www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Friday, June 30, 2017

ပန်းပေါင်း တစ်သန်းနှင့် ဆီမီးတစ်သောင်း ပူဇော်



ရန်ကုန် ၃၀-၆-၂၀၁၇

သီရိလင်္ကာနိုင်ငံ သီရိသံဗောဓိ ဖောင်ဒေးရှင်းမှ ဥက္ကဋ္ဌဆရာတော် ဓဂ္ဂါရာယာမ ကုသလဓမ္မ ဦးဆောင်သော သံဃာ တော်များ၊ အလှူရှင်များနှင့် ဘုရားဖူး ဧည့်သည်တော်များ၏ ပန်းပေါင်း တစ်သန်းနှင့်ဆီမီးတစ်သောင်း ပူဇော်သည့် ဘာသာရေးပွဲတော်ဆိုင်ရာ အခမ်းအနားကို ယနေ့ညနေ ၄နာရီတွင် ရွှေတိဂုံစေတီတော် ရင်ပြင် ပေါ်ရှိ ရာဟုထောင့် ချမ်းသာကြီး တန်ဆောင်း၌ ကျင်းပသည်။

အဆိုပါအခမ်းအနားတွင် သီရိလင်္ကာနိုင်ငံ သီရိသံဗောဓိ ဖောင်ဒေးရှင်းမှ ဥက္ကဋ္ဌဆရာတော် ဓဂ္ဂါရာယာမ ကုသ လဓမ္မနှင့် ဆရာတော်များထံမှ ဂေါပက အဖွဲ့ဝင်များနှင့် သီရိလင်္ကာ နိုင်ငံမှ အလှူရှင်များနှင့် ဘုရားဖူး ဧည့်သည်တော်များက သီလနာယူကြသည်။

ထို့နောက် ရွှေတိဂုံစေတီတော်ဂေါပက အဖွဲ့ဝင် ဦးသောင်းထိုက်က သီရိလင်္ကာနိုင်ငံနှင့် မြန်မာနိုင်ငံတို့သည် ထေရဝါဒ ဗုဒ္ဓဘာသာနိုင်ငံ များဖြစ်သည်နှင့်အညီ ရှေးအစဉ်အဆက်ကပင် ဘာသာရေးဆိုင်ရာ ချစ်ခင်ရင်းနှီး ဆက်ဆံမှုများ ရှိခဲ့ကြကြောင်း၊ ထေရဝါဒဗုဒ္ဓ ဘာသာ၏အခြေခံ ပိဋကတ်သုံးပုံသည်လည်း သီရိလင်္ကာနိုင်ငံမှ မြန်မာနိုင်ငံသို့ ရောက်ရှိခဲ့ကြောင်း၊ ရွှေတိဂုံစေတီတော်ရင်ပြင် အင်္ဂါထောင့်ရှိ ဗောဓိညောင်ပင်သည် သီရိ လင်္ကာနိုင်ငံ အနုရဓပူရမြို့ဟောင်း မဟာဗောဓိပင်၏ညောင်သီးမှ မယ်ဒက်ဆရာတော်ကြီး ယူဆောင်စိုက် ပျိုးခဲ့သော ဗောဓိ ညောင်ပင်ဖြစ်ကြောင်း၊ ၂ဝဝ၉ ခုနှစ် ဇွန် ၁၅ ရက်တွင် သီရိလင်္ကာ သမ္မတ(ဟောင်း) မဟင်္ဒြာနှင့် ဇနီးတို့ မြန်မာရှင်သာမဏေ ၃ဝ ပါးနှင့် သီလရှင် ၃ဝပါးတို့ကို သာသနာ့ ဘောင်သို့ ချီးမြှောက်သော အခမ်း အနားကို ရွှေတိဂုံ စေတီတော်ရင်ပြင် ယခုနေရာ၌ပင် ဆောင်ရွက်ခဲ့ကြောင်း ဇယျမင်္ဂလာ ထောပနာစာတမ်းကို ဖတ်ကြား သည်။

ယင်းနောက် ဆရာတော်၊ သံဃာတော်များအား ဆွမ်းဆန်စိမ်းနှင့် လှူဖွယ်ပစ္စည်းများ လောင်းလှူကြပြီး သီရိ လင်္ကာ နိုင်ငံ သီရိသံဗောဓိ ဖောင်ဒေးရှင်းမှ ဥက္ကဋ္ဌဆရာတော်နှင့် သံဃာတော်များ၊ အလှူရှင်များနှင့် ဘုရားဖူး ဧည့်သည်တော်များသည် ရွှေတိဂုံစေတီရင်ပြင်၌ ပန်း ပေါင်းတစ်သန်းနှင့် ဆီမီးတစ်သောင်းတို့အား ပူဇော် ခဲ့ကြကြောင်း သိရသည်။

#Themyawadydaily

ဂျာမနီနိုင်ငံက ပံ့ပိုးကူညီမှုဖြင့် ပလတ်စတစ်အမှိုက်မှ ကော်စေ့ထုတ်ယူနိုင်မည့် စက်ရုံတစ်ရုံကို ညောင်ဦးမြို့နယ်တွင် တည်ဆောက်သွားမည်


ပုဂံ-ညောင်ဦးဒေသ၏ သာယာကြည်နူးဖွယ်မြင်ကွင်းကို တွေ့ရစဉ်။

မန္တလေး ၃၀-၆-၂၀၁၇

မန္တလေးတိုင်း ဒေသကြီး ညောင်ဦးမြို့နယ်တွင် ဂျာမနီနိုင်ငံက ပံ့ပိုးကူညီမှုဖြင့် ပလတ်စတစ်အမှိုက်မှ ကော်စေ့ ထုတ်ယူနိုင်မည့် စက်ရုံတစ်ရုံကို တည်ဆောက်သွားမည် ဖြစ်ကြောင်း ပုဂံပလတ်စတစ် အမှိုက်ကင်းစင်ရေး လှုပ်ရှားမှု (ပုဂံပလတ်စတစ် ကမ်ပိန်း) အဖွဲ့နာယက ဦးနိုင်လင်းထက်က ပြောပြသည်။

အဆိုပါ စက်ရုံတည်ဆောက် နိုင်ရန်အတွက် ဂျာမနီနိုင်ငံ Stiftunglife ကုမ္ပဏီမှ အလှူရှင် Mr. Jurgen Gessner အမှိုက်မှကော်စေ့ ထုတ်ယူနိုင်မည့် စက်ကိရိယာများနှင့် အခြေခံအဆောက်အအုံ အပိုင်းကို ပံ့ပိုးကူညီပေးသွားမည် ဖြစ်ကြောင်း၊ စက်ရုံ တည်ဆောက်ရန်အတွက် တိုင်းဒေသကြီး အစိုးရအဖွဲ့ထံမှ မြေဧရိယာနှစ်ဧက ခွင့်ပြုချက် ရရှိပြီးဖြစ်ကြောင်း၊ ယင်းပလတ်စတစ် အမှိုက်မှ ကော်စေ့ထုတ်ယူနိုင်မည့် စက်ရုံကို ညောင်ဦးမြို့နယ် ညောင်ချောက်ကွင်း၊ ကျောက်ကူးကြိုးပြင် အဆိုပြုကာကွယ်တော ဧရိယာအတွင်း တည်ဆောက်သွားမည် ဖြစ်ကြောင်း ပုဂံပလတ်စတစ် အမှိုက်ကင်းစင်ရေး လှုပ်ရှားမှု (ပုဂံပလတ်စတစ် ကမ်ပိန်း) အဖွဲ့မှ သိရသည်။

''ပလတ်စတစ်အမှိုက်ကို ဘယ်လိုပြန်ပြီး အသုံးချမလဲ ပလတ်စတစ်အမှိုက်က တစ်နေရာနဲ့တစ်နေရာ ရွေ့သွားတာပဲရှိတယ်၊ ဆွေးမြည့်ပြီး ပျောက်ပျက်သွားတာ မရှိဘူး၊ အမှိုက်ကနေ ဘာအပြောင်းအလဲ လုပ်လို့ရမလဲလို့ ကျွန်တော်တို့ အနေအထားနဲ့ အတိုင်းအတာကို လက်လှမ်းမီ သလောက် ဒီဒေသမှာလက်တွေ့ လုပ်နိုင်မယ့်ဟာ လေးတွေကို လေ့လာပါတယ်၊ အမှိုက်ကနေ ကော်စေ့ထုတ် နေတာတွေ့ရတယ်၊ အဲဒီလုပ်ငန်း လေးကိုသွား လေ့လာ ပြီးတော့ အဲဒီအဖွဲ့ကို ကျွန်တော်တို့က ဆက်သွယ်တာပေါ့၊ ကျွန်တော်တို့ဒေသကို လာလေ့လာကြည့်ဖို့ ကမ်းလှမ်းလိုက်တယ်၊ ကျွန်တော်တို့ဆီက ရတဲ့အမှိုက်တွေ တစ်ပတ်စာဘယ်လောက်ရှိလဲ သူတို့ဘက်ကလဲ လာရောက်လေ့လာပြီး ကူညီပေးမယ်ပေါ့၊ ကျွန်တော်တို့ကို သူတို့အနေနဲ့ သုံးခုတောင်းဆိုပါတယ်၊ မြေနေရာရယ်၊ ရေရရှိမှုရယ်၊ လျှပ်စစ်ရယ်ရရှိအောင် ကျွန်တော်တို့ဘက်က တာဝန်ယူပေးရမယ်၊ သူတို့ဘက်ကစက်ကိရိယာအပိုင်း ၊ အခြေခံအဆောက်အအုံ အပိုင်းကို တာဝန်ယူပေးပါမယ် ဆိုပြီး ဂျာမနီအဖွဲ့ကနေ ကမ်းလှမ်းသဘောတူ ထားပါတယ်'' ဟု ပုဂံပလတ်စတစ် အမှိုက်ကင်းစင်ရေး လှုပ်ရှားမှု (ပုဂံပလတ်စတစ် ကမ်ပိန်း)အဖွဲ့ နာယကက ဆက်လက် ပြောပြသည်။

လက်ရှိတွင် မန္တလေးတိုင်းဒေသကြီး အစိုးရအဖွဲ့၏ ခွင့်ပြုချက်ဖြင့် မြေနှစ်ဧက ခွငြ့်ပုချက်ရရှိ ပြီဖြစ်ပြီး စက်ဏ္ဍရုံတည်ဆောက်ရန် အတွက်လည်း ပံ့ပိုးကူညီပေးမည့် ဂျာမနီနိုင်ငံ Stiftunglife ကုမ္ပဏီက အလှူရှင် JurgenGessner နှင့် နှစ်ကြိမ်မက တွေ့ဆုံဆွေးနွေးပြီး ဖြစ်ကြောင်း၊ နောက်တစ်ကြိမ် အသေးစိတ်ထပ်မံ ဆွေးနွေးသွားမည် ဖြစ်ကြောင်း ၎င်းက ပြောပြသည်။

''လမ်ဘေးမှာရှိတဲ့ စည်းကမ်းမဲ့ စွန့်ပစ်အမှိုက်တွေကို ကောက်ယူပြီး အမှိုက်ပုံးထဲသွားရွှေ့လိုက်တယ်၊ ဆွေးမြည့်ပျောက်ပျက် သွားတာမရှိဘူး၊ မြေဆီလွှာပေါ်မှာ နှစ်ရာချီပြီးတော့ တည်မြဲနေတဲ့ အခါကျတော့ တစ်ချိန်ချိန်မှာ ဒီကထွက်လာတဲ့ ဆိုးကျိုးတွေ အငွေ့အသက်တွေ ဒါတွေက လူမှုပတ်ဝန်းကျင်ကို ထိခိုက်မှုဖြစ်စေတယ်၊ ကျွန်တော်တို့က ပလတ်စတစ်အမှိုက်ကို နံပါတ်တစ် မီးရှို့ဖျက်ဆီးပစ်တာ ဖြစ်တဲ့အတွက် ဒီဟာကအငွေ့ အသက်တွေ မကောင်းဘူး၊ ပတ်ဝန်းကျင်ကို ထိခိုက်စေတယ်၊ ဘယ်လို ပြောင်းပြီးတော့ ဘယ်လိုပြန်သုံးလို့ရမလဲဆိုတဲ့ အနေအထားမှာ ပလတ်စတစ်ကနေ ကော်စေ့ထုတ်မယ့် နည်းလမ်းက အကောင်းဆုံး လို့ထင်တယ်၊ပလပ်စတစ်အမှိုက်ကို recycle အနေနဲ့ ပြန်အသုံးချတဲ့အခါမှာ အကျိုးကျေးဇူးပိုပြီး ရရှိနိုင်ပါတယ်''ဟု ဦးနိုင်လင်းထက်က ပြောပြသည်။

