www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Wednesday, February 20, 2019

ရွှေသောင်ယံ-ချောင်းသာသွား ကားလမ်းမကြီး တိုးချဲ့

ရွှေသောင်ယံ-ချောင်းသာသွား ကားလမ်းမကြီး တိုးချဲ့
-
ရွှေသောင်ယံ  ဖေဖော်ဝါရီ ၁၉ 
-
ဧရာဝတီတိုင်းဒေသကြီး ပုသိမ်ခရိုင် ရွှေသောင်ယံ-ချောင်းသာသွား ကားလမ်းမကြီး အဆင့်မြှင့်တင်တိုးချဲ့ဖောက်လုပ်ခြင်းကို ရွှေသောင်ယံမြို့ အမှတ်(၃)ရပ်ကွက်ရှိ ရွှေဟိန်းထက်ကုမ္ပဏီနှင့်ချောင်းသာမှ  GERIZIM HOTELတို့ ဦးဆောင်၍  ရွှေသောင်ယံ-ချောင်းသာလမ်းပေါ်ရှိ ဟိုတယ်လုပ်ငန်းရှင်များ ပူးပေါင်းကာ ပေ ၅ဝ အကျယ်မြေသား လမ်းမကြီးကိုဖောက်လုပ်လှူဒါန်း ဆောင်ရွက်လျက်ရှိကြောင်းသိရသည်။ 
-
အဆိုပါ ရွှေသောင်ယံ-ချောင်းသာ ကားလမ်းသည် လမ်းအရှည် ၈ မိုင်ရှိပြီး ပထမလမ်းသားမှာ ကျဉ်းမြောင်းလွန်းသည့်အတွက်ရွှေသောင်ယံရှိ ဒေသခံပြည်သူများ၏ တောင်းဆိုမှုကြောင့်ယခုလိုလမ်းချဲ့ဖောက်လုပ်ခြင်းဖြစ်ပြီး ယခုဖေဖော်ဝါရီလထဲတွင် အပြီးသတ် ဆောင်ရွက်မည့် ဖြစ်ကြောင်းသိရသည်။  
-
#မြ၀တီနေ့စဉ်သတင်းစာ

မင်းတုန်းမြို့နယ်အတွင်း လူထုဗဟိုပြု အခြေခံ အဆောက်အဦ ၁၈၄ ခုကို ငွေကျပ်သန်း ၁၈၁ဝ အသုံးပြု၍ ဆောင်ရွက်လျက်ရှိ

မင်းတုန်းမြို့နယ်အတွင်း လူထုဗဟိုပြု အခြေခံ အဆောက်အဦ ၁၈၄ ခုကို ငွေကျပ်သန်း ၁၈၁ဝ အသုံးပြု၍ ဆောင်ရွက်လျက်ရှိ
-
မင်းတုန်း  ဖေဖော်ဝါရီ  ၁၉ 
-
ကမ္ဘာ့ဘဏ်နှင့် ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနတို့ ပူးပေါင်း၍ မကွေးတိုင်းဒေသကြီး သရက်ခရိုင် မင်းတုန်းမြို့နယ်အတွင်း ကျေးရွာများ၌ လူထုဗဟိုပြု အခြေခံအဆောက်အဦလုပ်ငန်း  ၁၈၄ ခုကို ငွေကျပ်သန်း ၁၈၁ဝ အသုံးပြု၍၂ဝ၁၈-၂ဝ၁၉ ဘဏ္ဍာနှစ်တွင် အကောင်အထည်ဖော် ဆောင်ရွက်နေကြောင်း လူထုဗဟိုပြု စီမံကိန်း တာဝန်ရှိသူထံမှသိရသည်။ 
-
လူထုဗဟိုပြုစီမံကိန်းကို၂ဝ၁၅-၂ဝ၁၆ ဘဏ္ဍာနှစ်မှစတင်ကာ မင်းတုန်းမြို့နယ်အတွင်းရှိကျေးရွာများ အားလုံး၌ အကောင်အထည်ဖော် ဆောင်ရွက်နေခြင်းဖြစ်ပြီး ယခုစတုတ္ထနှစ် စက်ဝန်းကာလတွင်လျာထားလုပ်ငန်း ၁၈၄ ခုအနက် လုပ်ငန်း ၁၁ ခုဆောင်ရွက် ပြီးစီးနေပြီဖြစ်သည်။ 
-
''စီမံကိန်းရဲ့ စတုတ္ထနှစ် စက်ဝန်းမှာ လမ်းလုပ်ငန်း ၅၁ ခု၊ တံတားလုပ်ငန်းငါးခု၊ ရေပေးရေးလုပ်ငန်း ၂၃ ခု၊ မီးလင်းရေးလုပ်ငန်း ၇၂ ခု၊စာသင်ကျောင်းဆောင် ဆောက်လုပ်ခြင်းလုပ်ငန်း ၁ဝ ခု၊ဘက်စုံသုံးခန်းမ ၁၆ ခု၊ မြေထိန်းနံရံတည်ဆောက်ခြင်းလုပ်ငန်းခုနစ်ခုတို့ကို ဆောင်ရွက်လျက်ရှိပါတယ်။ လတ်တလောကတော့ လမ်းလုပ်ငန်းခုနစ်ခု၊ ရေပေးရေးလုပ်ငန်းတစ်ခု၊ မီးလင်းရေးလုပ်ငန်း သုံးခုတို့ ဆောင်ရွက်ပြီးစီးပြီဖြစ်ပါတယ်။ ဒီလိုလုပ်ငန်းတွေ ဆောင်ရွက်တဲ့အခါမှာ ကျေးလက်ဒေသဖွံ့ဖြိုးတိုးတက်ရေး ဦးစီးဌာနနဲ့  စီမံကိန်း ဝန်ထမ်းများရဲ့ နည်းပညာပံ့ပိုးမှု၊ အနီးကပ်ကြီးကြပ်မှုတွေ ရှိပါတယ်။လုပ်ငန်းတွေ ကိုတော့ ကျေးရွာလူထု ကိုယ်တိုင် အောင်မြင်အောင် အကောင်အထည်ဖော် ဆောင်ရွက်တဲ့စနစ်မျိုးဖြစ်ပါတယ်''ဟု လူထုဗဟိုပြု စီမံကိန်းတာဝန်ခံ ဦးဝင်းသူရက ပြောသည်။ 
-
လူထုဗဟိုပြုစီမံကိန်းဖြင့် မင်းတုန်းမြို့နယ်အတွင်းရှိ ကျေးရွာအားလုံး၌ စီမံကိန်း ပထမနှစ်စက်ဝန်း၊ ဒုတိယနှစ်စက်ဝန်းနှင့် တတိယနှစ်စက်ဝန်းတို့တွင် အခြေခံအဆောက်အဦ လုပ်ငန်းခွဲ ၄၈ဝ ကိုစီမံကိန်းထောက်ပံ့ငွေကျပ် ၄၅ဝ၅ ဒသမ ၃၁၇၂၉၉ သန်း၊ ပြည်သူထည့်ဝင်ငွေ ကျပ် ၂၉ဝ ဒသမ ၅၄၂၁၅၈ သန်း၊ စုစုပေါင်းငွေကျပ် ၄၇၉၅ ဒသမ ၈၅၉၄၅၇ သန်းဖြင့်  ဆောင်ရွက်နိုင်ခဲ့ကြောင်း သိရသည်။
-
#မြ၀တီနေ့စဉ်သတင်းစာ

တရားမဝင်သော စက်သုံးဆီဆိုင်များကို အရေးယူမည်

-
ပြည် ဖေဖော်ဝါရီ  ၁၉
-
ပဲခူးတိုင်းဒေသကြီး ပြည်ခရိုင်အတွင်း တရားမဝင် ရောင်းချနေသည့် စက်သုံးဆီဆိုင်များကို  မတ်လမှ စတင်ကာ  အရေးယူမည်ဖြစ်ကြောင်းသိရသည်။ စက်သုံးဆီဆိုင်များ သတ်မှတ် စည်းကမ်းနှင့်မညီဘဲ ဖွင့်လှစ်ရောင်းချခြင်း၊ သတ်မှတ်နေရာတွင် ရောင်းချမှုမပြုခြင်း၊ လိုင်စင်မရှိဘဲ ဖွင့်လှစ်ရောင်းချခြင်းများကို ပူးပေါင်းစစ်ဆေးမှုများ ပြုလုပ်ကာ အရေးယူမည်ဖြစ်သည်။ 
-
တရားမဝင်ဖွင့်ထားသည့် စက်သုံးဆီဆိုင်ကြီးများအပြင် ဘက်ထရီပန့်ဖြင့်ရောင်းချသည့်ဆိုင်၊ ပုလင်းထောင် ရောင်းချသည့် လမ်းဘေးဓာတ်ဆီဆိုင်များကို အရေးယူရန် ပြင်ဆင်လျက်ရှိသည်။ ပြည်ခရိုင်၌တရားဝင် ရောင်းချနေသော စက်သုံးဆီဆိုင် ၄၂ ဆိုင်ရှိပြီး လျှောက်ထားဆဲ ခြောက်ဆိုင်ရှိကာ တရားမဝင်စက်သုံးဆီဆိုင် ၁၅ဝ ခန့်နှင့် ပုလင်းထောင် ရောင်းချသည့် စက်သုံးဆီဆိုင် ၄၅ဝ ခန့်အထိရှိနေကြောင်းသိရသည်။
-
#မြ၀တီနေ့စဉ်သတင်းစာ

(၇၁)နှစ်မြောက် ဇိုမီး အမျိုးသားနေ့ စည်ကားစွာ ကျင်းပမည်

(၇၁)နှစ်မြောက် ဇိုမီး အမျိုးသားနေ့ စည်ကားစွာ ကျင်းပမည်
-
ကလေး ဖေဖော်ဝါရီ ၁၉ 
-
စစ်ကိုင်းတိုင်း ဒေသကြီး ကလေးခရိုင် ကလေးမြို့သဇင်ရပ်ကွက်နယ်မြေ(၅) မြို့ပတ်လမ်းရှိ မြန်မာနိုင်ငံ ဇိုမီးနှစ်ခြင်းခရစ်ယာန်အသင်းချုပ်ရုံးဝင်းဇိုမီးခန်းမ၌ ဖေဖော်ဝါရီ၁၉ ရက်တွင် (၇၁)နှစ်မြောက်ဇိုမီးအမျိုးသားနေ့ အခမ်းအနားကိုစည်ကားစွာကျင်းပမည် ဖြစ်ကြောင်း သိရသည်။ 
-
''ဇိုမီးတွေပဲ စုပေါင်း နေထိုင်တဲ့နေရာမှာဇိုမီးအမျိုးသားနေ့ကို ကျင်းပလာခဲ့တာလည်း ကြာပါပြီ။ ဇိုမီးအမျိုးသားတွေဟာ တီးတိန်၊တွန်းဇံ၊ ကျီခါးမြို့နယ်အတွင်းနဲ့ ကလေးကဘော် ယောချိုင့်ဝှမ်းတွေမှာ အများဆုံး နေထိုင်ကြပါတယ်။ အခုကျင်းပခြင်းဟာ ဇိုမီးဘာသာစကား၊ စာပေယဉ်ကျေးမှု၊ ဓလေ့ထုံးစံနဲ့ ဇိုမီးသမိုင်းကြောင်း တွေကို ထိန်းသိမ်းခြင်း ဖြစ်ပါတယ်။ ဇိုမီးရိုးရာယဉ်ကျေးမှုတွေ ဖြစ်ကြတဲ့ ခွာဒိုပွဲ၊ ရှာလ်ဆောမ်းပွဲတွေ ကိုလည်း နှစ်စဉ်ကျင်းပ ပါတယ်''ဟု ပွဲကျင်းပရေး ကော်မတီမှ ဦးခေါမ်းကျင့်ခုပ်က ပြောသည်။ 
-
အဆိုပါ ပွဲတော်တွင် ရိုးရာနှင့် ပတ်သက်သည့် စာပေဟောပြောပွဲ၊ ရိုးရာယဉ်ကျေးမှု အဖွဲ့များမှ အကပဒေသာများဖြင့် ဖျော်ဖြေကပြခြင်း၊ ဇိုမီးလူငယ်အဖွဲ့မှ ဇိုမီးလူမျိုးနွယ်များ၏ ဘိုးဘွားများ၏ရိုးရာအမွေအနှစ် ထိန်းသိမ်းထားရှိသော ရှေးဟောင်းအသုံးအဆောင်ပစ္စည်းများ တွဲဖက်၍ ရိုးရာဝတ်စားဆင်ယင်မှုများဖြင့် သရုပ်ပြသည့် ခေတ်ပေါ်ရိုးရာဝတ်စုံ ဖက်ရှင်နှင့် ခေတ်ပေါ်တေးသီချင်းများဖြင့် ဖျော်ဖြေတင်ဆက်ခြင်းစသည့် ပျော်ပွဲရွှင်ပွဲများ ပါဝင်မည် ဖြစ်ကြောင်းသိရသည်။ 
-
ထယ်လ်ဏ
-
#မြ၀တီနေ့စဉ်သတင်းစာ

ဝါးတစ်ရာ စက်မှုဇုန် အထပ်သားစက်ရုံ မီးလောင်မှုဖြစ် တစ်ဦးသေဆုံး ၁၃ ဦးဒဏ်ရာရ

ဝါးတစ်ရာ စက်မှုဇုန် အထပ်သားစက်ရုံ မီးလောင်မှုဖြစ် တစ်ဦးသေဆုံး ၁၃ ဦးဒဏ်ရာရ
-
ရန်ကုန် ဖေဖော်ဝါရီ ၁၉ 
-
ရန်ကုန်တိုင်းဒေသကြီး ရွှေပြည်သာမြို့နယ် ဝါးတစ်ရာ စက်မှုဇုန်၌ ယမန်နေ့ ည၇ နာရီ ၁ဝ မိနစ်က အထပ်သားစက်ရုံ မီးလောင်မှု ဖြစ်ပွားရာ တစ်ဦးသေဆုံးပြီး ၁၃ ဦး ဒဏ်ရာရရှိမှု ဖြစ်ပွားကြောင်း သိရသည်။ 
-
ဖြစ်စဉ်မှာ ရွှေပြည်သာမြို့နယ် ဝါးတစ်ရာစက်မှုဇုန် ဆိပ်ကမ်းသာလမ်းရှိ HONDA Myanmar Co.,Ltd. အထပ်သားစက်ရုံ၏ ခြံအကျယ်အဝန်း ၇ ဒသမ ၂ ဧကပေါ်၌ တည်ဆောက် ထားသော အလျားပေ ၂၄ဝ၊ အနံပေ ၈ဝ၊ အမြင့်ပေ ၄ဝ Steel Structure သွပ်မိုး၊ သွပ်ကာ၊ ကွန်ကရစ်ခင်း အဆောက်အအုံနှင့် အလျားပေ ၁၄ဝ၊ အနံပေ ၁၄ဝ၊ အမြင့်ပေ ၄ဝ Steel Structure သွပ်မိုး၊သွပ်ကာ၊ ကွန်ကရစ်ခင်း အဆောက်အအုံကြားရှိ အလျားပေ ၂ဝ၊ အနံ ၁၅ ပေ၊ အမြင့် ၈ ပေရှိ မြေပေါ်ကန်နှစ်ကန်မှ အထပ်သားများကို ကော်ဖတ်စားရာမှ ထွက်လာသောအမှုန့်၊ မြေပေါ်ကန် နှစ်ကန်ဘေးရှိ အလျား၁၅ ပေ၊ အနံ ၁၅ ပေ၊ အမြင့် ၅ ပေ အထပ်သားများကို ကော်ဖတ်စားရာမှ ထွက်လာသော အမှုန့်အပုံနှင့် အလျားပေ ၂၄ဝ၊အနံပေ ၈ဝ၊ အမြင့်ပေ ၄ဝ Steel Structure သွပ်မိုး၊ သွပ်ကာ၊ ကွန်ကရစ်ခင်း အဆောက်အအုံရှေ့ အလျားပေ ၆ဝ၊ အနံပေ ၂ဝ၊ အမြင့် ၁ဝ ပေ အထပ်သားများကို ကော်ဖတ်စားရာမှ ထွက်လာသော အမှုန့်အပုံတို့မှ မီးလောင်မှုဖြစ်ပွားခြင်းဖြစ်သည်။ 
-
မီးလောင်မှု ဖြစ်ပွားရာသို့ မြန်မာနိုင်ငံ မီးသတ်တပ်ဖွဲ့ဌာနချုပ်မှ ညွှန်ကြားရေးမှူး ဦးရဲမင်းသွေး၏ အနီးကပ်ကြီးကြပ်မှုဖြင့် သန္ဓေမီးသတ်တပ်ဖွဲ့ဝင် ၄ဝ၇ ဦးနှင့် အရန်မီးသတ် တပ်ဖွဲ့ဝင် ၁၆၁ ဦးတို့က ရွှေပြည်သာမြို့နယ် မီးသတ်စခန်းမှ မီးငြှိမ်းသတ်ယာဉ် နှစ်စီး အပါအဝင်အခြားမြို့နယ် အသီးသီးမှ မီးငြှိမ်းသတ်ယာဉ် စုစုပေါင်း ၄၄ စီး၊ အထောက်အကူပြုယာဉ် စုစုပေါင်းငါးစီး၊ ကွပ်ကဲမှုယာဉ် စုစုပေါင်း ခုနစ်စီးတို့ဖြင့် မီးငြှိမ်းသတ်ရာ ည ၈ နာရီခွဲတွင်မီးငြိမ်းသွားသည်။ 
-
မီးလောင်မှုကြောင့် ထိခိုက်ဒဏ်ရာ ရရှိသူ စုစုပေါင်း ၁၄ ဦးရှိပြီး အင်းစိန်ဆေးရုံကြီး၌ ၁၂ ဦးနှင့် ရန်ကုန်ပြည်သူ့ ဆေးရုံကြီး၌ နှစ်ဦးဆေးကုသမှု ခံယူလျက်ရှိရာ အင်းစိန်ဆေးရုံကြီးတွင် ဆေးကုသမှု ခံယူနေသော အလုပ်သမား ငြိမ်းချမ်းဦး ၃၁ နှစ်မှာ ယနေ့ နံနက်ပိုင်းတွင် သေဆုံးသွားကာကျန်ထိခိုက်ဒဏ်ရာရရှိသူ ၁၃ ဦးမှာ ဆေးကုသမှု ခံယူလျက်ရှိကြောင်းသိရသည်။ 
-
မောင်မျိုး(ဧရာဝတီ)
-
#မြ၀တီနေ့စဉ်သတင်းစာ

