www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Wednesday, January 30, 2019

ပရဆေးဆိုင်များ၌ အစားအသောက်တွင် မသုံးသင့်သည့် ခွင့်မပြုဆိုးဆေးများ ရောနှောရောင်းချခြင်း မပြုရန် ပညာပေးကာလ သတ်မှတ်နိုင်ရေး ဆောင်ရွက်

ပရဆေးဆိုင်များ၌ အစားအသောက်တွင် မသုံးသင့်သည့် ခွင့်မပြုဆိုးဆေးများ ရောနှောရောင်းချခြင်း မပြုရန် ပညာပေးကာလ သတ်မှတ်နိုင်ရေး ဆောင်ရွက်
-
ရန်ကုန် ဇန်နဝါရီ ၂၉ 
-
ပြည်တွင်းရှိ ပရဆေးဆိုင်များ၌ ခွင့်မပြု ဆိုးဆေးများ ရောနှော ရောင်းချခြင်း မပြုရန် ပညာပေးကာလကို သုံးလ သို့မဟုတ် ခြောက်လ သတ်မှတ်နိုင်ရေး ဆောင်ရွက်လျက်ရှိကြောင်း ရန်ကုန်မြို့တော်စည်ပင်သာယာရေး ကော်မတီ ကျန်းမာရေးဌာန တာဝန်ရှိသူ တစ်ဦးထံမှ သိရသည်။ 
-
လက်ရှိ အစားအသောက်များတွင် အများဆုံး အသုံးပြုနေသည့် ခွင့်မပြုဆိုးဆေးများကို ပရဆေးဆိုင်များ၌ ရောင်းချနေပြီး ဆိုးဆေးရောင်းချသော ဈေးဆိုင်များကို စစ်ဆေးခဲ့၍ ခေါ်ယူတွေ့ဆုံကာဆိုးဆေး၏ ဆိုးကျိုးနှင့် လုပ်ငန်းရှင်၏ ကျင့်ဝတ်များ၊ စားသုံးသူ၏ ရသင့် ရပိုင်ခွင့်များအကြောင်းကို ပထမအကြိမ် အနေဖြင့် ဆွေးနွေးခဲ့ပြီး ဖြစ်သည်။ ''ပညာပေးကာလကို သုံးလ ဒါမှမဟုတ်ခြောက်လသတ်မှတ်မယ်။ ပညာပေးကာလအပြီးမှာ စစ်ဆေးတွေ့ရှိရင်တော့ အရေးယူမယ်။ အစားအစာအတွက်ဆိုရင် အစားအစာဆိုးဆေးပဲ ရောင်းရမယ်။ ဓာတုဆိုးဆေး အတွက်ဆိုရင်လည်း ဓာတုဆိုးဆေးပဲ ရောင်းရမယ်။ အဲဒီလိုမှ မဟုတ်ရင် ဥပဒေအရ အရေးယူမယ်။ အစားအစာကို ဆိုးတဲ့ ဆေးနဲ့ဓာတု ဆိုးဆေးနဲ့မတူဘူး။ ရောမရောင်းရဘူးဆိုတဲ့ စီမံချက်တွေရှိလာမယ်'' ဟု ၄င်းကပြောသည်။
-
ရန်ကုန်မြို့တော် စည်ပင်သာယာရေး ကော်မတီ ကျန်းမာရေးဌာနမှ ခွင့်မပြုဆိုးဆေးများကို စစ်ဆေးရာတွင် ရန်ကုန်မြို့ပင်ရင်းဆိုင်ကြီးများ ရှိသည့် သိမ်ကြီးဈေး( A)၊ (B)ရုံ၊ ပုဇွန်တောင်ဈေး စသည့်ဈေးတို့၌ စစ်ဆေးပြီး ပညာပေးကာလတွင် သတ်မှတ်ချက်များကို မလိုက်နာသည့် ဈေးဆိုင်များအား စစ်ဆေးတွေ့ရှိပါက ပစ္စည်းများ သိမ်းဆည်းလျက်ရှိသည်။ 
-
ခွင့်မပြုသည့် ဆိုးဆေးများ အများဆုံး တွေ့ရှိသည့် အစားအသောက်များမှာ လက်ဖက်၊ ချင်းနှပ်၊ ပုစွန်ခြောက်၊ ပုစွန်ချဉ်၊ ဝက်အူချောင်း၊ ကြက်အူချောင်း၊ စိမ်းစားငါးပိ၊ မျှစ်၊ အသားတု၊ ငရုတ်သီးမှုန့်၊ နနွင်းမှုန့်၊ ဆော့ဖ်များနှင့် အချိုရည် အမျိုးမျိုးတို့ ဖြစ်ကြောင်း သိရသည်။ 
-
ကျော်ကို
-
#မြ၀တီနေ့စဉ်သတင်းစာ

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger