လက်ဖြင့် ထုလုပ်သော ပန်းပုရုပ်များကို ပိုမိုနှစ်သက်၍ ပန်းပုထုသည့်စက် အသုံးနည်း နေသေး

-

ရန်ကုန် ဇန်နဝါရီ ၃ဝ 

-

ပြည်တွင်း၌ ပန်းပုရုပ်များကို လက်ဖြင့် ထုလုပ်သောလက်ရာများ ပိုမိုနှစ်သက်ကြသည့်အတွက် ပန်းပုထုလုပ်သည့် စက်များအသုံးနည်းနေသေးကြောင်း IPENTUM TECHNOLOGY Co.,Ltd.မှ Marketing Manager ဒေါ်အေးမြတ်မွန်ထံမှ သိရသည်။ ''ဒီစက်တွေက ပန်းပုလည်းထုလို့ရတယ်။ Furniture အပိုင်းမှာဆိုရင် ပန်းကနုတ်လေးတွေ ဖော်ကြတယ်။ အဲဒီပန်းက နုတ်လေး တွေကိုလည်း ဒီစက်နဲ့ပဲ ထွင်းလို့ရတယ်။ ဒီစက်တွေက မြန်မာနိုင်ငံကို လွန်ခဲ့တဲ့ ကိုးနှစ်လောက် ကတည်းကဝင်ပြီး သုံးနှစ်လောက်ပဲ မြန်မာနိုင်ငံမှာ ခေတ်စားပြီးတော့ အခုအသုံးနည်းသွားတယ်'' ဟု ဒေါ်အေးမြတ်မွန်ကပြောသည်။ 

-

အဆိုပါစက်များကို မကွေး၊ စစ်ကိုင်းနှင့် မုံရွာစသည့် မြို့နယ်တို့၌ ဖြန့်ဖြူးထားပြီး DK1325 ဟုခေါ်သည့် စက်အမျိုးအစား များစွာရှိကြောင်း သိရသည်။ ''စက်ချင်းကမတူဘူး။ ပန်းပုက ပန်းပုသတ်သတ်၊ Furnitureက သတ်သတ်။ အခုနောက်ပိုင်း Furniture က ခေတ်စား လာတဲ့အတွက် Furniture ဆိုင်တွေ အဝယ်များတယ်။ ပန်းပုက သိပ်ခေတ်မစားသေးဘူး။ Handmade တွေကပိုပြီးများ နေသေးတဲ့အတွက် Furniture ပိုင်းကို သွားတဲ့စက်ဆိုရင် ငွေကျပ် ၂၂၅ သိန်း၊ Furniture ရော ပန်းပုပါတွဲတဲ့စက်က ငွေကျပ် ၁၇၈ သိန်း၊ ပန်းပုပဲသီးသန့်ဆိုရင် ငွေကျပ် ၃၁၈ သိန်း ဈေးရှိတယ်'' ဟု ဒေါ်အေးမြတ်မွန်က ပြောသည်။ 

-

ဆုလာဘ်

-

#မြ၀တီနေ့စဉ်သတင်းစာ