သန့်ရှင်းတင့်တယ်မှုကို ပျက်စီးစေခြင်း (Disgrace)၊ သဘာဝပတ်ဝန်းကျင် တန်ဖိုးကို ယုတ်လျော့စေခြင်း (Degrade)၊ ကင်ဆာဘေးသင့်စေခြင်း (Dangerous) ဟူသော အကြောင်းအရာ သုံးရပ်ကြောင့် ညောင်ဦးခရိုင် အတွင်းရှိ ဌာနဆိုင်ရာများ၊ လူမှုရေးအဖွဲ့အစည်းများနှင့် အခြားစိတ်ပါဝင်စား သူစေတနာရှင်များ စုပေါင်း၍ ပုဂံပလတ်စတစ် အမှိုက်ကင်းစင်ရေး လှုပ်ရှားမှု (ပုဂံပလတ်စတစ် ကမ်ပိန်း)ကို ၂ဝ၁၄ခုနှစ် ဇွန်လ တတိယပတ်တွင် စတင်လုပ် ဆောင်ခဲ့ပြီး ပုဂံယဉ်ကျေးမှု အမွေအနှစ်ဒေသအတွင်း အပတ်စဉ် စနေနေ့တိုင်းကောက်ယူခြင်း (Collect)၊ သယ်ယူစွန့်ပစ်ခြင်း(Carry) နှင့်ပလတ်စတစ်အမှိုက်၏ သဘာဝကို ပြောင်းလဲလျော့ပါး စေခြင်း(Change) လုပ်ငန်းစဉ် သုံးရပ်ဖြင့် စုပေါင်းအမှိုက်ကောက် သန့်ရှင်းရေးများ ဆောင်ရွက်လျက်ရှိရာမှ လက်ရှိအချိန်တွင် နိုင်ငံခြားသားများကပါ တစ်တပ်တစ်အား ပါဝင်လာလျက်ရှိသည်။

လူထုအသိပညာရရှိစေမှု (Public awareness) အတွက်လည်း ကွန်ပျူတာ၊ ပရိုဂျက်တာများဖြင့် လိုက်လံပြသ ဟောပြောခြင်း၊ လက်တွေ့သရုပ်ပြ ဟောပြောခြင်း၊ လက်ကမ်းစာစောင်များ ဖြန့်ဝေခြင်း၊ အသိပညာပေး ဆိုင်းဘုတ် များစိုက်ထူခြင်း လုပ်ငန်းများ ဆောင်ရွက်လျက်ရှိကြောင်း၊ ယခင်က ကောက်ယူစုဆောင်းထားသော ပလတ်စတစ်အမှိုက်များကို မီးရှို့ဖျက်ဆီးခြင်းသာ အဓိကလုပ်ဆောင် ခဲ့ရသော်လည်း ယခုအခါတွင်ထို အမှိုက်များကို ပလတ် စတစ်ရေသန့်ဘူးခွံ အလွတ်အတွင်းသို့ ဖိသိပ်ထည့်ပြီး အစားထိုးအုတ်အဖြစ် ပြန်လည်အသုံးချသည့် နည်းလမ်းကို ဆောင်ရွက်နေကြောင်း သိရသည်။

#Yadanarpondaily

မရမ်းချောင်စစ်ဆေးရေး ဂိတ်တွင် အကောက်ခွန်မဲ့ ကုန်ပစ္စည်းငွေကျပ်သိန်း ၂၃ဝဝ ဖိုးခန့်ကို ဒုတိယအကြိမ်ဖျက်ဆီး



ကျိုက်ထို ၃၀-၆-၂၀၁၇

မွန်ပြည်နယ် ကျိုက်ထိုမြို့နယ် မရမ်းချောင်စစ်ဆေးရေး ဂိတ်တွင် ယနေ့မွန်းတည့် ၁၂ နာရီခန့်က ဖမ်းဆီးရမိထားသော အကောက်ခွန်မဲ့ ကုန်ပစ္စည်း ငွေကျပ်သိန်း၂၃ဝဝဖိုးခန့်ကို ဒုတိယအကြိမ် ဖျက်ဆီးခဲ့ကြောင်း သိရသည်။

ယခုတစ်ကြိမ် ဖျက်ဆီးခြင်းသည် မရမ်းချောင် စစ်ဆေးရေးဂိတ်၌ မေ၃ရက်မှဇွန် ၂၆ရက်ထိ ဖမ်းဆီးသိမ်းဆည်း ထားသောပစ္စည်းများ အနက်မှ အရက်၊ဘီယာ၊ ပိုးသတ်ဆေး၊ ကွမ်းစားဆေးများကို ညွှန်ကြားချက်အရ ဖျက်ဆီး ခြင်းဖြစ်ကြောင်း မရမ်းချောင်စစ်ဆေးရေး ဂိတ်တာဝန်ခံ ညွှန်ကြားရေးမှူး ဦးနေလင်းအောင်က ပြောပြသည်။

''ဂိတ်စဖွင့်တဲ့ နေ့ကနေစပြီး အပိုတင်လာတဲ့ ကုန်သွယ်ခွင့်ရ ပစ္စည်းတွေ ဖမ်းဆီးထားတာလဲ ရှိပါတယ်။ ဒါတွေကိုကျတော့ လေလံတင်တာတို့၊ ဒဏ်ငွေဆောင်ခိုင်းပြီး ပြန်ပေးတာတို့ လုပ်မှာပါ။ အခုဖျက်ဆီးတဲ့ ပစ္စည်းတွေက အရက်၊ဘီယာလို ကန့်သတ်ကုန်ပစ္စည်းတွေ မဖြစ်မနေဖျက်ဆီးရမယ့် ပစ္စည်းတွေဖြစ်လို့ ဖျက်ဆီးရတာပါ''ဟု ၎င်းက ပြောပြသည်။

မရမ်းချောင် စစ်ဆေးရေးဂိတ် ဖွင့်လှစ်ထားခြင်းဖြင့် နိုင်ငံတော်အတွက် အခွန်အခများ ပိုမိုရရှိလာသည့်အပြင် တရားမဝင်ကုန်ပစ္စည်း သယ်ဆောင်လာမှုကို တားဆီးနိုင်ကာ အများပြည်သူ စားသောက်သုံးစွဲ ရန်မသင့်သော ကုန်ပစ္စည်းများကို အထိုက်အလျောက် တားဆီးလာနိုင်ကြောင်း ၎င်းကဆက်လက်ပြော ပြသည်။

လက်ရှိဖျက်ဆီးမှုမှာ ဒုတိယ အကြိမ်ဖြစ်ပြီး ဘီယာ ၁၅မှု၊အရက်နှစ်မှု၊ ကွမ်းစားဆေး နှစ်မှု၊ပိုးသတ်ဆေး ခြောက်မှု၊စုစုပေါင်း ၂၅မှုမှ ကုန်ပစ္စည်းကာလတန်ဖိုး ငွေကျပ်သိန်း ၂၃ဝဝခန့်ကို ဖျက်ဆီးခဲ့ခြင်း ဖြစ်သည်။

#Yadanarpondaily

မန္တလေးမြို့ သုဓမ္မာဇရပ်တန်းတွင် သပိတ်စခန်းဖွင့် လှစ်၍လယ်သိမ်းခံတောင်သူဦးရေ ၁၅ဝဝ ကျော်ဆန္ဒထုတ်ဖော်



မန္တလေး ၃၀-၆-၂၀၁၇

မန္တလေး အောင်မြေသာစံ မြို့နယ်ရှိ သုဓမ္မာဇရပ်တန်းတွင် သပိတ်စခန်းဖွင့် လှစ် ၍လယ်သိမ်းခံ တောင်သူဦးရေ ၁၅ဝဝကျော် ဆန္ဒထုတ်ဖော်မှု ပြုလုပ်နေကြကြောင်း တံခွန်မြန်မာနိုင်ငံလုံးဆိုင်ရာ တောင်သူလယ်သမား အဖွဲ့ချုပ်မှ သိရသည်။

မန္တလေးတိုင်း ဒေသကြီးအတွင်းရှိ လယ်သိမ်းခံ တောင်သူဦးရေ ၁၅ဝဝ ကျော်တို့သည် ယနေ့ နံနက် ၁၁နာရီကျော်မှစတင်၍ တရားစွဲဆိုခံထားရသည့် လယ်သိမ်းခံ တောင်သူများ၏အမှုကို အမြန်ဆုံး ပယ်ဖျက်ပေးရေး၊ တောင်သူလယ်သမား အရေးကူညီ ဆောင်ရွက်သူများ ကိုမတရား ဥပဒေပုဒ်မများဖြင့် တရားစွဲဆိုထားမှုကို ပယ်ဖျက်ပေးရေးနှင့် သိမ်းဆည်းခံထားရသော လယ်ယာမြေများအရေးကို အမြန်ဆုံး ဖြေရှင်းဆောင်ရွက် ပေးရေးစသည်တို့ကို သပိတ်စခန်းဖွင့်လှစ်၍ မန္တလေးတိုင်းဒေသကြီး အစိုးရထံတောင်းဆို ကြကြောင်း တံခွန်မြန်မာနိုင်ငံ လုံးဆိုင်ရာ တောင်သူ လယ်သမားအဖွဲ့ချုပ်မှ အဖွဲ့ဝင်တစ်ဦးက ပြောပြသည်။

''မန္တလေးတိုင်း ဒေသကြီးထဲက လယ်သိမ်းခံတောင်သူ တွေအဓိကပါဝင်ပြီး တောင်းဆိုကြတာပါ။ ကျွန်တော်တို့ တောင်းဆိုထားတာတွေ မရမချင်း ဆန္ဒထုတ်ဖော်တာကို ရုပ်သိမ်းသွားမှာ မဟုတ်ပါဘူး။ အခုကစပြီး နေ့ရော ညပါပြုလုပ် သွားမှာပါ''ဟု ၎င်းက ပြောပြသည်။

သပိတ်စခန်းဖွင့်လှစ်ကာ ဆန္ဒထုတ်ဖော်ခြင်းကို မန္တလေးတိုင်း ဒေသကြီးအတွင်းရှိ မြို့နယ် ၁၂မြို့နယ်မှ လယ်သိမ်းခံ တောင်သူများ စုပေါင်း၍ ပြုလုပ်ခဲ့ကြခြင်း ဖြစ်ကြောင်း၊ အဆိုပါလယ်သိမ်းခံ တောင်သူများသည် ယနေ့ နံနက်၉ နာရီက မန္တလေးတောင်ခြေအနီး မှ ၁၂လမ်းသို့လည်းကောင်း၊ ၁၂ လမ်းမှ ၆၂လမ်းသို့လည်းကောင်း စီတန်းလှည့်လည်ကာ ဆန္ဒထုတ်ဖော်မှု ပြုလုပ်ခဲ့ကြကြောင်း သိရသည်။

#Yadanarpondaily

ထိုင်းအစိုးရ၏ ဥပဒေသစ်ကြောင့် မြန်မာအလုပ်သမားဦးရေ ၃ဝဝဝ ကျော်ပြည်တွင်းသို့ မြဝတီမြို့မှတစ်ဆင့် ပြန်လည်ဝင်ရောက်လာ



မြ၀တီ ၃၀-၆-၂၀၁၇

ထိုင်းအစိုးရ၏ ဥပဒေသစ်ကြောင့် ထိုင်းနိုင်ငံအတွင်း အလုပ်သွားရောက် လုပ်ကိုင်နေကြသည့် မြန်မာအလုပ်သမားဦးရေ ၃ဝဝဝ ကျော်သည် ယနေ့ နံနက် ၈ နာရီမှစတင်ကာ မြန်မာနိုင်ငံသို့ ကရင်ပြည်နယ် မြဝတီမြို့ ၉၉၉ ဂိတ်မှတစ်ဆင့် ပြန်လည်ဝင်ရောက် လာကြောင်း သိရသည်။