သန်လျင်တံတား (တံတားဟောင်း) အနီး ရထားဘူတာသစ် တည်ဆောက်ရန် စီစဉ်

သန်လျင်တံတား (တံတားဟောင်း) အနီး ရထားဘူတာသစ် တည်ဆောက်ရန် စီစဉ်
-
ရန်ကုန် ဖေဖော်ဝါရီ ၁၉ 
-
ရန်ကုန်တိုင်း ဒေသကြီး သာကေတ မြို့နယ်ရှိ သန်လျင်တံတား (ယခင်တံတားဟောင်း) အနီး၌ ရပ်စခန်း ရထားဘူတာသစ် တည်ဆောက်ရန် စီစဉ်နေကြောင်း မြန်မာ့မီးရထား တာဝန်ရှိသူ တစ်ဦးထံမှသိရသည်။
-
အဆိုပါ ရထားဘူတာတည်ဆောက်နိုင်ရန်သက်ဆိုင်ရာ တာဝန်ရှိသူများပါဝင်သော အဖွဲ့သည် ယမန်နေ့က ယင်းနေရာသို့ သွားရောက်၍ မြေပြင် အခြေအနေကို ကြည့်ရှုစစ်ဆေးခဲ့သည်။ ''အထွေထွေမန်နေဂျာ (အောက်မြန်မာပြည်) ဦးဆောင်တဲ့ အဖွဲ့တွေ ဒီမနက်မှာ သန်လျင်တံတားထိပ်က ဘူတာသစ်တည်ဆောက်မယ့် နေရာကိုသွားပြီး မြေပြင်အနေအထား၊ အကျယ်အဝန်းတွေနဲ့ပတ်ဝန်းကျင် အခြေအနေတွေကိုလေ့လာကြည့်ရှုခဲ့ပါတယ်'' ဟု ၄င်းက ပြောသည်။ 
-
ယင်းဘူတာ ဆောက်လုပ်မည့် နေရာသည် သန်လျင်မြို့နယ်ရှိ အောင်သုခဘူတာနှင့် သာကေတမြို့နယ်ရှိ ကွေ့မဘူတာကြား၌ ရှိပြီး ပြည်ထောင်စုတိုင်းရင်းသား ကျေးရွာအနီးတွင် ရှိသဖြင့် ရထားစီးနင်းသူများအဆင်ပြေစေမည် ဖြစ်သည်။ ထို့ပြင် YBS ယာဉ်လိုင်းများဖြင့် ချိတ်ဆက် သွားလာနိုင်မည်ဖြစ်၍ ခရီးသည်များ သွားလာရေး အဆင်ပြေစေရန် အထောက်အကူပြု နိုင်မည် ဖြစ်ကြောင်းသိရသည်။ ''ဒီနေရာမှာတည်ဆောက်ဖို့ လျာထားတာက သန်လျင်နဲ့ မြို့ထဲကို RBE ရထားပြေးဆွဲဖို့ပါ။ တံတားမှာကားပျက်တာကြောင့်ပဲဖြစ်ဖြစ်၊ ယာဉ်ကြောပိတ်ဆို့တာကြောင့်ပဲ ဖြစ်ဖြစ် သွားလာတဲ့ ခရီးသည်တွေအတွက်အဆင်ပြေအောင် စီစဉ်ပေးတာပါ။ သန်လျင်ကနေ မြို့ထဲကို ရောက်ရင်ကားပြောင်းစီးမယ်ဆိုရင်လည်းအဆင်ပြေမယ့်နေရာ ဖြစ်တာကြောင့် အသေးစိတ် အခြေအနေတွေကို ကြည့်ရှု စစ်ဆေးခဲ့ပါတယ်'' ဟု၎င်းက ပြောသည်။ 
-
ရပ်စခန်းဘူတာသစ် တည်ဆောက်ရန် ကွင်းဆင်း ကြည့်ရှုရာတွင် လွှတ်တော် ကိုယ်စားလှယ် များ၊ ရန်ကုန်တိုင်း ဒေသကြီးသယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့ (YRTA) မှ တာဝန်ရှိသူများနှင့် မြန်မာ့မီးရထားမှ တာဝန်ရှိသူများ ပါဝင်ကြောင်း သိရသည်။ 
-
ထက်ခိုင်(စမ်းချောင်း)
-
#မြ၀တီနေ့စဉ်သတင်းစာ

နိုင်ငံခြားဆေးဝါးများ လိုင်စင်မရှိဘဲ ရောင်းချခြင်း မရှိစေရေး ကွင်းဆင်းစစ်ဆေး

နိုင်ငံခြားဆေးဝါးများ လိုင်စင်မရှိဘဲ ရောင်းချခြင်း မရှိစေရေး ကွင်းဆင်းစစ်ဆေး
-
ဇီးကုန်း ဖေဖော်ဝါရီ ၁၉ 
-
ပဲခူးတိုင်းဒေသကြီး သာယာဝတီခရိုင် ဇီးကုန်းမြို့နယ်ရှိ ကုန်စုံဆိုင်၊ မုန့်ဆိုင်နှင့်စတိုးဆိုင်များတွင်နိုင်ငံခြားဆေးဝါးများ လိုင်စင်မရှိဘဲ ရောင်းချခြင်းမရှိစေရေးအတွက် ယနေ့နံနက်ပိုင်းတွင် တာဝန်ရှိသူများကွင်းဆင်းစစ်ဆေး ဆောင်ရွက်ကြကြောင်း သိရသည်။ 
-
ထိုသို့ ဆောင်ရွက်ရာတွင် မြို့နယ်ကျန်းမာရေး ဦးစီးဌာန၊ အထွေထွေ အုပ်ချုပ်ရေး ဦးစီးဌာန၊ စားသုံးသူရေးရာ ဦးစီးဌာနမှ တာဝန်ရှိသူများနှင့် မြို့နယ် ရဲတပ်ဖွဲ့ဝင်များပါဝင်သော ပူးပေါင်းအဖွဲ့သည်မြို့နယ်အတွင်းရှိ ကုန်စုံဆိုင်များ၊ မုန့်ဆိုင်များနှင့် စတိုးဆိုင်များသို့ သွားရောက်၍ နိုင်ငံခြား ဆေးဝါးများ ရောင်းချခွင့်လိုင်စင်မရှိဘဲ ရောင်းချခြင်း မရှိစေရေး ကွင်းဆင်း စစ်ဆေးကြသည်။ 
-
ထို့ပြင် စားသောက်ကုန်နှင့် မုန့်ဆိုင်များတွင်လည်း ထုပ်ပိုးမှုစနစ်တွင် ပါဝင်ပစ္စည်းများ၊ ထုတ်လုပ်ရက်စွဲနှင့် ကုန်ဆုံးရက်စွဲများကို မြန်မာဘာသာဖြင့် ရိုက်နှိပ်ဖော်ပြထားရန်နှင့် ဖော်ပြထားသောစားသောက်ကုန်များကိုသာ ရောင်းချကြရန် ဟောပြောပြီး အသိပညာပေး လက်ကမ်းစာစောင်များ ဖြန့်ဝေပေးကြောင်း သိရသည်။ 
-
တင့်ဆွေ(ဇီးကုန်း)
-
#မြ၀တီနေ့စဉ်သတင်းစာ

မြန်မာနိုင်ငံ ရဲတပ်ဖွဲ့၏ ဆဋ္ဌမ အကြိမ်မြောက် အသံမစဲမဟာပဋ္ဌာန်း ရွတ်ဖတ်ပူဇော်ပွဲ ဖွင့်ပွဲကျင်းပ

မြန်မာနိုင်ငံ ရဲတပ်ဖွဲ့၏ ဆဋ္ဌမ အကြိမ်မြောက် အသံမစဲမဟာပဋ္ဌာန်း ရွတ်ဖတ်ပူဇော်ပွဲ ဖွင့်ပွဲကျင်းပ
-
ရန်ကုန် ဖေဖော်ဝါရီ ၁၉ 
-
ရန်ကုန်တိုင်း ဒေသကြီး ဗဟန်းမြို့နယ် မြို့မရပ်ကွက် ဦးထောင်ဘိုလမ်းရှိ မြန်မာနိုင်ငံရဲတပ်ဖွဲ့ ရဲဓမ္မာရုံ၌ ရဲဓမ္မာရုံကြီးကြပ်မှု ကော်မတီမှ ဦးစီး၍ ဆဋ္ဌမအကြိမ်မြောက် အသံမစဲ မဟာပဋ္ဌာန်း ရွတ်ဖတ်ပူဇော်ပွဲ ဖွင့်ပွဲအခမ်းအနားကို ယနေ့တွင် ကျင်းပသည်။ 
-
ရှေးဦးစွာ အခမ်းအနားကို နမောတဿ သုံးကြိမ်ရွတ်ဆို ဘုရားကန်တော့ ဖွင့်လှစ်ပြီး ခေမာသီဝံကျောင်းတိုက် ပဓာနနာယက ဆရာတော် ဘဒ္ဒန္တစန္ဒိမာထံမှ အခမ်းအနား တက်ရောက်လာကြသူများက ငါးပါးသီလ ခံယူဆောက်တည်ကြကာ ဆရာတော်၊ သံဃာတော်များက ပရိတ်တရားတော်များ ရွတ်ပွားချီးမြှင့်သည်။ 
-
ထို့နောက် အမှတ် (၂) လုံခြုံရေးရဲ ကွပ်ကဲမှုအဖွဲ့ ကွပ်ကဲရေးမှူး ရဲမှူးချုပ် တင်ကိုကိုက ဝမ်းမြောက်စကား လျှောက်ထားပြီး ဆရာတော်ဓမ္မစာရက ရောင်ခြည်တော်ဖွင့် ဂါထာဖြင့် ဘုရားပင့်ဆောင်ပေးသည်။ ယင်းနောက် ခေမာသီဝံကျောင်းတိုက် ပဓာနနာယက ဆရာတော်နှင့်သံဃာတော်များအား နေ့ဆွမ်း ဆက်ကပ်လှူဒါန်းကာ အခမ်းအနားသို့ တက်ရောက် လာကြသော ဧည့်သည်တော်များအား ထမင်း၊ ဟင်းနှင့်အချိုပွဲများဖြင့် ဧည့်ခံကျွေးမွေးသည်။ 
-
အခမ်းအနားသို့ အမှတ် (၂) လုံခြုံရေး ရဲကွပ်ကဲမှုအဖွဲ့ ကွပ်ကဲရေးမှူး ရဲမှူးချုပ် တင်ကိုကို နှင့်ဇနီး ဒေါ်အိအိထွန်း၊ ရန်ကုန်တိုင်း ဒေသကြီး ရဲတပ်ဖွဲ့မှူး ရဲမှူးချုပ် မျိုးမင်းထိုက်၊ရန်ကုန်တိုင်းဒေသကြီးရဲတပ်ဖွဲ့ဒုတိယတိုင်း တပ်ဖွဲ့မှူး ရဲမှူးကြီး ဝင်းမင်းသိန်းနှင့် ဖိတ်ကြားထားသည့် ဧည့်သည်တော်များ တက်ရောက်ကြကြောင်း သိရသည်။ 
-
ရန်ကင်း
-
#မြ၀တီနေ့စဉ်သတင်းစာ

WATER BUS အထူးအစီအစဉ် များအနက် တွံတေး ခရီးစဉ်တွင် ခရီးသည် အနည်းဆုံး ၁ဝဝ ကျော်ရ

Water Bus အထူးအစီအစဉ် များအနက် တွံတေး ခရီးစဉ်တွင် ခရီးသည် အနည်းဆုံး ၁ဝဝ ကျော်ရ
-
ရန်ကုန် ဖေဖော်ဝါရီ ၁၉ 
-
Yangon Water Bus ၏ အထူးအစီအစဉ်များအနက် တွံတေးမြို့နယ်သို့ ဘုရားဖူးအလည်အပတ် ခရီးစဉ်တွင် လိုက်ပါသူ ခရီးသည်များပြားကာ ခရီးစဉ်တစ်ခုလျှင် အနည်းဆုံးခရီးသည် ၁ဝဝ ကျော်လိုက်ပါကြကြောင်း တင့်တင့်မြန်မာ ကုမ္ပဏီလီမိတက်မှ သိရသည်။ 
-
''တွံတေးခရီးစဉ်မှာ ခရီးသည် ၁၅ဝ ကနေ ၁၈ဝ လောက်အထိ လိုက်ပါတတ်ပါတယ်။ ခရီးသည်တွေအတွက် နေ့လယ်စာ ထမင်းဘူး၊ အသက်အာမခံ၊ ကော်ဖီနဲ့ ရေသန့်အပြင် တွံတေး ရောက်တဲ့အခါ သွားလာ လည်ပတ်ဖို့ပါ စီစဉ်ပေးပါတယ်။ စီးနင်းတဲ့ ခရီးသည် တွေထဲမှာ ပြည်တွင်းရော ပြည်ပ ဧည့်သည်တွေပါ ပါဝင်ပါတယ်'' ဟု ယင်းကုမ္ပဏီမှ တာဝန်ရှိသူ တစ်ဦးက ပြောသည်။ 
-
အဆိုပါ ခရီးစဉ်ကို ၂ဝ၁၈ ခုနှစ် မတ်လ မှစ၍ အခါကြီးရက်ကြီး ရုံးပိတ်ရက်များနှင့် စနေ၊ တနင်္ဂနွေရုံးပိတ်ရက် တို့တွင် ပြေးဆွဲပေးခြင်း ဖြစ်သည်။ ''စနေ၊ တနင်္ဂနွေအပတ်တိုင်းတော့မဟုတ်ဘူး။ ဒီတစ်ပတ်မှာတွံတေးခရီးစဉ်ကို ပြေးဆွဲရင် နောက်တစ်ပတ်မှာ ကျောက်တန်း ရေလယ်ဘုရား ခရီးစဉ်ကို ပြေးဆွဲပါတယ်။ တစ်လှည့်စီပြေးဆွဲပေးတဲ့သဘောပါ။ကျောက်တန်းခရီးစဉ်ထက် တွံတေးခရီးစဉ်ကိုလိုက်ပါတဲ့သူများတာ တွေ့ရပါတယ်'' ဟု ၄င်းက ပြောသည်။ 
-
တွံတေး ခရီးစဉ်အတွက် ခရီးသည် တစ်ဦးလျှင် ငွေကျပ် ၇ဝဝဝ ကောက်ခံပြီး ရွှေဆံတော်ဘုရား၊ တွံတေးမြို့ရှိ ရိုးရာမြေအိုး လုပ်ငန်းနှင့် ရက်ကန်းရုံများသို့ ပို့ဆောင်ပေးသည်။ တင့်တင့်မြန်မာ ကုမ္ပဏီလီမိတက်မှ စနေ၊တနင်္ဂနွေ အပါအဝင် အစိုးရ ရုံးပိတ်ရက်များ၏ ညနေပိုင်းတွင် ရန်ကုန်မြစ်ဝအထိ သွားရောက်ကြည့်ရှုရန် ပို့ဆောင်ပေးသော မြစ်တွင်း အပျော်စီး ခရီးစဉ်ကိုလည်း ပြေးဆွဲ ပေးလျက်ရှိကြောင်း သိရသည်။ -
ထက်ခိုင်(စမ်းချောင်း)
-
#မြ၀တီနေ့စဉ်သတင်းစာ

မိုးမိတ် မြို့နယ်အတွင်း တရားမဝင်သစ်များ သိမ်းဆည်းရမိ

မိုးမိတ် မြို့နယ်အတွင်း တရားမဝင်သစ်များ သိမ်းဆည်းရမိ
-
နေပြည်တော် ဖေဖော်ဝါရီ ၁၉ 
-
ရှမ်းပြည်နယ်(မြောက်ပိုင်း)၊ မိုးမိတ်မြို့နယ်အတွင်းလုံခြုံရေး ဆောင်ရွက်နေသော ပူးပေါင်း အဖွဲ့သည် ဖေဖော်ဝါရီ ၁၈ ရက် ည ၆ နာရီခန့်တွင် မိုင်းနင်းကျေးရွာ၏ အနောက်တောင်ဘက် မီတာ ၁ဝဝဝ ခန့်အကွာနှင့် ပတ်ဝန်းကျင် နေရာတစ်ဝိုက်၌ စုပုံထားသော တရားမဝင် ကျွန်းသစ်လုံးဆိုဒ်စုံ ၃၇ တန်ခန့်အား ပိုင်ရှင်မဲ့ သိမ်းဆည်း ရမိခဲ့သည်။ 
-
အဆိုပါ သိမ်းဆည်းရမိ တရားမဝင်သစ်များအား မိုးမိတ်မြို့နယ် သစ်တောဦးစီးဌာနသို့ စနစ်တကျ လွှဲပြောင်းအပ်နှံသွားမည် ဖြစ်ကြောင်း သတင်း ရရှိသည်။
-
#မြ၀တီနေ့စဉ်သတင်းစာ

ကွတ်ခိုင် မြို့နယ်အတွင်း မူးယစ်ဆေးဝါးများ သယ်ဆောင် လာသူအား ဖမ်းဆီးရမိ

ကွတ်ခိုင် မြို့နယ်အတွင်း မူးယစ်ဆေးဝါးများ သယ်ဆောင် လာသူအား ဖမ်းဆီးရမိ
-
နေပြည်တော် ဖေဖော်ဝါရီ ၁၉ 
-
ရှမ်းပြည်နယ်(မြောက်ပိုင်း)၊ကွတ်ခိုင်မြို့နယ်အတွင်းလုံခြုံရေး ဆောင်ရွက်နေသည့်တပ်ဖွဲ့ဝင်များပါဝင်သော ပူးပေါင်းအဖွဲ့သည် ဖေဖော်ဝါရီ ၁၈ ရက် ည ၆ နာရီ မိနစ် ၂ဝ ခန့် တွင် ကွတ်ခိုင်မြို့၏ အရှေ့တောင်ဘက် မီတာ ၄ဝဝဝ ခန့်အကွာရှိ နောင်ဖျက် ကျေးရွာအဝင် လမ်းမပေါ်၌ ယာဉ်ဝင်/ထွက်မှုများအား သတင်းအရ စောင့်ဆိုင်း စစ်ဆေးနေစဉ် နောင်ဖျက်ကျေးရွာမှ ကွတ်ခိုင်မြို့ဘက်သို့ လျှိုကျိန်နိမ့်(ဘ)ဦးလျှိုတယ်ရှိုး မောင်းနှင် လာသည့် မော်တော်ဆိုင်ကယ်အား ရပ်တန့်စစ်ဆေးရာ ဆိုင်ကယ်တူးဘောက် အတွင်းမှ ပန်းရောင် စိတ်ကြွရူးသွပ်ဆေးပြား ၁၈ဝဝဝ ပြား (ခန့်မှန်းတန်ဖိုး ငွေကျပ်သိန်း ၂၇ဝ ခန့်)တို့နှင့်အတူ ဖမ်းဆီးရမိခဲ့သည်။ 
-
အဆိုပါ ဖမ်းဆီးရမိသူ၊ မော်တော်ဆိုင်ကယ်နှင့် မူးယစ်ဆေးဝါးများအား ကွတ်ခိုင်မြို့မရဲစခန်းသို့ စနစ်တကျ လွှဲပြောင်း အပ်နှံသွားမည်ဖြစ်ကြောင်း သတင်းရရှိသည်။
-
#မြ၀တီနေ့စဉ်သတင်းစာ

လားရှိုးမြို့၊ ရန်တိုင်းအောင် ဆုတောင်းပြည့် မြို့ဦးစေတီတော်မြတ်ကြီး၏ စတုတ္ထအကြိမ် အသံမစဲ မဟာပဋ္ဌာန်း ရွတ်ဖတ်ပူဇော်ပွဲ ပြုလုပ်

