ကျောက်မဲမြို့၊ အမှတ်(၉)ရပ်ကွက်၌ မူးယစ်ဆေးဝါးများ ဖမ်းဆီးရမိ

-

နေပြည်တော် ဇန်နဝါရီ ၃ဝ 

-

ရှမ်းပြည်နယ်(မြောက်ပိုင်း)၊ ကျောက်မဲမြို့၊ အမှတ်(၉)ရပ်ကွက်ရှိ ဦးထန်ဆိုင်လင်း၏ နေအိမ်အား ဇန်နဝါရီ ၂၉ ရက် ညနေ ၅ နာရီခန့်တွင် ဌာနဆိုင်ရာတာဝန်ရှိသူများ ပါဝင်သော ပူးပေါင်းအဖွဲ့ကသတင်းအရဝင်ရောက်ရှာဖွေရာ ၄င်း၏ နေအိမ်၌ ငှားရမ်းနေထိုင်သည့် အောင်ကျော်(ဘ) ဦးအိုက်ခေါင်နှင့် မစိန်ပွင့်(ဘ) ဦးစိန္ဒာတို့ နှစ်ဦးအား ဘိန်းဖြူ ၈ဝ ဂရမ်နှင့် WY စာတန်းပါ စိတ်ကြွရူးသွပ်ဆေးပြား ၁၂၉ ပြား (ခန့်မှန်းတန်ဖိုးငွေကျပ် ၁၇ သိန်းကျော်) နှင့်အတူ ဖမ်းဆီးရမိခဲ့သည်။ 

-

အဆိုပါ မူးယစ်ဆေးဝါး များနှင့်အတူ ဖမ်းဆီးရမိ သူများအား ကျောက်မဲမြို့မ ရဲစခန်း၌ တရားဥပဒေအရ အမှုဖွင့် အရေးယူ ဆောင်ရွက်လျက် ရှိကြောင်း သတင်း ရရှိသည်။

-

#မြ၀တီနေ့စဉ်သတင်းစာ