ထိုင်းအစိုးရက ယခုနှစ်အလုပ်ရှင်နှင့် အလုပ်သမားများ ဥပဒေအသစ် (၈) ချက် ထုတ်ပြန်လိုက်ပြီး အဆိုပါဥပဒေ၌ ထိုင်းနိုင်ငံတွင် နိုင်ငံခြားသား အလုပ်သမားများအတွက် တားမြစ်ထားသော အလုပ်နှင့်အလုပ်လုပ်ကိုင်ခွင့် ပါမစ်မရှိသော အလုပ်သမားများကို လက်ခံထားသည့် အလုပ်ရှင်သည် အလုပ်သမား တစ်ဦးစာအတွက် ဘတ်ငွေလေးသိန်းမှ ရှစ်သိန်းထိ ဒဏ်ငွေပေးဆောင်ရန် ထုတ်ပြန်လိုက်ခြင်းကြောင့် ယခုကဲ့သုိ့ ပြန်လည် ဝင်ရောက် လာခြင်း ဖြစ်သည်။

''အလုပ်ရှင်သူဌေးတွေ ကိုယ်တိုင်က ပြန်ခိုင်းတာပါ။ ပြန်လာတဲ့အခါ ဒီအတိုင်းပြန်လို့မရဘူး။ သက်ဆိုင်ရာပွဲစားက ခေါ်လာပြီး ထိုင်းပုလိပ်ရုံးမှာ အဖမ်းခံတဲ့ပုံစံမျိုး လုပ်ရတယ်။ အဲဒီပုလိပ်ရုံးမှာ အဖမ်းခံရကြောင်း သက်သေခံတွေ လုပ်ပြီးမှ ကားတွေနဲ့ မဲဆောက်ကိုပို့ပေးတယ်။

မဲဆောက်ကမှတစ်ဆင့် ထိုင်းဘက်ခြမ်း သောင်ရင်းမြစ် စက်လှေဂိတ်ကို ပို့ပေးပါတယ်။ ထိုင်းဘက်ကမ်းက တစ်ဆင့် အခု မြန်မာဘက်ခြမ်း ၉၉၉ ဂိတ် ကိုပို့ပေးတာပါ။ ဒီအရောက် တစ်ဦးကိုထိုင်းဘတ်ငွေ ၃၅ဝဝ ပေးရပါတယ်'' ဟု နေရပ်ပြန်အလုပ် သမားတစ်ဦးက ပြောပြသည်။

ပြန်လည်ဝင်ရောက် လာသည့် မြန်မာအလုပ်သမားဦးရေမှာ ယနေ့ညနေ ၅ နာရီခန့်ထိ စာရင်းများအရ အမျိုးသား ၁၃ဝ၂ဦး၊ အမျိုးသမီး ၁၈၆၅ဦး၊ စုစုပေါင်း ၃၁၆၇ဦး ခန့်ရှိပြီး ၎င်းတို့ကို မြဝတီမြို့ရှိ လူမှုရေး အသင်းအဖွဲ့များ၊ပရဟိတအဖွဲ့များက ကူညီပေးနေကြောင်း သိရသည်။

ပြန်လည်ရောက်ရှိ လာသူများကို ပြည်နယ်ဝန်ကြီးချုပ်၏ ညွှန်ကြားချက်ဖြင့် ကြိုဆိုနေရာချထားရေး၊ ချက်ပြုတ်ကျွေးမွေးရေး၊ နေရပ်ပြန်လည် ပို့ဆောင်ပေးရေးတို့ကို ဆောင်ရွက်ပေးသွားမည် ဖြစ်သော်လည်း ပြန်လည်ရောက်ရှိ လာသူများက လက်မခံခဲ့ကြောင်း မြဝတီခရိုင် အထွေထွေအုပ်ချုပ်ရေး ဦးစီးဌာနမှ ဦးစီးအရာရှိ ဦးသိုက်စိုးမိုးက ပြောပြသည်။

ထိုင်းနိုင်ငံမှ ပြန်လည်ရောက်ရှိလာသည့် မြန်မာအလုပ်သမားများကို မြဝတီခရိုင်အုပ်ချုပ်ရေးမှူး ဦးထူးလွင်၊ ခရိုင်ရဲတပ်ဖွဲ့မှူး ဒုတိယ ရဲမှူးကြီးအောင်နိုင်ထွန်း၊ မြို့နယ် အုပ်ချုပ်ရေးမှူး ဦးဖြိုးဇော်ကိုကို၊ အလုပ်သမားညွှန်ကြားရေး ဦးစီးဌာနနှင့် သက်ဆိုင်ရာ တာဝန်ရှိသူများက သွားရောက်ကြိုဆိုခဲ့ပြီး လိုအပ်သည့် အကူအညီများကို ဆောင်ရွက်ပေးခဲ့ကြောင်း သိရသည်။

#Yadanarpondaily

လောင်းလုံမြို့နယ်၊ စမ်းလှမ်းကျေးရွာ၌ ကျန်းမာရေးစောင့်ရှောက်မှု လုပ်ငန်းများဆောင်ရွက်၊ တပ်မတော်ပို့ဆောင်ရေး Y-8 လေယာဉ်အား ကူညီကယ်ဆယ် ရှာဖွေခဲ့ကြသည့် ဒေသခံပြည်သူများအား စားသောက်ဖွယ်ရာများ ပေးအပ်


ကမ်းရိုးတန်းဒေသ တိုင်းစစ်ဌာနချုပ် တိုင်းမှူး ဗိုလ်မှူးချုပ်လင်းအောင် နယ်လှည့်ဆေးကုသရေးအဖွဲ့က ဒေသခံပြည်သူများအား ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးနေမှုကို ကြည့်ရှုအားပေးစဉ်။

ကမ်းရိုးတန်းဒေသတိုင်းစစ်ဌာနချုပ် တိုင်းမှူး ဗိုလ်မှူးချုပ်လင်းအောင် တပ်မတော်ပို့ဆောင်ရေး Y-8 လေယာဉ်ပျက်ကျမှုတွင် ကူညီကယ်ဆယ်ရှာဖွေခြဲ့ကသည့် ဒေသခံပြည်သူများ နှင့်လူမှုရေးအသင်း အဖွဲ့များအတွက် စားသောက်ဖွယ်ရာများ ပေးအပ်စဉ်။

နေပြည်တော် ၃၀-၆-၂၀၁၇

တနင်္သာရီတိုင်းဒေသကြီး၊ လောင်းလုံမြို့နယ်၊ စမ်းလှမ်းကျေးရွာရှိ ဒေသခံပြည်သူများအား ယနေ့နံနက်ပိုင်းတွင် ကမ်းရိုးတန်းဒေသ တိုင်းစစ်ဌာနချုပ် နယ်လှည့်ဆေးကုသရေးအဖွဲ့က အဆိုပါကျေးရွာ ဘုန်းတော်ကြီးကျောင်း၌ ကျန်းမာရေးစောင့်ရှောက်မှု လုပ်ငန်းများ ဆောင်ရွက်ပေးသည်။

ထိုသို့ဆောင်ရွက်ပေးရာတွင် ခွဲစိတ်ကုသမှု ဆိုင်ရာရောဂါ၊ ကလေးရောဂါ၊ အရိုး/အကြောရောဂါ၊ သားဖွား/မီးယပ်ရောဂါနှင့် အထွေထွေရောဂါဝေဒနာရှင် ဒေသခံပြည်သူစုစုပေါင်း ၁၀၅ ဦးတို့ကို လိုအပ်သည့်ဆေးဝါး ကုသမှုများနှင့် ရောဂါရှာဖွေစမ်းသပ် ကုသပေးခြင်းများ ဆောင်ရွက်ပေးသည်။

ယင်းသို့ဆောင်ရွက် ပေးနေမှုများကို တိုင်းမှူးဗိုလ်မှူးချုပ် လင်းအောင်နှင့် အဖွဲ့ဝင်များက သွားရောက်ကြည့်ရှု အားပေးသည်။ ထို့နောက်တိုင်းမှူးနှင့် အဖွဲ့ဝင်များသည် တပ်မတော်ပို့ဆောင်ရေး Y-8 လေယာဉ်ပျက်ကျမှုတွင် ကူညီကယ်ဆယ် ရှာဖွေခဲ့ကြသည့် စမ်းလှမ်းကျေးရွာရှိ ဒေသခံပြည်သူများနှင့် လူမှုရေးအသင်းအဖွဲ့များအား တွေ့ဆုံ၍ ကျေးဇူးတင်စကား ပြောကြားပြီး စားသောက်ဖွယ်ရာများ ပေးအပ်သည်။

ဆက်လက်၍ ညောပြင်ကျေးရွာသို့သွားရောက်၍ ဒေသခံပြည်သူများနှင့် လူမှုရေးအသင်း အဖွဲ့များအားတွေ့ဆုံကာ တပ်မတော်ပို့ဆောင်ရေး Y-8 လေယာဉ်အား ကူညီကယ်ဆယ်ရှာဖွေမှု တို့အတွက် ကျေးဇူးတင်စကား ပြောကြားပြီး ဒေသခံပြည်သူများ၊ လူမှုရေး အသင်းအဖွဲ့များနှင့် တပ်မတော် (ရေ) မှ တပ်မတော်သားများအတွက် စားသောက်ဖွယ်ရာများ ပေးအပ်သည်။

ထို့ပြင် ယနေ့နံနက်ပိုင်းတွင်လည်း တိုင်းမှူးနှင့် အဖွဲ့ဝင်များသည် ထားဝယ်မြို့နယ်၊ ဗဲ့မဲ့တတ်တောင် ဘုန်းတော်ကြီးကျောင်းနှင့် လောင်းလုံမြို့နယ်၊ နာခံတောဘုန်းတော်ကြီးကျောင်း များသို့သွားရောက်၍ ကျောင်းထိုင် ဆရာတော်များအား ဖူးမြော်ကာ ၀ါဆိုသင်္ကန်းနှင့် လှူဖွယ်ပစ္စည်းများ ဆက်ကပ်လှူဒါန်းခဲ့ကြောင်း သတင်းရရှိသည်။

#Themyawadydaily

ရတနာပုံနေ့စဉ်သတင်းစာ (၃၀-၆-၂၀၁၇)



ရတနာပုံနေ့စဉ်သတင်းစာ (၃၀-၆-၂၀၁၇)

Download Links

မြ၀တီနေ့စဉ်သတင်းစာ (၃၀-၆-၂၀၁၇)



မြ၀တီနေ့စဉ်သတင်းစာ (၃၀-၆-၂၀၁၇)

Download Links

Thursday, June 29, 2017

နယ်စပ်မှ ဆီးရီးယား စစ်တပ်ကို တိုက်ခိုက်ခဲ့သည့် အစ္စရေး



ဘာသာပြန်ဆောင်းပါး

စစ်ပွဲများ ဖြစ်ပွားလေ့ရှိသည့် ဆီးရီးယားနှင့်အစ္စရေးတို့၏ ရန်ပွဲများသည် ဆီးရီးယားပြည်တွင်းစစ် စတင်ခဲ့သည့် အချိန်နှင့် IS တို့ စတင်ပေါ်ပေါက်လာသည့် အချိန်၂ဝ၁၄ ခုနှစ်တွင် အဆုံးသတ်သွားခဲ့သည်ဟု ဆိုနိုင်သည်။

ထိုအချိန်ကတည်းက အစ္စရေးကလည်း ဆီးရီးယားကို ဗုံးကြဲခြင်း၊ ဒုံးကျည်များဖြင့် ပစ်ခတ်ခြင်း မရှိတော့ဘဲ ငြိမ်သက်ခဲ့ပြီး ဂိုလန်ကုန်းမြင့် ဒေသကလည်း ငြိမ်သက်နေခဲ့သည်။ သို့သော် ဇွန် ၂၅ ရက်က ငြိမ်သက်နေသည့် ဂိုလန်ကုန်းမြင့်ဒေသ အနီးတွင်စစ်ပွဲများက ပြန်လည်စတင် လာသည်။