လားရှိုးမြို့၊ ရန်တိုင်းအောင် ဆုတောင်းပြည့် မြို့ဦးစေတီတော်မြတ်ကြီး၏ စတုတ္ထအကြိမ် အသံမစဲ မဟာပဋ္ဌာန်း ရွတ်ဖတ်ပူဇော်ပွဲ ပြုလုပ်
-
နေပြည်တော်  ဖေဖော်ဝါရီ  ၁၉ 
-
ရှမ်းပြည်နယ်(မြောက်ပိုင်း)၊ လားရှိုးမြို့၊ ရန်တိုင်းအောင် ဆုတောင်းပြည့် မြို့ဦး စေတီတော်မြတ်ကြီး၏ စတုတ္ထအကြိမ် အသံမစဲ မဟာပဋ္ဌာန်း ရွတ်ဖတ်ပူဇော်ပွဲကိုယနေ့နံနက်ပိုင်းတွင် အဆိုပါ စေတီတော်မြတ်ကြီးရှိ သုခမင်္ဂလာ ဆင်းရွှေလီ သာသနာ့ဗိမာန်တော်၌ ပြုလုပ်ရာနိုင်ငံတော်သြဝါဒါစရိယမဟာဗောဓါရုံကျောင်းတိုက် ဆရာတော် မဟာဂန္ထဝါစကပဏ္ဍိတဘဒ္ဒန္တနာရဒ အမှူးပြုသောသံဃာတော်များ ကြွရောက်တော်မူကြပြီး အရှေ့မြောက်တိုင်း စစ်ဌာနချုပ်  တိုင်းမှူး  ဗိုလ်ချုပ်အောင်ဇော်အေးနှင့် အဖွဲ့ဝင်များ၊ ဌာနဆိုင်ရာ တာဝန်ရှိသူများ၊ ဂေါပက အဖွဲ့ဝင်များနှင့် ဖိတ်ကြားထားသူများတက်ရောက်ကြသည်။ 
-
ဦးစွာ တိုင်းမှူးနှင့် တက်ရောက်လာကြသူများက မဟာဗောဓါရုံ ကျောင်းတိုက်ဆရာတော်ထံမှ ငါးပါးသီလ ခံယူဆောက်တည်ကြပြီးသံဃာတော်များအားလှူဖွယ်ပစ္စည်းများဆက်ကပ်လှူဒါန်းကြသည်။ ထို့နောက် အလှည့်ကျ သံဃာတော်များက ပဋ္ဌာန်းဒေသနာတော်အား ရွတ်ဖတ်ပူဇော်ကြပြီး တိုင်းမှူးနှင့်အဖွဲ့ဝင်များက သံဃာတော်များအား နေ့ဆွမ်းဆက်ကပ်လှူဒါန်းကြသည်။ အဆိုပါ အသံမစဲ မဟာပဋ္ဌာန်းရွတ်ဖတ်ပူဇော်ပွဲကို အဆိုပါစေတီတော်မြတ်ကြီး၌ ဖေဖော်ဝါရီ ၂၄ ရက်အထိ ရွတ်ဖတ်ပူဇော် သွားမည်ဖြစ်ကြောင်းသတင်း ရရှိသည်။ 
-
(၁ဝဝ)
-
#မြ၀တီနေ့စဉ်သတင်းစာ

လေပြင်းတိုက်ခတ်ခဲ့မှုကြောင့် အမိုးလန် ပျက်စီးခဲ့သည့် အခြေခံပညာ အထက်တန်းကျောင်း၌ စုပေါင်းသန့်ရှင်းရေး ပြုလုပ်

လေပြင်းတိုက်ခတ်ခဲ့မှုကြောင့် အမိုးလန် ပျက်စီးခဲ့သည့် အခြေခံပညာ အထက်တန်းကျောင်း၌ စုပေါင်းသန့်ရှင်းရေး ပြုလုပ်
-
နေပြည်တော်  ဖေဖော်ဝါရီ  ၁၉
-
ရှမ်းပြည်နယ်(မြောက်ပိုင်း)၊ မိုင်းရယ်မြို့နယ်အတွင်း ဖေဖော်ဝါရီ ၁၇ ရက် ည ၉ နာရီခန့်တွင် လေပြင်း တိုက်ခတ်ခဲ့မှုကြောင့် ဟိုယကျေးရွာအုပ်စု၊ အခြေခံပညာ အထက်တန်းကျောင်းခွဲရှိစကားဝါကျောင်းဆောင်တွင် သွပ်အမိုး၊ ဒိုင်း၊ မြားတန်း၊ မျက်နှာကြက်များနှင့် ကျောင်းဝင်းအတွင်းရှိ သစ်ပင်၊ သစ်ကိုင်းများ ကျိုးကျပျက်စီးခြင်းများ ဖြစ်ပေါ်ခဲ့သည်။
-
အဆိုပါလေပြင်း တိုက်ခတ်ခဲ့သည့်နေရာသို့ ဖေဖော်ဝါရီ ၁၈ ရက်နံနက်ပိုင်းတွင် အရှေ့မြောက်တိုင်း စစ်ဌာနချုပ်မှ တပ်မတော်သားများ၊ ဌာနဆိုင်ရာတာဝန်ရှိသူများ၊ မီးသတ်တပ်ဖွဲ့ဝင်များနှင့် ဒေသခံပြည်သူများပူးပေါင်း၍ အမိုးလန် ပျက်စီးခဲ့သည့် အဆောက်အအုံများ၌ သန့်ရှင်းရေး ပြုလုပ်ခြင်းနှင့် သစ်ပင်၊သစ်ကိုင်းများအား ရှင်းလင်းဖယ်ရှား ပေးခြင်းများ ဆောင်ရွက်ပေးခဲ့ကြောင်း  သတင်း ရရှိသည်။             
-
(၁ဝဝ)
-
#မြ၀တီနေ့စဉ်သတင်းစာ

ကန်ကြီးထောင့်မြို့နယ်၊ လဟာကလူ ကျေးရွာနှင့် ပတ်ဝန်းကျင် ကျေးရွာများမှ သံဃာတော်များနှင့် ဒေသခံပြည်သူ များအား ကျန်းမာရေး စောင့်ရှောက်မှု လုပ်ငန်းများဆောင်ရွက်

ကန်ကြီးထောင့်မြို့နယ်၊ လဟာကလူ ကျေးရွာနှင့် ပတ်ဝန်းကျင် ကျေးရွာများမှ သံဃာတော်များနှင့် ဒေသခံပြည်သူ များအား ကျန်းမာရေး စောင့်ရှောက်မှု လုပ်ငန်းများဆောင်ရွက်
-
နေပြည်တော်  ဖေဖော်ဝါရီ  ၁၉
-
ဧရာဝတီတိုင်းဒေသကြီး၊ ကန်ကြီးထောင့် မြို့နယ်၊ လဟာကလူကျေးရွာနှင့်ပတ်ဝန်းကျင် ကျေးရွာများမှ သံဃာတော်များနှင့် ဒေသခံ ပြည်သူများအား ယနေ့တွင် အနောက်တောင်တိုင်းစစ်ဌာနချုပ်နယ်လှည့်ဆေးကုသရေးအဖွဲ့က အဆိုပါ ကျေးရွာရှိ ဘုန်းတော်ကြီး ကျောင်း၌ကျန်းမာရေးစောင့်ရှောက်မှုလုပ်ငန်းများနှင့် ကျန်းမာရေး အသိပညာပေး ဟောပြော ဆွေးနွေးခြင်းများ ဆောင်ရွက်ပေးသည်။
-
ထိုသို့ဆောင်ရွက်ပေးရာတွင် ဆေးကုသ ရေးအဖွဲ့ကသံဃာတော်သုံးပါးနှင့် ဒေသခံပြည်သူ ၁၉၁ဦးတို့ကို ခွဲစိတ်ကုသမှု ဆိုင်ရာ ရောဂါ၊ အရိုး/အကြောရောဂါ၊ ကလေးရောဂါ၊ သွားနှင့်ခံတွင်းရောဂါ၊ အထွေထွေရောဂါတို့နှင့်ပတ်သက်၍ လိုအပ်သည့် ဆေးဝါးကုသမှုများ ဆောင်ရွက်ပေးခြင်း၊ နှလုံးခုန်နှုန်းစမ်းသပ် စစ်ဆေးခြင်း၊ ဆီးချို၊ သွေးချိုစစ်ဆေးခြင်းနှင့် ဆီးချို၊ သွေးချိုရောဂါအကြောင်း ကျန်းမာရေးအသိပညာပေး ဟောပြော ဆွေးနွေးခြင်းများ ဆောင်ရွက်ပေးသည်။ 
-
ယင်းသို့ဆောင်ရွက်ပေးနေမှုများကို တိုင်းမှူး ဗိုလ်မှူးချုပ် ရဲဝင်းဦးနှင့် အဖွဲ့ဝင်များက သွားရောက်ကြည့်ရှုအားပေးပြီး ပုလဲ ကူကျောင်း ဆရာတော် ဘဒ္ဒန္တစန္ဒောဘာသအား ဖူးမြော်လှူဖွယ်ပစ္စည်းများ ဆက်ကပ် လှူဒါန်းခဲ့ကြောင်း သတင်းရရှိသည်။
-
#မြ၀တီနေ့စဉ်သတင်းစာ

လှည်းကူးမြို့နယ်အတွင်းရှိ ကျေးရွာများမှ ဒေသခံပြည်သူများအား ကျန်းမာရေး စောင့်ရှောက်မှုလုပ်ငန်းများဆောင်ရွက်

လှည်းကူးမြို့နယ်အတွင်းရှိ ကျေးရွာများမှ ဒေသခံပြည်သူများအား ကျန်းမာရေး စောင့်ရှောက်မှုလုပ်ငန်းများဆောင်ရွက်
-
နေပြည်တော်  ဖေဖော်ဝါရီ  ၁၉ 
-
ရန်ကုန်တိုင်းဒေသကြီး၊ လှည်းကူးမြို့နယ်၊ ဘိုရင်ကလေးကျေးရွာနှင့် ပတ်ဝန်းကျင်ကျေးရွာများမှ ဒေသခံပြည်သူများအား ယနေ့နံနက်ပိုင်းတွင်ရန်ကုန်တိုင်းစစ်ဌာနချုပ်၊ နယ်လှည့်ဆေး ကုသရေးအဖွဲ့ကအဆိုပါကျေးရွာရှိ ကျွန်း ချောင်း ကျောင်းတိုက်ဓမ္မာရုံ၌ ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးသည်။ 
-
ထိုသို့ဆောင်ရွက်ပေးရာတွင် ဆေးကုသရေး အဖွဲ့က ဒေသခံပြည်သူ ၁၄၁ ဦးတို့ကို သွေးတိုးရောဂါ၊ ဆီးချို၊ သွေးချို ရောဂါ၊ အသက်ရှူ လမ်းကြောင်းဆိုင်ရာရောဂါ၊ သွားနှင့်ခံတွင်း ရောဂါ၊ အရိုး/အကြောရောဂါ၊ ကလေးရောဂါ၊ အထွေ ထွေ ရောဂါတို့နှင့်ပတ်သက်၍ လိုအပ်သည့် ဆေးဝါးကုသမှုများ ဆောင်ရွက်ပေးခဲ့ကြောင်း သတင်းရရှိသည်။
-
#မြ၀တီနေ့စဉ်သတင်းစာ 

မြိတ်မြို့နယ်၊ သမုတ်စံပြကျေးရွာရှိ သံဃာတော်များနှင့် ဒေသခံ ပြည်သူများအား ကျန်းမာရေး စောင့်ရှောက်မှု လုပ်ငန်းများ ဆောင်ရွက်

မြိတ်မြို့နယ်၊ သမုတ်စံပြကျေးရွာရှိ သံဃာတော်များနှင့် ဒေသခံ ပြည်သူများအား ကျန်းမာရေး စောင့်ရှောက်မှု လုပ်ငန်းများ ဆောင်ရွက်
-
နေပြည်တော်  ဖေဖော်ဝါရီ  ၁၉ 
-
တနင်္သာရီတိုင်းဒေသကြီး၊ မြိတ်မြို့နယ်၊ သမုတ်စံပြကျေးရွာရှိ သံဃာတော်များနှင့် ဒေသခံပြည်သူများအား ဖေဖော်ဝါရီ ၁၈  ရက် နံနက်ပိုင်းတွင် ကမ်းရိုးတန်းဒေသတိုင်း စစ်ဌာနချုပ်၊နယ်လှည့်ဆေးကုသရေးအဖွဲ့က အဆိုပါကျေးရွာရှိ သမုတ် ကျောင်းသစ် ကျောင်းတိုက်၌ ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးသည်။ 
-
ထိုသို့ဆောင်ရွက်ပေးရာတွင် ဆေးကုသ ရေးအဖွဲ့က သံဃာတော်သုံးပါးနှင့် ဒေသခံပြည်သူ ၁၄၃ ဦးတို့ကို အရိုး/ အကြော ရောဂါ၊ သွားနှင့်ခံတွင်းရောဂါ၊ သားဖွား/မီးယပ်ရောဂါ၊ ကလေးရောဂါ၊ ဦးနှောက်နှင့်အာရုံကြောရောဂါ၊ အထွေထွေ ရောဂါတို့နှင့်ပတ်သက်၍ လိုအပ်သည့်ကျန်းမာရေး စစ်ဆေးကုသပေးခြင်းနှင့် နှလုံးခုန်နှုန်းစစ်ဆေး ပေးခြင်း၊ ဆီးချို၊ သွေးချို စစ်ဆေးပေးခြင်းများ ဆောင်ရွက်ပေးသည်။
-
-
ယင်းသို့ဆောင်ရွက်ပေးနေမှုများကို တိုင်းမှူး ဗိုလ်ချုပ်သောင်းထိုက်ရွှေနှင့် အဖွဲ့ဝင်များကသွားရောက်ကြည့်ရှုအားပေးပြီးကျေးရွာ ကျောင်းတိုက်ဆရာတော် ဘဒ္ဒန္တကောဝိဒ အားဖူးမြော်ကြည်ညိုကာ သင်္ကန်း၊ ဆွမ်းဆန်၊ ဆီနှင့် လှူဖွယ်ပစ္စည်းများ ဆက်ကပ်လှူဒါန်းခဲ့ကြောင်း သတင်းရရှိသည်။
-
#မြ၀တီနေ့စဉ်သတင်းစာ

တောင်ကြီးမြို့ပေါ်ရှိ ဘုန်းတော်ကြီးကျောင်းများမှ သံဃာတော်များအား အရုဏ်ဆွမ်း လောင်းလှူပွဲပြုလုပ်

တောင်ကြီးမြို့ပေါ်ရှိ ဘုန်းတော်ကြီးကျောင်းများမှ သံဃာတော်များအား အရုဏ်ဆွမ်း လောင်းလှူပွဲပြုလုပ်
-
နေပြည်တော် ဖေဖော်ဝါရီ ၁၉ 
-
ရှမ်းပြည်နယ်(တောင်ပိုင်း)၊ တောင်ကြီးမြို့ပေါ်ရှိ ဘုန်းတော်ကြီးကျောင်းများမှ သံဃာ တော်များအား အရုဏ်ဆွမ်း လောင်းလှူပွဲကို ယနေ့နံနက်ပိုင်းတွင် အရှေ့ပိုင်းတိုင်း စစ်ဌာနချုပ်၌ ပြုလုပ်သည်။ 
-
အဆိုပါ အရုဏ်ဆွမ်းလောင်းလှူပွဲတွင် တိုင်းစစ်ဌာနချုပ်မှအရာရှိ၊စစ်သည်၊ မိသားစုဝင်များ စုပေါင်း၍ မြို့ပေါ်ရှိ ဘုန်းတော်ကြီးကျောင်း ခြောက်ကျောင်းမှ သံဃာတော်အပါး ၅ဝဝ တို့ကို ဆွမ်း၊ ခဲဖွယ်၊ ဘောဇဉ်နှင့်လှူဖွယ်ပစ္စည်းများ ဆက်ကပ် လောင်းလှူခဲ့ကြောင်း သတင်း ရရှိသည်။
-
(၁၀၀)
-
#မြ၀တီနေ့စဉ်သတင်းစာ

ရေဖြူမြို့နယ်၊ ကလိန်အောင်မြို့ရှိ ရှင်ကိုးရှင် သမိုင်းဝင်ဆုတောင်းပြည့် ဆံတော်ရှင် စေတီတော်မြတ်ကြီး ရတနာစိန်ဖူးတော်၊ ငှက်မြတ်နားတော် တင်လှူခြင်းနှင့် လုံးတော်ပြည့် ရွှေသင်္ကန်း ကပ်လှူပူဇော်ပွဲပြုလုပ်

ရေဖြူမြို့နယ်၊ ကလိန်အောင်မြို့ရှိ ရှင်ကိုးရှင် သမိုင်းဝင်ဆုတောင်းပြည့် ဆံတော်ရှင် စေတီတော်မြတ်ကြီး  ရတနာစိန်ဖူးတော်၊ ငှက်မြတ်နားတော် တင်လှူခြင်းနှင့် လုံးတော်ပြည့် ရွှေသင်္ကန်း ကပ်လှူပူဇော်ပွဲပြုလုပ်
-
နေပြည်တော်  ဖေဖော်ဝါရီ  ၁၉
-
တနင်္သာရီတိုင်းဒေသကြီး၊ ရေဖြူမြို့နယ်၊ ကလိန်အောင်မြို့ရှိ ရှင်ကိုးရှင်သမိုင်းဝင် ဆုတောင်းပြည့်ဆံတော်ရှင် စေတီတော်မြတ်ကြီး၏ ရတနာစိန်ဖူးတော်၊ ငှက်မြတ်နားတော် တင်လှူခြင်းနှင့်လုံးတော်ပြည့်ရွှေသင်္ကန်း ကပ်လှူပူဇော်ခြင်းကို ယနေ့နံနက်ပိုင်းတွင် အဆိုပါစေတီတော်၌ ပြုလုပ်ရာ ရေဖြူမြို့နယ် သံဃနာယကဥက္ကဋ္ဌ သာသနနုဂ္ဂဟဓမ္မာစရိယ သာသနဟိတကာရီ ဓမ္မာစရိယမွန်ကျောင်းဆရာတော် ဒေါက်တာအရှင်ပညာသီရိ အမှူးပြုသော သံဃာတော်များ ကြွရောက်တော်မူကြပြီး ကမ်းရိုးတန်းဒေသတိုင်း စစ်ဌာနချုပ် တိုင်းမှူး ဗိုလ်ချုပ်သောင်းထိုက်ရွှေနှင့် အဖွဲ့ဝင်များ၊ အလှူရှင်များနှင့်ဖိတ်ကြားထားသူများ တက်ရောက်ကြသည်။
-
ဦးစွာ တိုင်းမှူးနှင့် တက်ရောက်လာကြသူများက မွန်ကျောင်းဆရာတော်ထံမှ ကိုးပါးသီလ ခံယူဆောက်တည်ကြပြီး  သံဃာတော်များ ရွတ်ပွားချီးမြှင့်တော်မူသည့် ပရိတ်တရားတော်များနာယူကြသည်။ ထို့နောက်တိုင်းမှူးနှင့် အလှူရှင်များက သံဃာတော်များထံရတနာ စိန်ဖူးတော်၊ ငှက်မြတ်နားတော်၊ ဌာပနာတော်နှင့် လှူဖွယ်ပစ္စည်းများ ဆက်ကပ်လှူဒါန်းကြသည်။
-
ဆက်လက်၍ တိုင်းမှူးနှင့် အဖွဲ့ဝင်များက ရတနာစိန်ဖူးတော်နှင့် ဌာပနာတော်များကို စေတီတော်မြတ်ကြီးအား လက်ယာရစ်လှည့်လည် ပူဇော်ကြပြီး မင်္ဂလာရထားပျံဖြင့် စေတီတော်အထွတ်သို့ပင့်ဆောင်တင်လှူတော်မူကြပြီး သံဃာတော်များအား နေ့ဆွမ်းဆက်ကပ် လှူဒါန်းခဲ့ကြောင်း သတင်း ရရှိသည်။
-
(၁ဝဝ)
-
#မြ၀တီနေ့စဉ်သတင်းစာ

