စစ်ဆေးရာယာဉ်ပေါ်တွင် လိုက်ပါလာသည့် မချိုပြုံး(ဘ) ဦးမြင့်ဇော်နှင့် တင်ငွေ (ဘ) ဦးဘမောင်တို့နှစ်ဦး သယ်ဆောင်လာသော ခရီးဆောင်အိတ်များ အတွင်းမှ WY စာတန်းပါပန်းရောင်စိတ်ကြွရူးသွပ်ဆေးပြား၁ဝဝဝဝဝ ပြား (စုစုပေါင်း တန်ဖိုးငွေကျပ် သိန်းပေါင်း ၅ဝဝဝ ခန့်)နှင့်အတူ ဖမ်းဆီးရမိခဲ့သည်။ အဆိုပါ မူးယစ်ဆေးဝါးများနှင့်အတူ ဖမ်းဆီးရမိသူများအားအုန်းချောနယ်မြေရဲစခန်း၌ တရားဥပဒေအရ အမှုဖွင့် အရေးယူ ဆောင်ရွက်လျက်ရှိကြောင်း သတင်းရရှိသည်။
-
(၁ဝဝ)
-
#မြ၀တီနေ့စဉ်သတင်းစာ

နတ်မောက်မြို့နယ်၊ သစ်ရာကိုင်း ကျေးရွာရှိ ဒေသခံပြည်သူများအား ကျန်းမာရေး စောင့်ရှောက်မှု လုပ်ငန်းများ ဆောင်ရွက်

နတ်မောက်မြို့နယ်၊ သစ်ရာကိုင်း ကျေးရွာရှိ ဒေသခံပြည်သူများအား ကျန်းမာရေး စောင့်ရှောက်မှု လုပ်ငန်းများ ဆောင်ရွက်
-
နေပြည်တော်  ဇန်နဝါရီ  ၁၇ 
-
မကွေးတိုင်းဒေသကြီး၊ နတ်မောက်မြို့နယ်၊ သစ်ရာကိုင်းကျေးရွာရှိ ဒေသခံပြည်သူများအား ဇန်နဝါရီ ၁၆ ရက်တွင် အလယ်ပိုင်း တိုင်းစစ်ဌာနချုပ်၊ နယ်လှည့်ဆေးကုသရေး အဖွဲ့က ကျေးရွာအုပ်ချုပ်ရေးမှူး နေအိမ်၌ ကျန်းမာရေး စောင့်ရှောက်မှု လုပ်ငန်းများ ဆောင်ရွက်ပေးသည်။ ထိုသို့ဆောင်ရွက်ပေးရာတွင် ဆေးကုသရေး အဖွဲ့က ဒေသခံပြည်သူ ၁၅၆ ဦးတို့ကို အရိုး/အကြောရောဂါ၊ သွားနှင့်ခံတွင်းရောဂါ၊အထွေထွေရောဂါတို့နှင့် ပတ်သက်၍ လိုအပ်သည့် ဆေးဝါးကုသပေးခြင်းများ ဆောင်ရွက်ပေး ခဲ့ကြောင်း သတင်းရရှိသည်။   
-
(၁ဝဝ)
-
#မြ၀တီနေ့စဉ်သတင်းစာ

(၇၂)နှစ်မြောက် ပြည်ထောင်စုနေ့ကို ကြိုဆိုဂုဏ်ပြုသော အားဖြင့် အင်းဝဘဏ် လီမိတက်၊ ကျောက်ပန်းတောင်း ဘဏ်ခွဲဖွင့်လှစ်

(၇၂)နှစ်မြောက် ပြည်ထောင်စုနေ့ကို ကြိုဆိုဂုဏ်ပြုသော အားဖြင့် အင်းဝဘဏ် လီမိတက်၊ ကျောက်ပန်းတောင်း ဘဏ်ခွဲဖွင့်လှစ်
-
နေပြည်တော် ဇန်နဝါရီ  ၁၇ 
-
(၇၂)နှစ်မြောက် ပြည်ထောင်စုနေ့ကို ကြိုဆိုဂုဏ်ပြုသောအားဖြင့် အင်းဝဘဏ် လီမိတက်၏ ၅၇ ခုမြောက် ဘဏ်ခွဲဖြစ်သော အင်းဝဘဏ်လီမိတက် ကျောက်ပန်းတောင်း ဘဏ်ခွဲဖွင့်ပွဲကို ယနေ့နံနက်ပိုင်းတွင် မန္တလေး တိုင်းဒေသကြီး၊ ကျောက်ပန်းတောင်းမြို့၊ ဈေးကွက်သစ်ရပ်ကွက်၊ အမှတ်(၄၄၃)ရှိ အဆိုပါ ဘဏ်ခွဲ၌ ပြုလုပ်သည်။ ဦးစွာအလယ်ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ်ကျော်စွာလင်းနှင့် အဖွဲ့ဝင်များ၊ ရပ်မိရပ်ဖများ၊ စီးပွားရေး လုပ်ငန်းရှင်များ တက်ရောက်ကြပြီး တာဝန်ရှိသူများက ကျောက်ပန်းတောင်းဘဏ်ခွဲကို ဖဲကြိုးဖြတ် ဖွင့်လှစ်ပေးသည်။ 
-
ထို့နောက် တိုင်းမှူးက ဘဏ်ခွဲဆိုင်းဘုတ်ကို စက်ခလုတ်နှိပ်၍ ဖွင့်လှစ်ပေးပြီး တက်ရောက်လာကြသူများနှင့် အတူဘဏ်အတွင်းသို့ လှည့်လည်ကြည့်ရှုကြသည်။ ယနေ့ဖွင့်လှစ်လိုက်သောအင်းဝဘဏ် လီမိတက်၊ ကျောက်ပန်းတောင်းဘဏ်ခွဲသည်အပ်ငွေများလက်ခံခြင်း၊ ငွေစုဘဏ်လုပ်ငန်းများ ဆောင်ရွက်ပေးခြင်း၊ စီးပွားရေးလုပ်ငန်းများ ဖွံ့ဖြိုးတိုးတက်စေရန် ချေးငွေများထုတ်ချေးပေးခြင်း၊ ငွေပေးအမိန့်လွှာ (Payment Order)များ ထုတ်ပေးခြင်း၊ ဘဏ်အာမခံ (Bank Guarantee)အမျိုးမျိုး ထုတ်ပေးခြင်း၊ Debit Card များထုတ်ပေးခြင်း စသည့် ဘဏ်ဝန်ဆောင်မှု လုပ်ငန်းများကို ဝန်ဆောင်မှု ပေးသွားမည်ဖြစ်သည်။ 
-
အင်းဝဘဏ်လီမိတက် အနေဖြင့် မြန်မာနိုင်ငံ အဝှမ်းရှိပြည်သူများအကြား ငွေကြေးဆိုင်ရာ ဝန်ဆောင်မှု လုပ်ငန်းများ အဆင်ပြေလွယ်ကူ ချောမောစွာ လည်ပတ်နိုင်ရေး ဝန်ဆောင်မှုပေးလျက် ရှိကြောင်း၊ ပြည်တွင်းငွေလွှဲ ဝန်ဆောင်မှုလုပ်ငန်းများအပြင် ငွေစုဘဏ်အပ်ငွေအပေါ် အတိုးနှုန်း ၉ ရာခိုင်နှုန်းနှင့် စာရင်းသေအပ်ငွေအပေါ် ငွေစုဆောင်းသူများ၏ သဘောဆန္ဒအလျောက် စုဆောင်းသည့် အချိန်ကာလအပိုင်းအခြား အပေါ်မူတည်၍ ၁ဝ ရာခိုင်နှုန်းအထိ အတိုးနှုန်းများ ပေးအပ်လျက်ရှိပြီး စီးပွားရေး လုပ်ငန်း မတည်ရင်းနှီး လုပ်ကိုင်လိုသူများအတွက် ချေးငွေများ ထုတ်ချေးပေးလျက်ရှိကြောင်း သတင်းရရှိသည်။                               
-
(၁ဝဝ)
-
#မြ၀တီနေ့စဉ်သတင်းစာ

လာအိုနိုင်ငံ၏ နှစ်(၇ဝ)ပြည့် တပ်မတော်နေ့ အထိမ်းအမှတ် ဧည့်ခံပွဲ အခမ်းအနား ကျင်းပ

လာအိုနိုင်ငံ၏ နှစ်(၇ဝ)ပြည့် တပ်မတော်နေ့ အထိမ်းအမှတ် ဧည့်ခံပွဲ အခမ်းအနား ကျင်းပ
-
ရန်ကုန်  ဇန်နဝါရီ  ၁၇ 
-
လာအိုနိုင်ငံ၏ နှစ်(၇ဝ)ပြည့် တပ်မတော် နေ့အထိမ်းအမှတ် ဧည့်ခံပွဲ အခမ်းအနားကို  ယနေ့ညနေပိုင်းတွင် ရန်ကုန်မြို့၊ Chatrium Hotel  ၌ ကျင်းပပြုလုပ်ရာ ညှိနှိုင်းကွပ်ကဲရေး မှူး(ကြည်း၊ ရေ၊ လေ) ဗိုလ်ချုပ်ကြီးမြထွန်းဦး၊ ကာကွယ်ရေး ဦးစီးချုပ်ရုံး(ကြည်း)မှ ဒုတိယ ဗိုလ်ချုပ်ကြီးမျိုးဇော်သိန်း၊ ရန်ကုန်တိုင်း စစ်ဌာနချုပ် တိုင်းမှူး ဗိုလ်ချုပ်သက်ပုံနှင့် တပ်မတော် အရာရှိကြီးများ၊ ရန်ကုန်မြို့ရှိ  မြန်မာနိုင်ငံဆိုင်ရာ နိုင်ငံခြားသံရုံးများမှ သံအမတ်ကြီးများ၊ သံရုံးယာယီတာဝန်ခံများ၊ စစ်သံမှူးများ၊ ကုလသမဂ္ဂဆိုင်ရာ ဌာနေ ကိုယ်စားလှယ်များနှင့်  ဖိတ်ကြားထားသူများ တက်ရောက်ကြသည်။ 
-
ဦးစွာ ဧည့်ခံပွဲအခမ်းအနားသို့ တက်ရောက်လာသည့် ဗိုလ်ချုပ်ကြီးမြထွန်းဦးနှင့် တပ်မတော်အရာရှိကြီးများ၊ဧည့်သည်တော်များအား မြန်မာနိုင်ငံဆိုင်ရာ လာအိုနိုင်ငံ သံအမတ်ကြီး H.E. Mr. yying SAYAXANG ၊  စစ်သံမှူး Colonel. Baunmyvieng Viengnhoutthasat နှင့်တာဝန်ရှိသူတို့က ကြိုဆို နှုတ်ဆက်ကြသည်။ 
-
ထို့နောက် အခမ်းအနားကို ပြည်ထောင်စုသမ္မတမြန်မာနိုင်ငံတော် သီချင်းနှင့် လာအို နိုင်ငံသီချင်းတို့ဖြင့် ဂုဏ်ပြုဖွင့်လှစ်ကာ နှစ်နိုင်ငံ အလံအား အလေးပြုကြပြီး  အထိမ်းအမှတ်ကိတ်ကို လှီးဖြတ်ကြသည်။ 
-
ဆက်လက်၍ ဗိုလ်ချုပ်ကြီးမြထွန်းဦး၊ သံအမတ်ကြီးနှင့် စစ်သံမှူးတို့သည် အခမ်းအနား တက်ရောက်လာသူများနှင့်အတူ စုပေါင်း မှတ်တမ်းတင်ဓာတ်ပုံရိုက်ကြပြီး  လာအိုနိုင်ငံ၏ နှစ်(၇ဝ)ပြည့် တပ်မတော်နေ့ အထိမ်းအမှတ် ဂုဏ်ပြုညစာ စားပွဲဖြင့် တည်ခင်း ဧည့်ခံခဲ့ကြောင်း သတင်းရရှိသည်။                     
-
(၁ဝဝ)
-
#မြ၀တီနေ့စဉ်သတင်းစာ

မြိတ်မြို့နယ်၊ ကျွဲကူးကျေးရွာ အခြေခံပညာ အထက်တန်းကျောင်း(ကျွဲကူး)၌ ကျန်းမာရေးစောင့်ရှောက်မှု လုပ်ငန်း များနှင့် ကျန်းမာရေးအသိပညာပေး ဟောပြောခြင်းများ ပြုလုပ်ဆောင်ရွက်

မြိတ်မြို့နယ်၊ ကျွဲကူးကျေးရွာ အခြေခံပညာ အထက်တန်းကျောင်း(ကျွဲကူး)၌ ကျန်းမာရေးစောင့်ရှောက်မှု လုပ်ငန်း များနှင့်  ကျန်းမာရေးအသိပညာပေး ဟောပြောခြင်းများ ပြုလုပ်ဆောင်ရွက်
-
နေပြည်တော်  ဇန်နဝါရီ ၁၇ 
-
တနင်္သာရီတိုင်းဒေသကြီး၊ မြိတ်မြို့နယ်၊ကျွဲကူးကျေးရွာအခြေခံပညာအထက်တန်းကျောင်း(ကျွဲကူး)မှ ဆရာ၊ ဆရာမများနှင့် ကျောင်းသား၊ကျောင်းသူများအား ယနေ့နံနက်ပိုင်းတွင် ကမ်းရိုးတန်းဒေသတိုင်းစစ်ဌာနချုပ်၊  နယ်လှည့် ဆေးကုသရေးအဖွဲ့က အဆိုပါကျောင်းရှိ ပုလဲရွှေရည်ခန်းမ၌ ကျန်းမာရေး စောင့်ရှောက်မှု လုပ်ငန်း များနှင့် ကျန်းမာရေး အသိပညာပေး ဟောပြောခြင်းများ ဆောင်ရွက်ပေးသည်။ 
-
ဦးစွာ ဆေးကုသရေးအဖွဲ့က ကျောင်းသား၊ ကျောင်းသူများအား တစ်ကိုယ်ရေသန့်ရှင်းရေးအကြောင်း၊ ဆေးလိပ်နှင့် ကျန်းမာရေး၊ မူးယစ် ဆေးဝါး၏ဆိုးကျိုးများနှင့်ပတ်သက်၍ ကျန်းမာရေးအသိပညာပေး ဟောပြော ဆွေးနွေးခြင်းများ  ဆောင်ရွက်ပေးသည်။ 
-
ထို့နောက် ဆေးကုသရေး အဖွဲ့က  ကျောင်းသား၊ ကျောင်းသူ စုစုပေါင်း ၁၈၈၃ ဦးတို့ကို အရပ်တိုင်းခြင်း၊  ပေါင်ချိန် ခြင်းနှင့်  တစ်ကိုယ်ရေသန့်ရှင်းရေး စစ်ဆေးခြင်းတို့ ဆောင်ရွက်ပေးပြီး ဆရာ၊ ဆရာမ ၆၈ ဦးနှင့်  ကျောင်းသား၊ ကျောင်းသူများအား သွားနှင့်ခံတွင်း ရောဂါ၊ အထွေထွေရောဂါတို့နှင့်ပတ်သက်၍ လိုအပ်သည ဆေးဝါးကုသမှုများ ဆောင်ရွက် ပေးခဲ့ကြောင်း သတင်းရရှိသည်။
-
#မြ၀တီနေ့စဉ်သတင်းစာ