ငြိမ်သက်နေသည့် နယ်စပ်စစ်ပွဲများကို အခွင့်ကောင်းယူပြီး ဆီးရီးယားအစိုးရက သူ့စစ်တပ်အား ဂိုလန်ကုန်းမြင့်နားကို ပို့ထားခဲ့သည်။ တိုက်ပွဲဝင် တင့်ကားများ အပါအဝင် လူအင်အား အသင့်အတင့်ရှိသည့် သူ့စစ်တပ်က ဂိုလန် ကုန်းမြင့်အနီးတွင် လျှို့ဝှက်နေရာယူစေခဲ့ပြီး မည်သည့်ရည်ရွယ်ချက် ကြောင့်စစ်တပ် လာချထားသည် ကိုတော့မသိပေ။ သို့သော်နယ်စပ်ကို အမြဲမပြတ် စောင့်ကြည့်နေသည့် အစ္စရေးတို့ကြောင့် ထိုနေရာသည် ခဏအတွင်း မှာပင်ပြိုလဲ ခဲ့ရသည်။

အစ္စရေးလေကြောင်းက ချက်ချင်းဗုံးကြဲပြီး နယ်ခြားစောင့်တပ်များက ထိုအုပ်စုကိုသုတ်သင် အမြစ်ဖြတ်ခဲ့သည်။ ထိုနေရာသည်ဆီးရီးယား-လက်ဘနွန်နယ်စပ်လည်း ဖြစ်နေ၍ ဆီးရီးယားကိုရော၊ လက်ဘနွန်ကိုရော၊ အစ္စလာမ်မစ် IS တို့ကိုပါ အစ္စရေးတို့က စိုးရိမ်နေရသည့် နေရာဖြစ်သည်။

ထို့ကြောင့် အစ္စရေးတို့ နေ့ညမပြတ် စောင့်ကြည့်နေပြီး ယခုတော့ ငြိမ်သက်နေသည့် ဂိုလန်ကုန်းမြင့်၌ စစ်ပွဲများပြန်လည် စတင်လာပြီ ဖြစ်သည်။ ဆီးရီးယားအစိုးရက ယင်းတိုက်ခိုက်မှုကြောင့် ပြည်သူများ သေဆုံးခဲ့ရသည်ဟု ထုတ်ပြန်ထားပြီး အစ္စရေးကတော့ သူ့နယ်မြေကို အထိခံမည် မဟုတ်ပေ။

ဂိုလန်ကုန်းမြင့်သည် အာရပ်၊အစ္စရေးတို့ နာမည်ကြီး ခြောက်ရက်ကြာ စစ်ပွဲတွင်လက်ဘနွန်ဆီမှ အစ္စရေးတို့ရရှိထားသည့် နေရာဖြစ်သည်။ ထိုနေရာသည် ဟစ်ဇ်ဘိုလာတို့၏ တိုက်ခိုက်မှု ကိုလည်း မကြာခဏခံရသည့် နေရာ လည်းဖြစ်ကာ ဆီးရီးယားအစိုးရတိုင်းက ဟစ်ဇ်ဘိုလာတို့ကို လက်နက်တပ်ဆင် ပေးသည်ဟူ၍ နာမည်ကြီးနေသည်။

အထူးသဖြင့် အာရပ်များနှင့် စစ်ဖြစ်တိုင်း အောင်မြင်ခဲ့သည့် အစ္စရေးကို ဆီးရီးယားက မကျေနပ်ပေ။ ထို့ကြောင့် မြောက်ကိုရီးယား အကူအညီဖြင့်ပင် နျူကလီးယားလက်နက် စက်ရုံကို ဆီးရီးယားတို့ တည်ဆောက်ခဲ့ သေးသည်။ သူတို့အတွေးက အစ္စရေးကို ကမ္ဘာ့မြေပုံပေါ်မှ ဖယ်ရှားပစ်ရေး ဖြစ်သည်။

သို့သော် ရည်ရွယ်ချက်ရှိရှိ တည်ဆောက်ခဲ့သည့် နျူကလီးယားစက်ရုံ သည်လည်း အစ္စရေးတို့၏ လက်ချက်ဖြင့် ၂ဝဝ၇ခုနှစ်တွင်မြေခ ပျက်စီးခဲ့သည်။ လျှို့ဝှက်စစ်ဆင်ရေးဖြင့် မည်သူမျှမသိသည့် နေရာကို လေကြောင်းဖြင့် ဗုံးကြဲ တိုက်ခိုက်ခဲ့သည့် အစ္စရေးတို့၏ ၂ဝ ရာစုနောက်ပိုင်း အာရပ်များကို အောင်နိုင်ခြင်း ဖြစ်သည်။ ဆီးရီးယားနှင့် အစ္စရေးတို့၁၉၄၈၊ ၁၉၄၉၊ ၁၉၆၄၊ ၁၉၆၆၊ ၁၉၆၇၊ ၁၉၇၃၊ ၁၉၈၂၊ ၁၉၈၄၊ ၁၉၇၈၊ ၂ဝဝ၇၊၂ဝ၁ဝ နှင့်၂ဝ၁၁ ခုနှစ် တို့တွင်စစ်ပွဲများ ဖြစ်ခဲ့ပြီး ဖြစ်ခဲ့သမျှအားလုံး လိုလိုပင် ဆီးရီးယားတို့ အရှုံးကြီးရှုံးနိမ့် ခဲ့ရခြင်းသာ ဖြစ်သည်။

၁၉၆၇ ခုနှစ် ခြောက်ရက်ကြာ စစ်ပွဲ၌ ပါဝင်ခဲ့ကြသည့် အီဂျစ်၊ဆော်ဒီနှင့် ဂျော်ဒန်တို့ကလည်း နောက်ပိုင်းတွင် အစ္စရေးနှင့် ပတ်သက်သမျှ လက်ရှောင်နေခဲ့သည်။ သို့သော်သူတို့ထဲမှ ဆီးရီးယားကတော့ ချွန်ထွက်ကာ အစ္စရေးကို အမြဲတမ်း အမှတ်ထားခဲ့ သူဖြစ်သည်။

ယခုတော့ ၁၉၄၇ ခုနှစ်က အရှေ့အလယ်ပိုင်း အင်အားအကြီးဆုံး ထဲမှတစ်နိုင်ငံ ဖြစ်ခဲ့သည့် ဆီးရီးယားသည် သူကိုယ်တိုင်ပြာပုံ ဖြစ်နေပြီဖြစ်သည်။ IS ကိုလည်းတိုက်ရ၊ အမေရိကန် ကျောထောက်နောက်ခံ သူပုန်အုပ်စုကို လည်း တိုက်ရသဖြင့် သမ္မတအာဆတ် ပြုတ်ကျလုနီးပါး ဖြစ်နေသည့် အချိန်မှာပင် ရုရှားကဝင်လာ သောကြောင့်အသက် ဆက်လက်ရှင်သန် နိုင်နေခြင်း ဖြစ်သည်။

ယခုရုရှား အကူအညီဖြင့် IS ကိုရော၊ သူပုန်တို့ကိုပါ ကောင်းမွန်စွာပြန်လည် တိုက်ထုတ်နိုင်ပြီ ဖြစ်သည်။ ဂိုလန်ကုန်းမြင့်နား ရွှေ့လာခဲ့သည့် စစ်စခန်းကလည်း လေ့ကျင့်ရေး စစ်စခန်းတစ်ခု ဖြစ်ပုံရသည်။ အစ္စရေးကို တိုက်ရန် မဟုတ်လျှင်တောင်မှ သူပုန်များကို တိုက်ရန်ဖြစ် ဟန်တူသည်။

သို့သော်ထူးခြားနေသည့် အချက်ကဆီးရီးယား စစ်သားများနှင့် အတူ လက်ဘနွန်စစ်သားများကိုပါ အတူတွေ့ရခြင်း ဖြစ်သည်။ ထိုအချက်က စဉ်းစားစရာ ဖြစ်နေပြီး အစ္စရေး တို့ကလည်း ထိုအတွက်ပင် လက်ဦးမှု ရယူခဲ့ခြင်း ဖြစ်သည်။ကမ္ဘာပေါ်တွင် အကြီးမားဆုံးလူ့ အခွင့်အရေး ချိုးဖောက်မှုထဲမှတစ်ခု အဖြစ်လူသိရှင်ကြား အစ္စရေးဝေဖန်ခံခဲ့ ရသည့်ကိစ္စတစ်ခုမှာ၂ဝ၁ဝ ပြည့်နှစ်အစ္စရေးတို့ နယ်စပ် ကျူးကျော်လာသူများကို နှိမ်နင်းခဲ့သည့်ကိစ္စ ဖြစ်သည်။

၂ဝ၁ဝ ပြည့်နှစ်တွင် လက်ဘနွန်နိုင်ငံသားများ လူအင်အားစုစည်းပြီး ဂိုလန်ကုန်းမြင့် အားဖြတ်ကျော်လာသည်ကို အစ္စရေးနယ်ခြားစောင့်တပ်က လက်နက်အင်အားသုံး ကာဖြိုခွဲခဲ့သည့် ဖြစ်ရပ်ဖြစ်သည်။ 

ဂိုလန်နယ်စပ်မျဉ်း ဖြတ်ကျော်လာသည့် မည်သူ့ကိုမဆို အစ္စရေးတို့ ပစ်သတ်၊ကားဖြင့်တိုက် သတ်ခဲ့သည့် ဗီဒီယိုဖိုင်က ထွက်ပေါ်လာခဲ့ သောကြောင့် ဖြစ်သည်။

ထိုအတွက် အစ္စရေးသည် ကုလသမဂ္ဂ၏ အကြီးအကျယ်ဝေဖန်မှု ကိုခံခဲ့ရပြီး အစ္စရေးတို့ပေးသည့် ဆင်ခြေကတော့ သူ့နိုင်ငံအချုပ်အခြာ အာဏာကို ကျူးကျော်လာသည့်အတွက် ဟုသာဖြစ်သည်။

ကမ္ဘာပေါ်တွင် ကုလသမဂ္ဂ၏ ဖိအားမပေးနိုင်ဆုံး နိုင်ငံများကို ပြပါဆိုလျှင် အကောင်သေးသည့် အစ္စရေးကလည်း ထိပ်ဆုံးမှပါမည် ဖြစ်သည်။ မည်မျှပင် ကုလသမဂ္ဂနှင့် နိုင်ငံတကာက ဝေဖန်ဝေဖန် အစ္စရေးကတော့ သူလုပ်ချင် သည့်အရာများကို မည်သူ့ကိုမျှ ဂရုမစိုက်ဘဲ လုပ်နေသည်ချည်း သာဖြစ်သည်။

အကယ်၍ ကုလသမဂ္ဂပြောသည့် လူ့အခွင့်အရေးဆိုသည့် အရာကြီးကို အစ္စရေးတို့ လိုက်နာနေမည် ဆိုလျှင်ယခုအချိန်တွင် အစ္စရေးဆိုသည့် နိုင်ငံတစ်နိုင်ငံ ကမ္ဘာမြေကြီးပေါ်တွင် တည်ရှိနေလိမ့်မည် မဟုတ်ဟုပင် အစ္စရေးတို့ ကဆိုကြသည်။

ဘေးပတ်လည်တွင် အစ္စရေးကို အမြစ်ဖြုတ်ချင်သည့် အာရပ်များက ဝိုင်းနေသောကြောင့် ဖြစ်သည်။အစ္စရေးတို့ အာရပ်ကမ္ဘာတွင် လက်မထောင်ပြီး မည်သူ့မျှဂရုမစိုက်ဘဲ နေနိုင်သည့်အဓိက အကြောင်းရင်းမှာ သူ့နောက်တွင် အမေရိကန်က မားမားမတ်မတ် ရပ်တည်ပေးနေသောကြောင့် ဖြစ်သည်။ အိုဘားမားကမည်မျှပင် လူ့အခွင့်အရေးနှင့် ပတ်သက်ပြီး ဒေါသထွက်ထွက် နောက်ဆုံးကမ္ဘာပေါ်တွင် အကောင်းဆုံးဟု ဆိုသည့် အသစ်စက်စက် သူတို့ ဂျက်တိုက်လေယာဉ် F35 ကိုပြည်ပနိုင်ငံ အဖြစ်ပထမဆုံး အစ္စရေးကို ပေးခဲ့ရသည်။