မင်းတုန်းမြို့နယ် အတွင်းရှိ ကျေးရွာများမှ ဒေသခံ ပြည်သူများအား ကျန်းမာရေး စောင့်ရှောက်မှု လုပ်ငန်းများ ဆောင်ရွက်

မင်းတုန်းမြို့နယ် အတွင်းရှိ ကျေးရွာများမှ ဒေသခံ ပြည်သူများအား ကျန်းမာရေး စောင့်ရှောက်မှု လုပ်ငန်းများ ဆောင်ရွက်
-
နေပြည်တော်  ဖေဖော်ဝါရီ  ၁၉  
-
မကွေးတိုင်းဒေသကြီး၊ မင်းတုန်းမြို့နယ်၊ မယ်ဇလီကျေးရွာအုပ်စု၊ ပြောင်းကျေးရွာအုပ်စုနှင့် ပတ်ဝန်းကျင် ကျေးရွာများရှိ ဒေသခံ ပြည်သူများအား ဖေဖော်ဝါရီ ၁၈ ရက်နှင့် ယနေ့တို့တွင် အလယ်ပိုင်းတိုင်းစစ်ဌာနချုပ်၊ နယ်လှည့်ဆေးကုသရေး အဖွဲ့က အဆိုပါ ကျေးရွာအုပ်စုများရှိ ဘုန်းတော်ကြီးကျောင်း ဓမ္မာရုံတို့၌ ကျန်းမာရေး စောင့်ရှောက်မှုလုပ် ငန်းများ ဆောင်ရွက် ပေးသည်။
-
-
ထိုသို့ဆောင်ရွက်ပေးရာတွင် ဆေးကုသ ရေးအဖွဲ့က ဒေသခံပြည်သူ ၅၈၅ ဦးတို့ကို အရိုး/ အကြောရောဂါ၊ကလေး ရောဂါ၊  မျက်စိရောဂါ၊ နား/နှာခေါင်း/လည်ချောင်း ရောဂါ၊ ခွဲစိတ်ကုသမှုဆိုင်ရာရောဂါ၊ သွားနှင့် ခံတွင်းရောဂါ၊ အထွေထွေ ရောဂါတို့နှင့်ပတ်သက်၍ လိုအပ်သည့် ကျန်းမာရေးစစ်ဆေးကုသပေးခြင်းများ ဆောင်ရွက်ပေးခဲ့ကြောင်း သတင်းရရှိသည်။
-
#မြ၀တီနေ့စဉ်သတင်းစာ

တပ်မတော် ပင်လယ်သွား ဆေးရုံရေယာဉ် (သံလွင်)မှ တပ်မတော်နယ်လှည့် အထူးကု ဆေးအဖွဲ့ ဘုတ်ပြင်းမြို့နယ်၊ ပုလဲကျွန်း၌ ကျန်းမာရေး စောင့်ရှောက်မှု လုပ်ငန်းများ ဆက်လက်ဆောင်ရွက်

တပ်မတော် ပင်လယ်သွား ဆေးရုံရေယာဉ် (သံလွင်)မှ တပ်မတော်နယ်လှည့် အထူးကု ဆေးအဖွဲ့ ဘုတ်ပြင်းမြို့နယ်၊  ပုလဲကျွန်း၌ ကျန်းမာရေး စောင့်ရှောက်မှု လုပ်ငန်းများ ဆက်လက်ဆောင်ရွက်
-
နေပြည်တော် ဖေဖော်ဝါရီ ၁၉ 
-
တနင်္သာရီတိုင်းဒေသကြီးအတွင်းသို့ တပ်မတော်ပင်လယ်သွား ဆေးရုံရေယာဉ်(သံလွင်)ဖြင့် ရောက်ရှိနေသော  တပ်မတော် နယ်လှည့် အထူးကုဆေးအဖွဲ့သည် ယနေ့တွင် ဘုတ်ပြင်းမြို့နယ်၊ ပုလဲကျွန်းရှိ ဒေသခံပြည်သူ ၆၁၄ ဦးကို အဆိုပါ ကျွန်း၌ ကျန်းမာရေး စောင့်ရှောက်မှုလုပ်ငန်းများ ဆက်လက်ဆောင်ရွက်ပေးခဲ့သည်။ 
-
ထိုသို့ဆောင်ရွက်ပေးရာတွင် ဆေးကုသမှု ဆိုင်ရာရောဂါ ၁၅၃ ဦး၊ ခွဲစိတ်ရောဂါ ၇ဝဦး၊ သားဖွား/မီးယပ်ရောဂါ ၇၂ ဦး၊  ကလေး ရောဂါ ၆၂ ဦး၊ အရိုးရောဂါ ၆၃ ဦး၊ နား/ နှာခေါင်း/လည်ချောင်းရောဂါ ၅၅ ဦး၊ မျက်စိရောဂါ ၉၂ ဦးနှင့် သွားရောဂါ ၄၇ ဦးတို့ကို လိုအပ်သည့်ဆေးဝါးကုသမှုများ ဆောင်ရွက်ပေးနိုင်ခဲ့ပြီး ၎င်းတို့အနက် အထွေထွေခွဲစိတ် လူနာ ၁၂ ဦး၊ မျက်စိခွဲစိတ် လူနာ ၁၆ ဦး တို့ကို ဆေးရုံရေယာဉ်ပေါ်၌ ခွဲစိတ်ကုသပေးသည်။
-
-
ထို့ပြင် ဓာတ်မှန်ရိုက် လူနာ ၁၅ ဦး၊ တယ်လီဗေးရှင်းဓာတ်မှန်ရိုက်လူနာ ၂၂ ဦး၊ ECG စက်ဖြင့် နှလုံးစမ်းသပ်လူနာ ၂၃ ဦးနှင့် ဓာတ် ခွဲစမ်းသပ်လူနာ ၄၂ ဦးတို့ကို ရောဂါရှာဖွေ စမ်းသပ်ခြင်းများ ဆောင်ရွက်ပေးပြီး ဆေးရုံ တက်ရောက်ကုသရန်လိုအပ်သူ နှစ်ဦးအား ဆေးရုံရေယာဉ်ပေါ်၌ တက်ရောက်ကုသနိုင်ရေး စီစဉ်ဆောင်ရွက်ပေးခဲ့ကြောင်း သတင်းရရှိသည်။
-
#မြ၀တီနေ့စဉ်သတင်းစာ

မြန်မာ အမျိုးသမီး အသင်း ဖေဖော်ဝါရီ ၂၄ ရက်တွင် ပြန်လည် စတင် လေ့ကျင့်မည်

မြန်မာ အမျိုးသမီး အသင်း ဖေဖော်ဝါရီ ၂၄  ရက်တွင် ပြန်လည် စတင် လေ့ကျင့်မည်
-
ရန်ကုန်  ဖေဖော်ဝါရီ  ၁၉
-
၂ဝ၂ဝ  တိုကျိုအိုလံပစ် အမျိုးသမီး ဘောလုံးပြိုင်ပွဲခြေစစ်ပွဲယှဉ်ပြိုင်မည့် မြန်မာ့လက်ရွေးစင် အမျိုးသမီးအသင်းသည်   ဖေဖော်ဝါရီ ၂၄ ရက်တွင်ပြန်လည် စတင်လေ့ကျင့်မည်ဖြစ်ကြောင်း နည်းပြချုပ်ဦးဝင်းသူမိုးက ပြောသည်။
-
မြန်မာအမျိုးသမီး အသင်းသည် ပြီးခဲ့သည့် ရက်ပိုင်းအတွင်း  အိန္ဒိယဖိတ်ခေါ် (ံနမသွသိူ ဃကစ ၂ဝ၁၉) လေးနိုင်ငံ အမျိုးသမီး ဘောလုံးပြိုင်ပွဲဝင်ရောက်ယှဉ်ပြိုင်ရာတွင် အိမ်ရှင်အိန္ဒိယ၊ နီပေါနှင့် အီရန်အသင်းတို့ကို ကျော်ဖြတ်ကာ  ချန်ပီယံဆု ရရှိခဲ့သည်။ မြန်မာအမျိုးသမီးအသင်းသည် ယင်း ပြိုင်ပွဲအပြီး   ဖေဖော်ဝါရီ ၁၇ ရက်က မြန်မာနိုင်ငံသို့ ပြန်လည် ရောက်ရှိပြီး ကစားသမားများ ပွဲပန်းနေသဖြင့်တစ်ပတ်ခန့် အနားပေးမည်ဟု ဦးဝင်းသူမိုးကပြောသည်။
-
''ဖိတ်ခေါ်ပွဲဆို ပေမယ့် ပြိုင်ပွဲက နှစ်ရက်တစ်ပွဲနှုန်း ကစားရတယ်။ ဒါကြောင့် ကစားသမားတွေ  ပွဲပန်းနိုင်တဲ့အတွက် တစ်ပတ် လောက်အနားပေးပါမယ်။ ဖေဖော်ဝါရီ ၂၄ ရက်မှာ  အသင်းကိုပြန်စုမယ်။ ပြီးတာနဲ့ တိုကျို အိုလံပစ် ခြေစစ်ပွဲအတွက် ပြင်ဆင်မှုတွေ တောက်လျှောက်ပြုလုပ်မှာပါ'' ဟု  ဦးဝင်းသူမိုးကပြောသည်။ ၂ဝ၂ဝ တိုကျိုအိုလံပစ် အာရှဇုန်အမျိုး သမီးဘောလုံးပြိုင်ပွဲ ဒုတိယအဆင့် ခြေစစ်ပွဲ ကို ဧပြီ၁ရက် မှ ၉ရက်အထိ ကျင်းပ မည်ဖြစ်ပြီး အိမ်ရှင်မြန်မာ အမျိုးသမီးအသင်းက အုပ်စု (က) တွင် အိန္ဒိယ၊ အင်ဒိုနီးရှား၊ နီပေါ အသင်းတို့နှင့် ကျရောက် နေသည်။
-
အုပ်စု (ခ)တွင် အိမ်ရှင် ဥဇဘက် ကစ္စတန် အသင်းက ဗီယက်နမ်၊ ဂျော်ဒန်၊ ဟောင်ကောင် အသင်းတို့နှင့် တွေ့ဆုံ နေပြီး  အုပ်စု(ဂ)တွင် အိမ်ရှင် ပါလက်စတိုင်း၊ အီရန်၊ တရုတ် (တိုင်ပေ)နှင့် ဖိလစ်ပိုင်အသင်းတို့ယှဉ်ပြိုင်မည် ဖြစ်သည်။ ယင်းခြေစစ်ပွဲ ဒုတိယ အဆင့်တွင် အုပ်စု တစ်ခုစီမှ ပထမ ရသည့်အသင်း သုံးသင်းသည် ခြေစစ်ပွဲ တတိယအဆင့်သို့  တက်လှမ်းနိုင်မည်ဖြစ်ကြောင်း သိရသည်။
-
#မြ၀တီနေ့စဉ်သတင်းစာ

နိုင်ငံတော် သမ္မတ ဦးဝင်းမြင့်ထံ သြစတြေးလျ ဓန သဟာယ နိုင်ငံနှင့် ဆွစ်ဇာလန် နိုင်ငံတို့မှ သံအမတ်ခန့် အပ်လွှာများ သီးခြားစီ ပေးအပ်

နိုင်ငံတော် သမ္မတ ဦးဝင်းမြင့်ထံ သြစတြေးလျ ဓန သဟာယ နိုင်ငံနှင့် ဆွစ်ဇာလန် နိုင်ငံတို့မှ သံအမတ်ခန့် အပ်လွှာများ သီးခြားစီ ပေးအပ်
-
နေပြည်တော် ဖေဖော်ဝါရီ  ၁၉ 
-
ပြည်ထောင်စု သမ္မတ မြန်မာနိုင်ငံတော် နိုင်ငံတော် သမ္မတ ဦးဝင်းမြင့်ထံ မြန်မာနိုင်ငံဆိုင်ရာ သြစတြေးလျ ဓနသဟာယ နိုင်ငံသံအမတ်ကြီး အဖြစ်ခန့်အပ်ရန် သဘောတူညီပြီးဖြစ်သော သံအမတ်ကြီး မစ္စအင်ဒရီရာ ဖော့ခ်နာသည် ယနေ့ နံနက် ၁ဝ နာရီတွင် နေပြည်တော်ရှိ နိုင်ငံတော် သမ္မတအိမ်တော် သံတမန်ဆောင်ဧည့်ခန်းမ၌ ၎င်း၏သံအမတ်ခန့် အပ်လွှာကို ပေးအပ်သည်။ 
-
-
-
အလားတူ ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးဝင်းမြင့်ထံ မြန်မာနိုင်ငံဆိုင်ရာ ဆွစ်ဇာလန်နိုင်ငံ သံအမတ်ကြီးအဖြစ် ခန့်အပ်ရန်သဘောတူညီပြီးဖြစ်သော သံအမတ်ကြီး မစ္စတာ တင်မ်အန်ဒါလင်သည် ယနေ့နံနက် ၁ဝ နာရီ မိနစ် ၄ဝ တွင် နေပြည်တော်ရှိ နိုင်ငံတော်သမ္မတ အိမ်တော် သံတမန်ဆောင် ဧည့်ခန်းမ၌ ၎င်း၏ သံအမတ်ခန့်အပ်လွှာကို ပေးအပ်သည်။
-
အဆိုပါ သံအမတ် ခန့်အပ်လွှာ ပေးအပ်ပွဲ အခမ်းအနား များသို့ ပြည်ထောင်စု အစိုးရအဖွဲ့ရုံး  ဝန်ကြီးဌာန  ပြည်ထောင်စု ဝန်ကြီး ဦးမင်းသူနှင့် နိုင်ငံခြားရေး ဝန်ကြီးဌာန သံတမန်ရေးရာဦးစီးဌာနညွှန်ကြားရေးမှူးချုပ် ဦးသန့်စင်တို့ တက် ရောက်ကြသည်။
-
#မြ၀တီနေ့စဉ်သတင်းစာ

ရတနာပုံနေ့စဉ်သတင်းစာ (၂၀-၂- ၂၀၁၉)


တနာပုံနေ့စဉ်သတင်းစာ (၂၀-၂- ၂၀၁၉)
-
Download Links

မြဝတီနေ့စဉ်သတင်းစာ (၂၀-၂-၂၀၁၉)

မြဝတီနေ့စဉ်သတင်းစာ (၂၀-၂-၂၀၁၉)

-
 Download Links

Tuesday, February 19, 2019

ရေစကြိုမြို့နယ် ဗလဗကျေးရွာ မြစ်ကမ်းပါးပြိုကျမှု သောင်တူးစက်ကြီးဖြင့် ရေလမ်းကြောင်း လွှဲပေးခြင်း လုပ်ဆောင်လျက်ရှိ