တပ်မတော်(ကြည်း၊ ရေ၊ လေ) အားကစား ပြိုင်ပွဲများ ဆက်လက်ကျင်းပ

တပ်မတော်(ကြည်း၊ ရေ၊ လေ) အားကစား ပြိုင်ပွဲများ ဆက်လက်ကျင်းပ
-
နေပြည်တော် ဇန်နဝါရီ  ၁၇ 
-
၂ဝ၁၉ ခုနှစ်၊ တပ်မတော်(ကြည်း၊ ရေ၊ လေ) အားကစားပြိုင်ပွဲများကို ဆက်လက်ကျင်းပပြုလုပ်ရာ တပ်မတော် ကာကွယ်ရေး ဦးစီးချုပ်ဖလား (ခ)အဆင့် ဘောလုံးပြိုင်ပွဲ ပထမအကြို ဗိုလ်လုပွဲတွင် အနောက်တောင်တိုင်း စစ်ဌာနချုပ် ကိုယ်စားပြု(ခ) အသင်းနှင့် အနောက်မြောက်တိုင်းစစ်ဌာနချုပ် ကိုယ်စားပြု (ခ)အသင်းတို့သည်  ယနေ့ ညနေပိုင်းတွင် ဇေယျာသီရိ တပ်မတော် အားကစားကွင်း၌ ဆက်လက်ယှဉ်ပြိုင်ကြသည်။ 
-
ပြိုင်ပွဲတွင် အနောက်မြောက်တိုင်းစစ်ဌာနချုပ် ကိုယ်စားပြု(ခ)အသင်းက အနောက်တောင်တိုင်းစစ်ဌာနချုပ် ကိုယ်စားပြု (ခ) အသင်းကို ၂ ဂိုး ဂိုးမရှိဖြင့် အနိုင်ရရှိခဲ့ပြီး ဗိုလ်လုပွဲသို့ တက်ရောက်ခဲ့သည်။
-
အလားတူ တပ်မတော်(ကြည်း၊ ရေ၊ လေ)အားကစားပြိုင်ပွဲများဖြစ်သည့် လက်ဝှေ့ပြိုင်ပွဲ ကို နေပြည်တော်ရှိ စစ်ကြောရေးနှင့် တည်းခို ရေးစခန်း၊ ဆင်ဖြူရှင်ခန်းမ၌ လည်းကောင်း၊အမျိုးသား/အမျိုးသမီး  ပြေးခုန်ပစ်ပြိုင်ပွဲကို ဇေယျာသီရိ တပ်မတော် အားကစားကွင်း၌ လည်းကောင်း၊ အမျိုးသား/အမျိုးသမီး ဘော်လီဘောပြိုင်ပွဲကို ဇေယျာသီရိ အားကစားရုံ (B) ၌လည်းကောင်း၊ အမျိုးသား/အမျိုးသမီးဂျူဒိုပြိုင်ပွဲကို ဇေယျာသီရိအားကစားရုံ(A)၌လည်းကောင်း၊ မြန်မာ့သိုင်းပြိုင်ပွဲကို ဇေယျာသီရိအားကစားရုံ (C)၌လည်းကောင်း၊ ပိုက်ကျော်ခြင်းပြိုင်ပွဲနှင့် ဝူရှူး ပြိုင်ပွဲ တို့ကို ကာကွယ် ရေးဦးစီးချုပ်ရုံး(ကြည်း) ဝင်းအတွင်းရှိ အားကစားရုံများ၌ လည်းကောင်း အသီးသီး ကျင်းပ ပြုလုပ်ကြသည်။
-
အဆိုပါ အားကစားပြိုင်ပွဲများသို့ ကာကွယ် ရေးဦးစီးချုပ်ရုံး(ကြည်း)မှ တပ်မတော် လေ့ကျင့်ရေး အရာရှိချုပ်  ဒုတိယ ဗိုလ်ချုပ်ကြီး မောင်မောင်အေးနှင့် တပ်မတော် အရာရှိကြီးများ၊ အရာရှိ၊ စစ်သည်၊ မိသားစုများ၊ ဒိုင်အဖွဲ့ဝင် များ၊ ပြိုင်ပွဲဝင် အားကစားသမားများနှင့် အားကစား ဝါသနာရှင်များ တက်ရောက်ကြည့်ရှု အားပေးခဲ့ကြကြောင်း သတင်းရရှိသည်။
-
#မြ၀တီနေ့စဉ်သတင်းစာ

သွေးချင်းတို့ ဌာနေ ခေါင်လန်ဖူး အခြေတွေ ထူးလေပြီမို့

သွေးချင်းတို့ ဌာနေ ခေါင်လန်ဖူး အခြေတွေ ထူးလေပြီမို့ …..
-
နှင်းတောင်ကိုကျော် တိမ်ပင်လယ်ကိုဖြတ်ရင်း နယ်စပ်မှတ်တိုင် အမှတ်(၄၃၊ ၄၄၊ ၄၆၊ ၄၇)တို့ကို ၂ဝ၁၇ ခုနှစ် စက်တင် ဘာတွင် သွားရောက်စစ်ဆေးစဉ်က နယ်မြေခံတပ်မှ ရဝမ်စစ်သည်များနှင့် ခေါင်လန်ဖူးပြည်သူ့စစ် (ဌာနေ)အဖွဲ့ဝင်တို့ အကူအညီဖြင့် ပင်လယ် ရေမျက်နှာပြင်အထက် ပေ ၁၂ဝဝဝ ကျော်မှ ၁၆ဝဝဝ ကျော်အထိ မြင့်သော  တောင်စဉ်တောင်တန်းတို့ကို ဖြတ်သန်းခဲ့ကြရသည်။ သွားရောက်စစ်ဆေးကြသော  နယ်စပ်မှတ်တိုင် များသည်  အိန္ဒိယ- မြန်မာနယ်စပ် မှတ်တိုင်များဖြစ်ပြီး နယ်စပ်မှတ်တိုင်အမှတ် (၄၃)သို့ ရောက်အောင် စက်တင် ဘာ ၁၅ ရက်မှ အောက်တိုဘာ ၈ ရက်အထိ ၂၄ ရက်ကြာကာလအတွင်း တစ်တောင်တက်ဆင်း ခရီးပြင်းနှင်ကြရသည့် အကွာအဝေးမှာ ၂ဝ၁ မိုင် ၅ ဖာလုံရှိပါသည်။ 
-
ယခု ၂ဝ၁၉ ခုနှစ် နှစ်ဦးပိုင်းတွင် မေခနှင့်မလိခတို့ပေါင်းဆုံပြီး စီးဆင်းလာသော မြစ်ကြီးဧရာဝတီမြောက်ဖျားဆီသို့ တစ်ခေါက် တစ်ခါ ရောက်လာရပြန်ပါပြီ။ မေခမြစ်သည် ကချင်ပြည်နယ် ပူတာအိုခရိုင် ပန်နန်းဒင်မြို့နယ်(ခွဲ)၏ အနောက် မြောက်ဘက် ဒဇုန်ဒန်းမှ စတင်၍ ဂပိုင်-ပန်နန်းဒင်-ခေါ်ဘူဒဲ-ရှားဒန်-ခေါင်လန်ဖူးတို့ကို မြောက်ဘက်မှ တောင်ဘက်သို့အစဉ်အတိုင်းဖြတ်ကျော်ပြီး မြစ်ကြီးနားခရိုင် အတွင်းမှ ဆော့လော်- ချီဖွေတို့မှ တစ်ဆင့် အင်ဂျန်းယန် ရောက်သော် အနောက်ဘက်သို့ ကွေ့သွားရာ မြစ်ကြီးနားမြို့ မြောက်ဘက်တွင် မလိခနှင့်ပေါင်းဆုံ ကြ သည်။  မလိခမြစ်သည်  ပူတာအိုခရိုင် မချမ်းဘော့မြို့နယ်အတွင်းမှ စတင်စီးဆင်းပြီး ဆွမ်ပရာဘွမ် မြို့နယ်မှ တောင်ဘက်သို့ ရောက်သော် မြစ်ကြီးနားမြို့မြောက်ဘက်တွင် မေခနှင့် ပေါင်းဆုံကြသောအခါ မြစ်နှစ်မြွှာတို့ ဒေါသ အဟုန် ပျောက် ကွယ်သွားကြသည်။ 
-
မြစ်ကြီးနားမြို့နယ်အတွင်း တန်ဖရဲရွာ အနီး၌  မေခနှင့်မလိခတို့ပေါင်းဆုံကြပြီး  မြစ်ကြီးဧရာဝတီအဖြစ်  ညင်သာ သော ရေစီးကြောင်းက မြန်မာနိုင်ငံတောင်ဘက်ပိုင်းသို့ ဆက်လက်စီးဆင်းသွားရာ ကပ္ပလီပင်လယ် ပြင်အထိဖြစ်ပါ သည်။ မြန်မာနိုင်ငံအလယ် ပိုင်းတွင် ပဲခူးရိုးမကြီးက ပဲခူးတိုင်းဒေသကြီးကို အရှေ့ခြမ်းနှင့်အနောက်ခြမ်း ခြားထားသလို ကချင်ပြည်နယ်အတွင်းမှ ရှန်ငေါ တောင်တန်းကြီးကလည်း ကချင်ပြည်နယ်အရှေ့ပိုင်းနှင့် အနောက်ပိုင်းကို ခြားထား သလိုတွေ့ရပါသည်။ မေခမြစ်သည် ရှန်ငေါ တောင်တန်း၏အရှေ့ဘက်မှ စီးဆင်းလာပြီး  မလိခမြစ်သည် ရှန်ငေါ တောင်တန်းကြီး၏ အနောက်ဘက်မှ စီးဆင်းလာသော်လည်း တန်ဖရဲရွာအနီး၌ ပေါင်းဆုံကြသည်မှာ မြစ်နှစ်မြွှာတို့၏ ခိုင်မြဲသောသစ္စာ၊ မေတ္တာနှင့်သံယောဇဉ်တို့ကို ဖော်ပြထားသည်ဟုရှုမြင်ရသည်။
-
-
ကချင်ပြည်နယ် ပူတာအိုခရိုင် ခေါင်လန်ဖူးမြို့နယ်သည် မေခမြစ်အရှေ့ဘက်ကမ်းမှ စိမ်းလန်းသောဒေသ၌ တည်ရှိပြီး အမြင်နီး သော်လည်း ခရီးကွာလှမ်းသည့် တောင်တန်းများကို တစ်ကုန်းတက်တစ်တောင်ကျော်၊  တစ်တောဝင်၊ တစ်တောထွက်  ခရီးရှည် ချီတက်သွားလာကြရသည်။ မြစ်ကြီးနားမှ ဧရာဝတီမြစ်ကူး  ဗလမင်းထင် တံတားကိုကျော်၍ ဝိုင်းမော်နှင့်ဆော့လော်အထိ ၁၂၁မိုင်ကို မော်တော်ကားလမ်းဖြင့် အဆင်ပြေ ချောမွေ့စွာ သွားလာ နိုင်သော်လည်း ခေါင်လန် ဖူးရောက်သည်အထိ ၂၈၅ မိုင်ခရီးမှာ ခက်ခဲကြမ်းတမ်းလှသည်။  ရေကြောင်းခရီးဖြင့် မေခမြစ်ကို ဆန်တက်ရသောခရီးမှာလည်း ဒေါသတကြီးစီးဆင်းလာသည့် ရေစီးကြောင်း အတိုင်း  ခက်ခက်ခဲခဲသွားလာကြရသည်။
-
-
မြစ်ရေစီးကြောင်းအတွင်းရှိသော ကျောက်ဆောင်ကျောက်တုံးကြီးများနှင့် တစ်ဟုန်ထိုး စီးဆင်းလာသော မေခမြစ်ရေတို့ ဆုံတွေ့ ကြသည့်နေရာများ၌ ဘေးနှစ်ဖက်နှင့်အပေါ်သို့ ပျံ့လွင့်လာသော ရေမှုန်ရေမွှားတို့ကို မြင်ရသည်မှာ သဘာဝက ဖန်တီးထားသည့် ပန်းပွင့်ပန်းခိုင်ပမာလှပသလောက် ခရီးသွားများအတွက်  အန္တရာယ် များသဖြင့်  ကြည်နူးခြင်းတစ်ဝက်၊ စိုးရွံ့ခြင်းတစ်ဝက်ဖြင့် ခက်ခက်ခဲခဲ ကွေ့ပတ်ရှောင်ကွင်းသွားကြရ သည်။ လမ်းခရီးဆက်သွယ်ရေးခက်ခဲသည် နှင့်အမျှ ဒေသခံပြည်သူတို့၏ လူမှုစီးပွားဘဝနောက်ကျနေကြရ သည်မှာ  သဘာဝ ဖြစ်သည်။
-