ထိုအရာများက အစ္စရေးနှင့် အမေရိကန်တို့ကြားက နိုင်ငံရေးလှည့်ကွက်များ ဖြစ်ပြီးအစ္စရေး ဘာလုပ်လုပ် အမေရိကန်ကထောက်ခံ ပေးခဲ့သည်ချည်း သာဖြစ်သည်။

ကုလသမဂ္ဂလုံခြုံရေး ကောင်စီကမည်သည့် ပိတ်ပင်မှုစည်းမျဉ်း ပဲချချအမေရိကန်က ဗီတိုအာဏာသုံးပြီး ပယ်ချသည်ချည်း ဖြစ်သည်။ ထိုအတွက်ကြောင့် အစ္စရေးတို့ ယခုအနောက် ဘက်ကမ်းရိုးတန်းတွင် အိမ်ရာများ တည်ဆောက် နေခြင်းဖြစ်ပြီး မည်သည့် အာရပ်နိုင်ငံ ဖြစ်ဖြစ်လက်ဦးမှု ရယူကာ ဗုံးသွားကြဲ နိုင်သည်။

သို့သော် အစ္စရေး ထောက်လှမ်းရေးများက အာရပ်အရေးနှင့် ပတ်သက်လာလျှင် အမေရိကန်ထက်ပင် လက်သွက်သေးသည်။ ယခုလည်း ဂိုလန်ကုန်းမြင့်နားကို ရောက်လာလာချင်းပင် ဆီးရီးယားတပ်များကို ပြာပုံဘဝ ရောက်အောင် လုပ်ခဲ့သည်။ ထိုအတွက် ဆီးရီးယားကို ထိလျှင်မခံ တတ်သည့် ရုရှားမည်သို့ တုံ့ပြန်မည်ကိုတော့ အစ္စရေးတို့ စောင့်ကြည့် ရဦးမည်ဖြစ်သည်။ ။

မြ၀တီနေ့စဉ်သတင်းစာ စာ (၂၄)

#Themyawadydaily

မစ်ဒယ်ဝိတ်တန်းချန်ပီယံ ခါးပတ်အတွက် အဆင်သင့်ဖြစ်နေပြီဟု အောင်လအန်ဆိုင်း ဆို



ရန်ကုန် ၂၉-၆-၂၀၁၇

UFC လောကတွင် “The Burmese Python” ဟု နာမည်ကြီးနေသော အောင်လအန်ဆိုင်းသည် ဇွန် ၃ဝရက်တွင် ရန်ကုန်မြို့၌ ကျင်းပမည့် ONE Championship စိန်ခေါ်ပွဲ၌ မစ်ဒယ်ဝိတ်တန်း ချန်ပီယံဗစ်တာလေးနှင့် ယှဉ်ပြိုင်ထိုးသတ်သွားမည် ဖြစ်ကြောင်း သိရသည်။

အမေရိကန်နိုင်ငံမှ မြန်မာနိုင်ငံသို့ ပြန်လည်ရောက်ရှိလာသော အောင်လအန်ဆိုင်းသည် ကမ္ဘာ့ချန်ပီယံတစ်ဦးနှင့် ထိုးသတ်သွားရန် အကောင်းဆုံး ပြင်ဆင်ထားပြီး မစ်ဒယ်ဝိတ်တန်း ချန်ပီယံခါးပတ် အတွက်လည်း အဆင်သင့် ဖြစ်နေကြောင်း ပြောကြားခဲ့သည်။

၎င်းသည် အမေရိကန်နိုင်ငံသို့ ရောက်ရှိခဲ့ပြီးနောက် UFC လောကသို့ ဝင်ရောက်ခဲ့သူဖြစ်ကာ UFC လောကတွင် ပိုင်နိုင်သော ချုပ်ကွက်များကြောင့် နာမည်ကြီးခဲ့ပြီး အမေရိကန် UFC လောက၌နေရာတစ်နေရာ ရယူနိုင်ခဲ့သူဖြစ်သည်။

အသက် ၃၂နှစ်ရှိ အောင်လအန်ဆိုင်းက ''ဗစ်တာလေးနဲ့ ထိုးသတ်သွားဖို့ သူ့ရဲ့ ကစားပုံကိုကျွန်တော် လေ့လာထားပါတယ်။သူနဲ့ ထိုးသတ်ခွင့်ရ ခဲ့တာဟာကျွန်တော့်ရဲ့ UFC ဖိုက်တာဘဝကို နောက်ထပ်အဆင့်တစ်ခု မြှင့်တင် နိုင်ခဲ့တယ်လို့ ယူဆမိပါတယ်။ ဒီပွဲစဉ်အတွက် ကျွန်တော် အကောင်းဆုံး ပြင်ဆင်ထားပါတယ်''ဟု ပြောကြားခဲ့သည်။

ဆက်လက်ပြီး ၎င်းက ''ဗစ်တာလေးဟာ ကြံ့ခိုင်မှုကောင်းတဲ့ ဖိုက်တာတစ်ယောက်ပါ။ သူ့ရဲ့ ကန်ချက်တွေက အတော်ကောင်းပါတယ်။ ဒါပေမဲ့ အားနည်းချက်တစ်ခု တော့ရှိမှာပါ။ ကျွန်တော့်အနေနဲ့ သူ့ကို ဒိုင်ပွဲရပ်နဲ့ အနိုင်ယူ နိုင်ဖို့အတွက် ကြိုးစားသွားမှာပါ''ဟု ပြောကြားခဲ့ကြောင်း သိရသည်။

#Yadanarpondaily

Miss Earth 2017 ပြိုင်ပွဲတွင် အလှမယ် တင်စန္ဒာမျိုး ဝင်ရောက်ယှဉ်ပြိုင်မည်



ရန်ကုန် ၂၉-၆-၂၀၁၇

ယခုနှစ် နိုဝင်ဘာ ၄ရက်မှ စတင်ကာ ဖိလစ်ပိုင်နိုင်ငံ မနီလာမြို့၌ ကျင်းပပြုလုပ်မည့် Miss Earth 2017 အလှမယ်ပြိုင်ပွဲတွင် မြန်မာနိုင်ငံ ကိုယ်စားပြု အဖြစ်အလှမယ် တင်စန္ဒာမျိုး ဝင်ရောက်ယှဉ်ပြိုင်မည် ဖြစ်ကြောင်း သိရသည်။

''ပြိုင်ပွဲရဲ့အဓိက ရည်ရွယ်ချက်က သဘာဝပတ်ဝန်းကျင်ကို ထိန်းသိမ်းကာကွယ် စောင့်ရှောက်ရေး အတွက်ပါ။ သဘာဝပတ်ဝန်းကျင်နဲ့ ပတ်သက်တဲ့ အကျိုးပြုလုပ်ငန်းတွေ၊ ကာကွယ်စောင့်ရှောက်တဲ့ လုပ်ငန်းစဉ်တွေမှာ အလှ မယ် တွေကကိုယ့် ဒေသကိုယ့်ပတ်ဝန်းကျင် ကိုယ့်နိုင်ငံမှာ တစ်တပ်တစ်အားပါဝင် ဆောင်ရွက်နိုင်ဖို့ နိုင်ငံတကာမှာ ကျင်းပခဲ့တာပါ။ အလှမယ် တင်စန္ဒာမျိုးက နိုင်ငံတကာပြိုင်ပွဲမှာ မြန်မာနိုင်ငံကိုယ်စားပြု အလှမယ်တစ်ယောက်အနေနဲ့ သွားရောက်ယှဉ်ပြိုင်ရမှာပါ။ Miss Earth Myanmar Organization က ပထမဆုံးအကြိမ် ရွေးချယ်စေလွှတ်တာ ဖြစ်ပါတယ်။ ပြိုင်ပွဲနဲ့ ပတ်သက်တာတွေလဲ ကြိုတင်လေ့လာ သင်ယူနေပါတယ်။ ပြိုင်ပွဲအတွက်လိုအပ်တာတွေလဲ စတင်ပြင်ဆင်နေပါပြီ''ဟု Miss Earth Myanmar Organization မှ တာဝန်ရှိသူ တစ်ဦးက ပြောပြသည်။

အဆိုပါနိုင်ငံတကာ အလှမယ်ပြိုင်ပွဲကို နိုင်ငံပေါင်း ၈ဝကျော်မှ နိုင်ငံကိုယ်စားပြု အလှမယ်များ ဝင်ရောက်ယှဉ်ပြိုင် ကြမည်ဖြစ်ပြီး နိုင်ငံတကာ အလှမယ်ပြိုင်ပွဲကို (၁၇)ကြိမ်မြောက် ကျင်းပပြုလုပ်ခြင်း ဖြစ်ကြောင်း သိရသည်။

Miss Earth 2017 အလှမယ်ပြိုင်ပွဲတွင် Evening Gownဝတ်စုံ၊ National Costume, Swimsuit, Talent နှင့် ပြိုင်ပွဲအဆင့်ဆင့် ယှဉ်ပြိုင်ရမည် ဖြစ်ကြောင်း သိရသည်။

#Yadanarpondaily

Humanitarian Supermarket ဝက်ဘ်ဒရာမာ ဇာတ်ကား တွင်ခေါင်း ဆောင်မင်း သမီး အဖြစ်ဆိုဂျင် သရုပ်ဆောင်မည်



ဆိုးလ် ၂၉-၆-၂၀၁၇

နာမည်ကျော် Girl's Day အဖွဲ့မှ ဆိုဂျင်သည် ဝက်ဘ်ဒရာမာ ဇာတ်ကားတစ်ကားဖြစ်သည့် Humanitarian Supermarket တွင် ခေါင်းဆောင် မင်းသမီးအဖြစ် ပါဝင်မည်ဖြစ်ကြောင်း သိရသည်။ 

ဆိုဂျင်သည် အဆိုပါဇာတ်လမ်းတွင် လူမှုအဖွဲ့အစည်းနှင့် လူသားချင်း စာနာမှုဆိုင်ရာ ကူအညီပေးသူအမျိုး သမီးတစ်ဦးဖြစ်သည့် ယုံဟီးအဖြစ် ပါဝင်သရုပ်ဆောင် မည်ဖြစ်ကြောင်း DreamT Entertainment ကထုတ်ပြန် ထားသည်။ 

ယင်းဇာတ်လမ်းတွင် ယုံဟီးသည် မိမိမည်သူမည်ဝါ ဖြစ်သည်ကို ဖုံးကွယ်ထားပြီး စီးပွားရေးလုပ်ငန်းငယ် တစ်ခုတွင် အလုပ်လုပ်ကိုင်နေသည့် ဂုဏ်ထူးတန်းကျောင်းသူ တစ်ဦးအဖြစ် သရုပ်ဆောင်သွားမည် ဖြစ်သည်။

မိမိအနေဖြင့် အဆိုပါ ဒရာမာဇာတ်ကားတွင် ပါဝင်သရုပ်ဆောင်ခွင့် ရသည့်အတွက် ဝမ်းမြောက်မိကြောင်း၊ ယခုကဲ့သို့ ခေါင်းဆောင် မင်းသမီးနေရာမှ ပါဝင်သရုပ်ဆောင် ရခြင်းသည် ပထမဆုံး အကြိမ်ဖြစ်ကြောင်း၊ ဇာတ်ကား ရိုက်ကူးရန် မျှော်လင့်စောင့် စားမိကြောင်းနှင့် ယင်းဇာတ်ကားတွင် ပါဝင်ရခြင်းဖြင့် သရုပ်ဆောင်ပညာကို လေ့လာခွင့်ရရှိကြောင်း ဆိုဂျင်ကပြောသည်။

Humanitarian Supermarket ဒရာမာဇာတ်ကားကို ဇူလိုင်လလယ်ပိုင်းတွင် ဝက်ဘ်ဒရာမာ ဇာတ်လမ်းများ ထုတ်လုပ်ဖြန့်ချိသည့် ကွန်ရက်တစ်ခုဖြစ်သည့် Naver's TV Cast မှတစ်ဆင့် ဖြန့်ချိတင်ဆက်မည် ဖြစ်ကြောင်းသိရ သည်။

#Themyawadydaily

အားကစားမြင်ကွင်း ဂျာနယ် အတွဲ (၆) ၊ အမှတ် (၂၄)