ရေစကြိုမြို့နယ် ဗလဗကျေးရွာ မြစ်ကမ်းပါးပြိုကျမှု သောင်တူးစက်ကြီးဖြင့် ရေလမ်းကြောင်း လွှဲပေးခြင်း လုပ်ဆောင်လျက်ရှိ
-
ရေစကြို  ဖေဖော်ဝါရီ  ၁၈
-
မကွေးတိုင်းဒေသကြီး ပခုက္ကူခရိုင် ရေစကြိုမြို့နယ် ဗလဗကျေးရွာ အုပ်စုဗလဗကျေးရွာ မြစ်ကမ်းပါး ပြိုကျမှု ထိန်းသိမ်းကာကွယ်ရေးလုပ်ငန်းများ ဧရာဝတီမြစ်ဝှမ်းဘက်စုံ ဖွံ့ဖြိုးတိုးတက်မှု စီမံကိန်း  (AIRBM)  မှကူညီပံ့ပိုးမှုဖြင့် ရေအရင်းအမြစ်နှင့် မြစ်ကြောင်းများ ဖွံ့ဖြိုးတိုးတက်ရေး ဦးစီးဌာန သောင်တူးဌာနမှ သောင်တူးစက်ကြီးများဖြင့် ရေလမ်းကြောင်း လွှဲပြောင်းခြင်း လုပ်ငန်း ဆောင်ရွက်လျက်ရှိကြောင်း သိရသည်။ 
-
ထိုသို့ဆောင်ရွက်ရာတွင်ကမ္ဘာ့ဘဏ်မှအကူအညီပေးမှုဖြင့် ရေအရင်းအမြစ်နှင့် မြစ်ကြောင်းများ ဖွံ့ဖြိုးတိုးတက်ရေးဦးစီးဌာန၊ သောင်တူးဌာနက သောင်ထွန်းနေသော ဗလဗကျေးရွာမြစ်တစ်ဖက်ကမ်းဘက်မှ  သဲသောင် များအား ဗ-၆ဝ၄ သောင်တူးရေယာဉ်နှစ်စီး၊ သောင်တူးသင်္ဘော caterpillar အမျိုးအစား စက်ကြီး 3512-B/954.5KW/caterpillar C18 ၊ 338.5 KW စတင်သောင်တူးလာခဲ့ရာယခုအခါ ရေစီးကြောင်း ပြောင်း လဲပေးနိုင်ပြီဖြစ်သည်။ ''ရွာဘက်ခြမ်း မြစ်ကမ်းပါးပြိုကျတိုက်စားမှု အရှိန်လျော့ကျစေဖို့ သဲသောင်ကိုဖြတ်ဖောက်ပြီး မြစ်ရေစီးကြောင်း လွှဲပေးနေတယ်။ BD-3  မြစ်ကြမ်းပြင်တူး မြေတူးစက်နဲ့ တူးဖော်ပြီး  မြေသယ်ရေယာဉ်နဲ့ မြေများသယ်ယူကာ ရွာဘက်ခြမ်း ရေစီးသန်သော ရေလမ်းကြောင်းမှသဲများချထားပြီး မြစ်ရေစီးကြောင်း ပြောင်းလဲစေဖို့ ပြုလုပ်ပေးနေပါတယ်''ဟု AE ဦးချစ်ဆန်းက ပြောပြသည်။
-
၂ဝ၁၉ ခုနှစ် ဇန်နဝါရီ ပထမပတ်တွင် ကမ္ဘာ့ဘဏ်၏   အကူအညီဖြင့် (AIRBM) ဧရာဝတီမြစ်ဝှမ်း ဘက်စုံဖွံ့ဖြိုးတိုးတက်ရေး စီမံကိန်းမှ ဓမ္မရံသီ(ရွှေဘုံသာ) မြတ်စွာဘုရားကြီး အထက်အောက် ပေ ၃၂ဝ အတွင် ကွန်ကရစ်ပိုင်တိုင်များ စိုက်ထူပြီး ကွန်ကရစ်ကျောက်ရိုးစီခြင်း၊ အထက်ဘက်တွင်ထန်းသားတိုင်များဖြင့် ထန်းရေကာတာ တည်ဆောက်မည် ဖြစ်ကြောင်း ဗလဗကျေးရွာ ရပ်မိရပ်ဖ ဦးအေးမောင်ထွန်းထံမှသိရသည်။
-
သောင်တူးဌာနအနေဖြင့် သောင်တူးရေယာဉ်၊ မြေတူးရေယာဉ်၊ မြေသယ်ရေယာဉ်များဖြင့် မြစ်ကမ်းပါး တိုက်စားပြိုကျမှု သက်သာစေရေး ကြိုးစားဆောင်ရွက်လျက်ရှိကြောင်း၊ မြစ်ကမ်းပါးစောက် အနက်သည် ၃၅ပေအနက်ရှိပြီး ဆင်ခြေလျှော ၅၈ ပေအနက်ရှိကာ ဘိုးပိုင် ၉၃ လုံးစိုက်ချိန်တွင် မြစ်ကမ်းပါး မာကြောခိုင်ခံ့မှုရှိစေရန် သဲအိတ်အလုံးရေ နှစ်သိန်းကျော်ချပြီး ဖြစ်ကြောင်းနှင့် မြစ်ရေတိုက်စားမှုဖြစ်ပေါ်နေသည့်ကျေးရွာဘက်ခြမ်း မြစ်ကမ်းပါး ပေ၂ဝဝဝ ကျော်အတွင်း မြေသားဆင်ခြေလျှော ပြုလုပ်ကာ Poly Fet စများခင်းခြင်းနှင့်   ထိုအစပေါ်မှ ဝါးကပ်များကာရံကာ (Geo bag)အိတ်များထပ်ဖိမည်ဖြစ်ကြောင်း ရေအရင်းအမြစ်နှင့် မြစ်ကြောင်းများ ဖွံ့ဖြိုးတိုးတက်ရေး ဦးစီးဌာနမှ သိရသည်။ 
-
ထို့ပြင်သောင်ဖောက်တူးမြောင်း တူးနေသောနေရာတွင်လည်း တူးမြောင်းတူးကာ ရေလမ်းကြောင်း လွှဲပြောင်းပေးနေပြီ  ဖြစ်ကြောင်း၊  သောင်တူးရာတွင် ၁၂ လက်မသံပိုက်၊အရှည်ပေ ၂ဝ ရှိ သံပိုက်လုံး အလုံး ၅ဝ ခန့်  ဆက်ကာ သောင်တူးသင်္ဘောကြီးဖြင့် ကျောက်ခဲ၊သဲများအားပေ ၁ဝဝဝ ကျော် အကွာအဝေး ထိသဲများအား  မှုတ်ထုတ်ပေးရကြောင်း၊ ရေအရင်းအမြစ်နှင့် မြစ်ကြောင်းများ ဖွံ့ဖြိုးတိုးတက်ရေးဦးစီးဌာနမှလည်း အင်တိုက်အားတိုက်   ဆောင်ရွက်လျက်ရှိကြောင်းသိရသည်။
-
အဆိုပါမြစ်ကမ်းပါးပြိုကျမှုကြောင့် ရေစကြိုမြို့နယ် ဗလဗကျေးရွာတွင် ၂ဝ၁၆ ခုနှစ်မှ ၂ဝ၁၈ ခုနှစ် သုံးနှစ်အတွင်း အိမ်ထောင်စု ၉၈ စု ရွှေ့ပြောင်းခဲ့ရကြောင်းနှင့် ဉာတိကာရုံ ကျောင်းတိုက်ဝင်းအတွင်းသိမ်ကျောင်းဆောင် တစ်ဆောင်၊ ရွှေဘုံသာ မြတ်စွာဘုရားကြီး (ဓမ္မရံသီ) အနီးမှ သံဖြင့် ဆောက်လုပ်ထားသည့် တန်ဆောင်းတော် တစ်ဆောင်၊ အုတ်တန်ဆောင်းတော် တစ်ဆောင်၊ဉာတိကာရုံကျောင်းတော်ကြီးနှင့် အိမ်ခြေ ၁၇ဝ မီးပေးနိုင်သည့်မီးစက်ကြီးထားသည့် အဆောက်အအုံတို့မြစ်ကမ်းပါးတိုက်စားပြိုကျမှုကြောင့် ရွှေ့ပြောင်း ခဲ့ရကြောင်းသိရသည်။
-
#မြ၀တီနေ့စဉ်သတင်းစာ

ခင်ဦးမြို့နယ်၌ လေပြင်း တိုက်ခတ်မှုကြောင့် လူနေအိမ်များ ပျက်စီး

ခင်ဦးမြို့နယ်၌ လေပြင်း တိုက်ခတ်မှုကြောင့် လူနေအိမ်များ ပျက်စီး
-
ခင်ဦး  ဖေဖော်ဝါရီ  ၁၈ 
-
စစ်ကိုင်းတိုင်းဒေသကြီး ရွှေဘိုခရိုင် ခင်ဦးမြို့နယ်လက်ပံကွက်ကျေးရွာ၊ဗျိုင်းကြိုင်ကျေးရွာနှင့် ဝန်းကြီးကျေးရွာတို့၌ ယမန်နေ့ ညနေ ၅  နာရီကလေပြင်းတိုက်ခတ်မှုကြောင့်  လူနေအိမ်များ ပျက်စီးဆုံးရှုံးမှု ဖြစ်ပွားကြောင်း သိရသည်။ 
-
ထိုသို့ လေပြင်း တိုက်ခတ်မှုကြောင့် ပျက်စီးဆုံးရှုံးသွားသော ကျေးရွာများသို့ မြို့နယ်စီမံခန့်ခွဲမှု ကော်မတီဥက္ကဋ္ဌ ဦးသိန်းဇော် ဦးဆောင်သောအဖွဲ့သည် အချိန်နှင့် တစ်ပြေးညီ ကွင်းဆင်းစစ်ဆေးရာ လက်ပံကွက်ကျေးရွာရှိ ဒေါ်စောလှိုင်၏ နှစ်ထပ် သွပ်မိုး၊ ပျဉ်ထောင်အိမ်တစ်လုံး၊  ဦးဖိုးစိုး၏ နှစ်ထပ်၊  သွပ်မိုး၊ ကပ်ကာအိမ်တစ်လုံးတို့မှာ ထုပ်၊ လျောက်၊ ဒိုင်း၊ သွပ်များ ပြုတ်ထွက်ပျက်စီးခြင်း၊ ဦးကျော်ညွန့်၏ တစ်ထပ်၊ သွပ်မိုး၊ ကပ်ကာ အိမ်တစ်လုံးမှာ  သွပ်မိုးလန်ထွက် ပျက်စီးခြင်း၊ ဗျိုင်းကြိုင်ကျေးရွာရှိ ဦးဝင်းတင့်၏ နှစ်ထပ်၊ သွပ်မိုး၊ ပျဉ်ထောင်အိမ်တစ်လုံးမှာ ထုပ်၊ လျောက်၊ ဒိုင်း၊ သွပ်များ ပြုတ်ထွက်ပျက်စီးခြင်း၊ ဝန်းကြီးကျေးရွာရှိ ဦးမင်း၏ နှစ်ထပ်၊ သွပ်မိုး၊ ကပ်ကာအိမ်တစ်လုံးတို့မှာ သွပ်မိုးလန်ထွက်ပျက်စီးပြီး စုစုပေါင်း အိမ်ငါးလုံး၏ ဆုံးရှုံးမှု တန်ဖိုးမှာ ငွေကျပ် ၃၆ သိန်းခန့် ပျက်စီး၍  လူနှင့် တိရစ္ဆာန်ထိခိုက် သေဆုံးမှု မရှိကြောင်း တာဝန်ရှိသူတစ်ဦးထံမှ သိရသည်။
-
#မြ၀တီနေ့စဉ်သတင်းစာ

ကွန်ချောင်းရေ လှောင်တမံ ဆည်ရေဖြင့် နွေစပါး ၃၃၃၅ ဧက စိုက်ပျိုး ပြီးစီး

ကွန်ချောင်းရေ လှောင်တမံ ဆည်ရေဖြင့် နွေစပါး ၃၃၃၅ ဧက စိုက်ပျိုး ပြီးစီး
-
မြန်အောင် ဖေဖော်ဝါရီ ၁၈ 
-
ဧရာဝတီတိုင်း ဒေသကြီး ဟင်္သာတခရိုင် ကြံခင်းမြို့နယ်အတွင်းရှိ ကွန်ချောင်းရေလှောင်တမံမှ ဆည်ရေဖြင့် ယခုအခါ နွေစပါး ၃၃၃၅ ဧကစိုက်ပျိုးပြီးစီးပြီ ဖြစ်ကြောင်း သိရသည်။ ကွန်ချောင်း ရေလှောင်တမံဆည်ရေဖြင့် ကြံခင်းမြို့နယ်အတွင်း နွေစပါးလျာထားဧက ၁၁၅၃ ဧကနှင့် မြန်အောင် မြို့နယ်အတွင်း နွေစပါးလျာထားဧက ၂၈၅ဝ ဧက စုစုပေါင်း လျာထားဧက ၄ဝဝ၃ ဧက ရှိသည့်အနက် ၃၃၃၅ ဧကကိုတူးမြောင်းမကြီးနှင့် လက်တံမြောင်းများမှ ဆည်ရေပေးသွင်း စိုက်ပျိုးပြီးစီးပြီ ဖြစ်ကြောင်း မြန်အောင်မြို့နယ် ဆည်မြောင်းနှင့် ရေအသုံးချမှု စီမံခန့်ခွဲရေး ဦးစီးဌာန ဦးစီးအရာရှိ ဦးထိန်လင်းက ပြောသည်။
-
''ကွန်ချောင်းဆည်ရဲ့ စိစစ်ပြီးဧက တွေကတော့ နွေစပါးဧက ၁ဝဝဝဝ နဲ့ အခြားသီးနှံ ၄၆၈၇ ဧကဖြစ်ပါတယ်။ ဒီနှစ် နွေစပါးအတွက် ၄ဝဝ၃ ဧက လျာထားပေမယ့် ၄၃၆၈ ဧကအထိ ဆည်ရေ ဝင်ရောက်ပြီး ၃၃၃၅ ဧကအထိ စိုက်ပျိုးပြီး ဖြစ်တဲ့အတွက် ဒီနှစ်နွေစပါး လျာထားဧကထက် ပိုမိုစိုက်ပျိုးသွားနိုင်မှာ ဖြစ်ပါတယ်။ နွေစပါးစိုက်ပျိုး ရေအတွက်လည်း ဆည်ထဲမှာ ဆည်ရေ ၇ဝ၇၇၅ ဧကပေအထိကျန်ရှိနေတဲ့အထဲမှ ၆၃၄၂၅ ဧက ပေအထိ အသုံးပြုနိုင်မှာ ဖြစ်တဲ့အတွက် နွေစပါး စိုက်ပျိုးရေအောင် ရေရရှိသည်အထိ လုံလုံ လောက်လောက် ပေးဝေနိုင်မှာ ဖြစ်ပါတယ်''ဟု မြန်အောင်မြို့နယ် ဆည်မြောင်းနှင့် ရေအသုံးချမှုစီမံခန့်ခွဲရေး ဦးစီးဌာန ဦးစီးအရာရှိ ဦးထိန်လင်းက ပြောသည်။ 
-
ယခုအခါ ဆည်မြောင်းနှင့် ရေအသုံးချမှု စီမံခန့်ခွဲရေး ဦးစီးဌာနက ကွန်ချောင်းဆည် ရေသောက်စနစ် အတွင်းရှိ နွေစပါးစိုက် တောင်သူများအတွက်ဆည်ရေပေးဝေခြင်း လုပ်ငန်းများကို လူအင်အား၊ စက်အင်အားတို့ဖြင့် အင်တိုက်အားတိုက် ဆောင်ရွက်ပေး လျက်ရှိပြီး ဆောင်းသီးနှံ မတ်ပဲရိတ်သိမ်းပြီးသော တောင်သူများမှာလည်း ဆည်ရေ ဝင်ရောက်လာပြီး နွေစပါး စိုက်ပျိုးရန် ရာသီအချိန်မီသည့်အတွက် နွေစပါးများစိုက်ပျိုးနိုင်ရေး ဆောင်ရွက်လျက်ရှိသည်။ ကွန်ချောင်း ရေလှောင်တမံဆည်ရေဖြင့် ဒေသခံ တောင်သူများ မိုးစပါး၊ ဆောင်းသီးနှံ၊ နွေစပါးသုံးသီး စားအဖြစ် စိုက်ပျိုးနိုင်ပြီဖြစ်ကြောင်း သိရသည်။ 
-
ဝင်းဗိုလ်
-
#မြ၀တီနေ့စဉ်သတင်းစာ

ယခုလအတွင်း ထောပတ်သီး စိုက်ပျိုးသည့် ဒေသများ၌ မြန်မာ GAP ရရှိရန် စတင် ဆောင်ရွက်မည်

ယခုလအတွင်း ထောပတ်သီး စိုက်ပျိုးသည့် ဒေသများ၌ မြန်မာ GAP ရရှိရန် စတင် ဆောင်ရွက်မည်
-
ရန်ကုန် ဖေဖော်ဝါရီ ၁၈ 
-
ထောပတ်ကဏ္ဍ ဖွံ့ဖြိုးရေးအတွက် ထောပတ်သီး စိုက်ပျိုးသည့် ဒေသများ၌ မြန်မာ GAP ရရှိရန် ယခုလအတွင်း စတင်ဆောင်ရွက်မည်ဖြစ်ကြောင်း မြန်မာနိုင်ငံ ထောပတ်သီးစိုက်ပျိုးထုတ်လုပ်တင်ပို့ရောင်းချသူများအသင်း တွဲဖက်အတွင်းရေးမှူး ဦးကျော်စိုးမင်းထံမှ သိရသည်။ 
-
ထိုသို့ ဆောင်ရွက်ရာတွင် ထောပတ်သီးစိုက်ပျိုးသည့် ဒေသများရှိ သက်ဆိုင်ရာ စိုက်ပျိုးရေး ဦးစီးဌာနများနှင့် ပူးပေါင်း ဆောင်ရွက်မည် ဖြစ်ပြီး ရှမ်းပြည်နယ်၌ ယခုလအတွင်း စတင် ဆောင်ရွက်ရန် စီစဉ်နေခြင်းဖြစ်သည်။ လက်ရှိတွင် ထောပတ်သီး စိုက်ပျိုးသည့် တောင်သူများနှင့် အသင်းမှ တာဝန်ရှိသူများ ဆွေးနွေးလျက်ရှိပြီး အဆင်ပြေပါက စိုက်ပျိုးရေးဌာနနှင့် ပူးပေါင်း၍ မြန်မာ GAP အပြင် Global GAPပါ ရရှိရန်ဆက်လက် ဆောင်ရွက်မည် ဖြစ်ကြောင်း သိရသည်။ 
-
''လောလောဆယ်တော့ မြန်မာ GAP ပေါ့။ နောက်ပိုင်း ပြည်ပကို တင်ပို့ဖို့ လုပ်မယ်ဆိုရင် Global GAP ရအောင် ဆက်လုပ်မှာပါ'' ဟု ဦးကျော်စိုးမင်းက ပြောသည်။ ထိုကဲ့သို့ GAP လက်မှတ်များမရရှိသေးသည့်အတွက် လတ်တလောတွင် ပြည်တွင်းမှ ထွက်ရှိသည့် ထောပတ်သီးများကို နယ်စပ်ကုန်သွယ်ရေး စခန်းများမှသာ တင်ပို့နိုင်သေးကြောင်း သိရသည်။ 
-
Good Agriculture Practices(GAP) ဆိုသည်မှာ စိုက်ပျိုးရန်၊ မြေ၊ မျိုး၊ သွင်းရေ၊ မြေသြဇာ စသည်တို့ ပြင်ဆင်သည့် အချိန်မှစ၍ စိုက်ပျိုးပြုစုချိန်၊ ရိတ်သိမ်းချိန်၊ ပြင်ဆင်ထုပ်ပိုးချိန်၊ ပို့ဆောင်ချိန်၊ သိုလှောင်ချိန်နှင့် ဈေးကွက်သို့တင်ပို့ချိန်စသည့် သီးနှံထုတ်ကုန်များအတွင်း စားသုံးသူများအား ဘေးအန္တရာယ် ဖြစ်စေနိုင်သော ဓာတုဓာတ်ကြွင်းများ၊ ကျန်းမာရေးကို ထိခိုက်စေနိုင်သောအဏုဇီဝဆေးများ မပါဝင်ဘဲပတ်ဝန်းကျင် မပျက်စီးစေရန် ထိန်းသိမ်းသည့် အလေ့အကျင့် ကောင်းများကိုလိုက်နာခြင်း ဖြစ်သည်။ 
-
မြန်မာနိုင်ငံ၌ စိုက်ပျိုးရေး အလေ့အကျင့် ကောင်းဆိုင်ရာလက်မှတ် (GAP Certificate) ထုတ်ပေးနိုင်မည့် သီးနှံ ၁၅ မျိုးမှာ စပါး၊ နှံစားသီးနှံ၊ အစေ့ထုတ်ပြောင်း၊ မြေပဲ၊ ပဲမျိုးစုံ(ပဲတီစိမ်း၊ မတ်ပဲ၊ ပဲလွမ်း)၊ သရက်၊ ကျွဲကော၊ သခွားမွှေး၊ ဖရဲသီး၊ ငရုတ်သီး၊ ခရမ်းချဉ်သီး၊ ကြက်သွန်နီ၊ ဂေါ်ဖီထုပ်၊ ကော်ဖီနှင့် ထောပတ်သီးတို့ ဖြစ်ကြောင်းသိရသည်။ 
-
နေနေ
-
#မြ၀တီနေ့စဉ်သတင်းစာ

၂ဝ၁၉ ခုနှစ် ဖေဖော်ဝါရီလတွင် ဧရာဝတီ လင်းပိုင် ကောင်ရေ သုတေသန စစ်တမ်း ပြုလုပ်ရာ ၇၂ ကောင် တွေ့ရှိ