-
မြန်မာနိုင်ငံပြုပြင်ပြောင်းလဲရေးလုပ်ငန်း စဉ်များကို ၂ဝ၁၁ ခုနှစ်မှစ၍ အရှိန်အဟုန်တိုးမြှင့်ဆောင်ရွက်ခဲ့ရာ ယနေ့ အချိန်တွင်  ပြည်သူများဆင်းရဲမှုလျော့နည်းပပျောက်ရေးကို ဦးစားပေးဆောင်ရွက်မှုအစီအစဉ်များမှ  လမ်းခရီး ဆက်သွယ်ရေး လုံခြုံချောမွေ့စေရန်  ၆၅ မိုင် ၄ ဖာလုံရှည်လျားသော မဂွေဇ- ခေါင်လန်ဖူးမော်တော်ကားလမ်းကို ၂ဝ၁၇- ၂ဝ၁၈ ဘဏ္ဍာနှစ်မှစ၍ နယ်စပ်ရေးရာ ဝန်ကြီးဌာနက လေးနှစ်စီမံကိန်းဖြင့်ဆောင်ရွက်နေကြောင်း တွေ့ရသည်။ မော်တော် ကားလမ်းဖောက်လုပ်ရန် လမ်းအူကြောင်းရှာဖွေကြရာတွင် နယ်စပ်ရေးရာဝန်ကြီးဌာနမှ  အင်ဂျင်နီယာ ပညာရှင်များ၊ စစ်အင်ဂျင်နီယာ ညွှန်ကြားရေးမှူးရုံးမှ တပ်မတော်သား အင်ဂျင်နီယာပညာရှင်များ၊ ဌာနေပြည်သူ့ စစ်များနှင့် ဒေသခံပြည်သူတို့ပူးပေါင်းပါဝင်သောအဖွဲ့က ရှာဖွေခဲ့ကြသည်။ လမ်းအူကြောင်း ရှာဖွေရေး အဖွဲ့ဝင်များသည် မြင့်မားမတ်စောက်သော တောင်တန်းတောင်စွယ်အသွယ်သွယ်တို့ကို  ဖြတ်ကျော်ကွင်းဆင်း ရှာဖွေတွေ့ရှိကြပြီးနောက် ၂ဝ၁၆ ခုနှစ် နိုဝင်ဘာတွင် အကြိုအင်ဂျင်နီယာ လုပ်ငန်းများကို စတင်ဆောင် ရွက်ကြရာ၌ လုပ်ငန်းသုံးယာဉ်၊ ယန္တရားနှင့်  စက်သုံးဆီ၊ လမ်းနှင့် ဆက်စပ်ပစ္စည်းများကို မြစ်ကြီးနား-ပူတာအို ကားလမ်းမှ ပို့ဆောင် ပေးကြသည်။ ရိက္ခာများကိုလူအင်အားဖြင့် အဆင့်ဆင့်ပို့ဆောင် စုဆောင်းကြရသည်။
-

-
လမ်းဖောက်လုပ်ရေးလုပ်ငန်းကို အပိုင်းသုံး ပိုင်းဖြင့်ဆောင်ရွက်မည်ဖြစ်သဖြင့် အပိုင်းလိုက်အခြေပြု စခန်းများသို့ အင်ဂျင်နီယာ ပညာရှင်များနှင့်ရိက္ခာများကို တပ်မတော်ရဟတ်ယာဉ်များဖြင့် ပို့ဆောင်ပေးခဲ့ကြပါသည်။ လမ်းခရီးအစအဆုံးပမာဏ ၆၅ မိုင် ၄ ဖာလုံရှည်လျားသော မဂွေဇ-ခေါင်လန်ဖူး မော်တော်ကားလမ်း အကောင် အထည်ဖော် မည့်အစီအစဉ်မှာ အပိုင်း(၁)သည် မဂွေဇမှ ငါ့လုံဒမ်းအထိ ၂၄ မိုင် ၅ ဖာလုံ၊ အပိုင်း(၂)သည် ငါ့လုံဒမ်း- ရီဒမ်းအထိ ၁၈ မိုင် ၄ ဖာလုံ၊  အပိုင်း(၃)သည် ရီဒမ်း-ခေါင်လန်ဖူးအထိ ၂၁ မိုင် ၄ ဖာလုံတို့ဖြစ်သည်။ လမ်းခရီး ဖောက်လုပ်သည့်လုပ်ငန်း အကောင်အထည်ဖော်ရာတွင် နိုင်ငံတော်အစိုးရကခွင့်ပြုသော ဘဏ္ဍာရေးနှစ်အလိုက် နယ်စပ်ရေးရာ ဝန်ကြီးဌာန၊  ဒေသခံပြည်သူများနှင့် တပ်မတော်တို့ ပူးပေါင်းဆောင်ရွက်နေကြောင်း တွေ့ရသည်။
-

-
ဆောင်ရွက်ကြမည့် လုပ်ငန်းများမှာမဂွေဇ-ငါ့လုံဒမ်းလမ်းပိုင်းသည် ပင်လယ်ရေမျက်နှာပြင်အထက် ပေ ၄ဝဝဝ ကျော်မြင့် သော တောင်တန်းများမှ သင်ပုန်းကျောက် တောင်များ၏ ဆင်ခြေလျှောတောင်ခါးပန်းအတိုင်း ဖြောင့် တစ်ခါ ကွေ့တစ်လှည့်လမ်းကြောင်း ဖော်ကြရာတွင် တစ်တောင်ကျော် တစ်တောင်ကူး လမ်းအကွေ့၌  သဘာဝ စမ်းရေစီးဆင်းသော  ချောင်းငယ်များနှင့် ရေတံခွန်ငယ်များ တည်ရှိခြင်းကြောင့် ကွန်ကရစ်ရေစီးမြောင်းနှင့် ရေလွှဲမြောင်းများ တည်ဆောက်ပေးရမည်ဖြစ်သည်။ ငါ့လုံဒမ်း-ရီဒမ်းလမ်းပိုင်းသည်  ပင်လယ်ရေ မျက်နှာပြင်အ ထက် ပေ ၅ဝဝဝ မှ ၇၈ဝဝ  အကြား မြင့်သောတောင်တန်းများမှ ဆန်းလွတ်ချက်စကျင်ကျောက်တောင်  တည်ရှိ သောလမ်းပိုင်းကို တည်ဆောက်မည်ဖြစ်သည်။ 
-

-
ရီဒမ်းမှခေါင်လန်ဖူးလမ်းပိုင်းသည် ပင်လယ်ရေမျက်နှာပြင်အထိ ပေ ၅ဝဝဝ ကျော်ခန့်မြင့်သော  သင်ပုန်းကျောက် တောင်များနှင့် စကျင်ကျောက်တောင်စွယ်တောင်ငုတ်များနှင့် လျှိုမြောင်ငယ်များကို ဖြတ်ကျော်ဖောက်လုပ် ရမည်ဖြစ် သည်။ နိုင်ငံတော်အစိုးရက ခွင့်ပြုပေးခဲ့သော  ဘဏ္ဍာရေးနှစ်အလိုက် ဆောင်ရွက်ပြီးစီးမှု များမှာ ၂ဝ၁၇-၂ဝ၁၈ဘဏ္ဍာနှစ်တွင် အကျယ် ၃၇ ပေရှိ မြေသားလမ်း ၂၅ မိုင် ၄ဖာလုံခင်းထားပြီး (၅x၅x၂၄)ပေအရွယ်ရှိသော ရေထုတ် ပြွန်  ၇၅ ခုကိုခွင့်ပြုငွေကျပ် သန်းပေါင်း ၃ဝဝဝ ဖြင့် အားလုံးပြီးစီးအောင်ဆောင်ရွက်နိုင်ခဲ့သည်။ ၂ဝ၁၈-၂ဝ၁၉  ဘဏ္ဍာ နှစ် တွင် အကျယ် ၁၂ ပေရှိ ကျောက်ခင်းလမ်း ၂၄ မိုင်ခင်းထားပြီး တံတား ၁၇စင်းနှင့် ကျောက်စီရေမြောင်း အရှည်ပေ  ၅၅ဝဝ၊ မြေသားလမ်း  ၂၂မိုင်ခင်းပြီး (၅x၅x၂၄)ပေအရွယ်ရှိ ရေထုတ်ပြွန် ၉၁ခုတို့ကို ခွင့်ပြုငွေ ကျပ်သန်းပေါင်း ၆၄၆၁  သန်းဖြင့်ဆောင်ရွက်ခဲ့ရာ လုပ်ငန်းပမာဏ၏  ၆ဝ ရာခိုင်နှုန်း ဆောင်ရွက်ပြီးစီးနေ ကြောင်း တွေ့ရပါသည်။
-

-
ယခု ၂ဝ၁၉ -၂ဝ၂ဝ  ဘဏ္ဍာနှစ်တွင်  မြေသားလမ်း ၁ဝ မိုင် ၁၂ ပေအကျယ်၊ ကျောက်ခင်းလမ်း ၁ဝ မိုင်ကို လျာထား ငွေကျပ်သန်းပေါင်း ၂ဝ၈၈ သန်းဖြင့် ဆောင်ရွက်နေကြပြီးလာမည့် ၂ဝ၂ဝ-၂ဝ၂၁ ဘဏ္ဍာနှစ်တွင် မြေသား လမ်း ၇ မိုင် ၁၂  ပေအကျယ်၊ကျောက်ခင်းလမ်း ၃၁ မိုင် ၄ ဖာလုံ၌ တံတား ၂၄ စင်း၊ (၅x၅x၂၄)ပေ  ရေထုတ်ပြွန်  ၇ဝ တို့အား လျာထားငွေကျပ် သန်းပေါင်း ၈၃ဝ၅ ဖြင့်  ဆက်လက် ဆောင်ရွက်သွားမည် ဖြစ် ကြောင်း သိရသည်။
-
ယနေ့အချိန်တွင် မဂွေဇမှ ဆန်းလွတ် ချက်တောင်ထိပ်အထိ ၃၃ မိုင် ၆ ဖာလုံခရီးကို ရာသီမရွေးသွားလာနိုင်သော လမ်း အဖြစ် ဇန်နဝါရီ ၈ ရက်က ဖွင့်လှစ်လိုက်ပြီဖြစ်သည်။ ရှေ့တွင်ဖော်ပြခဲ့သည့်အတိုင်း မြင့်မားသော ကျောက်ဆောင်များ၏ တောင်ကြောအတိုင်း  လမ်းကြောင်းဖောက်ရသည်မှာ မလွယ်ကူသလို လမ်းခင်းအကောင်အထည် ဖော်ကြရသူများမှာလည်း မသက်သာကြပါ။ လမ်းခင်းပြီး၍ လမ်းအသုံးပြုသူများ အတွက်လည်း အတက်၊ အဆင်း၊ အဖြောင့်၊ အကွေ့အကောက်တို့ကို တွေ့ကြရမည် ဖြစ် သဖြင့်  ယာဉ်မောင်းကျွမ်းကျင်မှုနှင့် သတိရှိကြဖို့ အထူးလိုအပ်ပါသည်။ သို့မှသာ အန္တရာယ်ကင်း၍ လိုရာခရီး ရောက်နိုင်ကြပါမည်။
-
ကချင်တိုင်းရင်းသားတို့၏ ရိုးရာစကားပုံ များမှ ညီညွတ်မှုဖြင့် စုပေါင်းဆောင်ရွက်ခြင်း၏ စွမ်းအားကို ဖော်ညွှန်း သော ''လူသုံး ယောက်ညီညွတ်က ပင်လယ်ရေကိုပက်လို့ရ''စကားပုံကို ဆွမ်ပရာဘွမ်သွေးချင်းတို့ ဌာနေ၌ တာဝန် ထမ်းဆောင်စဉ်က မိဘ ကဲ့သို့ရင်းနှီးသောအဝါးတို့၊ အနူးတို့ထံမှ နာယူမှတ်သားခဲ့ရဖူးသည်။ ထိုအချိန်က  စာရေးသူ အသက် ၂ဝ၊  မကော့၊ မလု၊ မထု တို့က သပြေတို့အရွယ် ကြာတော့ကြာခဲ့ပါပြီ။
-
ယခု မဂွေဇ-ခေါင်လန်ဖူးမော်တော်ကား လမ်းကို နိုင်ငံတော်အစိုးရ၊ ဒေသခံပြည်သူများနှင့် တပ်မတော်သားတို့၏ ညီညွတ်မှု စွမ်းအားဖြင့် တစ်တောဝင်ထွက်၊ တစ်တောင်တက်၊ တစ်တောင်ဆင်းခရီးလမ်းကို လွယ်ကူချော မွေ့ သော လမ်းဖောက် လုပ်နေကြရာ ဆန်းလွတ်ချက် တောင်ထိပ်အထိ ရောက်နေပြီဖြစ်သဖြင့် မျက်ဝါးထင်ထင် တွေ့မြင် ရသောဒေသခံပြည်သူတို့ စိတ်ချမ်းမြေ့မှုရရှိနေကြပါပြီ။ မဂွေဇ-ခေါင်လန်ဖူးခရီးလမ်းသည် ၆၅ မိုင် ၄ ဖာလုံ ရှည်လျား သဖြင့် ၃၃ မိုင် ၆ ဖာလုံရှည်လျားသော ဆန်းလွတ်ချက်တောင်ထိပ်အထိရာသီမရွေးသွားလာနိုင်ခြင်းသည် ခရီးတစ်ဝက်ကို အကောင်အထည်ဖော်ပြီးစီးခြင်းနှင့်ညီမျှပါသည်။လမ်းဖောက်လုပ်ခြင်း၏ ရည် ရွယ်ချက်သည် ခေါင်လန်ဖူးဒေသခံပြည်သူများဆင်းရဲမှုလျော့နည်း၍ လူမှုစီးပွားဘဝဖွံ့ဖြိုးတိုးတက် ရန်ဖြစ်သဖြင့်  ဆောင်ရွက်ဆဲ ဆောင်ရွက်မည့်လမ်းနှင့် တံတားလုပ်ငန်းများ သတ်မှတ်ချိန် အတွင်းပြီးစီးရေး၊ တည်ဆောက်ပြီး သောလမ်းနှင့် တံတားများ ရေရှည်ခိုင်ခံ့အောင် ထိန်းသိမ်းရေး၊ ပြည်သူများအန္တရာယ်ကင်း ရှင်းရေး တို့ကို အားလုံး ဝိုင်းဝန်း ထိန်းသိမ်း ကြရမည်ဖြစ်သည်။
-
ထို့ကြောင့် အဝါးနှင့်အနူးတို့အပါအဝင် ဧရာဝတီမြစ်ဖျားက သွေးချင်း မောင်နှမတွေ မဂွေဇ- ခေါင်လန်ဖူးဒေသ၌  ထူးခြားသော အခြေအနေများဖြင့် လူမှုစီးပွားဘဝဖွံ့ဖြိုးတိုးတက်မှုရကြပါစေကြောင်း ဆုတောင်း မေတ္တာပို့သ လိုက်ရ ပါသည်။ 
-
ဆောင်းပါးရှင်- ခိုင်ကျော်ညို 
-
#မြ၀တီနေ့စဉ်သတင်းစာ

နိုင်ငံ့ အကျိုးပြု စာပေရေးသား ထုတ်ဝေနိုင်ခဲ့သည့် လျှပ်စစ်နှင့် စွမ်းအင်ဝန်ကြီးဌာန၊ ဒုတိယ ဝန်ကြီး (အငြိမ်းစား) ဦးမော်သာထွေးအား တပ်မတော် ကာကွယ်ရေး ဦးစီးချုပ်၏ ဂုဏ်ပြုစာလွှာနှင့် ဂုဏ်ပြုဆုငွေ ပေးအပ်