အားကစားမြင်ကွင်း ဂျာနယ် အတွဲ (၆) ၊ အမှတ် (၂၄)

Download Links

မန္တလေးမြို့ မောရဂီဝါရပ်ကွက် နှစ်ထပ်အဆောက်အအုံ အပေါ်ထပ်ရှိအဲကွန်း Safe Guard အပူလွန်ကဲရာမှ မီးလောင်မှုဖြစ်ပွား



မန္တလေး ၂၉-၆-၂၀၁၇

မန္တလေး ချမ်းအေးသာစံမြို့နယ် မောရဂီဝါရပ်ကွက် အကွက် (၆၁၈) ၃၄x၃၅လမ်းကြား၊ ၇၄x၇၅လမ်းကြားရှိ ပိုင်ရှင်ဦးထွန်းမြင့် (ခ)အလိုင်း(ဘ)ဦးမြ၏ (၁ဝx၁၅)ပေ နံကပ်နှစ်ထပ် အဆောက်အအုံ အပေါ်ထပ်တွင် ယနေ့မွန်းလွဲ ၂ နာရီမိနစ် ၅ဝက အဲကွန်း Safe Guard  အပူလွန်ကဲရာမှ မီးလောင်မှု ဖြစ်ပွားခဲ့ကြောင်း သိရသည်။

မီးလောင်မှုဖြစ်ပွားရာသို့ မီးငြှိမ်းသတ်ယာဉ် ၂၅စီး၊ ရေသယ်ယာဉ်ငါးစီး၊ အုပ်ချုပ်မှုယာဉ်နှစ်စီး၊ သန္ဓေမီးသတ်တပ်ဖွဲ့ဝင်ဦးရေ ၅ဝနှင့် အရန်မီးသတ်တပ်ဖွဲ့ဝင်ဦးရေ ၁၂ဝတို့သွားရောက် ငြှိမ်းသတ်ခဲ့ရာ မွန်းလွဲ၂နာရီမိနစ်၅ဝတွင် မီးထိန်းနိုင်ခဲ့ပြီး ညနေ ၃နာရီ ၅၅မိနစ်တွင် မီးငြိမ်းသွားကြောင်း သိရသည်။

အဆိုပါ မီးလောင်မှုကြောင့် (၁ဝx၁၅)ပေ နံကပ်နှစ်ထပ် အဆောက်အအုံနှစ်လုံး၏ အပေါ်ထပ်အခန်းနှစ်ခန်း၊ အဲကွန်းတစ်လုံး နှင့်အတွင်းပစ္စည်း အနည်းငယ် မီးလောင်ဆုံးရှုံးခဲ့ပြီး တန်ဖိုးငွေကျပ် ၃ဝဝဝဝဝခန့် ဆုံးရှုံးခဲ့ကြောင်း သိရသည်။

ဖြစ်စဉ်နှင့်ပတ်သက်၍ ပိုင်ရှင်ထွန်းမြင့် (ခ) အလိုင်း(ဘ) ဦးမြကိုချမ်းအေးသာစံမြို့နယ် အမှတ် (၈)မြို့မရဲစခန်းက (ပ)၄ဝဝ/၂ဝ၁၇၊ ဥပဒေပုဒ်မ-၂၈၅ဖြင့် အမှုဖွင့် စစ်ဆေးလျက်ရှိကြောင်း သတင်းရရှိသည်။

#Yadanarpondaily

မြင်းခြံမြို့တွင် မော်တော်ဆိုင်ကယ် ၃၃ စီး ခိုးယူမှုကို ဖော်ထုတ်ဖမ်းဆီးရမိ



မြင်းခြံ ၂၉-၆-၂၀၁၇

မြင်းခြံမြို့မရဲစခန်းမှ ခေတ္တစခန်းမှူးရဲအုပ် မျိုးထွန်းအောင်နှင့် တပ်ဖွဲ့ဝင်များသည် မြင်းခြံမြို့တွင် မှုခင်းကျဆင်းရေးအတွက် ဆောင်ရွက်လျက်ရှိရာမှ မော်တော်ဆိုင်ကယ် ခိုးယူသူများကို ယနေ့တွင်ဖော်ထုတ် ဖမ်းဆီးရမိခဲ့ ကြောင်း သိရသည်။

မြင်းခြံမြို့တွင် မော်တော်ဆိုင်ကယ် ပျောက်ဆုံးမှုများကြောင့် မြို့မရဲစခန်းသို့ လာရောက်တိုင်တန်းမှု များရှိရာမှ ခေတ္တစခန်းမှူး ရဲအုပ်မျိုးထွန်းအောင်သည် နယ်ထိန်းတပ်ဖွဲ့ဝင် များနှင့်အတူ ဖော်ထုတ်စစ်ဆေးရာမှ ဇွန် ၁၆ ရက်တွင် အမှတ် (၁) ရပ်ကွက်နေ ပြစ်မှုကျူးလွန်သူ စန်းဗိုလ်ကို ဆိုင်ကယ်ခုနစ်စီးခိုးယူ ထားမှုဖြင့် (ပ)၉၈/၂ဝ၁၇၊ ရာဇသတ်ကြီးပုဒ်မ ၃၈ဝဖြင့် အမှုဖွင့်အရေးယူဆောင်ရွက် ထားခဲ့ပြီး ဇွန် ၂ဝရက်တွင် အခြားမော်တော် ဆိုင်ကယ် ခိုးယူထားသူများဖြစ်သည့် အမှတ် (၁) တိုးချဲ့ရပ်ကွက်နေ ယဉ်မင်းထွန်း(ခ) Y2K၊ အမှတ် (၃)ရပ်ကွက်နေ မောင်လှမင်းထက် (ခ) ဝတုတ်(ခ) တရုတ်ကြီးတို့ကို မော်တော်ဆိုင်ကယ် ၁၃ စီးခိုးယူထားမှုဖြင့် (ပ) ၂၃၂/၂ဝ၁၇၊ ရာဇသတ်ကြီးပုဒ်မ ၃၈ဝ/၅၄ ဖြင့် အမှုဖွင့် အရေးယူဆောင်ရွက် ထားကြောင်း သိရသည်။

ထို့အတူ ဇွန် ၂၆ရက် တွင် အခြားမော်တော်ဆိုင်ကယ် ခိုးယူထားသူများဖြစ်သည့် အမှတ် (၁) တိုးချဲ့ရပ်ကွက်နေ စိုးထွန်း (ခ) ဘာလီ၊ ဆင်းဂွတ်ကျေးရွာနေ မျိုးလှိုင်(ခ) မျိုးကြီးတို့နှင့်အတူ ပူးပေါင်းပါဝင်သော အမှတ်(၂)ရပ်ကွက်နေ ဖြိုးဝေ (ခ) ချစ်မွေးတို့ကို မော်တော်ဆိုင်ကယ် ၁၃စီး ခိုးယူထားမှုဖြင့် (ပ)၂၄၇/၂ဝ၁၇၊ ရာဇသတ်ကြီး ပုဒ်မ၃၈ဝ/၅၄ဖြင့် အရေးယူဆောင်ရွက် ထားကြောင်း သိရသည်။

အဆိုပါ မော်တော်ဆိုင်ကယ်များကို မြင်းခြံမြို့နှင့် အနီးတစ်ဝိုက်ရှိ မြို့များမှခိုးယူခဲ့ကြောင်း၊ ထို့ပြင်မန္တလေးမြို့မှ မော်တော်ဆိုင်ကယ် များလည်း ခိုးယူသည့်အထဲတွင် ပါဝင်ကြောင်း သိရသည်။

ခိုးယူခံရသည့် မော်တော်ဆိုင်ကယ် ပိုင်ရှင်များအနေဖြင့် ပိုင်ဆိုင်ကြောင်း အထောက်အထားများ ယူဆောင်၍ မြို့မရဲစခန်းတွင် မိမိတို့ဆိုင်ကယ်ဟုတ်၊ မဟုတ် လာရောက် စစ်ဆေးကြည့်ရှုနိုင်ကြောင်း သိရသည်။

#Yadanarpondaily

မြန်မာ အမျိုးသမီးများ၏ ဝတ်စားဆင်ယင် ထုံးဖွဲ့မှုပြပွဲ ကျင်းပ



ရန်ကုန် ၂၉-၆၂၀၁၇

မြန်မာနိုင်ငံ အမျိုးသမီးရေးရာ အဖွဲ့ချုပ်က စီစဉ်တင်ဆက်သော ၂ဝ၁၇ ခုနှစ် (၁၄) ကြိမ်မြောက် မြန်မာအမျိုးသမီးများ၏ သမိုင်းအစဉ်အဆက် ယဉ်ကျေးမှုမပျက် မြတ်နိုးဆင်ယင် ခေတ်အသွင် ဝတ်စားဆင်ယင် ထုံးဖွဲ့မှုပြပွဲကို ယနေ့ မွန်းလွဲ ၂ နာရီတွင် ရန်ကုန်မြို့ မြို့မကျောင်းလမ်းရှိ အမျိုးသား ဇာတ်ရုံ၌ ကျင်းပသည်။

''ဒီနှစ်အတွက်ကတော့ ခေတ်အဆက်ဆက် ဝတ်စားဆင်ယင်မှုကို အဓိကပြသတဲ့ပွဲကြီးပါ။ ပျူခေတ်ကနေ ရတနာပုံခေတ်နဲ့ ကိုလိုနီခေတ် တို့က နှစ်ပိုင်းခွဲပြီး စစ်ပြီးနဲ့ စစ်ကြိုခေတ်တို့ကို ပြသထားတယ်။ ဆင်ယင် ထုံးဖွဲ့မှုရဲ့ နောက်မှာ လက်ဝတ်တန်ဆာလဲ ပါပါတယ်။ ခေတ်အကြိုက် သွင်ပြင်ရတနာ အဆင်ကဏ္ဍကိုလည်း ထည့်သွင်းထားပါတယ်။ ဒုတိယပိုင်းမှာ အပြုသဘော ဆောင်တဲ့ ယှဉ်ပြိုင်တေး စကား Lady Star ဆိုတဲ့ အစီအစဉ်လည်း ထည့်သွင်း ထားပါတယ်။ အဓိကကတော့ မြန်မာ့ရိုးရာ ယဉ်ကျေးမှု ရေရှည်တည်တံစေဖို့ ခေတ်လူငယ် လေးတွေ အတုယူဖွယ်ဖြစ်အောင် ပြသတဲ့ပွဲပါ''ဟု မြန်မာနိုင်ငံအမျိုး သမီးရေးရာအဖွဲ့ချုပ် အတွင်းရေးမှုး ဒေါ် မြတ်မြတ်ဦးက ပြောသည်။

ထိုနေ့ပြပွဲတွင် တေးသံရှင်များက'' မြန်မာ အမျိုးသမီးငယ်လေးများ၏ ပျူခေတ်မှ ရတနာပုံခေတ်အထိ ခေတ်အဆက်ဆက် ဝတ်စားဆင်ယင် ထုံးဖွဲ့မှုပြကွက်များ၊ ကိုလိုနီခေတ်၏ စစ်ကြို၊ စစ်ပြီးခေတ် ပြကွက်များဖြင့် တင်ဆက် ကြပြီး တေးသံရှင်များနှင့် အခြားဝါရင့် ဂီတပညာရှင်များက တေးသံသာများဖြင့် သီဆိုဖျော်ဖြေ ကြသည်။

အဆိုပါ ၂ဝ၁၇ ခုနှစ် အမျိုးသမီးဝတ်စား ဆင်ယင်ထုံးဖွဲ့မှု ပြပွဲကြီးသို့ မြန်မာနိုင်ငံအမျိုး သမီးရေးရာအဖွဲ့ချုပ် နာယကများနှင့် အဖွဲချုပ်မှ တာဝန်ရှိသူများ၊ ရန်ကုန်တိုင်း ဒေသကြီး အမျိုးသမီးရေးရာအဖွဲ့မှ တာဝန်ရှိသူများ ဌာန ဆိုင်ရာများ၊ ဖိတ်ကြားထားသည့် ဧည့်သည်များနှင့် တက္ကသိုလ်အသီးသီးမှ ကျောင်းသား၊ ကျောင်းသူများ တက်ရောက် အားပေးကြည့်ရှု ကြသည်။