၂ဝ၁၉ ခုနှစ် ဖေဖော်ဝါရီလတွင် ဧရာဝတီ လင်းပိုင် ကောင်ရေ သုတေသန စစ်တမ်း ပြုလုပ်ရာ ၇၂ ကောင် တွေ့ရှိ
-
မန္တလေး  ဖေဖော်ဝါရီ  ၁၈
-
ငါးလုပ်ငန်းဦးစီးဌာနနှင့်  သားငှက်ထိန်းသိမ်းရေး အဖွဲ့(မြန်မာနိုင်ငံ အစီအစဉ်)တို့ပူးပေါင်း၍ မန္တလေးမှ ဗန်းမော်အထိ ၂ဝ၁၉ ခုနှစ်အတွက် ဧရာဝတီလင်းပိုင်ကောင်ရေ သုတေသနစစ်တမ်း ပြုလုပ်ရာ ၇၂ ကောင် တွေ့ရှိကြောင်း သားငှက် ထိန်းသိမ်းရေးအဖွဲ့ (မြန်မာနိုင်ငံအစီအစဉ်)မှ သိရသည်။ 
-
၂ဝ၁၉ ခုနှစ် ဖေဖော်ဝါရီ ၆ ရက်မှ ၁၆ ရက်အထိ ဧရာဝတီလင်းပိုင်သုတေသန စစ်တမ်းကောက်ယူရာတွင်  မန္တလေးနှင့် ကျောက်မြောင်းကြား ဧရိယာထဲ၌ ၂၄ ကောင်၊ ဧရာဝတီလင်းပိုင် ထိန်းသိမ်းရေးဧရိယာအဖြစ် တိုးချဲ့နိုင်ခဲ့သော မလယ်နှင့်  ရွှေကူမြို့နယ် ဧရိယာကြား၌ ၃၄ ကောင်နှင့် ဗန်းမော်၌ ၁၄ ကောင် စုစုပေါင်း  ၇၂ ကောင်ကို သုတေသနပြုနိုင်ခဲ့သည်။ 
-
၂ဝ၁၈ ခုနှစ် ဖေဖော်ဝါရီလ ဧရာဝတီလင်းပိုင်ထိန်းသိမ်းရေးသုတေသနစစ်တမ်းတွင်မန္တလေးနှင့် ကျောက်မြောင်းကြား ဧရိယာ၌ ၂၆ ကောင်၊ မလယ်နှင့် ရွှေကူမြို့နယ်ကြား ဧရိယာ၌ ၃၇ ကောင်နှင့် ဗန်းမော်၌ ၁၃ ကောင် စုစုပေါင်း ၇၆ ကောင်ကိုသုတေသနပြုနိုင်ခဲ့သည်။ 
-
၂ဝ၁၉ ခုနှစ်အတွက် သုတေသနစစ်တမ်းတွင် ၂ဝ၁၈ ခုနှစ် သုတေသန စစ်တမ်းထက် လေးကောင် လျော့နည်းနေကြောင်း၊ ဧရာဝတီလင်းပိုင် ထိန်းသိမ်းရေးတွင် ၂ဝ၁၈ခုနှစ်သည် ဧရာဝတီလင်းပိုင်များ အသေအပျောက် အများဆုံးဖြစ်ပြီး ယင်းနှစ်ထဲတွင်ခြောက်ကောင်သေဆုံးကာ ၂ဝ၁၉ ခုနှစ် နှစ်ဦးပိုင်းတွင်လည်း  ဧရာဝတီလင်းပိုင်တစ်ကောင်သေဆုံးကြောင်း သိရသည်။ ''၂ဝ၁၈ ခုနှစ် ဖေဖော်ဝါရီလမှာသုတေသနပြုတာက ၇၆ ကောင်၊ ဒီနှစ် ဖေဖော်ဝါရီလ မှာတော့ ၇၂ ကောင်ပေါ့။ လေးကောင် လျော့တယ်။ သုတေသန စစ်တမ်းကောက်တာက၂ဝဝ၂ ခုနှစ်ကတည်းက ကောက်တာပါ။ ၂ဝ၁၈ ခုနှစ်ထဲမှာအများဆုံးတွေ့ခဲ့တာပါ''ဟု ဧရာဝတီလင်းပိုင် ထိန်းသိမ်းရေး တာဝန်ခံ ဦးဟန်ဝင်းကပြောသည်။ 
-
ဧရာဝတီလင်းပိုင်သေဆုံးမှု အများစုသည်ဘက်ထရီရှော့ခ်တိုက်ငါး ဖမ်းဆီးမှုကြောင့် ဖြစ်ကြောင်း၊ ဧရာဝတီလင်းပိုင် သုတေသန စစ်တမ်းများကို နှစ်စဉ် ဖေဖော်ဝါရီလတွင် ပြုလုပ်ခြင်းဖြစ်ပြီး သုတေသနစစ်တမ်းအပြင် လင်းပိုင် ထိန်းသိမ်းရေးအသိပညာပေးလုပ်ငန်းများလည်း   ဆောင်ရွက်လျက်ရှိကြောင်းသိရသည်။ 
-
ယခုနှစ် ဧရာဝတီလင်းပိုင်သုတေသနခရီးစဉ်တွင် မန္တလေးတိုင်း ဒေသကြီး၊ စစ်ကိုင်းတိုင်း ဒေသကြီးနှင့် ကချင်ပြည်နယ် ငါးလုပ်ငန်း ဦးစီးဌာနတို့မှရှစ်ဦး၊ပတ်ဝန်းကျင်နှင့် မျိုးသုဉ်းရှားပါး ရေသတ္တဝါများထိန်းသိမ်းရေးဌာနစုမှ တစ်ဦး၊ ကသာမြို့ငါးလုပ်ငန်း အဖွဲ့ချုပ်မှ နှစ်ဦး၊ ရေလုပ်သားသုံးဦးနှင့် သားငှက်ထိန်းသိမ်းရေးအဖွဲ့  (မြန်မာနိုင်ငံ အစီအစဉ်)မှ ဝန်ထမ်းများ ပါဝင်၍ စစ်တမ်း ကောက်ယူခြင်း ဖြစ်ကြောင်းသိရသည်။
-
#မြ၀တီနေ့စဉ်သတင်းစာ

(၅၆)ကြိမ်မြောက် မြန်မာ့ကျောက်မျက် ရတနာပြပွဲကို မတ်လတွင် ကျင်းပမည်

(၅၆)ကြိမ်မြောက် မြန်မာ့ကျောက်မျက် ရတနာပြပွဲကို မတ်လတွင် ကျင်းပမည်
-
နေပြည်တော် ဖေဖော်ဝါရီ ၁၈ 
-
(၅၆) ကြိမ်မြောက် မြန်မာ့ကျောက်မျက်ရတနာပြပွဲကို မတ်လတွင်ကျင်းပမည်ဖြစ်ရာအဆိုပါပြပွဲ ကျင်းပရေး ဗဟိုကော်မတီအစည်းအဝေးကို ယနေ့မွန်းလွဲ ၂နာရီတွင် နေပြည်တော်ရှိ မဏိရတနာကျောက်စိမ်းခန်းမ၌ ကျင်းပသည်။ 
-
ရှေးဦးစွာ မြန်မာ့ကျောက်မျက်ရတနာ ပြပွဲ ဗဟိုကော်မတီနာယကသယံဇာတနှင့်သဘာဝပတ်ဝန်းကျင် ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးအုန်းဝင်းက မြန်မာနိုင်ငံ ကျောက်မျက်ရတနာလုပ်ငန်းရှင်များ အသင်းအနေဖြင့် ကျောက်မျက်ရတနာများကို အရိုင်းအတိုင်း ရောင်းချခြင်းထက် အချောထည်များ ပိုမိုထုတ်လုပ်တင်ပြ ရောင်းချနိုင်ရေး အစီအစဉ်များ ချမှတ်ဆောင်ရွက် သွားရန်မှာကြားလိုကြောင်း၊ နိုင်ငံအတွင်း မှထွက်ရှိသော ကျောက်မျက်ရတနာ သယံဇာတများကိုနိုင်ငံတကာ စံနှုန်းများနှင့်အညီ တူးဖော် ထုတ်လုပ်ရေး၊ ဈေးကွက်ရရှိရေးနှင့် သတ်မှတ်အခွန်အခများ ပေးသွင်းရေးတို့ကို ပွင့်လင်းမြင်သာစွာ ဆောင်ရွက်လျက်ရှိရာ ကျောက်မျက် ရတနာ လုပ်ငန်းရှင်များ အသင်းကလည်း ပူးပေါင်းပါဝင် ဆောင်ရွက်ရန် လိုကြောင်းဖြင့် ပြောကြားသည်။ 
-
ထို့နောက် လုပ်ငန်းကော်မတီများအလိုက် ရှင်းလင်းတင်ပြကြရာ စီမံရေးရာလုပ်ငန်း ကော်မတီဥက္ကဋ္ဌ ဦးသန်းဇော်ဦးက ရတနာ ပြပွဲဆိုင်ရာ ကြိုတင်ပြင်ဆင် ဆောင်ရွက်ထားရှိမှုများနှင့်ပတ်သက်၍လည်းကောင်း၊ ကျောက်စိမ်းလုပ်ငန်း ကော်မတီနှင့် ကျောက်မျက်လုပ် ငန်းကော်မတီဥက္ကဋ္ဌ ဦးမင်းသူက လုပ်ငန်း ကော်မတီများ ဆောင်ရွက်မှု အခြေအနေနှင့် ပတ်သက်၍ လည်းကောင်း၊ ပုလဲလုပ်ငန်းကော် မတီဥက္ကဋ္ဌ ဦးမြင့်သူ၊ လုံခြုံရေး လုပ်ငန်းကော် မတီဥက္ကဋ္ဌ ဗိုလ်မှူးကြီးမင်းနောင်၊ ဘဏ္ဍာရေး လုပ်ငန်း ကော်မတီ ဥက္ကဋ္ဌ ဦးနိုင်မျိုးဟန်၊ မြန်မာ နိုင်ငံ ကျောက်မျက်ရတနာလုပ်ငန်းရှင်များ အသင်းဒုတိယဥက္ကဋ္ဌ(၁) ဦးလှစိုးဦးတို့က ၎င်းတို့၏ လုပ်ငန်းကော်မတီအလိုက် ဆောင်ရွက်ထားရှိမှုများနှင့် ပတ်သက်၍လည်းကောင်း ရှင်းလင်းတင်ပြပြီး အခမ်းအနား တက်ရောက် လာကြသူများက ဝိုင်းဝန်းအကြံပြုဆွေးနွေးကြရာ မြန်မာ့ကျောက်မျက်ရတနာ ပြပွဲဗဟို ကော်မတီနာယက သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးအုန်းဝင်းက ဆွေးနွေး တင်ပြချက်များနှင့်ပတ်သက်၍ ပေါင်းစပ် ညှိနှိုင်းပေးသည်။ 
-
(၅၆)ကြိမ်မြောက် မြန်မာ့ကျောက်မျက် ရတနာပြပွဲကို မတ် ၁၁ ရက်မှ ၂ဝ ရက်အထိ နေပြည်တော်ရှိ မဏိရတနာကျောက်စိမ်း ခန်းမဝင်းအတွင်း၌ ကျင်းပသွားမည်ဖြစ်ပြီး ပုလဲအတွဲ၊ ကျောက်မျက်အတွဲနှင့်ကျောက်စိမ်းအတွဲများကို အိတ်ဖွင့်တင်ဒါစနစ်ဖြင့် ရောင်းချသွားမည်ဖြစ်ကြောင်းသိရသည်။
-
#မြ၀တီနေ့စဉ်သတင်းစာ

တိုက်ကြီးမြို့နယ်ရှိ စစ်မှုထမ်းဟောင်း အဖွဲ့ဝင်များနှင့် မိသားစုဝင်များအား ကျန်းမာရေး စောင့်ရှောက်မှု လုပ်ငန်းများ ဆောင်ရွက်

တိုက်ကြီးမြို့နယ်ရှိ စစ်မှုထမ်းဟောင်း အဖွဲ့ဝင်များနှင့် မိသားစုဝင်များအား ကျန်းမာရေး စောင့်ရှောက်မှု လုပ်ငန်းများ ဆောင်ရွက်
-
နေပြည်တော်  ဖေဖော်ဝါရီ  ၁၈ 
-
ရန်ကုန်တိုင်းဒေသကြီး၊ တိုက်ကြီးမြို့နယ် အတွင်းရှိစစ်မှုထမ်းဟောင်းအဖွဲ့ဝင်များနှင့် မိသားစုဝင်များအား  ယနေ့နံနက်ပိုင်းတွင် ရန်ကုန်တိုင်း စစ်ဌာနချုပ်၊ နယ်လှည့်ဆေးကုသရေး အဖွဲ့က မြို့နယ်စစ်မှုထမ်းဟောင်းရုံး ခန်းမ၌  ကျန်းမာရေး စောင့်ရှောက်မှု လုပ်ငန်းများ ဆောင်ရွက်ပေးသည်။ 
-
ထိုသို့ဆောင်ရွက်ပေးရာတွင် ဆေးကုသရေးအဖွဲ့က စစ်မှုထမ်းဟောင်း အဖွဲ့ဝင်များနှင့် မိသားစုဝင် ၁၂ဝ ဦးတို့ကို နှလုံးရောဂါ၊ ဆီးချိုရောဂါ၊ သွေးချိုရောဂါ၊ အဆစ်အမျက်ရောင်ရောဂါ၊ အထွေထွေရောဂါတို့နှင့်ပတ်သက်၍ လိုအပ်သည့်ကျန်းမာရေး စစ်ဆေးကုသပေးခြင်းများ ဆောင်ရွက်ပေးသည်။ ထို့ပြင် ဆေးကုသရေး အဖွဲ့က ခံတွင်းကင်ဆာရောဂါ အကြောင်း သိကောင်းစရာများကို ကျန်းမာရေး အသိပညာပေးဟောပြောဆွေးနွေးခြင်းများ  ဆောင်ရွက်ပေးခဲ့ကြောင်း သတင်းရရှိသည်။   
-
(၁ဝဝ)
-
#မြ၀တီနေ့စဉ်သတင်းစာ

အမ်းမြို့နယ်၊ ကြောင်ဖြူကွင်း ကျေးရွာ၌ ကျန်းမာရေး စောင့်ရှောက်မှု လုပ်ငန်းများ ဆောင်ရွက်

အမ်းမြို့နယ်၊ ကြောင်ဖြူကွင်း ကျေးရွာ၌  ကျန်းမာရေး စောင့်ရှောက်မှု လုပ်ငန်းများ ဆောင်ရွက်
-
နေပြည်တော်  ဖေဖော်ဝါရီ  ၁၈ 
-
ရခိုင်ပြည်နယ်၊ အမ်းမြို့နယ်၊ ကြောင်ဖြူကွင်း ကျေးရွာနှင့် ပတ်ဝန်းကျင် ကျေးရွာများရှိ ဒေသခံတိုင်းရင်းသား ပြည်သူများအားယနေ့ မွန်းလွဲပိုင်းတွင် အနောက်ပိုင်းတိုင်း စစ်ဌာနချုပ်၊ နယ်လှည့် ဆေးကုသရေးအဖွဲ့က  အဆိုပါ ကျေးရွာ ဘုန်းတော်ကြီးကျောင်း၌ ကျန်းမာရေး စောင့်ရှောက်မှုလုပ်ငန်းများ ဆောင်ရွက်ပေးသည်။ 
-
ထိုသို့ဆောင်ရွက်ပေးရာတွင်ဆေးကုသရေးအဖွဲ့က ဒေသခံတိုင်းရင်းသားပြည်သူ ၁၂၁ဦးတို့ကိုခွဲစိတ်ကုသမှုဆိုင်ရာ ရောဂါ၊ သွားနှင့် ခံတွင်းရောဂါ၊ အရိုး/အကြောရောဂါ၊ မျက်စိရောဂါ၊ ကလေးရောဂါ၊ အထွေထွေရောဂါတို့နှင့် ပတ်သက်၍ လိုအပ်သည့် ကျန်းမာရေး စစ်ဆေးကုသပေးခြင်းများ ဆောင်ရွက်ပေးပြီး ဆေးရုံတက်ရောက် ကုသရန် လိုအပ်သော လူနာသုံးဦးကို အမ်းမြို့ရှိ တပ်မတော်ဆေးရုံသို့တက်ရောက်ကုသနိုင်ရေးစီစဉ်ဆောင်ရွက် ပေးခဲ့ကြောင်းသတင်းရရှိသည်။
-
#မြ၀တီနေ့စဉ်သတင်းစာ

ကယားပြည်နယ်နှင့် ရှမ်းပြည်နယ်တို့၌ တရားမဝင် သစ်များ သိမ်းဆည်းရမိ

ကယားပြည်နယ်နှင့် ရှမ်းပြည်နယ်တို့၌ တရားမဝင် သစ်များ သိမ်းဆည်းရမိ
-
နေပြည်တော်  ဖေဖော်ဝါရီ  ၁၈ 
-
ကယားပြည်နယ်၊ ဖားဆောင်းမြို့နယ်အတွင်း လုံခြုံရေး ဆောင်ရွက်နေသော ပူးပေါင်းအဖွဲ့သည် ဖေဖော်ဝါရီ ၁၇ ရက် နံနက် ၈ နာရီခွဲခန့်တွင် ဗဟားလိုကျေးရွာ၏ အရှေ့တောင်ဘက် ၃ မိုင်ခန့်အကွာ၌တရားမဝင် စုပုံထားသော ကျွန်းနှင့်ပိတောက် သစ်လုံး ၄၉ လုံး(ခန့်မှန်း ၉ ဒသမ ၂၄ တန်ခန့်)အား ပိုင်ရှင်မဲ့ သိမ်းဆည်းရမိခဲ့သည်။ 
-
အလားတူ ရှမ်းပြည်နယ်(တောင်ပိုင်း)၊ ဟိုပုံးမြို့နယ်အတွင်း လုံခြုံရေး ဆောင်ရွက်နေ သောတပ်ဖွဲ့ဝင်များသည် ဖေဖော်ဝါရီ ၁၇ ရက် မွန်းလွဲ ၁ နာရီခန့်တွင်  မိုင်းပျဉ်းကျေးရွာ၏ အရှေ့မြောက်ဘက် မီတာ ၇ဝဝဝ ခန့်အကွာ၌ တရားမဝင် စုပုံထားသော အင်သစ်လုံး ၂၄၃ လုံး(ခန့်မှန်း ၇၁ တန်)ကို သိမ်းဆည်း ရမိခဲ့သည်။ အဆိုပါ သိမ်းဆည်းရမိ တရားမဝင်သစ်များအား သက်ဆိုင်ရာသို့ စနစ်တကျ လွှဲပြောင်း အပ်နှံခဲ့ကြောင်းသတင်း ရရှိသည်။
-
(၁၀၀)
-
#မြ၀တီနေ့စဉ်သတင်းစာ