နိုင်ငံ့ အကျိုးပြု စာပေရေးသား ထုတ်ဝေနိုင်ခဲ့သည့် လျှပ်စစ်နှင့် စွမ်းအင်ဝန်ကြီးဌာန၊  ဒုတိယ ဝန်ကြီး (အငြိမ်းစား) ဦးမော်သာထွေးအား တပ်မတော် ကာကွယ်ရေး ဦးစီးချုပ်၏ ဂုဏ်ပြုစာလွှာနှင့် ဂုဏ်ပြုဆုငွေ ပေးအပ်
-
နေပြည်တော်  ဇန်နဝါရီ  ၁၇ 
-
''စွမ်းအင်နှင့်လျှပ်စစ်ကို ကမ္ဘာကြည့် ကြည့်မယ်''စာအုပ်အား''မော်သာထွေး (မန္တလေး)''အမည်ဖြင့် ရေးသား ထုတ်ဝေခဲ့သော လျှပ်စစ်နှင့် စွမ်းအင်ဝန်ကြီး ဌာန၊ ဒုတိယဝန်ကြီး(အငြိမ်းစား) ဦးမော်သာထွေးအား တပ်မတော် ကာကွယ်ရေး ဦးစီးချုပ်  ဗိုလ်ချုပ်မှူးကြီးမင်းအောင်လှိုင်မှပေးပို့သည့်  ဂုဏ်ပြုစာလွှာနှင့် ဂုဏ်ပြုချီးမြှင့်ငွေ ၂၅ သိန်းကို တပ်မတော် ကာကွယ်ရေးဦးစီးချုပ်ကိုယ်စား နေပြည်တော်တိုင်းစစ်ဌာနချုပ် တိုင်းမှူး ဗိုလ်ချုပ်မြင့်မော်က  ယနေ့နံနက်ပိုင်းတွင် နေပြည်တော်ရှိ ပေါင်းလောင်းရိပ်သာ၌ ပေးအပ်ချီးမြှင့်သည်။ 
-
ဦးစွာ  တိုင်းမှူးက ဂုဏ်ပြုစာလွှာနှင့်ဂုဏ်ပြုချီးမြှင့်ငွေပေးအပ်ရသည့် ရည်ရွယ်ချက်အား ရှင်းလင်းပြောကြားပြီး ဂုဏ်ပြု စာလွှာနှင့် ဂုဏ်ပြုချီးမြှင့်ငွေ အားပေးအပ်ရာ ဦးမော်သာထွေးမှလက်ခံရယူသည်။ 
-
ထို့နောက် လျှပ်စစ်နှင့် စွမ်းအင်ဝန်ကြီးဌာန၊ ဒုတိယဝန်ကြီး(အငြိမ်းစား) ဦးမော်သာထွေးက စာအုပ်အား ခက်ခက်ခဲခဲဖြင့် အချိန်၊ ငွေကြေး အရင်း အနှီးများစွာဖြင့် စိတ်ရောကိုယ်ပါနှစ်၍ ရေးသားပြုစုခဲ့ရကြောင်းနှင့်  ထိုအခက်အခဲများကို  တပ်မတော်ကာကွယ်ရေးဦးစီးချုပ်က  စာနာနားလည်ပေးပြီး လိုအပ်သည့်အကူအညီများပေးသည့်အတွက် အထူးပင်ကျေးဇူးတင်ရှိပါကြောင်း ပြန်လည်ပြောကြားပြီး ''စွမ်းအင်နှင့် လျှပ်စစ်ကို ကမ္ဘာကြည့်  ကြည့်မယ်''စာအုပ်များ အား ပေးအပ်ရာ တိုင်းမှူးက လက်ခံရယူခဲ့သည်။ 
-
အဆိုပါစာအုပ်သည် မြန်မာ့စာပေလောကတွင် ရှားပါးသောသုတေသန စာတမ်းစာအုပ် ပုံစံဖြစ်ပြီး ပြည်ထောင်စု သမ္မတ မြန်မာနိုင်ငံတော်အတွက် အရေးကြီးသောစွမ်းအင် လိုအပ်ချက်များနှင့် ပတ်သက်၍ စွမ်းအင် အရင်းအမြစ် များ၏  သဘောသဘာဝနှင့် အားသာချက်၊ အားနည်းချက်များ၊ ကမ္ဘာ့နိုင်ငံများ၏ စွမ်းအင်အရင်းအမြစ် ပိုင်ဆိုင်မှု၊ ထုတ်လုပ်မှု၊ သုံးစွဲမှု၊ ပြည်ပတင်ပို့မှုများအပေါ် မြန်မာနိုင်ငံ၏ အခြေအနေနှင့် နှိုင်းယှဉ်မှုများ၊ လက်ရှိစီမံခန့်ခွဲလျက်ရှိသည့် နည်းစနစ်များကို ပြုပြင်ရန်ကိစ္စရပ်များ၊ ပြည်သူလူထုက တတ်နိုင်သည့် ဓာတ်အားခဈေးနှုန်း (Affordable Price) ဖြစ်လာစေရေး ဆောင်ရွက်ရန် နည်းလမ်းများ စသည့် အချက်အလက်များကို သမိုင်းကြောင်း အထောက်အထားများနှင့်တကွ ပြည့်စုံစွာ လေ့လာဆန်းစစ် ဖော်ထုတ်ထားကာ နိုင်ငံတော်မှ ဆောင်ရွက်သင့်သည်များကို သုံးသပ်ရေးသားဖော်ပြထားပြီး မြန်မာနိုင်ငံ ဖွံ့ဖြိုး တိုးတက်ရေးအတွက် တစ်တပ်တစ်အား အထောက်အကူပြု စာကောင်း ပေမွန်အဖြစ် ရေးသားထုတ်ဝေနိုင်သည့် အတွက် တပ်မတော် ကာကွယ်ရေးဦးစီးချုပ်မှ ယခုကဲ့သို့ ဂုဏ်ပြု စာလွှာနှင့် ဂုဏ်ပြုဆုငွေ ပေးအပ်ခဲ့ခြင်းဖြစ်ကြောင်း သတင်းရရှိသည်။
-
#မြ၀တီနေ့စဉ်သတင်းစာ

ရတနာပုံနေ့စဉ်သတင်းစာ (၁၈- ၁- ၂၀၁၉)


တနာပုံနေ့စဉ်သတင်းစာ (၁၈- ၁- ၂၀၁၉)
-
Download Links

Thursday, January 17, 2019

နယ်စပ်ဒေသ တိုင်းရင်းသားလေ့လာရေး အဖွဲ့ဝင်များ နေပြည်တော်ရှိ အထင်ကရနေရာများသို့ သွားရောက်လေ့လာ

နယ်စပ်ဒေသ တိုင်းရင်းသားလေ့လာရေး အဖွဲ့ဝင်များ နေပြည်တော်ရှိ အထင်ကရနေရာများသို့ သွားရောက်လေ့လာ
-
နေပြည်တော် ဇန်နဝါရီ ၁၆
-
နေပြည်တော်သို့ လေ့လာရေးခရီးရောက်ရှိနေသော နယ်စပ်ဒေသများမှလေ့လာရေးအဖွဲ့ဝင်များသည်ယနေ့နံနက်ပိုင်းတွင် နေပြည်တော်ရှိ အထင်ကရ နေရာများသို့ သွားရောက် လေ့လာကြသည်။
-
အဆိုပါ လေ့လာရေးအဖွဲ့သည် ကိုးကန့် ကိုယ်ပိုင်အုပ်ချုပ်ခွင့်ရဒေသ လောက်ကိုင်၊ချင်းရွှေဟော်၊ ကုန်းကြမ်းဒေသများမှ ကိုးကန့်တိုင်းရင်းသား၊ တိုင်းရင်းသူ ၃ဝ၊ ကယားပြည်နယ် ဟိုယာ၊ ဘီယာဒေသမှကယောတိုင်းရင်းသား၊ တိုင်းရင်းသူ ၃ဝ၊ ကရင်ပြည်နယ် သံတောင်ကြီး၊ ဖာပွန်ဒေသမှ ကရင်တိုင်းရင်းသား၊ တိုင်းရင်းသူ ၃ဝ၊ ရခိုင်ပြည်နယ် ရမ်းဗြဲ၊ မာန်အောင်၊ မြေပုံ၊ ကျွန်းသာယာဒေသမှရခိုင်တိုင်းရင်းသား၊ တိုင်းရင်းသူ ၃ဝ၊ ချင်းပြည်နယ် ဟားခါး၊ ဖလမ်းဒေသမှ ချင်းတိုင်းရင်းသား၊ တိုင်းရင်းသူ ၃ဝ စုစုပေါင်း ၁၅ဝ တို့သည် နယ်စပ်ဒေသနှင့် တိုင်းရင်းသား လူမျိုးများဖွံ့ဖြိုးတိုးတက်ရေးဦးစီးဌာနမှတာဝန်ရှိသူများ လိုက်ပါလျက် နေပြည်တော်ရှိ အထင်ကရနေရာများဖြစ်သော မဟာသကျရံသီဘုရားသို့ သွားရောက် ဖူးမြော်ကြည်ညိုကြပြီး အလှူငွေများ ထည့်ဝင်လှူဒါန်းခဲ့ကြသည်။
-
ထို့နောက် သူရဲကောင်းဗိမာန်နှင့် တပ်မတော်စစ်သမိုင်းပြတိုက်တို့သို့ သွားရောက် လေ့လာကြရာ တာဝန်ရှိသူများက လိုက်လံ ရှင်းလင်းပြသကြသည်။ နယ်စပ်ရေးရာဝန်ကြီးဌာနအနေဖြင့်ယခုကဲ့သို့နယ်စပ်ဒေသ အသီးသီးမှ တိုင်းရင်းသား၊ တိုင်းရင်းသူများအား ဖိတ်ခေါ်၍ လေ့လာရေး ခရီးစဉ်များ စီစဉ်ဆောင်ရွက်ပေးသည့် အဓိက ရည်ရွယ်ချက်မှာ တစ်အူထုံ့ဆင်းညီရင်းအစ်ကို၊ မောင်ရင်းနှမများပမာကောင်းမွန်မှန်ကန်သော ခံယူချက်ဖြင့် ပြည်ထောင်စုစိတ်ဓာတ်၊ တိုင်းရင်းသား စည်းလုံးညီညွတ်ရေး စိတ်ဓာတ်များ ရှင်သန်ခိုင်မာလာစေရန် နိုင်ငံတော်ဖွံ့ဖြိုးတိုးတက်မှုများကို မျက်ဝါး ထင်ထင်လေ့လာတွေ့ရှိပြီး လေ့လာရေး ခရီးစဉ်မှ ရရှိသည့် အတွေ့အကြုံကောင်းများကို မိမိတို့ နယ်စပ်ဒေသများ ဖွံ့ဖြိုးတိုးတက်ရေး တို့အတွက် ထိရောက်စွာ ပြန်လည် အသုံးချနိုင်ရန် ဟူသော ရည်ရွယ်ချက်ဖြင့် စီစဉ်ဆောင်ရွက်ပေးခြင်းဖြစ်ကြောင်း သိရသည်။
-
အောင်လှိုင်ဝင်း
-
#မြ၀တီနေ့စဉ်သတင်းစာ

လှိုင်သာယာ ကျန်စစ်မင်း တန်ဖိုးနည်းအိမ်ရာ ငွေအကျေပေးသွင်းနိုင်သူများကို ပထမဦးစားပေး အဖြစ် စတင်ရောင်းချ

လှိုင်သာယာ ကျန်စစ်မင်း တန်ဖိုးနည်းအိမ်ရာ ငွေအကျေပေးသွင်းနိုင်သူများကို ပထမဦးစားပေး အဖြစ် စတင်ရောင်းချ
-
ရန်ကုန် ဇန်နဝါရီ ၁၆ 
-
လှိုင်သာယာမြို့နယ်၌ တည်ဆောက်ထားသည့် ကျန်စစ်မင်း တန်ဖိုးနည်း၊ တန်ဖိုးသင့်အိမ်ရာများကို ငွေအကျေ ပေးသွင်းနိုင်သူများအား ဇန်နဝါရီ ၁၄ ရက်က ပထမဦးစားပေးအဖြစ် စတင် ရောင်းချပေးခဲ့ကြောင်း မြို့ပြနှင့်အိမ်ရာ ဖွံ့ဖြိုးရေးဦးစီးဌာန တာဝန်ရှိသူ တစ်ဦးထံမှ သိရသည်။ 
-
လက်ရှိတွင် ယင်းတိုက်ခန်းများကို ငွေလက်ငင်း အကျေပေးသွင်းနိုင်သူများအား ပထမဦးစားပေး၊ ပထမအရစ် တိုက်ခန်းတန်ဖိုး တစ်ဝက်တိတိ ပေးသွင်းနိုင်သူများအား ဒုတိယဦးစားပေးနှင့် ပထမအရစ် ၃ဝ ရာခိုင်နှုန်းပေး သွင်းနိုင်သူများအား တတိယဦးစားပေးအဖြစ် အဆင့်သုံးဆင့်ခွဲ၍ ရောင်းချပေးနေခြင်း ဖြစ်ပြီး ငွေအကျေ ပေးသွင်း၍ လက်ငင်း ဝယ်ယူသူများကို ဇန်နဝါရီ ၁၄ ရက်မှ ၁၈ ရက်အထိ ဦးရာလူစနစ်ဖြင့် ရောင်းချပေးနေခြင်း ဖြစ်ကြောင်း သိရသည်။ 
-
''ငွေလက်ငင်းအကျေ ပေးသွင်းနိုင်တဲ့သူတွေကို ပထမဦးစားပေးပြီး ဦးရာလူစနစ်နဲ့ ဇန်နဝါရီ ၁၄ ရက်ကနေ ၁၈ ရက်အထိ ရောင်းချပေးနေပါတယ်။ ဘဏ်ချေးငွေနဲ့ ဝယ်မယ့်သူတွေကတော့ ဖေဖော်ဝါရီ ၁၁ ရက်ကနေ ၁၅ ရက်အတွင်း လာရောက် စာရင်းပေးသွင်းရမှာ ဖြစ်ပါတယ်'' ဟု ၄င်းကပြောသည်။ 
-
လက်ငင်းဝယ်ယူသူများသည် ဦးရာလူစနစ်ဖြင့် သတ်မှတ်စည်းကမ်းချက်အတွင်း၌ တစ်ဦးလျှင် တစ်ခန်းစီသာ တန်းစီ ဝယ်ယူခွင့်ရခြင်း ဖြစ်ပြီး ဝယ်ယူခွင့် တန်းစီအမှတ်စဉ်များအတိုင်း အမှတ်စဉ်သတ်မှတ်ကာ မြန်မာ့စီးပွားရေးဘဏ်ခွဲ (၁) ၌ ငွေသွင်းပြီး ငွေသွင်းချလန်နှင့်အတူ မြေညီထပ်ဘဏ္ဍာရေးဌာနရှိ ငွေတိုက်သို့ အပ်နှံရမည် ဖြစ်ကြောင်း သိရသည်။ 
-
ထို့ပြင် ဝယ်ယူခွင့် ရရှိသူကိုယ်တိုင် ငွေသွင်းချလန်မူရင်းနှင့် မိတ္တူ၊ နိုင်ငံသားစိစစ်ရေးကတ်မူရင်းနှင့် မိတ္တူ၊ ဌာနမှ ထုတ်ပေးသည့် ငွေအကျေတိုက်ခန်း လျှောက်လွှာပုံစံမူရင်းတို့ဖြင့်အိမ်ရာဖွံ့ဖြိုးရေးဌာနခွဲသို့ ဇန်နဝါရီ ၂၁ ရက်မှစ၍ မိမိဝယ်ယူထားသော တိုက်ခန်း၌ တက်ရောက်နေထိုင်ခွင့် အကြောင်းကြားစာများ ထုတ်ယူရမည် ဖြစ်ကြောင်း သိရသည်။ 
-
လက်ရှိရောင်းချနေသည့် ကျန်စစ်မင်း တန်ဖိုးနည်းအိမ်ရာ၏ အခန်းတန်ဖိုးများမှာ ရှစ်ခန်းတွဲ ငါးထပ်တိုက်ရှိ အခန်းတစ်ခန်းလျှင် ငွေကျပ် ၁ဝ၂ သိန်း၊ ၁ဝ၉ သိန်း၊ ၁၁၂ သိန်း၊ ၁၁၉ သိန်း၊ ၁၂၂ သိန်း၊ ၁၂၉ သိန်း၊ ၁၃၂ သိန်း၊ ၁၃၉ သိန်း၊ ၁၄၂ သိန်းတို့ဖြင့် ရောင်းချနေခြင်း ဖြစ်ပြီး အခန်းအကျယ်အဝန်း အနေဖြင့် ၄၈၄ စတုရန်းပေပတ်လည်နှင့် ၅၂၂ စတုရန်းပေ ပတ်လည်ရှိကြောင်း သိရသည်။ 
-
ထိုနည်းတူ လေးခန်းတွဲ ငါးထပ်တိုက်ရှိ အခန်းတစ်ခန်းလျှင် ငွေကျပ် ၂၁၄ သိန်း၊ ၂၂၉ သိန်း၊ ၂၄၄ သိန်း၊ ၂၅၉ သိန်း၊ ၂၇၄ သိန်း တို့ဖြင့် ရောင်းချလျက်ရှိပြီး အခန်းအကျယ်အဝန်းအနေဖြင့် ၆၅ဝ စတုရန်းပေပတ်လည် ရှိကြောင်း သိရသည်။ 
-
ဇွန်သီတာ
-
#မြ၀တီနေ့စဉ်သတင်းစာ