အဆိုပါပြပွဲကို ဇွန် ၂၈ ရက်မှ ၂၉ ရက်အထိ နှစ်ရက်ကြာကျင်းပ သွားမည်ဖြစ်ကြောင်း သိရသည်။

#Themyawadydaily

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် မြန်မာနိုင်ငံဆိုင်ရာ နယူးဇီလန်နိုင်ငံသံအမတ်ကြီးအား လက်ခံတွေ့ဆုံ


တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် မြန်မာနိုင်ငံဆိုင်ရာ နယူးဇီလန် နိုင်ငံသံအမတ်ကြီး H.E.Mr. Steve Marshall အားလက်ခံတွေ့ဆုံစဉ်။

နေပြည်တော် ၂၉-၆-၂၀၁၇

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ယနေ့မွန်းလွဲ ၃ နာရီတွင် ဘုရင့်နောင်ရိပ်သာ ဧည့်ခန်းမဆောင်၌ မြန်မာနိုင်ငံဆိုင်ရာ နယူးဇီလန်နိုင်ငံသံအမတ်ကြီး H.E.Mr. Steve Marshall အား လက်ခံတွေ့ဆုံသည်။

တွေ့ဆုံပွဲသို့ တပ်မတော်ကာကွယ်ရေး ဦးစီးချုပ်နှင့်အတူ ကာကွယ်ရေးဦးစီးချုပ်ရုံး (ကြည်း)မှ ဒုတိယဗိုလ်ချုပ်ကြီးစိုးထွဋ်နှင့် တပ်မတော်အရာရှိကြီးများ တက်ရောက်ကြသည်။

ထိုသို့တွေ့ဆုံရာတွင် သံအမတ်ကြီး၏ တာဝန်ထမ်းဆောင်မှု ကာလအတွင်း မြန်မာ-နယူးဇီလန်နှစ်နိုင်ငံ ဆက်ဆံရေးတိုးမြှင့် လုပ်ဆောင်နိုင်မှု အခြေအနေများ၊ ပူးပေါင်းဆောင်ရွက်နိုင်မည့် နယ်ပယ်များဖြစ်သည့် နို့စားနွားမွေးမြူ ရေးနှင့် နို့ထွက်ပစ္စည်းထုတ်လုပ်မှု၊ ငှက်ဖျားနှင့်တီဘီရောဂါ ဆေးယဉ်ပါးခြင်းအား သုတေသနပြုမှုတို့တွင် နည်းပညာဖွံ့ဖြိုးရေး ကိစ္စရပ်များ၊ တပ်မတော်နှစ်ရပ်အကြား အဆင့်မြင့်ချစ်ကြည်ရေး ကိုယ်စားလှယ်အဖွဲ့များ အပြန် အလှန်စေလွှတ်မှု၊ တွေ့ဆုံဆွေးနွေးမှုများ ပြုလုပ်၍ ဆက်ဆံရေးနှင့် ပူးပေါင်းဆောင်ရွက်မှု တိုးမြှင့်နိုင်မည့် အခြေအနေများအား ရင်းနှီးပွင့်လင်းစွာ ဆွေးနွေးသည်။

ဆက်လက်ပြီး မြန်မာနိုင်ငံအနေဖြင့် ကမ္ဘာ့နိုင်ငံအားလုံးနှင့် မိတ်ဆွေအဖြစ် မိတ်ဝတ်မပျက် ဆက်ဆံနေသကဲ့သို့ မြန်မာ့တပ်မတော် အနေဖြင့်လည်း နိုင်ငံတကာ တပ်မတော်များနှင့် မျှတစွာဆက်ဆံရေး တိုးမြှင့်လုပ်ဆောင်လျက် ရှိသည့် အခြေအနေများ၊ မြန်မာနိုင်ငံ၏ ငြိမ်းချမ်းရေးဖေါ်ဆောင်မှု ကိစ္စရပ်များနှင့် မြေမြုပ်မိုင်းရှင်းလင်းရေး ကိစ္စရပ်များတွင် လုပ်ဆောင်နိုင်မည့် အခြေအနေများအား အမြင်ချင်းဖလှယ် ဆွေးနွေးခဲ့ကြကြောင်း သတင်းရရှိသည်။

#Themyawadydaily

၂၀၁၇ ခုနှစ်၊ ကာကွယ်ရေးဦးစီးချုပ်ရုံး (ကြည်း၊ ရေ၊ လေ) မိသားစုများ ၀ါဆိုသင်္ကန်း ဆက်ကပ်လှူဒါန်း


အဘိဓဇမဟာရဋ္ဌဂုရု ဘဒ္ဒန္တဇနိန္ဒ ပေါက်မြိုင်ဆရာတော်ကြီးထံမှ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် အမှူးပြုသောဧည့်ပရိသတ်များက ငါးပါးသီလခံယူ ဆောက်တည်ကြစဉ်။

နိုင်ငံတော်သြဝါဒါစရိယ ပျဉ်းမနားမြို့၊ မဟာဝိသုတာရာမဈေးကုန်းကျောင်းတိုက်ဆရာတော် အဘိဓဇမဟာရဋ္ဌဂုရုဘဒ္ဒန္တကဝိသာရထံ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်ဝါဆိုသင်္ကန်း ဆက်ကပ်လှူဒါန်းစဉ်။

အဘိဓဇမဟာရဋ္ဌဂုရု ဘဒ္ဒန္တဇနိန္ဒပေါက်မြိုင်ဆရာတော်ကြီးထံ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်းနှင့် ဇနီးဒေါ်သန်းသန်းနွယ်တို့က ဝါဆိုသင်္ကန်းနှင့် လှူဖွယ်ပစ္စည်းများ ဆက်ကပ်လှူဒါန်းစဉ်။

ဆရာတော်ထံ ပြည်ထဲရေးဝန်ကြီးဌာန ပြည်ထောင်စုဝန်ကြီးဒုတိယဗိုလ်ချုပ်ြကီး ကျော်ဆွေ ဝါဆိုသင်္ကန်းနှင့် လှူဖွယ်ပစ္စည်းများဆက်ကပ်လှူဒါန်းစဉ်။

ဆရာတော်ထံ ညှိနှိုင်းကွပ်ကဲရေးမှူး (ကြည်း ၊ ရေ၊ လေ) ဗိုလ်ချုပ်ကြီး မြထွန်းဦးနှင့် ဇနီးတို့က ဝါဆိုသင်္ကန်းနှင့် လှူဖွယ်ပစ္စည်းများ ဆက်ကပ်လှူဒါန်းစဉ်။

နေပြည်တော် ၂၉-၆-၂၀၁၇

၂၀၁၇ ခုနှစ်၊ ကာကွယ်ရေးဦးစီးချုပ်ရုံး (ကြည်း၊ ရေ၊ လေ)မိသားစုများ ၀ါဆိုသင်္ကန်း ဆက်ကပ်လှူဒါန်းခြင်း အလှူတော်မင်္ဂလာ အခမ်းအနားကို ယနေ့နံနက် ၉ နာရီခွဲတွင် ကာကွယ်ရေးဦးစီးချုပ်ရုံး (ကြည်း) အနော်ရထာခန်းမ၌ ကျင်းပပြုလုပ်ရာ တပ်မတော်ကာကွယ်ရေး ဦးစီးချုပ်ဗိုလ်ချုပ်မှူးကြီး မင်းအောင်လှိုင် တက်ရောက် ကြည်ညို၍ ၀ါဆိုသင်္ကန်းနှင့် လှူဖွယ်ပစ္စည်းများ ဆက်ကပ်လှူဒါန်းကြသည်။

အခမ်းအနားမစတင်မီ တပ်မတော်ကာကွယ်ရေး ဦးစီးချုပ်သည် အနော်ရထာခန်းမရှိ ဗုဒ္ဓရုပ်ပွားတော်မြတ်အား မြသပိတ်ဆွမ်းတော်၊ သစ်သီး၊ပန်းမန်နှင့် သောက်တော် ရေချမ်းများကပ်လှူပြီး ဖူးမြော်ကြည်ညိုသည်။

အဆိုပါ အခမ်းအနားသို့ နိုင်ငံတော်သြ၀ါဒါစရိယ ပျဉ်းမနားမြို့၊ မဟာဝိသုတာရာမ ဈေးကုန်းကျောင်းတိုက် ဆရာတော် အဘိဓဇမဟာရဋ္ဌဂုရု ဘဒ္ဒန္တက၀ိသာရ အမှူးပြုသော ဥပ္ပါတသန္တိစေတီတော်မြတ် ဂေါပကအဖွဲ့၏ သြ၀ါဒါ စရိယဆရာတော်ကြီးများ၊ ပင့်ဖိတ်ထားသည့် ဒေသခံဆရာတော်ကြီးများ ပါဝင်သော သံဃာတော် ၆၃ ပါး ကြွရောက်တော်မူကြပြီး တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့်အတူ ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်းနှင့် ဇနီးဒေါ်သန်းသန်းနွယ်၊ ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ကျော်ဆွေ၊ ကာကွယ်ရေးဝန်ကြီးဌာန ပြည် ထောင်စုဝန်ကြီး ဒုတိယဗိုလ်ချုပ်ကြီး စိန်ဝင်းနှင့်ဇနီး၊ နယ်စပ်ရေးရာဝန်ကြီး ဌာနပြည်ထောင်စုဝန်ကြီး ဒုတိယဗိုလ်ချုပ်ကြီး ရဲအောင်နှင့်ဇနီး၊ ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီး မြထွန်းဦးနှင့်ဇနီး၊ ကာကွယ်ရေး ဦးစီးချုပ် (ရေ) ဗိုလ်ချုပ်ကြီး တင်အောင်စန်းနှင့်ဇနီး၊ ကာကွယ်ရေး ဦးစီးချုပ် (လေ) ဗိုလ်ချုပ်ကြီး ခင်အောင်မြင့်နှင့်ဇနီး၊ ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများ နှင့်ဇနီးများ၊ နေပြည်တော်တိုင်း စစ်ဌာနချုပ် တိုင်းမှူး နှင့်ဇနီး၊ ဒုတိယ၀န်ကြီးများ တက်ရောက်ကြသည်။

ထို့နောက်ဝါဆိုသင်္ကန်း ဆက်ကပ်လှူဒါန်းပွဲ အခမ်းအနားကို နမောတဿ သုံးကြိမ်ရွတ်ဆို ဘုရားကန်တော့ ဖွင့်လှစ်ပြီး အဘိဓဇမဟာရဋ္ဌဂုရု ဘဒ္ဒန္တဇနိန္ဒ ပေါက်မြိုင်ဆရာတော်ကြီးထံမှ တပ်မတော်ကာကွယ်ရေး ဦးစီးချုပ်အမှူးပြု သောဧည့်ပရိသတ်များက ငါးပါးသီလ ခံယူဆောက်တည် ကြသည်။

ဆက်လက်၍ ဆရာတော်ကြီးများ ရွတ်ပွားချီးမြှင့်တော်မူသည့် မေတ္တသုတ်ပရိတ် တရားတော်များကို နာယူကြသည်။

ထို့နောက် နိုင်ငံတော်သြ၀ါဒါစရိယ ပျဉ်းမနားမြို့၊ မဟာဝိသုတာရာမ ဈေးကုန်းကျောင်းတိုက် ဆရာတော် အဘိဓဇမဟာရဋ္ဌဂုရု ဘဒ္ဒန္တက၀ိသာရထံသို့ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် က ၀ါဆိုသင်္ကန်းနှင့် လှူဖွယ်ပစ္စည်းများ ဆက်ကပ်လှူဒါန်းကြသည်။

ယင်းနောက် အဘိဓဇမဟာရဋ္ဌဂုရုဘဒ္ဒန္တဇနိန္ဒ ပေါက်မြိုင်ဆရာတော်ကြီးထံသို့ ဒုတိယတပ်မတော်ကာကွယ်ရေး ဦးစီးချုပ်ကာကွယ်ရေးဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်းနှင့်ဇနီး ဒေါ်သန်းသန်းနွယ်တို့က၀ါဆိုသင်္ကန်း နှင့် လှူဖွယ်ပစ္စည်းများ ဆက်ကပ်လှူဒါန်းကြသည်။

