မိတ္ထီလာမြို့နယ် ကူတော်ကျေးရွာ၌ အခြေခံပညာ အလယ်တန်းကျောင်း အဆင့်တိုးမြှင့် ဖွင့်လှစ်

-
မိတ္ထီလာ  ဇန်နဝါရီ  ၂၉
-
မန္တလေးတိုင်းဒေသကြီး မိတ္ထီလာမြို့နယ်    ကူတော်ကျေးရွာ၌ အမှတ်(၁၅၇) အခြေခံပညာ အလယ်တန်းကျောင်း အဆင့်တိုးမြှင့်ဖွင့်ပွဲ အခမ်းအနားကို ယမန်နေ့ နံနက် ၉ နာရီခွဲက အဆိုပါ မုခ်ဦးရှေ့၌ ကျင်းပသည်။
-
ရှေးဦးစွာ အခမ်းအနားကို  တိုင်းဒေသကြီး လွှတ်တော်ကိုယ်စားလှယ် ဦးစိုးသန်း၊ မြို့နယ်ပညာရေးမှူး ဦးသိန်းထွန်းဦးနှင့် တာဝန် ရှိသူများက ဖဲကြိုးဖြတ် ဖွင့်လှစ်ပေးသည်။ ထို့နောက် တိုင်းဒေသကြီးလွှတ်တော် ကိုယ်စားလှယ် ဦးစိုးသန်းက အမှာစကား ပြောကြားပြီး မြို့နယ်ပညာရေးမှူး ဦးသိန်းထွန်းဦးက ကျောင်းအဆင့်တိုးမြှင့် ဖွင့်လှစ်ရခြင်းနှင့် ပတ်သက်၍ ရှင်းလင်း ပြောကြားသည်။
-
ဆက်လက်၍  မြို့နယ်ပညာရေးမှူးက အမှတ် (၁၅၇)ကူတော် ကျောင်းအုပ်ဆရာမကြီး ဒေါ်အေးသန်းချိုထံ ကျောင်း အဆင့်တိုးမြှင့်ခြင်းနှင့် ပတ်သက်သည့် စာရွက်စာတမ်းများကို လွှဲပြောင်းပေးအပ်ပြီး  ကျောင်းအုပ် ဆရာမကြီးက မြို့နယ်ပညာရေးမှူးနှင့် တာဝန်ရှိသူများအား ကျောင်းအဆင့် တိုးမြှင့်ဖွင့်လှစ်ခြင်း အထိမ်းအမှတ် အလံများ ပေးအပ်သည်။
-
အဆိုပါ ကူတော်ကျေးရွာ အမှတ်(၁၅၇) အခြေခံပညာ အလယ်တန်းကျောင်းတွင် ကူတော်ကျေးရွာနှင့် အနီးဝန်းကျင် ကျေးရွာများမှ ကျောင်းသား၊ ကျောင်းသူ ၁၅ဝ ဦး တက်ရောက်ပညာသင်ကြားလျက်ရှိကြောင်း သိရသည်။
-
#မြ၀တီနေ့စဉ်သတင်းစာ