ပင်လည်ဘူးမြို့၌ မြစ်ရေတင်စနစ်ဖြင့် နွေစပါးများ စတင် စိုက်ပျိုး

ပင်လည်ဘူးမြို့၌ မြစ်ရေတင်စနစ်ဖြင့် နွေစပါးများ စတင် စိုက်ပျိုး
-
ပင်လည်ဘူး ဇန်နဝါရီ ၁၆  
-
စစ်ကိုင်းတိုင်းဒေသကြီး ကသာခရိုင် ပင်လည်ဘူးမြို့၌ မြစ်ရေတင် သုံးခုဖြင့် နွေစပါးများကို ဧက ၃ဝဝ ကို စိုက်ပျိုးလျက်ရှိကြောင်းမြို့နယ် စိုက်ပျိုးရေးဦးစီးဌာနမှသိရသည်။ ပင်လည်ဘူးမြို့နယ်၌စပါးကို မိုးရာသီ၌သာ  အဓိကစိုက်ပျိုးကာ နွေစပါးကို ရေနှင့်နီးသည့် နေရာများတွင် ကိုယ်ပိုင်ရေတင်စက်များဖြင့်  ရေတင်ပြီး အနည်းငယ် စိုက်ပျိုးကြသည်။  
-
ယခုနှစ်တွင်  နွေစပါးကို  မြို့မမြစ်ရေတင်၊ ပင်းကြိုင်းမြစ်ရေတင်၊  ယင်းသာမြစ်ရေတင် သုံးခုဖြင့် နွေစပါးကိုဧက ၃ဝဝ စတင်စိုက်ပျိုးမည်ဖြစ်ပြီး ဧက ၂၃ဝ ကျော် ထွန်ယက်စိုက်ပျိုးပြီး ဖြစ်ကြောင်း၊မြစ်ရေတင်ဖြင့် အခြားသီးနှံများဖြစ်သည့် နေကြာ၊ ပဲပုပ်၊ စတော်ပဲနှင့် မြေပဲတို့ကိုလည်း  စိုက်ပျိုးထားကြောင်း၊ GW-1 နှင့် ဆင်းဧကရီသုံး မျိုးစပါးကိုသာ စိုက်ပျိုးကြောင်း၊ ၂ဝ၁၈ ခုနှစ်တွင် မြစ်ရေတင်နှင့် အခြားရေသွင်းပြီး မိုးသီးနှံစိုက် ဧက ၆၇၂ဝဝ ရှိကြောင်း မြို့နယ်စိုက်ပျိုးရေး ဦးစီးဌာန  ဒုတိယဦးစီးမှူး ဦးမျိုးအောင်က ပြောကြားသည်။
-
''ကျွန်တော် ဒီနှစ်မှ မြစ်ရေတင်နဲ့ နွေစပါးကို စတင်စိုက်ပျိုးတာပါ။ အခု နွေစပါးကို ခြောက်ဧက အစေ့ချစိုက်ပျိုး ထားပါတယ်။ ကျွန်တော့်လယ်ကွက်ကတော့ ချောင်းမြောင်းနဲ့ဝေးတော့ မိုးရာသီမှပဲ မိုးစပါးကို အဓိကထား စိုက်ပျိုးတာပါ။  နွေစပါးကို  ဒီနှစ်မှ စတင်စိုက်ပျိုးတာဆိုတော့ ဘယ်လောက်ထွက်မယ်၊  တစ်တင်းကို  ဘယ်လောက် ရောင်းရမယ်ဆိုတာတော့  မသိသေးပါဘူး။  မိုးစပါးကတော့ တစ်ဧကကို တင်း ၁၁ဝ ထွက်ပါတယ်။ စပါးဈေး ကတော့ အခုဒီမှာ စပါးတစ်တင်းကို  ငွေကျပ်  ၆ဝဝဝ မှ ၇ဝဝဝ အထိ ရောင်းရပါတယ်။ အခုဆို ကျွန်တော်တို့ လယ်သမားတွေအတွက် အဆင်ပြေသွားပါပြီ။ မြစ်ရေတင်နဲ့ မိုးစပါး၊  နွေစပါးနှင့်  အခြားသီးနှံတွေကို စိုက်ပျိုးနိုင်ပြီဖြစ်လို့ ဆန်စပါးများလည်း   ဖူလုံမှုရှိပြီး   မိသားစု အပိုဝင်ငွေများလည်း   အရင်ထက် ဖွံ့ဖြိုးတိုးတက် လာမယ်လို့ မျှော်လင့်မိပါတယ်'' ဟု  ပင်လောင်ကျေးရွာမှ စပါးစိုက်တောင်သူ ဦးကြည်မောင်က ပြောသည်။ 
-
ယခုနှစ် နွေစပါးများ စတင်စိုက်ပျိုးရန် မြစ်ရေတင်သုံးခုဖြင့်  ရေများ ပေးဝေလျက်ရှိပြီး နွေစပါးများ စိုက်ပျိုးရန်  မြစ်ရေတင်တစ်ခုကို ဧက ၁ဝဝ နှုန်း၊ မြစ်ရေတင်သုံးခုဖြင့် ဧက ၃ဝဝရေပေးစိုက်ပျိုးလျက်ရှိပြီး ဧက ၃ဝဝ ထက် ကျော်လာလျှင်လည်း ရေကိုအပြည့်အဝ ပေးဝေသွားမည် ဖြစ်ကြောင်း၊ ရေဖိုးကို လယ်တစ်ဧက နွေစပါး ငွေကျပ် ၉ဝဝဝ၊ မိုးစပါး ငွေကျပ် ၆ဝဝ၊ အခြားသီးနှံတစ်ဧကကို ငွေကျပ် ၃ဝဝဝ နှုန်း ကောက်ခံကြောင်း ဆည်မြောင်းနှင့်ရေ အသုံးချမှုစီမံခန့်ခွဲရေး ဦးစီးဌာန ပင်လည်ဘူးမြို့နယ် ပင်းကြိုင်း၊ မြို့မနှင့် ယင်းသာမြစ်ရေတင် တာဝန်ခံများထံမှ သိရသည်။
-
#မြ၀တီနေ့စဉ်သတင်းစာ

ပွင့်ဖြူမြို့နယ် မင်းရွာကျေးရွာ၌ ၂၄ နာရီ လျှပ်စစ်မီး ရရှိ

ပွင့်ဖြူမြို့နယ် မင်းရွာကျေးရွာ၌ ၂၄ နာရီ လျှပ်စစ်မီး ရရှိ
-
ပွင့်ဖြူ  ဇန်နဝါရီ  ၁၆ 
-
မကွေးတိုင်းဒေသကြီး ဥယျာဉ်ကျစ်ကျေးရွာ အုပ်စု  မင်းရွာကျေးရွာ၌ ဒေသခံ ကျေးလက်နေ ပြည်သူများ ၂၄ နာရီ လျှပ်စစ်မီး အသုံးပြုနိုင်ရေး ဆောင်ရွက်ပြီးစီးသည့် ကျေးရွာလျှပ်စစ်မီးလင်းရေး ဖွင့်ပွဲ အခမ်းအနားကို ယမန်နေ့ နံနက်ပိုင်းက ကျင်းပသည်။ 
-
ကျေးရွာလျှပ်စစ်မီးလင်းရေး ဖွင့်ပွဲဆိုင်းဘုတ်ကို  မကွေးတိုင်းဒေသကြီး ဝန်ကြီးချုပ် ဒေါက်တာအောင်မိုးညို၊ တိုင်းဒေသကြီး ဥပဒေချုပ် ဦးဆန်းလင်း၊ ပွင့်ဖြူမြို့နယ် ပြည်သူ့လွှတ်တော် ကိုယ်စားလှယ် ဦးထွန်းထွန်းတို့က ဖဲကြိုးဖြတ် ဖွင့်လှစ်ပေးသည်။ ဆက်လက်၍ မကွေးတိုင်းဒေသကြီး ဝန်ကြီးချုပ် ဒေါက်တာအောင်မိုးညိုက အဖွင့်အမှာစကား ပြောကြားပြီး တိုင်းဒေသကြီး ဥပဒေချုပ် ဦးဆန်းလင်းက ကျေးရွာ ဖွံ့ဖြိုးရေးဆိုင်ရာ လုပ်ငန်းများနှင့် မှုခင်းဖြစ်ပွားမှု လျော့နည်းရေးဆိုင်ရာ လုပ်ငန်းများကို   ရှင်းလင်းဆွေးနွေး ပြောကြားသည်။ 
-
ထို့နောက် တိုင်းဒေသကြီး ဒုတိယလျှပ်စစ် အင်ဂျင်နီယာချုပ် ဦးထောင်ဇိုခိုင်က ကျေးလက်နေပြည်သူများ လျှပ်စစ်အန္တရာယ် ကင်းဝေးရေး လျှပ်စစ်မီး အသုံးပြုရာတွင် ရှောင်ကြဉ်ရမည့် နည်းစနစ်များကို ရှင်းလင်းပြောကြားပြီး မင်းရွာကျေးရွာ ကျေးလက်နေပြည်သူများ ၂၄ နာရီ လျှပ်စစ်မီး အသုံးပြုခွင့်ရရှိရေး တိုင်းဒေသကြီး အစိုးရအဖွဲ့မှ ပံ့ပိုးကူညီ ဆောင်ရွက်ပေးမှုအပေါ် ဒေသခံရပ်မိရပ်ဖများ ကိုယ်စား ကျေးရွာအုပ်ချုပ်ရေးမှူး  ဦးသိန်းဝေက ကျေးဇူးတင်စကား   ပြန်လည်ပြောကြားသည်။ 
-
ပွင့်ဖြူမြို့နယ် ဥယျာဉ်ကျစ်ကျေးရွာအုပ်စု မင်းရွာကျေးရွာ၌ အိမ်ခြေ ၂၂ဝ၊ လူဦးရေ ၈၅ဝ  ခန့်ရှိပြီး   ကျေးရွာနေပြည်သူများ လျှပ်စစ်မီး အသုံးပြုနိုင်ရေးအတွက် ၂ဝ၁၇- ၂ဝ၁၈ ခုနှစ်၊ တိုင်းဒေသကြီး အစိုးရအဖွဲ့မှ ၁၁ ကေဗွီ ဓာတ်အားလိုင်း သုည ဒသမ ၅ မိုင် နှင့် ၂ဝဝ ကေဗွီအေ ထရန်စဖော်မာတစ်လုံး ထောက်ပံ့ပေးခဲ့ကြောင်း၊ ယခုအခါ အဆိုပါ ကျေးရွာ၌  တိုင်းဒေသကြီး အစိုးရအဖွဲ့၏ ပံ့ပိုးမှုဖြင့် ၂၄ နာရီ  လျှပ်စစ်မီး တပ်ဆင်ဆောင်ရွက်ြ ပီးစီးသွားပြီဖြစ်သဖြင့် ဒေသ၏ လူမှုရေး၊ စီးပွားရေး၊ ပညာရေး၊ ကျန်းမာရေး အစရှိသည့် ကျေးလက်ဖွံ့ဖြိုးရေးလုပ်ငန်းများ ဆောင်ရွက် လုပ်ကိုင်ခွင့်ရရှိမည် ဖြစ်ကြောင်း သိရသည်။
-
#မြ၀တီနေ့စဉ်သတင်းစာ

ကျိုင်းတုံမြို့၊ အမှတ်(၄)အခြေခံပညာအထက်တန်းကျောင်းနှင့် အမှတ်(၅)အခြေခံပညာ အထက်တန်းကျောင်းတို့၌ ပညာရေးစုံညီပွဲနှင့် ပညာရည်ချွန်ဆုပေးပွဲများ ပြုလုပ်