ကမ်းရိုးတန်း ဒေသတိုင်း စစ်ဌာနချုပ်၏ မြန်မာ့ရိုးရာ ထမနဲ ထိုးပြိုင်ပွဲ ပြုလုပ်

ကမ်းရိုးတန်း ဒေသတိုင်း စစ်ဌာနချုပ်၏ မြန်မာ့ရိုးရာ ထမနဲ ထိုးပြိုင်ပွဲ ပြုလုပ်
-
နေပြည်တော်  ဖေဖော်ဝါရီ  ၁၈
-
ကမ်းရိုးတန်းဒေသတိုင်းစစ်ဌာနချုပ်၊ မြိတ်တပ်နယ်၏ မြန်မာ့ရိုးရာ ထမနဲထိုးပြိုင်ပွဲကို ဖေဖော်ဝါရီ ၁၇ ရက် ညနေ ပိုင်းတွင် တိုင်းစစ် ဌာနချုပ် အားကစားကွင်း၌ပြုလုပ်ရာတိုင်းမှူး ဗိုလ်ချုပ် သောင်းထိုက်ရွှေနှင့် အရာရှိ၊ စစ်သည်၊  မိသားစုများ၊   ဒိုင်အဖွဲ့ဝင်များနှင့် ပြိုင်ပွဲဝင်အသင်းများတက်ရောက်ကြသည်။
-
ဦးစွာ တိုင်းမှူးနှင့် အဖွဲ့ဝင်များက ထမနဲ ထိုးပြိုင်ပွဲဝင်အသင်းများ၏ ယှဉ်ပြိုင်နေမှုများကို လိုက်လံကြည့်ရှုအားပေးသည်။ ထို့နောက် ဆုရရှိသည့်အသင်းများအားတိုင်းမှူးနှင့်အဖွဲ့ဝင်များကဆုများ အသီးသီးပေးအပ်သည်။
-
-
အဆိုပါထမနဲထိုးပြိုင်ပွဲကို တိုင်းစစ်ဌာနချုပ် ကွပ်ကဲမှုအောက် တပ်ရင်း/တပ်ဖွဲ့များမှ ပြိုင်ပွဲဝင်အသင်း ၂၄ သင်း ဝင်ရောက် ယှဉ်ပြိုင်ခဲ့ကြောင်းသတင်းရရှိသည်။
-
#မြ၀တီနေ့စဉ်သတင်းစာ

ညောင်ဦးမြို့နယ်၊ မင်းနန်သူကျေးရွာရှိ ဘုန်းတော်ကြီးကျောင်းတိုက်၌ မီးလောင်မှုဖြစ်ပွား

ညောင်ဦးမြို့နယ်၊ မင်းနန်သူကျေးရွာရှိ ဘုန်းတော်ကြီးကျောင်းတိုက်၌ မီးလောင်မှုဖြစ်ပွား
-
နေပြည်တော် ဖေဖော်ဝါရီ  ၁၈ 
-
မန္တလေးတိုင်းဒေသကြီး၊ ညောင်ဦးမြို့နယ်၊ မင်းနန်သူကျေးရွာရှိ လေးမျက်နှာဘုန်းတော်ကြီး ကျောင်းတိုက် မီးဖိုချောင်၌ ဖေဖော်ဝါရီ ၁၇ ရက် မွန်းလွဲ ၁၂ နာရီ မိနစ် ၄ဝ ခန့်တွင် လျှပ်စစ်ဝါယာရှော့ခ်ဖြစ်ရာမှတစ်ဆင့်  မီးလောင် ကျွမ်းမှုဖြစ်ပွားခဲ့သည်။ 
-
မီးလောင်ရာနေရာသို့ တပ်မတော်သားများ၊ မြန်မာနိုင်ငံ မီးသတ်တပ်ဖွဲ့ဝင်များနှင့် ဒေသခံပြည်သူများ စုပေါင်း၍ မီးသတ်ယာဉ်သုံးစီးဖြင့်ဝိုင်းဝန်းငြှိမ်းသတ်ခဲ့ရာ မွန်းလွဲ၁ နာရီ ၁ဝ မိနစ်ခန့်တွင်မီးငြိမ်းသွားခဲ့သည်။ မီးလောင်မှုကြောင့်လူနှင့်တိရစ္ဆာန်များ ထိခိုက်ဒဏ်ရာရရှိမှုမရှိဘဲ ဘုန်းတော်ကြီးကျောင်းဝင်း အတွင်းရှိ မီးဖိုတဲတစ်လုံးနှင့် ကျောင်းဆောင်တစ်လုံး မီးလောင်ပျက်စီး ဆုံးရှုံးခဲ့ကြောင်းသတင်း ရရှိသည်။       
-
(၁ဝဝ)
-
#မြ၀တီနေ့စဉ်သတင်းစာ

လားရှိုးမြို့၊ ပြည်သူ့ဆေးရုံ၌ တက်ရောက် ကုသနေသည့် မိုင်းထိလူနာနှစ်ဦးအား စားသောက်ဖွယ်ရာများ ပေးအပ်

လားရှိုးမြို့၊ ပြည်သူ့ဆေးရုံ၌ တက်ရောက် ကုသနေသည့် မိုင်းထိလူနာနှစ်ဦးအား စားသောက်ဖွယ်ရာများ ပေးအပ်
-
နေပြည်တော်  ဖေဖော်ဝါရီ  ၁၈ 
-
ရှမ်းပြည်နယ်(မြောက်ပိုင်း)၊ လားရှိုးမြို့၊ ပြည်သူ့ဆေးရုံ၌ မိုင်းထိဒဏ်ရာများဖြင့် ဆေးရုံတက်ရောက် ကုသနေသည့် သီပေါမြို့နယ်၊  နမ့်ရမ်းကျေးရွာအုပ်စု၊  နမ့်မော်လုံ ကျေးရွာနေ ဦးဝိဇေယျနှင့် ဦးကေတတို့နှစ်ဦးကို ယနေ့မွန်းလွဲပိုင်း တွင် အရှေ့မြောက်တိုင်း စစ်ဌာနချုပ်မှ တာဝန်ရှိသူများက သွားရောက် ကြည့်ရှုအားပေးပြီး ထောက်ပံ့ငွေနှင့် စားသောက်ဖွယ်ရာများ ပေးအပ်သည်။ 
-
အဆိုပါ မိုင်းထိလူနာနှစ်ဦးသည် တစ်ရွာတည်းနေ ကျေးရွာအုပ်ချုပ်ရေးမှူးဖြစ်သူ ဦးတိကနှင့်အတူ နမ့်ရမ်းကျေးရွာသို့ သွားရောက်စဉ် နမ့်မော်လုံကျေးရွာ၏ အရှေ့ မြောက်ဘက် မီတာ ၂၅ဝဝ ခန့်အကွာသို့ အရောက်၌ တိုက်မိုင်းတစ်လုံး ပေါက်ကွဲမှု ဖြစ်ပွားခဲ့ကြောင်းနှင့် မိုင်းပေါက်ကွဲမှုကြောင့် ဦးတိကသည် နေရာ၌ပင်သေဆုံးခဲ့ကြောင်း၊ ၎င်းတို့နှစ်ဦးမှာ မိုင်းစထိမှန်ဒဏ်ရာများ ရရှိခဲ့သဖြင့် သီပေါမြို့နယ်ပြည်သူ့ဆေးရုံမှ တစ်ဆင့် လားရှိုးမြို့ ပြည်သူ့ဆေးရုံသို့ ရောက်ရှိ ဆေးကုသမှုခံယူနေခြင်း ဖြစ်ကြောင်း သတင်းရရှိသည်။        -
(၁ဝဝ)
-
#မြ၀တီနေ့စဉ်သတင်းစာ

ဖရူဆိုမြို့နယ်၊ ကဒါးလားကျေးရွာ၌ ကျန်းမာရေး စောင့်ရှောက်မှု လုပ်ငန်းများ ဆောင်ရွက်

ဖရူဆိုမြို့နယ်၊ ကဒါးလားကျေးရွာ၌ ကျန်းမာရေး စောင့်ရှောက်မှု လုပ်ငန်းများ ဆောင်ရွက်
-
နေပြည်တော် ဖေဖော်ဝါရီ ၁၈
-
ကယားပြည်နယ်၊ ဖရူဆိုမြို့နယ်၊ ကဒါးလားကျေးရွာနှင့် ပတ်ဝန်းကျင် ကျေးရွာများရှိ ဒေသခံပြည်သူများအား ယနေ့နံနက်ပိုင်းတွင် အရှေ့ပိုင်းတိုင်း စစ်ဌာနချုပ်၊ နယ်လှည့်ဆေးကုသရေး အဖွဲ့က အဆိုပါကျေးရွအုပ်ချုပ်ရေးမှူးရုံး၌ ကျန်းမာရေး စောင့်ရှောက်မှု လုပ်ငန်းများ ဆောင်ရွက်ပေးသည်။
-
ထိုသို့ဆောင်ရွက်ပေးရာတွင် ဆေးကုသရေး အဖွဲ့က ဒေသခံပြည်သူ ၁၅၆ ဦးတို့ကို သွားနှင့်ခံတွင်းရောဂါ၊ မျက်စိရောဂါ၊ နား/နှာခေါင်း/လည်ချောင်းရောဂါ၊ အရိုး/အကြောရောဂါ၊ ကလေးရောဂါ၊ခွဲစိတ်ကုသမှုဆိုင်ရာ ရောဂါ၊ သားဖွား/ မီးယပ်ရောဂါ၊ အထွေထွေရောဂါတို့နှင့် ပတ်သက်၍ လိုအပ်သည့် ကျန်းမာရေး စစ်ဆေး ကုသပေးခြင်းများ ဆောင်ရွက်ပေးခဲ့ကြောင်း သတင်းရရှိသည်။
-
(၁ဝဝ)
-
#မြ၀တီနေ့စဉ်သတင်းစာ

မင်းတပ်မြို့နယ်ရှိ လေဘေးအန္တရာယ် ကျရောက်ခဲ့ရသည့် နေရာများအား ကူညီကယ်ဆယ်ရေး လုပ်ငန်းများ ဆောင်ရွက်

မင်းတပ်မြို့နယ်ရှိ လေဘေးအန္တရာယ် ကျရောက်ခဲ့ရသည့် နေရာများအား ကူညီကယ်ဆယ်ရေး လုပ်ငန်းများ ဆောင်ရွက်
-
နေပြည်တော် ဖေဖော်ဝါရီ ၁၈
-
ချင်းပြည်နယ်၊ မင်းတပ်မြို့နယ်အတွင်း ဖေဖော်ဝါရီ ၁၆ ရက် ညပိုင်းတွင် လေပြင်းတိုက်ခတ်မှုကြောင့် မင်းတပ်မြို့၊ စံပြရပ်ကွက်၊အမှတ်(၁)အခြေခံပညာ အထက်တန်းကျောင်းရှိ နှစ်ခန်းတွဲဝန်ထမ်းအိမ်ရာရှိနံရံများ ပြိုကျပျက်စီးခြင်း၊ ချင်းအမျိုးသားနေ့ အတွက်တည်ဆောက်ထားသော အဆောက်အအုံများ ပြိုကျပျက်စီးခြင်း၊ ခေါက်ထားကျေးရွာ၊ မရှိယောကျေးရွာ၊ ကြားဒိုကျေးရွာ၊ မသူးကျေးရွာရှိ လူနေအိမ်လေးလုံးနှင့် ဝရဲကျေးရွာ စာသင်ကျောင်းဝင်းအတွင်းရှိ ဝန်ထမ်းအိမ်ရာ တစ်လုံး အမိုးလန်ပျက်စီးခြင်းများဖြစ်ပေါ်ခဲ့သည်။
-
အဆိုပါ လေဘေးသင့်နေရာများသို့ အနောက်မြောက်တိုင်း စစ်ဌာနချုပ်မှ တပ်မတော်သားများက ဖေဖော်ဝါရီ ၁၇ ရက်နှင့် ယနေ့တို့တွင်အပျက်အစီးများ ဖယ်ရှားရှင်းလင်းပေးခြင်းနှင့် သန့်ရှင်းရေးပြုလုပ်ခြင်းများ ဆောင်ရွက် ပေးခဲ့ကြောင်း သတင်း ရရှိသည်။
-
(၁ဝဝ)
-
#မြ၀တီနေ့စဉ်သတင်းစာ

တပ်မတော် ပင်လယ်သွား ဆေးရုံရေယာဉ် (သံလွင်)မှ တပ်မတော် နယ်လှည့် အထူးကု ဆေးအဖွဲ့ ဘုတ်ပြင်းမြို့နယ်၊ ပုလဲ ကျွန်း၌ ကျန်းမာရေး စောင့်ရှောက်မှု လုပ်ငန်းများ ဆောင်ရွက်

တပ်မတော် ပင်လယ်သွား ဆေးရုံရေယာဉ် (သံလွင်)မှ တပ်မတော် နယ်လှည့် အထူးကု ဆေးအဖွဲ့  ဘုတ်ပြင်းမြို့နယ်၊ ပုလဲ ကျွန်း၌ ကျန်းမာရေး စောင့်ရှောက်မှု လုပ်ငန်းများ ဆောင်ရွက်
-
နေပြည်တော်  ဖေဖော်ဝါရီ  ၁၈ 
-
တနင်္သာရီတိုင်းဒေသကြီးအတွင်းသို့တပ်မတော်ပင်လယ်သွား ဆေးရုံရေယာဉ်(သံလွင်)ဖြင့်ရောက်ရှိနသော တပ်မတော် နယ်လှည့် အထူးကုဆေးအဖွဲ့သည် ယနေ့တွင် ဘုတ်ပြင်းမြို့နယ်၊ ပုလဲကျွန်းရှိ ဒေသခံပြည်သူ ၄၇၅ ဦးကို အဆိုပါ ကျွန်း၌ ကျန်းမာရေးစောင့်ရှောက်မှု လုပ်ငန်းများ ဆောင်ရွက်ပေး ခဲ့သည်။ 
-
ထိုသို့ဆောင်ရွက်ပေးရာတွင် ဆေးကုသမှု ဆိုင်ရာရောဂါ ၈၆ ဦး၊ ခွဲစိတ်ရောဂါ ၄၆ ဦး၊ သားဖွား/မီးယပ်ရောဂါ ၇ဝ ဦး၊ ကလေးရောဂါ  ၅၄ ဦး၊ အရိုးရောဂါ ၄၈ ဦး၊ နား/နှာခေါင်း/ လည်ချောင်းရောဂါ ၅၂ ဦး၊မျက်စိရောဂါ ၇၁  ဦးနှင့် သွား ရောဂါ ၄၈ ဦးတို့ကို လိုအပ်သည့် ဆေးဝါးကုသမှုများဆောင်ရွက်ပေးနိုင်ခဲ့ပြီး ၎င်းတို့အနက် အထွေထွေခွဲစိတ် လူနာ ကိုးဦး၊  မျက်စိခွဲစိတ်လူနာ ၁၇ ဦးတို့ကို ဆေးရုံရေယာဉ်ပေါ်၌ ခွဲစိတ်ကုသပေးသည်။
-
-
ထို့ပြင် ဓာတ်မှန်ရိုက်လူနာ ၁၁ ဦး၊ တယ်လီ ဗေးရှင်းဓာတ်မှန်ရိုက်လူနာ ၁၆ ဦး၊ ECG စက်ဖြင့် နှလုံးစမ်းသပ်လူနာ၁၄ ဦးနှင့်ဓာတ်ခွဲစမ်းသပ်လူနာ ၃၄ ဦးတို့ကို ရောဂါရှာဖွေစမ်းသပ်ခြင်းများဆောင်ရွက်ပေးပြီး ဆေးရုံ တက်ရောက် ကုသရန် လိုအပ်သူ ရှစ်ဦးအား  ဆေးရုံရေယာဉ်ပေါ်၌ တက်ရောက်ကုသနိုင်ရေး စီစဉ်ဆောင်ရွက်ပေးခဲ့ကြောင်း သတင်းရရှိသည်။
-
#မြ၀တီနေ့စဉ်သတင်းစာ

မြင်းခြံမြို့နယ်၊ ကတောကျေးရွာ၌ ကျန်းမာရေး စောင့်ရှောက်မှု လုပ်ငန်းများ ဆောင်ရွက်

မြင်းခြံမြို့နယ်၊ ကတောကျေးရွာ၌  ကျန်းမာရေး စောင့်ရှောက်မှု လုပ်ငန်းများ ဆောင်ရွက်
-
နေပြည်တော် ဖေဖော်ဝါရီ ၁၈ မန္တလေးတိုင်းဒေသကြီး၊ မြင်းခြံမြို့နယ်၊  ကတောကျေးရွာနှင့်ပတ်ဝန်းကျင် ကျေးရွာများရှိ ဒေသခံပြည်သူများအား ယနေ့တွင်အလယ်ပိုင်းတိုင်းစစ်ဌာနချုပ်၊ နယ်လှည့်ဆေးကုသရေးအဖွဲ့က အဆိုပါကျေးရွာရှိ ပုဗ္ဗာရုံကျောင်းတိုက်၌ ကျန်းမာရေး စောင့်ရှောက်မှုလုပ်ငန်းများ ဆောင်ရွက်ပေးသည်။ 
-
ထိုသို့ဆောင်ရွက်ပေးရာတွင် ဆေးကုသရေးအဖွဲ့က ဒေသခံပြည်သူ ၁၁၇၁ ဦးတုိ့ကို ခွဲစိတ်ကုသမှု ဆိုင်ရာရောဂါ၊ သားဖွား/ မီးယပ်ရောဂါ၊ ကလေးရောဂါ၊ အရိုးရောဂါ၊ မျက်စိရောဂါ၊နား/နှာခေါင်း/လည်ချောင်းရောဂါ၊ သွားနှင့် ခံတွင်းရောဂါ၊ အထွေထွေရောဂါတို့နှင့် ပတ်သက်၍ လိုအပ်သည့်ကျန်းမာရေး စစ်ဆေးကုသပေးခြင်းများ ဆောင်ရွက်ပေးပြီး ၎င်းတို့ အနက် ဓာတ်ခွဲစမ်းသပ် လူနာ ၇ဝဦး၊ Ultrasound  ရိုက်သူ ၃၄ ဦး၊ ECG စက်ဖြင့် နှလုံး စမ်းသပ်သူ ၆ဝ ဦး တို့ကို ရောဂါရှာဖွေစမ်းသပ်ပေးခြင်းများ ဆောင်ရွက်ပေးသည်။ 
-
ယင်းသို့ဆောင်ရွက်ပေးမှုများကို တိုင်းမှူး ဗိုလ်ချုပ်ကျော်စွာလင်းနှင့် အဖွဲ့ဝင်များက သွားရောက်ကြည့်ရှုအားပေးပြီး မဟာဝိဇိတာရုံပရိယတ္တိစာသင်တိုက်ဦးစီးပဓာနနာယက နိုင်ငံတော်သြဝါဒါစရိယအဘိဓဇမဟာ ရဋ္ဌဂုရု ဘဒ္ဒန္တဝိစာရိန္ဒာဘိဝံသ၊ ပုဗ္ဗာရုံကျောင်းတိုက် ဦးစီးပဓာနဆရာတော် ဘဒ္ဒန္တဝိန္ဒကနှင့် သံဃာတော်များကိုဖူးမြော်၍လှူဖွယ်ပစ္စည်းများ နှင့် နဝကမ္မအလှူငွေများ ဆက်ကပ်လှူဒါန်းခဲ့ကြောင်းသတင်းရရှိသည်။
-
#မြ၀တီနေ့စဉ်သတင်းစာ