ကျိုင်းတုံမြို့၊ အမှတ်(၄)အခြေခံပညာအထက်တန်းကျောင်းနှင့် အမှတ်(၅)အခြေခံပညာ အထက်တန်းကျောင်းတို့၌ ပညာရေးစုံညီပွဲနှင့် ပညာရည်ချွန်ဆုပေးပွဲများ ပြုလုပ်
-
နေပြည်တော် ဇန်နဝါရီ ၁၆ 
-
ရှမ်းပြည်နယ် (အရှေ့ပိုင်း)၊ ကျိုင်းတုံမြို့၊အမှတ်(၄) အခြေခံပညာအထက်တန်းကျောင်းနှင့် အမှတ်(၅) အခြေခံပညာ အထက်တန်းကျောင်းတို့၏ ၂ဝ၁၈-၂ဝ၁၉ ပညာသင်နှစ်၊ ပညာရေးစုံညီပွဲနှင့်ပညာရည်ချွန်ဆုပေးပွဲကို ယနေ့ နံနက်ပိုင်းတွင် အဆိုပါကျောင်းများ၌ ပြုလုပ်သည်။ 
-
အဆိုပါ ပညာရေးစုံညီပွဲများသို့ တြိဂံဒေသတိုင်းစစ်ဌာနချုပ် တိုင်းမှူး ဗိုလ်ချုပ်ခင်လှိုင်နှင့် အဖွဲ့ဝင်များ၊ ဌာနဆိုင်ရာ တာဝန်ရှိသူများ၊ ကျောင်းအကျိုးတော်ဆောင်များ၊ ကျောင်းသားမိဘများ၊ ဖိတ်ကြားထားသူများနှင့် ကျောင်းသား၊ ကျောင်းသူများ တက်ရောက်ကြပြီး တိုင်းမှူးက အဖွင့်အမှာစကား ပြောကြား၍ ကျောင်းများအတွက် အလှူငွေများပေး အပ်လှူဒါန်းသည်။ 
-
ထို့နောက် ၂ဝ၁၈-၂ဝ၁၉ ပညာသင်နှစ်တွင် ထူးချွန်ဆုနှင့်ဘက်စုံထူးချွန်ဆုရရှိကြသော ဆရာ၊ ဆရာမများနှင့် ကျောင်းသား၊ ကျောင်းသူများအား တိုင်းမှူးနှင့် အဖွဲ့ဝင်များက ဂုဏ်ပြုဆုများ အသီးသီး ပေးအပ်ခဲ့ကြကြောင်း သတင်း ရရှိသည်။
-
#မြ၀တီနေ့စဉ်သတင်းစာ

ကျောက်မဲမြို့နယ်အတွင်း တရားမဝင် ပိတောက်သစ်ခွဲသားများ သယ်ဆောင် လာသူများအား ဖမ်းဆီးရမိ

ကျောက်မဲမြို့နယ်အတွင်း တရားမဝင် ပိတောက်သစ်ခွဲသားများ သယ်ဆောင် လာသူများအား ဖမ်းဆီးရမိ
-
နေပြည်တော်  ဇန်နဝါရီ  ၁၆ 
-
ရှမ်းပြည်နယ်(မြောက်ပိုင်း)၊ ကျောက်မဲမြို့နယ်၊ အိုရီယမ်တယ်ဟိုင်းဝေး တိုးဂိတ်၌ ဌာန ဆိုင်ရာ တာဝန်ရှိသူများ ပါဝင်သော ပူးပေါင်း အဖွဲ့က  မော်တော်ယာဉ်ဝင်/ထွက်မှုများအား စစ်ဆေးဆောင်ရွက်စဉ်ဇန်နဝါရီ ၁၅ ရက် ည ၇ နာရီခန့်တွင် နောင်ချိုမြို့ဘက်မှ ကျောက်မဲမြို့ဘက်သို့   စည်သူဝင်း(ဘ) ဦးနေဝင်း မောင်းနှင်၍ သက်အောင်ခိုင် (ဘ)ဦးမြင့်မောင် လိုက်ပါလာသည့် ၂၂  ဘီး ယာဉ်အမှတ်၊ 1F/---- အား  ရပ်တန့် စစ်ဆေးရာ ယာဉ်ပေါ်တွင် တရားမဝင် တင်ဆောင်လာသည့် ပိတောက်သစ်ခွဲသား ဆိုဒ်စုံ ၁၅ တန်ခန့်နှင့်အတူ ဖမ်းဆီးရမိခဲ့သည်။ 
-
အဆိုပါမော်တော်ယာဉ်၊ တရားမဝင်သစ်များနှင့်အတူ ဖမ်းဆီးရမိသူများအား ကျောက်မဲ မြို့နယ် သစ်တောဦးစီးဌာနသို့  စနစ်တကျ လွှဲပြောင်း အပ်နှံခဲ့ကြောင်း  သတင်းရရှိသည်။ 
-
(၁ဝဝ)
-
#မြ၀တီနေ့စဉ်သတင်းစာ

ရပ်စောက်မြို့၊ အမှတ်(၁ဝ) အခြေခံပညာ မူလတန်းကျောင်းမှ ဆရာ၊ ဆရာမများနှင့် ကျောင်းသား၊ ကျောင်းသူများ အား ကျန်းမာရေး စောင့်ရှောက်မှု လုပ်ငန်းများ ဆောင်ရွက်

ရပ်စောက်မြို့၊ အမှတ်(၁ဝ) အခြေခံပညာ မူလတန်းကျောင်းမှ ဆရာ၊ ဆရာမများနှင့်  ကျောင်းသား၊ ကျောင်းသူများ အား ကျန်းမာရေး စောင့်ရှောက်မှု လုပ်ငန်းများ ဆောင်ရွက်
-
နေပြည်တော်  ဇန်နဝါရီ  ၁၆ 
-
ရှမ်းပြည်နယ်(တောင်ပိုင်း)၊ ရပ်စောက်မြို့၊ မြောက်ကွက်သစ် ရပ်ကွက်ရှိ အမှတ်(၁ဝ)အခြေခံပညာ မူလတန်း ကျောင်းမှ ဆရာ၊ ဆရာမများနှင့် ကျောင်းသား၊ ကျောင်းသူများအား ယနေ့နံနက်ပိုင်းတွင် အရှေ့ပိုင်းတိုင်း စစ်ဌာနချုပ်၊  နယ်လှည့်ဆေးကုသရေးအဖွဲ့က အဆိုပါ ကျောင်း၌ ကျန်းမာရေး စောင့်ရှောက်မှု လုပ်ငန်းများ ဆောင်ရွက် ပေးသည်။ 
-
ထိုသို့ဆောင်ရွက်ပေးရာတွင်  ဆေးကုသ ရေးအဖွဲ့က ဆရာ၊ ဆရာမများနှင့် ကျောင်းသား၊ ကျောင်းသူ ၉၂ ဦးတို့ကို သွားနှင့် ခံတွင်း ရောဂါ၊ အရိုး/အကြောရောဂါ၊ မျက်စိရောဂါ၊ သွေးတိုးရောဂါ၊ ဆီးချိုရောဂါ၊  အစာအိမ် ရောဂါ၊ အထွေထွေရောဂါတို့နှင့် ပတ်သက်၍  လိုအပ်သည့် ကျန်းမာရေးစစ်ဆေး ကုသပေးခြင်းများ ဆောင်ရွက် ပေးခဲ့ကြောင်း  သတင်းရရှိသည်။
-
#မြ၀တီနေ့စဉ်သတင်းစာ

နိုင်ငံတော် သမ္မတ ဦးဝင်းမြင့် ကယားပြည်နယ် အတွင်းရှိ အုပ်ချုပ်ရေး၊ ဥပဒေပြုရေးနှင့် တရားစီရင်ရေး မဏ္ဍိုင် တို့မှ တာဝန်ရှိသူများနှင့် တွေ့ဆုံ

နိုင်ငံတော် သမ္မတ ဦးဝင်းမြင့် ကယားပြည်နယ် အတွင်းရှိ  အုပ်ချုပ်ရေး၊ ဥပဒေပြုရေးနှင့် တရားစီရင်ရေး မဏ္ဍိုင် တို့မှ တာဝန်ရှိသူများနှင့် တွေ့ဆုံ
-
လွိုင်ကော်  ဇန်နဝါရီ  ၁၆ 
-
နိုင်ငံတော်သမ္မတ ဦးဝင်းမြင့်သည် ပြည်ထောင်စုဝန်ကြီးများဖြစ်ကြသည့် ဒုတိယ ဗိုလ်ချုပ်ကြီး ကျော်ဆွေ၊ ဦးမင်းသူ၊ ဒေါက်တာ အောင်သူ၊ ဦးအုန်းဝင်း၊ ဦးဝင်းခိုင်၊ နိုင်သက်လွင်၊ တာဝန်ရှိသူများနှင့်အတူယနေ့နံနက် ၉ နာရီတွင် ကယားပြည်နယ် လွိုင်ကော်မြို့ ပြည်နယ် ခန်းမ၌ ကျင်းပသည့် ပြည်နယ်အစိုးရ အဖွဲ့၊ ပြည်နယ် လွှတ်တော်၊ ပြည်နယ်တရားလွှတ်တော်၊ လွှတ်တော်ကိုယ်စားလှယ်များ (ပြည်သူ့၊ အမျိုးသား၊ ပြည်နယ်)နှင့် ပြည်နယ်/ ခရိုင်/ မြို့နယ်တို့မှ ဌာနဆိုင်ရာ တာဝန်ရှိသူများနှင့် တွေ့ဆုံပွဲ အခမ်းအနားသို့ တက်ရောက် လမ်းညွှန် အမှာ စကား ပြောကြားသည်။
-
တွေ့ဆုံပွဲတွင် နိုင်ငံတော်သမ္မတက မိမိ အနေဖြင့် တိုင်းဒေသကြီးများနှင့် ပြည်နယ်များသို့ သွားရောက်ပြီး  ဒီမိုကရေစီ အသွင် ကူးပြောင်းရေးနှင့် တိုင်းပြည်ပြုပြင်ပြောင်းလဲရေး လုပ်ငန်းများကို အချိန်နှင့်တစ်ပြေးညီ ဆောင်ရွက် နိုင်ရန် တိုက်တွန်းနှိုးဆော်လျက် ရှိကြောင်း၊ မိမိတို့သည် ခေတ်ဟောင်းစနစ်ဟောင်းမှ ခေတ်သစ်စနစ် သစ်ကို ကူးပြောင်း နေသည့်နိုင်ငံတစ်နိုင်ငံဖြစ်ကြောင်း၊ ထိုသို့ကူးပြောင်းရာတွင် ရှေးရိုးစွဲ လမ်းဟောင်းများမှ  လမ်းသစ်များ ဖောက်ထွက်ရခြင်းများရှိကြောင်း၊ ယခုအချိန်ကာလတွင် တာဝန်ရှိသူများ အားလုံး တက်ညီလက်ညီ ပူးပေါင်း ပါဝင် ဆောင်ရွက်နိုင်မှသာမိမိတို့၏ရည်ရွယ်ချက် ပန်းတိုင်ကို  ရောက်ရှိမည်ဖြစ်ကြောင်း၊ မိမိတို့ နိုင်ငံကို ''ဒီမိုကရေစီ ဖက်ဒရယ်ပြည်ထောင်စု နိုင်ငံတော်''အဖြစ် တည်ဆောက်မည်ဟု ခိုင်ခိုင်မာမာ သန္နိဋ္ဌာန်ချထား ကြောင်း၊ ဒီမိုကရေစီနိုင်ငံ တွင် နိုင်ငံသူနိုင်ငံသားအားလုံး သာတူညီမျှမှု၊ တရားမျှတမှု၊ တန်းတူညီမျှမှု  အခွင့်အရေး များ ရှိကြောင်း၊ မိမိတို့နိုင်ငံသည်  တိုင်းရင်းသားလူမျိုးပေါင်းစုံဖြင့် ဖွဲ့စည်းထားသည့်နိုင်ငံဖြစ်သည့်အတွက် တိုင်းရင်းသား ညီအစ်ကိုမောင်နှမများ မပါဘဲ ပြည်ထောင်စု ဟု ပြော၍မရကြောင်း၊ ထို့ကြောင့် မိမိတို့ နိုင်ငံကို ဒီမိုက ရေစီ ဖက်ဒရယ် ပြည်ထောင်စု နိုင်ငံတော်တည်ဆောက်မည်ဟုပြောခြင်းဖြစ်ကြောင်း။
-
အချို့သည် အပြောင်းအလဲကို တွန့်ဆုတ် နေမှု၊ ဝန်လေးနေမှု၊ စိုးရိမ်ပူပန်မှုများရှိနေနိုင်ကြောင်း၊ အပြောင်းအလဲကို လောကနိယာမ တရားဖြင့် ပြောရမည်ဆိုပါက မပြောင်းလဲသည့် အမှန်ကန်ဆုံးတရားမှာပြောင်းလဲ ခြင်းပင်ဖြစ်ကြောင်း၊ သက်ရှိသက်မဲ့အားလုံး သည် အချိန်နှင့်အမျှပြောင်းလဲနေကြောင်း၊ ယင်းပြောင်းလဲမှုအရှိန်တွင် လိုက်ပါ ဆောင်ရွက်နိုင်မှသာ  ရှင်သန်ရပ်တည်နိုင်မည်ဖြစ်ကြောင်း၊ပြောင်းလဲရာတွင် တိုင်းသူပြည်သား များ အတွက်၊ နိုင်ငံတော် အတွက် အခြေခံ အုတ်မြစ်မှာ   ဒီမိုကရေစီ အခြေခိုင် ရန်ဖြစ်ကြောင်း၊   ပြည်ထောင်စု အစိုးရ တစ်ဖွဲ့လုံး ပြောင်းသွားရုံဖြင့်၊တိုင်းဒေသကြီးနှင့် ပြည်နယ် အစိုးရတစ်ဖွဲ့လုံးပြောင်းလိုက်ရုံဖြင့် ယင်းကို ဒီမိုကရေစီ ပြောင်းလဲမှုဟု ပြော၍မရကြောင်း၊ အစိုးရအဖွဲ့ပြောင်းလဲရုံဖြင့်     အုပ်ချုပ်မှု ယန္တရားတစ်ခုလုံး ပြောင်းလဲသွားခြင်းမဟုတ် ကြောင်း၊ အောက်ခြေမှ ဌာနဆိုင်ရာ တာဝန်ရှိသူများနှင့် ဝန်ထမ်းများ အားလုံးက နိုင်ငံတော်၏   ပြောင်းလဲလာသည့် မူဝါဒများကို အကောင်အထည် ဖော်ပြီး လိုက်ပါပြောင်းလဲ နိုင်မှသာ အပြောင်းအလဲဖြစ်ပေါ်လာမည် ဖြစ်ကြောင်း။
-
အပြောင်းအလဲတစ်ခုကို အောင်မြင်စွာ ဆောင်ရွက်နိုင်ရန် ဌာနဆိုင်ရာတာဝန်ရှိသူများအားလုံးက တက်ညီလက်ညီ အကောင် အထည်ဖော်ရန် လိုအပ်ကြောင်း၊  မိမိတို့၏ ပုံစံကျနေသည့်အလေ့အထများကို ပြုပြင် ပြောင်းလဲ ပေးနိုင်မှသာ တိုင်းပြည်နှင့် နိုင်ငံသူ နိုင်ငံသားများကလည်း ပြောင်းလဲလာမည်ဖြစ်ကြောင်း၊ တာဝန်ရှိသူများ အနေဖြင့် အပြောင်းအလဲတစ်ခု ဖော်ဆောင်ရန်အတွက်မိမိကိုယ်ကို မည်မျှပြောင်းလဲနိုင်ပြီကိုလည်း ဆန်းစစ် ကြရန် လိုအပ်ကြောင်း၊ မိမိကိုယ်ကိုပြောင်းလဲ နိုင်မှသာ အခြားသူများ ကို ပြောင်းလဲပေးနိုင် မည်ဖြစ်ကြောင်း၊  ထို့ကြောင့် ဌာနဆိုင်ရာတာဝန်ရှိသူများအားလုံးက  လက်အောက်ရှိ အမှုထမ်း၊ အရာထမ်းများ၏ စိတ်ဓာတ် များ၊  အလေ့အကျင့်များ  ပြောင်းလဲစေရေး ဆောင်ရွက်ပေးရန်၊  လမ်းညွှန်ပေးရန်နှင့်  ပြုပြင်ပေးရန် လိုအပ်ကြောင်း၊ ပြုပြင် ပြောင်းလဲမှုသည် စိုးရိမ်စရာ၊  ကြောက်ရွံ့စရာမဟုတ် ကြောင်း၊ အားလုံးက တက်ညီလက်ညီဖြင့် မိမိကိုယ် တိုင်၏  အသိတရား၊  ဆင်ခြင်တုံ တရားဖြင့်  လိုက်ပါဆောင်ရွက်ရန်  လိုအပ်ကြောင်း။
-
မိမိတို့သွားလိုသည့်  အုပ်ချုပ်ရေးသည် နိုင်ငံသူနိုင်ငံသား အားလုံး ဆူကြုံနိမ့်မြင့် မရွေး၊ ဆင်းရဲချမ်းသာ မရွေး၊ ရာထူးဂုဏ် သိမ်မရွေး၊ လူမှုရေးတရားမျှတမှု၊ စီးပွားရေးတရားမျှတမှု၊ နိုင်ငံရေးတရားမျှတမှုရှိရမည်ဖြစ်ကြောင်း၊ ထို့အတူ အခွင့်အလမ်းညီမျှမှု၊ အဆင့်အတန်း ညီမျှမှု၊ ဥပဒေအရညီမျှမှုရှိရမည်ဖြစ်ကြောင်း၊ ဥပဒေ၏အထက်တွင် မည်သူမျှမရှိရကြောင်း၊ အားလုံးသည် ဥပဒေရှေ့မှောက်တွင်ဥပဒေပါအတိုင်း၊  ဥပဒေနှင့်အညီ  ဖြစ်ရမည်ဖြစ် ကြောင်း၊ သို့မှသာ ဒီမိုကရေစီတိုင်းပြည်နှင့် ညီညွတ်မည်ဖြစ်ကြောင်း၊ ဒီမိုကရေစီဟုဆိုရာ တွင်လည်း တာဝန် ယူမှု၊ တာဝန်ခံမှု ရှိရမည် ဖြစ်ကြောင်း၊ ဒီမိုကရေစီသည် စည်းကမ်းကို လိုက်နာရမည်၊ ဥပဒေကို လိုက်နာရမည်ဖြစ် ကြောင်း၊ ယင်းသည် ဒီမိုကရေစီ၏ အခြေခံ မဏ္ဍိုင်ပင်ဖြစ်ကြောင်း။
-
ယခုအခမ်းအနားသို့ တက်ရောက်လာသူအားလုံးသည် အခြားသူများထက်ပို၍အလုပ် လုပ်နိုင်ရမည်၊ အနစ်နာခံနိုင် ရမည်၊ စွန့်လွှတ် နိုင်ရမည်ဖြစ်ကြောင်း၊ တာဝန်ရှိသူများအနေဖြင့်  ပြည်သူက ပေးအပ်သည့် တာဝန်ကို ကျေပွန် စွာ ထမ်းဆောင်ကြရန်ဖြစ်ကြောင်း၊ ပြည်သူကို ကောင်းစွာအလုပ်အကျွေးပြုရန် လိုအပ်ကြောင်း၊ မိမိတို့သွားချင် သည့် အုပ်ချုပ် ရေးသည် တရားမျှတပြီးတရားဥပဒေစိုးမိုးရေးကို အထောက်အပံ့ပြုသည့် အုပ်ချုပ်ရေး ဖြစ်ရ မည်ဖြစ်ကြောင်း၊ ပြည်သူလူထုကို ဖိနှိပ် ချုပ်ချယ်သည့်အုပ်ချုပ်ရေးမဖြစ်စေရန်လိုအပ်ကြောင်း၊ မိမိတို့ သွားချင် သည့် ယန္တရားသည်ပြည်သူလူထုကို ဝန်ဆောင်မှုပေးသည့်၊ ပြည်သူကိုဗဟိုပြု၊ ပြည်သူကို မျက်နှာမူသည့် ယန္တရား ဖြစ်ရန် ထမ်းဆောင်ကြစေလိုကြောင်း။
-
ဥပဒေပြုရေးမဏ္ဍိုင်သည် ပြဋ္ဌာန်းထားသည့် လွှတ်တော်ဆိုင်ရာဥပဒေ၊ နည်းဥပဒေများ ညွှန်ကြားချက်များ၊ စည်း မျဉ်း စည်းကမ်း များအတိုင်း လိုက်နာဆောင်ရွက် စေချင်ကြောင်း၊  ထိုသို့လိုက်နာဆောင်ရွက်မှသာ မိမိတို့၏  အုပ်ချုပ်ရေး၊ ဥပဒေပြုရေး၊ တရား စီရင်ရေး မဏ္ဍိုင်ကြီး (၃)ရပ်သည် ဟန်ချက် ညီမည်ဖြစ်ကြောင်း၊   ဒီမိုကရေစီ ကျင့်စဉ်အတိုင်း အပြန်အလှန် သဘောထားကြီးခြင်း၊ သည်းခံခွင့်လွှတ်ခြင်းနှင့်  အပြန်အလှန်ထိန်း ကျောင်းခြင်း တို့ဖြင့် ဆောင်ရွက်မှသာ လုပ်ငန်းများ အဆင်ပြေချောမွေ့ မည်ဖြစ်ကြောင်း၊ လုပ်ငန်းများ ဆောင်ရွက်ရာတွင် အတ္တကို ဗဟိုပြုပြီး လုပ်ဆောင်ခြင်းထက် ပရကိုဗဟိုပြုပြီး လုပ်ဆောင်ကြပါက အောင်မြင်မည်ဖြစ်ကြောင်း။ ယခုတက်ရောက်လာကြသည့် ဌာနဆိုင်ရာ အဖွဲ့အစည်းအသီးသီးမှ   တာဝန်ရှိသူများ အနေဖြင့် မိမိဌာနနှင့် သက်ဆိုင် သည့် လုပ်ငန်း များနှင့်စပ်လျဉ်းပြီး  သက်ဆိုင်ရာ  အထက်အဖွဲ့အစည်းသို့ မှန်မှန်ကန်ကန် သတင်း အချက် အလက်များပေးစေလိုကြောင်း၊   သို့မှသာ မှန်ကန်သည့်  ဆုံးဖြတ်ချက်များချမှတ်နိုင် မည်ဖြစ်ကြောင်း၊ တိုင်းဒေသကြီးနှင့် ပြည်နယ် အဆင့် ဆောင်ရွက်ရမည့်လုပ်ငန်းများကို မိမိတို့ တိုင်းဒေသကြီးနှင့် ပြည်နယ် အဆင့်တွင် ဥပဒေနှင့် အညီ ပြီးပြတ်အောင် ဆောင်ရွက် ကြရန်လိုအပ်ကြောင်း။
-
တရားစီရင်ရေးမဏ္ဍိုင်သည် ဒီမိုကရေစီ နိုင်ငံတစ်ခုအတွက်  အရေးကြီးသည့်မဏ္ဍိုင်တစ်ခုဖြစ်ကြောင်း၊ ဥပဒေ၏ စံနှုန်း၊ စံထား များဖြင့် မှန်မှန်ကန်ကန်စိစစ်နိုင်မှသာ တရား ဥပဒေစိုးမိုးမည်ဖြစ်ကြောင်း၊  တရားဥပဒေ စိုးမိုးမှ  ဒီမိုကရေစီ နိုင်ငံတော်ကို အထောက်အပံ့ဖြစ်မည်ဖြစ်ကြောင်း၊ တရားစီရင်ရေးနှင့် စပ်လျဉ်း၍ ပြဋ္ဌာန်းထားသော ဥပဒေ များကို လေးစားလိုက်နာရန် လိုအပ်ကြောင်း၊ တရားစီရင်ရေးမဏ္ဍိုင် တည့်မတ်မှတရားမျှတသည့် လူ့အဖွဲ့ အစည်း   ဖြစ်လာမည်ဖြစ်ကြောင်း၊ တရားမျှတသည့် လူ့အဖွဲ့အစည်း ခိုင်မာမှ ဒီမိုကရေစီခိုင်မာ မည်ဖြစ်ကြောင်း၊ ဒီမိုကရေစီ တည်တံ့ခိုင်မြဲခြင်းသည် ဖက်ဒရယ်စနစ်ကို အထောက်အပံ့ဖြစ်ကြောင်း၊ ဖက်ဒရယ်စနစ် တည်ထောင် ခြင်းသည်လည်း ဒီမိုကရေစီကို အားပေးကြောင်း။ မိမိတို့ကြုံတွေ့နေရသည့် အခက်အခဲများထက် ပြည်သူလူထု နေ့စဉ်ကြုံတွေ့နေရသည့် အခက်အခဲများကို ဦးစားပေးဖြေရှင်းပေးစေ လိုကြောင်း၊ ယခုသွားနေသည့် နိုင်ငံတော်၏ မူဝါဒများကို တက်ညီလက်ညီ စုပေါင်း အင်အားဖြင့် အားလုံးကပူးပေါင်း ပါဝင်ဆောင်ရွက်ပေးကြစေလိုကြောင်း၊  သို့မှသာ  အောင်မြင်မည်ဖြစ်ကြောင်း ပြောကြားသည်။
-
ယင်းနောက် ကယားပြည်နယ် ဝန်ကြီးချုပ် ဦးအယ်လ်ဖောင်းရှိုက ကယားပြည်နယ် အစိုးရအဖွဲ့၏ ဒေသဖွံ့ဖြိုးရေး လုပ်ငန်း ဆောင်ရွက် နေမှုများကိုလည်းကောင်း၊ ကယားပြည်နယ် လွှတ်တော်ဥက္ကဋ္ဌ ဦးလှထွေးက လွှတ်တော် ရေးရာ လုပ်ငန်း ဆောင်ရွက်မှုများကို လည်း ကောင်း၊ ပြည်နယ်တရားလွှတ်တော် တရားသူကြီးချုပ် ဦးကျော်လင်း မောင်က တရားလွှတ် တော်ရေးရာ လုပ်ငန်းဆောင်ရွက်နေမှုအခြေအနေများကိုလည်းကောင်း ရှင်းလင်းတင်ပြ ကြသည်။
-
ထို့နောက် နိုင်ငံတော်သမ္မတ ဦးဝင်းမြင့်က တရားစီရင်ရေးတွင် အမှုများကို မှန်မှန်ကန်ကန် မြန်မြန်ဆန်ဆန် စစ်ဆေးဆုံးဖြတ်ဆောင်ရွက် ရမည်ဖြစ်ကြောင်း၊ အမှုစစ်ဆေးစဉ်ကာလ အတွင်း အမှုသည်တို့၏ ပညာရေး၊ စီးပွားရေး၊ လူမှုရေး  နစ်နာမှုများမဖြစ်စေရေးအတွက် မှန်မှန်နှင့် မြန်မြန်စစ်ဆေး စီရင်ရန် လိုအပ်ကြောင်း၊ သက် သေခံ ပစ္စည်းများနှင့် စပ်လျဉ်းပြီး နိုင်ငံတော်ဘဏ္ဍာ ဆုံးရှုံးမှုမရှိစေရေး ဆောင်ရွက်သွားရန် လိုကြောင်း၊ တရားစီရင် ရေးတွင် လွတ်လပ်သော တရားစီရင်ရေးဖြစ်၍ အုပ်ချုပ်ရေးနှင့်  ဥပဒေပြုရေးအပိုင်းမှ ဝင်ရောက် မစွက် ဖက် စေလိုကြောင်း၊ အဆင့်ဆင့်သော တရားသူကြီးများက တာဝန်ယူမှု၊ တာဝန်ခံမှုရှိရန် လိုအပ်ကြောင်း၊ မူးယစ် ဆေးဝါး ကိစ္စများတွင် ဌာနဆိုင်ရာ အဖွဲ့အစည်း အသီးသီးမှ ပါဝင် ပတ်သက်မှု မရှိစေရန်၊ မူးယစ်ဆေးဝါး သတင်းများနှင့် စပ်လျဉ်း၍ ဖုံးကွယ်လျစ်လျူရှု မထားစေရန် လိုအပ်ကြောင်း၊ မူးယစ် ဆေးဝါး ဖမ်းဆီးရာတွင်လည်း အဓိက ပင်ရင်း လုပ်ကိုင်နေသူများကို ဖမ်းဆီးရမိရန် လိုအပ်ကြောင်း။
-
ဥပဒေပြုရေး အပိုင်းတွင် မေးခွန်း၊ အဆိုများနှင့် စပ်လျဉ်း၍ သတ်မှတ်ထားသည့် စည်းကမ်းချက်များ၊ ကန့်သတ်ချက်များနှင့် အညီ တင်သွင်းကြရမည်ဖြစ်ကြောင်း၊ ဒေသနှင့်ကိုက်ညီပြီး အကျိုးရှိသည့်ဥပဒေများကိုသာ ပြဋ္ဌာန်း ရန် လိုအပ်ကြောင်း၊ လွှတ်တော် ကိုယ်စားလှယ်များ၊  ဝန်ထမ်းများ  အရည်အချင်းမြင့်မားမှ  လွှတ်တော် ဖွံ့ဖြိုး တိုးတက် မည်ဖြစ်ကြောင်း။
-
မဏ္ဍိုင် (၃)ရပ်သည် တစ်ခုနှင့်တစ်ခု ဝင်ရောက်စွက်ဖက်မှုမရှိဘဲ  အပြန်အလှန်ထိန်းကျောင်း ယှဉ်တွဲလုပ် ဆောင်ရန် လိုအပ်ပြီး ယှဉ်ပြိုင်လုပ်ဆောင်မှုမျိုးမလုပ်စေ လိုကြောင်း၊ အစိုးရ ကောင်းတစ်ရပ်သည် တာဝန်ယူမှု၊  တာဝန်ခံမှု၊ ပွင့်လင်းမြင်သာမှု၊ ကြိုတင်ခန့်မှန်း တွက်ချက်မှုနှင့် ပူးပေါင်းဆောင်ရွက်မှု ရှိရန်လိုအပ်ကြောင်း၊ တိုင်းဒေသကြီး/ ပြည်နယ် အုပ်ချုပ်မှုယန္တရား  တရားမျှတကောင်းမွန်သည်နှင့်အမျှ နိုင်ငံတော်ဖွံ့ဖြိုးတိုးတက်မည် ဖြစ်ကြောင်း၊   တိုင်းဒေသကြီး/ ပြည်နယ် အစိုးရ၏ စီမံခန့်ခွဲမှုညံ့ဖျင်းပါက ဒီမိုကရေစီအသွင်ကူးပြောင်းရေးကို  အဟန့်အတားဖြစ် စေကြောင်း၊ နိုင်ငံသူ နိုင်ငံသားအားလုံးက ပြုပြင်ပြောင်းလဲရေးလမ်းကြောင်းတွင် ဒီမို ကရေစီဖက်ဒရယ်ပြည်ထောင်စု တည်ဆောက်ရာ၌  ပူးပေါင်းပါဝင်ဆောင်ရွက်ပေးကြရန် လိုအပ်ကြောင်း ပြောကြားသည်။
-
-
တွေ့ဆုံပွဲအပြီးတွင်  နိုင်ငံတော်သမ္မတသည်  တွေ့ဆုံပွဲသို့  တက်ရောက်လာကြသူ များအား ရင်းရင်းနှီးနှီး လိုက်လံ နှုတ်ဆက်ခဲ့သည်။
-
ယင်းနောက် နိုင်ငံတော်သမ္မတနှင့်အဖွဲ့သည် လွိုင်ကော်မြို့ သီရိမင်္ဂလာတောင်တော်ရှိ တောင်ကွဲစေတီတော် မြတ်ကြီးနှင့် မြို့နာမ် စေတီတော်တို့သို့ သွားရောက်ဖူးမြော်ကြည်ညိုပြီး  ပန်း၊  ရေချမ်းနှင့် ဆီမီးတို့ကပ်လှူ ပူဇော် ကာ ဂေါပကများထံ အလှူငွေများ ကို ပေးအပ်လှူဒါန်းခဲ့ သည်။ ထို့နောက် နိုင်ငံတော် သမ္မတနှင့်အဖွဲ့သည် ကယားပြည်နယ် လွိုင်ကော်မြို့မှ တပ်မတော် အထူးလေယာဉ်ဖြင့်ပြန်လည်ထွက်ခွာကြရာ နေပြည်တော်သို့  မွန်းလွဲပိုင်းတွင် ပြန်လည် ရောက်ရှိကြကြောင်း သိရသည်။
-
#မြ၀တီနေ့စဉ်သတင်းစာ