အာဆီယံ ယူ-၂၂ ဘောလုံး ပြိုင်ပွဲတွင် မြန်မာနှင့် အင်ဒိုနီးရှား တစ်ဂိုးစီ သရေကျ

အာဆီယံ ယူ-၂၂ ဘောလုံး ပြိုင်ပွဲတွင် မြန်မာနှင့် အင်ဒိုနီးရှား တစ်ဂိုးစီ သရေကျ
-
ရန်ကုန်  ဖေဖော်ဝါရီ  ၁၈ 
-
၂ဝ၁၉ အာဆီယံ ယူ-၂၂ ဘောလုံးပြိုင်ပွဲ အုပ်စု(ခ)ပထမနေ့ကို ယနေ့ညနေပိုင်းတွင် ကမ္ဘောဒီးယားနိုင်ငံ ဖနွမ်းပင်မြို့ရှိ အမျိုးသား ဘောလုံးကွင်း၌ ကျင်းပရာ မြန်မာ ယူ-၂၂ အသင်းနှင့် အင်ဒိုနီးရှား ယူ-၂၂ အသင်းတို့ တစ်ဂိုးစီ သရေကျခဲ့သည်။ မြန်မာ ယူ-၂၂ အသင်းသည် ဦးဆောင်ဂိုးရသော်လည်းအနိုင်ရလဒ်ကို မထိန်းနိုင်သောကြောင့် သရေတစ်မှတ်ဖြင့်သာ ကျေနပ်ခဲ့ရသည်။ 
-
မြန်မာ ယူ-၂၂ အသင်းသည် ဘုန်းသစ္စာ မင်း(ဂိုး)၊ ဝင်းမိုးကျော်၊ စိုးမိုးကျော်၊ ရဲရင့်အောင်၊ ဟိန်းဖြိုးဝင်း၊  ဇေယျာနိုင်၊ လွင်မိုးအောင်၊ နန်းထိုက်ဇော်၊  ဟိန်းထက်အောင်၊ မြတ်ကောင်းခန့်၊ ဝင်းနိုင်ထွန်းတို့ဖြင့် ပွဲစကတည်းကတိုက်စစ်ဖွင့်ကစားခဲ့သည်။ ပွဲအစတွင် မြန်မာ ယူ-၂၂ အသင်းကပိုဖိ ကစားနိုင်ခဲ့ပြီး ၁၃ မိနစ်တွင် ဦးဆောင်ဂိုးရခဲ့သည်။ 
-
တိုက်စစ်မှူး  ဝင်းနိုင်ထွန်း ဖန်တီးပေး သောဘောလုံးကို တောင်ပံကစားသမား မြတ်ကောင်းခန့်က သွင်းယူခဲ့ခြင်းဖြစ်သည်။ မြန်မာအသင်းသည် ဂိုးစတင်ရရှိခဲ့သော်လည်း ပုံစံကောင်းမပြသနိုင်ခဲ့ဘဲ အင်ဒိုနီးရှားအသင်း၏ ဖိအားပေးခြင်းကိုခံခဲ့ရ သည်။ အင်ဒိုနီးရှားအသင်းအတွက် ချေပဂိုးကို ၃၇ မိနစ်တွင် ထောင့်ကန်ဘောမှ ပြန်လျှံထွက်လာသော ဘောလုံးကို အာရင်တိုက သွင်းယူခဲ့သည်။ ဒုတိယပိုင်းတွင်နှစ်သင်းစလုံးကစား သမားများအပြောင်းအလဲများပြုလုပ်ကာကစားအားမြင့်တင်ခဲ့သည်။ 
-
မြန်မာ ယူ-၂၂ အသင်း၏ ခြေစွမ်းမှာ ပထမပိုင်းလောက်ပင် အားရစရာမရှိဘဲ တိုက်စစ်ကစားပုံမှာလည်း အမှားများခဲ့သောကြောင့် ထိရောက်သည့် ဂိုးသွင်းခွင့် ထပ်မရခဲ့ပေ။ အင်ဒိုနီးရှားအသင်းသည်ဒုတိယပိုင်းတွင်  ဂိုးထပ်ရနိုင်သည့် အခွင့်အရေးထပ်ရသော်လည်း  အသုံးမချနိုင်ခဲ့၍  တစ်ဂိုး စီသရေ ရလဒ်ဖြင့် ပြီးဆုံးခဲ့ခြင်းဖြစ်သည်။ မြန်မာ ယူ-၂၂ အသင်းသည် အုပ်စုဒုတိယပွဲအဖြစ် ဖေဖော်ဝါရီ ၂ဝ ရက်တွင်အိမ်ရှင် ကမ္ဘောဒီးယား အသင်းနှင့် ယှဉ်ပြိုင်ကစားရမည်ဖြစ်ကြောင်းသိရသည်။
-
#မြ၀တီနေ့စဉ်သတင်းစာ

ဒုတိယ အကြိမ် အာဆီယံ စစ်ဘက်ဆေးပညာ ညီလာခံကျင်းပ

ဒုတိယ အကြိမ် အာဆီယံ စစ်ဘက်ဆေးပညာ ညီလာခံကျင်းပ
-
နေပြည်တော်  ဖေဖော်ဝါရီ ၁၈ 
-
အာဆီယံအပေါင်း တပ်မတော်ဆေးဘက်ဆိုင်ရာလုပ်ငန်းကျွမ်းကျင်အဖွဲ့များ၏ သုံးနှစ်တာပူးတွဲဥက္ကဋ္ဌ တာဝန်ထမ်းဆောင်နေစဉ်ကာလအတွင်းဒုတိယအကြိမ်အာဆီယံစစ်ဘက် ဆေးပညာညီလာခံ (2nd  ASEAN  Military Medicine Conference- 2nd AMMC) ဖွင့်ပွဲ အခမ်းအနားကို ယနေ့နံနက်ပိုင်းတွင် ရန်ကုန်မြို့ရှိ Melia Hotel ၌ ကျင်းပသည်။ 
-
အဆိုပါ အခမ်းအနားသို့ ကာကွယ်ရေးဝန်ကြီးဌာန ပြည်ထောင်စုဝန်ကြီးဒုတိယဗိုလ်ချုပ်ကြီး စိန်ဝင်း၊ ရန်ကုန်တိုင်း စစ်ဌာနချုပ် တိုင်းမှူး ဗိုလ်ချုပ်သက်ပုံ၊ ဆေးဝန်ထမ်းညွှန်ကြားရေးမှူး ဗိုလ်ချုပ်စိုးဝင်း၊ အိန္ဒိယ တပ်မတော် မှ  Director General Medical Services(Army) Lt. Gen.Manomoy Ganguly ၊ အာဆီယံ အဖွဲ့ဝင် နိုင်ငံများနှင့် အာဆီယံ အပေါင်းနိုင်ငံတို့မှကိုယ်စားလှယ်များ၊ အာဆီယံအတွင်းရေးမှူးချုပ်ရုံးနှင့်အာဆီယံ တပ်မတော် ဆေးဘက်ဆိုင်ရာဗဟိုဌာ (ASEAN  Center of  Military Medicine-ACMM) တို့မှကိုယ်စားလှယ်များ၊  ဆေးဝန်ထမ်းတပ်ဖွဲ့မှ အရာရှိ ကြီးများ၊ ပါရဂူများ၊ ဆေးမှူး ကိုယ်စားလှယ်များတက်ရောက်ခဲ့ကြသည်။
-
ဦးစွာ ကာကွယ်ရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး စိန်ဝင်းကအဖွင့်အမှာစကားပြောကြားပြီး ဆေးဝန်ထမ်းညွှန်ကြားရေးမှူးဗိုလ်ချုပ်စိုးဝင်းနှင့်အိန္ဒိယတပ်မတော်မှ Director  General Medical Services(Army) Lt. Gen. Manomoy Ganguly တို့က ကြိုဆိုနှုတ်ခွန်းဆက် စကားများ ပြောကြားသည်။ 
-
-
ထို့နောက် ပြည်သူ့ ဆက်ဆံရေးနှင့်စိတ်ဓာတ်စစ်ဆင်ရေး ညွှန်ကြားရေးမှူးရုံး ကွပ်ကဲမှုအောက် မြဝတီတေးဂီတ အဖွဲ့က တိုင်းရင်းသားရိုးရာယိမ်းအကဖြင့် ဖျော်ဖြေတင်ဆက်ခဲ့ပြီး စာတမ်းဖတ်ပွဲအားစတင်ကျင်းပသည်။ ဒုတိယအကြိမ်မြောက်  အာဆီယံ စစ်ဘက် ဆေးပညာညီလာခံကို အာဆီယံ အပေါင်း နိုင်ငံများမှ  စစ်ဘက်ဆေးပညာ စာတမ်း ၂၆ စောင်၊  ပိုစတာ ၂၃ခုနှင့် Symposium တစ်ခုတို့ ပါဝင်ဖတ်ကြားမည်ဖြစ်ပြီး ဖေဖော်ဝါရီ ၁၉ ရက်ထိ  ဆက်လက်ကျင်းပသွားမည်ဖြစ်ကြောင်းသတင်းရရှိသည်။
-
#မြ၀တီနေ့စဉ်သတင်းစာ

ရပ်ဝန်းနှင့် ပိုးလမ်းမ စီမံကိန်း အကောင်အထည်ဖော် ဆောင်ရွက်ရေး ဦးဆောင် ကော်မတီ ပထမအကြိမ် အစည်းအဝေး ကျင်းပ

ရပ်ဝန်းနှင့် ပိုးလမ်းမ စီမံကိန်း အကောင်အထည်ဖော် ဆောင်ရွက်ရေး ဦးဆောင် ကော်မတီ ပထမအကြိမ် အစည်းအဝေး ကျင်းပ
-
နေပြည်တော်    ဖေဖော်ဝါရီ  ၁၈ 
-
ရပ်ဝန်းနှင့်ပိုးလမ်းမစီမံကိန်း (Belt  and  Road  Initiative-BRI) အကောင်အထည်ဖော် ဆောင်ရွက်ရေး ဦးဆောင် ကော်မတီ၏ ပထမအကြိမ် အစည်းအဝေးကို နေပြည်တော်ရှိ နိုင်ငံခြားရေးဝန်ကြီးဌာနဧရာဝတီ ခန်းမ၌ယနေ့နံနက် ၁ဝ နာရီတွင် ကျင်းပရာ ကော်မတီဥက္ကဋ္ဌ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တက်ရောက် အမှာစကား ပြောကြားသည်။ အစည်းအဝေးသို့ဦးဆောင်ကော်မတီ၏ ဒုတိယဥက္ကဋ္ဌ ဒုတိယ သမ္မတ ဦးမြင့်ဆွေ၊ ဦးဆောင်ကော်မတီ အဖွဲ့ဝင်များ ဖြစ်ကြသည့် ပြည်ထောင်စု ဝန်ကြီးများ၊  ပြည်ထောင်စုရှေ့နေချုပ်၊  ပြည်ထောင်စု စာရင်းစစ်ချုပ်၊ နေပြည်တော် ကောင်စီဥက္ကဋ္ဌ၊ တိုင်းဒေသကြီးနှင့် ပြည်နယ် ဝန်ကြီးချုပ်များနှင့် တာဝန်ရှိသူများ တက်ရောက်ကြသည်။ 
-
အစည်းအဝေးတွင် နိုင်ငံတော်၏အတိုင်ပင်ခံပုဂ္ဂိုလ်က တရုတ်ပြည်သူ့သမ္မတ နိုင်ငံမှ ဦးဆောင် အကောင် အထည်ဖော် မည့် ရပ်ဝန်းနှင့် ပိုးလမ်းမ စီမံကိန်းမှာ ကမ္ဘာ့နိုင်ငံ ၆ဝ ကျော် ပါဝင်ပတ်သက်လျက်ရှိပြီးအခြေခံအဆောက်အဦ ဆက်သွယ်ရေးသာမက ကဏ္ဍပေါင်းစုံ ပူးပေါင်းဆောင်ရွက်မည့် ကျယ်ပြန့်သော အစီအစဉ် တစ်ခုဖြစ်ကြောင်း၊ မြန်မာနိုင်ငံသည် ပထဝီ အနေအထားအရ ရပ်ဝန်းနှင့် ပိုးလမ်းမစီမံကိန်းတွင် မဟာဗျူဟာ ကျသည့် နေရာ၌ တည်ရှိ နေသည့် အတွက်  ပါဝင်ဆောင် ရွက်သွားရန်ရှိကြောင်း၊ ပူးပေါင်းဆောင်ရွက် မှုများသည် မြန်မာနိုင်ငံအတွက် သာမက ဒေသ အတွက်ကိုပါအကျိုးဖြစ်ထွန်းစေမည့် အခွင့်အလမ်းများ ပေါ်ပေါက်လာစေနိုင်ကြောင်း၊ သို့သော် စီမံကိန်းများကို ဆောင်ရွက်ရာတွင် နှစ်ဦးနှစ်ဖက် အကျိုးစီးပွားအတွက် မျှမျှတတ ဖြစ်အောင် မဟာဗျူဟာနှင့် နည်းဗျူဟာများချမှတ် ဆောင်ရွက် သွားရန် လိုအပ်ကြောင်း၊ ရပ်ဝန်းနှင့် ပိုးလမ်းမ စီမံကိန်းအား အကောင်အထည် ဖော်ဆောင်ရွက်ရာတွင် ငြိမ်းချမ်းစွာ အတူယှဉ်တွဲ နေထိုင်ရေးမူကြီး (၅)ရပ် နှင့်အညီ ဆောင်ရွက်သွားရန်လိုအပ်ချက်ကို အလေးပေးပြောကြား လိုကြောင်း၊ စီမံကိန်းများကို ဆောင်ရွက်ရာတွင် ပြည်သူများအတွက် ရေတိုအကျိုးဖြစ် ထွန်းရေးသာမကရေရှည်အကျိုး ကိုပါ ရှုထောင့်အမျိုးမျိုးက လေ့လာစိစစ်ဆောင်ရွက်သွားရန် လိုအပ်ကြောင်း၊ ရပ်ဝန်းနှင့် ပိုးလမ်းမစီမံကိန်း အောက်တွင် ဆောင်ရွက်မည့် စီမံကိန်းများသည် မိမိတို့နိုင်ငံ၏ အမျိုးသားစီမံကိန်းများ၊ မူဝါဒများ၊ ပြည်တွင်းလုပ်ထုံးလုပ်နည်းများနှင့်လိုက်လျော ညီထွေမှုရှိရန်လိုအပ်ကြောင်း စသည်ဖြင့်  ထည့်သွင်းပြောကြားသည်။
-
ထို့နောက် ဦးဆောင် ကော်မတီ ဒုတိယ ဥက္ကဋ္ဌ ဒုတိယ သမ္မတ ဦးမြင့်ဆွေက ရပ်ဝန်းနှင့်  ပိုးလမ်းမစီမံကိန်းနှင့် ပတ်သက် ၍ ဒေသတွင်း နိုင်ငံများ၏ အတွေ့အကြုံများကို  ဦးစွာ လေ့လာပြီးမိမိတို့နိုင်ငံ၏ ဖွံ့ဖြိုးတိုးတက်မှု အတွက် အမှန်တကယ်လိုအပ်ပြီး ပြည်သူလူထုအတွက်အကျိုးဖြစ်ထွန်းမှု ရှိစေမည့် စီမံကိန်းများ၊  လုပ်ငန်းစဉ်များကို မှန်ကန်စွာ ရွေးချယ် သွားကြရန်ဖြစ်ကြောင်း၊ ရပ်ဝန်းနှင့် လမ်းကြောင်းအစီအစဉ်ကို ကြီးကြပ်ကွပ်ကဲရေး၊  အကောင်အထည် ဖော်ရေး တို့အတွက် ဖွဲ့စည်း ထားရှိသည့် ကော်မတီအသီးသီးက လုပ်ငန်းစဉ်များကို အကောင်အထည် ဖော်ရာတွင်  အချိတ်အဆက်မိမိညှိနှိုင်းဆောင်ရွက်ကြမှ သာလျှင် ပိုမိုထိရောက်မှုရှိမည်ဖြစ်ကြောင်း၊ အထူးသဖြင့် စီမံကိန်း လုပ်ငန်းများကို အကောင်အထည်ဖော် ဆောင်ရွက်ကြရာတွင် အချိတ်အဆက် မိမိ ဆောင်ရွက်နိုင်ရန် သက်ဆိုင်ရာပြည်ထောင်စု ဝန်ကြီးဌာနများနှင့် တိုင်း ဒေသကြီးနှင့် ပြည်နယ်အစိုးရအဖွဲ့များအကြား ပိုမိုထိရောက်စွာ ညှိနှိုင်းဆောင်ရွက်ရေးသည် အရေးကြီးကြောင်း ထည့်သွင်း ပြောကြားသည်။ 
-
ထို့နောက် မြန်မာ-တရုတ် နယ်စပ်စီးပွားရေး ပူးပေါင်းဆောင်ရွက်မှုဇုန် တည်ထောင် ရေးလုပ်ငန်း တိုးတက်မှု အခြေ အနေနှင့် ပတ်သက်၍ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ပြည်ထောင်စုဝန်ကြီး ဒေါက်တာ သန်းမြင့်က လည်းကောင်း၊ မြန်မာ-တရုတ် စီးပွားရေးစင်္ကြံ အကောင်အထည်ဖော်ရေးနှင့် ပတ်သက်၍ လုပ်ငန်းတိုးတက်မှု အခြေ အနေများကိုစီမံကိန်းနှင့် ဘဏ္ဍာရေး ဝန်ကြီးဌာနပြည်ထောင်စုဝန်ကြီး  ဦးစိုးဝင်းက လည်းကောင်း၊ တရုတ်ပြည်သူ့ သမ္မတ နိုင်ငံ ပေကျင်း မြို့၌ ၂ဝ၁၉ ခုနှစ်  ဧပြီလတွင်ကျင်းပမည့် ဒုတိယအကြိမ်ရပ်ဝန်းနှင့် ပိုးလမ်းမစီမံကိန်း၏ အပြည်ပြည်ဆိုင်ရာပူးပေါင်းဆောင်ရွက် ရေးဖိုရမ်နှင့်ပတ်သက်၍ ပြင်ဆင်ဆောင်ရွက်ရန် အခြေအနေများကို အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာန   ပြည်ထောင်စုဝန်ကြီး ဦးကျော်တင်က လည်းကောင်း အသီးသီး ရှင်းလင်း ပြောကြားသည်။ 
-
ထို့ပြင် အစည်းအဝေးသို့တက်ရောက်လာ ကြသူများက ရပ်ဝန်းနှင့် ပိုးလမ်းမ စီမံကိန်းအောက်မှ ပူးပေါင်း ဆောင်ရွက် လျက်ရှိသည့် ကိစ္စရပ်များ နှင့်စပ်လျဉ်း၍ မိမိတို့ဌာနအလိုက်ဆောင်ရွက်မှု အခြေအနေများနှင့် သဘောထားအမြင်များကို ဆွေးနွေးတင်ပြကြသည်။ ယင်းနောက် ရပ်ဝန်းနှင့် ပိုးလမ်းမစီမံကိန်း နှင့်စပ်လျဉ်းသည့် အကောင်အထည်ဖော် ဆောင်ရွက်ရေး ဦးဆောင် ကော်မတီ ဥက္ကဋ္ဌနိုင်ငံတော်၏အတိုင်ပင်ခံပုဂ္ဂိုလ်က တင်ပြမှုများအပေါ် ဖြည့်စွက်၍ လမ်းညွှန်မှာကြားပြီး နိဂုံးချုပ်အမှာစကား ပြောကြားကာ အစည်းအဝေးကို ရုပ်သိမ်းလိုက်ကြောင်း သိရသည်။
-
#မြ၀တီနေ့စဉ်သတင်းစာ

ရတနာပုံနေ့စဉ်သတင်းစာ (၁၉-၂- ၂၀၁၉)


တနာပုံနေ့စဉ်သတင်းစာ (၁၉-၂- ၂၀၁၉)
-
Download Links
Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page