ရတနာပုံနေ့စဉ်သတင်းစာ (၁၇- ၁- ၂၀၁၉)


တနာပုံနေ့စဉ်သတင်းစာ (၁၇- ၁- ၂၀၁၉)
-
Download Links

မြဝတီနေ့စဉ်သတင်းစာ (၁၇-၁-၂၀၁၉)

မြဝတီနေ့စဉ်သတင်းစာ (၁၇-၁-၂၀၁၉)

-
 Download Links

Wednesday, January 16, 2019

ရတနာပုံနေ့စဉ်သတင်းစာ (၁၆- ၁- ၂၀၁၉)

တနာပုံနေ့စဉ်သတင်းစာ (၁၆- ၁- ၂၀၁၉)
-
Download Links

မြဝတီနေ့စဉ်သတင်းစာ (၁၆-၁-၂၀၁၉)

မြဝတီနေ့စဉ်သတင်းစာ (၁၆-၁-၂၀၁၉)

-
 Download Links

Tuesday, January 15, 2019

ရွှေစက်တော်ဘုရားနှင့် သုံးမိုင်သာ ကွာဝေးသည့်နေရာတွင် မန်းချောင်း ဆင်စခန်း ဖွင့်လှစ်မည်

ရွှေစက်တော်ဘုရားနှင့် သုံးမိုင်သာ ကွာဝေးသည့်နေရာတွင် မန်းချောင်း ဆင်စခန်း ဖွင့်လှစ်မည်
-
မကွေး  ဇန်နဝါရီ  ၁၄ 
-
သစ်ထုတ်ဆင်များကို ထိန်းသိမ်းရင်း  ခရီးသွား လုပ်ငန်းတစ်ခုအဖြစ် အကောင်အထည်ပေါ် ဖွံ့ဖြိုးတိုးတက်လာစေရန် ရည်ရွယ်၍ မကွေးတိုင်းဒေသကြီး အတွင်း၌  ဆင်စခန်းတစ်ခု တည်ထောင်လျက်ရှိပြီး ဖေဖော်ဝါရီ ၉ ရက်တွင် ကျင်းပမည့် ရွှေစက်တော်ဘုရား ပွဲတော်ဖွင့်ပွဲနေ့တွင် ဖွင့်လှစ်မည်ဖြစ်သည်။ 
-
အဆိုပါဆင်စခန်းသည်  မင်းဘူးခရိုင် ပန်းတောင်း-ပျော်ဘွယ် ကြိုးပြင် ကာကွယ်တော အတွင်း၌ ရွှေစက်တော်ဘုရားပွဲ အထက်စက်တော်ရာ သွားသည့်လမ်း ကိုးခန်းကြီး လမ်းခွဲမှ သုံးမိုင်အကွာ၌ရှိသည်။ ပဒါန်းဒေသ အနီး ပုသိမ်-မုံရွာလမ်းမှခွဲထွက်သည့် ၈ မိုင်လမ်းမှလာလျှင် ၅ မိုင်ခန့် လာရသည်။ 
-
မြေအကျယ်  ၈ ဧကပေါ်၌  တည်းခိုဆောင်၊ နားနေဆောင်၊ စားသောက်ဆောင်၊ ဆင်ထားရာနေရာ စသည့် အဆောက်အအုံများ ပါဝင်ပြီး ဆင်စားကျက်မြေ  ဧက  ၇ဝဝ နှင့်ဆင်စခန်း၏ရှေ့လုပ်ငန်းစဉ်တွင် သစ်ပင်စိုက်ပျိုးရန်၊ လူထုအပန်းဖြေနေရာနှင့် ကစားကွင်းများ တည်ဆောက်ရန် တို့အတွက် မြေလွတ်မြေရိုင်းဧက ၁၂ဝ ကို ဆင်စခန်းက ရရှိထားသည်။
-
''မန်းချောင်းဆင်စခန်းဆိုတာက   ဆင်ထိန်းသိမ်းရေး အခြေပြု ခရီးသွားလုပ်ငန်းပါ။ ဒီမှာက ဆင်တွေကြည့်လို့ရမယ်။ စီးလို့ရမယ်။  အပန်းဖြေအနားယူလို့ရမယ့် တည်းခိုဆောင် ဘန်ဂလိုလေးတွေ  ၁၁ လုံး ဆောက်ပြီးပါပြီ။ အထဲမှာ အိမ်သာပါမယ်။ ရေချိုးခန်းပါမယ်။  နှစ်ယောက်စာ မွေ့ရာ၊ ခေါင်းအုံး၊ ခြင်ထောင်ပါမယ်။  ငါးဦးလောက် ချောင်ချောင်ချိချိ တည်းခိုလို့ရပါတယ်။ ဌာနကဝန်ထမ်းတွေ ဖွင့်လှစ်မယ့် လက်ဖက်ရည်နဲ့ အစားအသောက်ရောင်းတဲ့ ဆိုင်တစ်ဆိုင် ထားရှိပါတယ်''ဟု ဆင်စခန်း ဒုတိယတာဝန်ခံ ဦးအောင်ကိုကိုထက် က ပြောသည်။ 
-
ဆင်စခန်းတည်းခိုခဈေးနှုန်းမှာ ရွှေစက်တော် တည်းခိုဆောင်များကို သတ်မှတ်ထားသည့် ရေစပ် ငွေကျပ် ၃ဝဝဝဝ၊ ကုန်းတွင်းခန်းငွေကျပ် ၂ဝဝဝဝ  ဆိုသည့် ဈေးနှုန်းကဲ့သို့ သင့်တင့်သည့်ဈေးနှုန်း သတ်မှတ်မည်ဖြစ်ပြီး အခမဲ့နားနေဆောင် ၁၅ လုံး ထားရှိပေးမည်ဖြစ်ကာ သုံးလုံး တည်ဆောက်ပြီးဖြစ်သည်။ ဆင်များကို    ရွှေစက်တော်ပွဲတော်ထိ စီးနင်းသွားလာနိုင်သည့် အခြေအနေမျိုး မဟုတ်ဘဲ ဆင်စခန်းပတ်ဝန်းကျင်  မန်းချောင်းရိုးတစ်လျှောက် တောတောင် သဘာဝအလှများကိုသာ ဆင်စီးရင်း ကြည့်ရှုခံစားနိုင်မည်ဖြစ်ကြောင်း၊ ဆင်စီးခမှာ လူကြီးတစ်ဦး ငွေကျပ် ၅ဝဝဝ ဖြစ်ပြီး   မိနစ် ၂ဝ မှ ၃ဝ အတွင်း ကြာမြင့်မည်ဖြစ်ကြောင်း  ဆင်စခန်းမှ သိရသည်။ 
-
ဆင်စခန်းတွင် လတ်တလော ဆင်ခုနစ်ကောင် ရောက်ရှိနေပြီး ဆင် ၁၅ ကောင် ထားရှိသွားမည်ဖြစ်ရာ ဆင်ထိန်းသိမ်းရေး အဖွဲ့၌ ဆင်ခေါင်း၊ လက်ထောက်ဆင်ခေါင်း အပါအဝင် ဝန်ထမ်း ၂၂ ဦးနှင့် အုပ်ချုပ်စီမံအဖွဲ့များ၊    ဆင်ကျန်းမာရေး ဆရာဝန်တို့   ပါဝင်မည် ဖြစ်သည်။ မကွေးတိုင်းဒေသကြီးအစိုးရ အဖွဲ့နှင့် မြန်မာ့သစ်လုပ်ငန်းတို့၏ ပူးပေါင်းဆောင်ရွက်မှုဖြင့်  ထူထောင်နေသည့်မန်းချောင်းဆင်စခန်းကို  ပြည်ထောင်စု ဘတ်ဂျက်ငွေနှင့်တိုင်းဒေသကြီး ဘတ်ဂျက်ငွေတို့ဖြင့် သုံးစွဲဆောင်ရွက်နေခြင်း ဖြစ်ကြောင်း သိရသည်။
-
#မြ၀တီနေ့စဉ်သတင်းစာ

ဆွာချောင်းတမံမှ နွေစပါးစိုက်ဧက မူလလျာထားချက်ထက် ဧက ၅ဝဝ ကျော် ပိုမိုရေပေးဝေနိုင်

ဆွာချောင်းတမံမှ နွေစပါးစိုက်ဧက မူလလျာထားချက်ထက် ဧက ၅ဝဝ ကျော် ပိုမိုရေပေးဝေနိုင်
-
ရေတာရှည်   ဇန်နဝါရီ  ၁၄ 
-
ပဲခူးတိုင်းဒေသကြီး ရေတာရှည်မြို့နယ် ဆွာချောင်းတမံမှ ယခုနှစ်နွေစပါး စိုက်ပျိုးရာသီတွင် မူလလျာထားချက်ဖြစ်သော ဧက၅ဝဝဝ အား ဒီဇင်ဘာ တတိယပတ်တွင် ရေစတင်ပေးဝေခဲ့ရာ မူလလျာထားချက်ထက် ဧက ၅ဝဝ ကျော် ပိုမိုပေးဝေနိုင်ကြောင်း သိရသည်။ 
-
''နွေစပါးစိုက်ပျိုးမည့် စာရင်းမှာ  မပါဝင်ပေမယ့် ရေပိုရေလျှံတွေ ဝင်ရောက်လာတဲ့အတွက်  တောင်သူတွေစုပြီး စိုက်ကြတာ အဆင်ပြေပါတယ်''ဟု ရေတာရှည်မြို့ ညောင်ပင်သာကျေးရွာနေ ဒေသခံတောင်သူ တစ်ဦးက ပြောသည်။ 
-
တောင်ငူခရိုင်ဆည်မြောင်းနှင့် ရေအသုံးချမှု စီမံခန့်ခွဲရေး ဦးစီးဌာနမှ တာဝန်ရှိသူများ၏ ကြီးကြပ်မှုဖြင့် ကွင်းဝန်ထမ်းများ၊ နွေစပါးစိုက်ပျိုးလိုသည့် ဒေသခံတောင်သူများ ပူးပေါင်းညှိနှိုင်းဆောင်ရွက်လျက်ရှိရာ ပိုလျှံလာသော ရေဖြင့် မူလလျာထားသည့် ဧကထက် ပိုမိုစိုက်ပျိုးနိုင်ခဲ့ခြင်းဖြစ်သည်။ 
-
ထို့ပြင် ဆွာချောင်းမြောက်ဘက်ခြမ်းရှိ သိုင်းဝကျေးရွာအုပ်စုအလယ်မြှောင်ကျေးရွာနှင့် ဆွာမင်းလမ်းကျေးရွာအုပ်စု စီပင်အေးကျေးရွာ အကြားရှိ ကွင်းအမှတ်(၆၁၉)နှင့် ဆွာမင်းလမ်း အုပ်စု စီပင်အေးကျေးရွာနှင့် ဆီဆုံကုန်းကျေးရွာ အကြားရှိ ကွင်းအမှတ် ၆၂၁(ဂ)တို့အား ချောင်းပိတ်စနစ်၊  ရေတင်စနစ်ဖြင့် လည်းကောင်း၊ ကြာအင်းကျေးရွာတွင် ရေတင်စနစ်ဖြင့်လည်းကောင်း နွေစပါး စိုက်ပျိုးနိုင်ရန် ရေပေးဝေလျက်ရှိကြောင်း  သိရသည်။
-
#မြ၀တီနေ့စဉ်သတင်းစာ
Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page