၎င်းနောက် ဆရာတော်ကြီးများထံသို့ ပြည်ထောင်စုဝန်ကြီး ဒုတိယဗိုလ်ချုပ်ကြီး ကျော်ဆွေ၊ ပြည်ထောင်စုဝန်ကြီး ဒုတိယဗိုလ်ချုပ်ကြီး စိန်ဝင်းနှင့်ဇနီး၊ ပြည်ထောင်စုဝန်ကြီး ဒုတိယဗိုလ်ချုပ်ကြီး ရဲအောင်နှင့်ဇနီး၊ ညှိနှိုင်းကွပ်ကဲ ရေးမှူး (ကြည်း၊ ရေ၊ လေ) ဗိုလ်ချုပ်ကြီး မြထွန်းဦးနှင့်ဇနီး ၊ ကာကွယ်ရေး ဦးစီးချုပ် (ရေ) ဗိုလ်ချုပ်ကြီး တင်အောင်စန်း နှင့်ဇနီး၊ ကာကွယ်ရေးဦးစီးချုပ် (လေ) ဗိုလ်ချုပ်ကြီး ခင်အောင်မြင့် နှင့် ဇနီးတို့ကလည်းကောင်း၊တက်ရောက် လာကြသူများ ကလည်းကောင်း ၀ါဆိုသင်္ကန်းနှင့် လှူဖွယ်ပစ္စည်းများကို အသီးသီးဆက်ကပ် လှူဒါန်းကြသည်။

ထို့နောက် ဈေးကုန်းကျောင်းတိုက် ဆရာတော်အဘိဓဇမဟာရဋ္ဌဂုရု ဘဒ္ဒန္တက၀ိသာရက အနုမောဒနာတရား ဟောကြားချီးမြှင့်တော်မူပြီး လှူဒါန်းမှုအစုစုတို့အတွက် ရေစက်သွန်းချ အမျှပေးဝေကြကာ ဗုဒ္ဓသာသနံစိရံတိဋ္ဌတု သုံးကြိမ်ရွတ်ဆို ဆုတောင်း၍ အခမ်းအနားကို ရုပ်သိမ်းလိုက်သည်။

ယင်းနောက် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် အခမ်းအနားတက်ရောက် လာကြသူများက ဆရာတော်ကြီးများအား နေ့ဆွမ်းဆက်ကပ် လှူဒါန်းခဲ့ကြကြောင်း သတင်းရရှိသည်။

#Themyawadydaily

Senior General Min Aung Hlaing receives New Zealand Ambassador


Senior General Min Aung Hlaing holds talks with Ambassador of New Zealand to Myanmar H.E. Mr. Steve Marshall.

Nay Pyi Taw June 29

Commander-in-Chief of Defence Services Senior General Min Aung Hlaing received Ambassador of New Zealand to Myanmar H.E. Mr. Steve Marshall at the parlour of Bayintnaung Villa here at 3 pm yesterday.

Also present at the call together with the Senior General were Lt-Gen Soe Htut of the Office of the Commander-in-Chief (Army) and senior military officers.

Both sides cordially discussed promotion of relations between the two countries while the ambassador was serving his duties, technological development in the areas such as dairy cow breeding and manufacturing dairy products and conducting research on malaria and tuberculosis drug resistance, exchange of visits between high ranking delegates and promotion of relations and cooperation by holding meetings between the two armed forces.

They also exchanged views on Myanmar’s continued relationship with all global countries as well as the Myanmar Tatmadaw’s extended ties with international armed forces, tasks to be carried out in Myanmar’s peace-keeping process and mine clearing.

#Themyawadydaily

Families of Office of the Commander-in-Chief (Army, Navy and Air) offer Waso robes to members of the Sangha


Senior General Min Aung Hlaing and Vice- Senior General Soe Win offer meals to members of the Sangha.

Union Minister for Border Affairs Lt-Gen Ye Aung and wife present Waso robe and offertories to a Sayadaw.

Senior General Min Aung Hlaing donates Waso robe and alms to State Ovadaçariya Abbot of Maha Withutayama Zaygon Monastery of Pyinmana Sayadaw Abhidhaja Maha Rattha Guru Bhaddanta Kavisara.

Union Minister for Defence Lt-Gen Sein Win and wife offer Waso robe and donations to a Sayadaw.

Nay Pyi Taw June 29

Families of the Office of the Commander-in-Chief (Army, Navy and Air) held a Waso robe donation ceremony for 2017 at the Office’s Anawrahta Hall at 9.30 am yesterday, attended by Commander-in-Chief of Defence Services Senior General Min Aung Hlaing who donated Waso robe and alms.

Before the ceremony, the Senior General offered meals, fruits, flowers and water to the Buddha Image in the hall.

The ceremony was also attended by Ovadaçariya Sayadaws of Upatasanti Pagoda Board of Trustees led by State Ovadaçariya Abbot of Maha Withutayama Zaygon Monastery of Pyinmana Sayadaw Abhidhaja Maha Rattha Guru Bhaddanta Kavisara together with local members of the Sangha totalling 63, the Senior General together with Deputy Commander-in-Chief of Defence Services Commander-in-Chief (Army) Vice-Senior General Soe Win and wife Daw Than Than Nwe, Union Minister for Home Affairs Lt-Gen Kyaw Swe, Union Minister for Defence Lt-Gen Sein Win and wife, Union Minister for Border Affairs Lt-Gen Ye Aung and wife, Chief of the General Staff (Army, Navy and Air) General Mya Tun Oo and wife, Commander-in-Chief (Navy) Admiral Tin Aung San and wife, Commander-in-Chief (Air) General Khin Aung Myint and wife, senior military officers of the Office of the Commander-in-Chief and their wives, the commander of Nay Pyi Taw Command and wife, and deputy ministers.

The ceremony was opened with three-time recitation of Namo Tassa. The congregation led by the Senior General took the Five Precepts from Abhidhaja Maha Rattha Guru Paukmyaing Sayadaw Bhaddanta Janinda.

They then took Metta Sutta recited by the Sayadaws.

The Senior General offered Waso robes and alms to State Ovadaçariya Abbot of Maha Withutayama Zaygon Monastery of Pyinmana Sayadaw Abhidhaja Maha Rattha Guru Bhaddanta Kavisara.
Next, the Vice-Senior General and wife donated Waso robe and alms to Abhidhaja Maha Rattha Guru Paukmyaing Sayadaw Bhaddanta Janinda.

Afterwards, Union Minister Lt- Gen Kyaw Swe, Union Minister Lt-Gen Sein Win and wife, Union Minister Lt-Gen Ye Aung and wife, Chief of the General Staff (Army, Navy and Air) General Mya Tun Oo and wife, Commander-in-Chief (Navy) Admiral Tin Aung San and wife, and Commander-in-Chief (Air) General Khin Aung Myint and wife presented Waso robes and offertories to members of the Sangha.

Then, Abbot of Zaygon Monastery of Pyinmana Sayadaw Abhidhaja Maha Rattha Guru Bhaddanta Kavisara delivered a sermon, and the congregation shared merits gained and concluded the ceremony with three-time recitation of Buddha Sasanam Çiram Titthatu.

After that, Senior General Min Aung Hlaing and those present offered day meals to members of the Sangha.

#Themyawadydaily

ရတနာပုံနေ့စဉ်သတင်းစာ (၂၉-၆-၂၀၁၇)



ရတနာပုံနေ့စဉ်သတင်းစာ (၂၉-၆-၂၀၁၇)

Download Links

မြ၀တီနေ့စဉ်သတင်းစာ (၂၉-၆-၂၀၁၇)



မြ၀တီနေ့စဉ်သတင်းစာ (၂၉-၆-၂၀၁၇)

Download Links 

Wednesday, June 28, 2017

၂ဝ၃ဝ ပြည့်နှစ် အတွင်း တရုတ်စက်မှုလုပ်ငန်းများ ကမ္ဘာကိုလွှမ်းမိုးနိုင်စေမည့် အကြောင်းရင်း လေးသွယ်



ဘာသာပြန်ဆောင်းပါး

ကမ္ဘာပေါ်မှာ စက်မှုတော်လှန်ရေး ဆိုတာဖြစ်လာတိုင်း ကြီးမားတဲ့ ကမ္ဘာ့အရေး၊ နိုင်ငံရေးပြောင်းလဲမှု တွေဖြစ်လာလေ့ရှိတယ်ဆိုတာ ငြင်းဆိုဖွယ်ရာမရှိပါဘူး။ နိုင်ငံတစ်နိုင်ငံရဲ့ကံကြမ္မာကို စက်မှုအင်အားနဲ့ တည်ဆောက်နိုင်တယ် လို့တောင်ပြောလို့ ရပါတယ်။ အခုလဲ တရုတ်နိုင်ငံရဲ့ စက်မှုလုပ်ငန်းကြီးတွေ ဖွံ့ဖြိုးနေပုံက ၂ဝ၃ဝ ပြည့်နှစ်ထက်မကျော်ဘဲ ကမ္ဘာကိုလွှမ်းမိုးနိုင်လိမ့်မယ်ဆိုတာကို အတိအလင်းထောက်ပြနေတဲ့ အကြောင်းရင်း လေးသွယ်ကို မြင်တွေ့နေရပါတယ်။

မြို့ပြနေထိုင်မှု။ တရုတ်နိုင်ငံမှာ မြို့ပြနေထိုင်မှု စနစ်ဖွံ့ဖြိုးတိုးတက် လာတာနဲ့အမျှ စက်မှုလုပ်ငန်းတွေလဲ အချိုးကျလိုက်ပါ တိုးတက်နေပါတယ်။ လွန်ခဲ့တဲ့နှစ်ပေါင်း ၃ဝ အတွင်းမှာ တရုတ်နိုင်ငံရဲ့ မြို့ပြနေလူဦးရေဟာ သန်း ၅ဝဝထိ ရှိလာပါတယ်။ လူဦးရေတိုးလာတာနဲ့ အမျှ မြို့ပြဧရိယာချဲ့ထွင်မှုလဲ အတောမသတ်နိုင်အောင် ဖြစ်ပွားခဲ့ပြီး ၂ဝ၃ဝ ပြည့်နှစ်မှာဆိုရင် တရုတ်နိုင်ငံရဲ့ မြို့ကြီးတွေမှာ နေထိုင်သူဦးရေဟာ သန်းပေါင်း၁ဝဝဝထိ ရှိလာနိုင်တယ်လို့ ကျွမ်းကျင်သူများက ခန့်မှန်းကြပြီး သန်းပေါင်း ၁ဝဝဝ ဆိုတာ တရုတ်နိုင်ငံလူဦးရေရဲ့ ၇ဝရာခိုင်နှုန်းနဲ့ ညီမျှတယ်လို့ ဆိုကြပါတယ်။

အဲဒီလောက်ကြီးထွား လာမယ့်လူဦးရေအတွက် အိမ်ရာစီမံကိန်းတွေကို အမီလုပ်ဖို့ လိုပါလိမ့်မယ်။ အိမ်အို အိမ်ဟောင်းတွေကို ဖြိုဖျက်ပြီး အသစ်ဆောက် ကြပါလိမ့်မယ်။ နောက်တိုးလာမယ့် လူဦးရေအတွက် ဧရိယာ စတုရန်း မီတာ ဘီလီယံ ၄ဝ လိုအပ်မှာဖြစ်ပြီး အဲဒီလိုအပ်ချက်ကို ဖြည့်ဆည်းနိုင်ဖို့ လက်ရှိမြို့ပြဧရိယာတွေရဲ့ တစ်ဝက်ထက်မနည်းကို ဖြိုချပြီး အသစ်ပြန်တည်ဆောက်ဖို့ လိုလိမ့်မယ်လို့ ကျွမ်းကျင်သူများက ခန့်မှန်း ထားပါတယ်။

တိုးလာတဲ့လူတွေကို ထားစရာအိမ်တွေ ဆောက်ပေးပြီးသွားရင် သူတို့ကိုသယ်ယူ ပို့ဆောင်ပေးဖို့ လမ်းပန်းဆက်သွယ်ရေးတွေ ဆက်လုပ်ရပါမယ်။ သယ်ယူပို့ဆောင်ရေး စနစ်ကို ပိုကောင်းအောင် လုပ်ရမှာဖြစ်ပြီး လေဆိပ်ကြီး တွေကိုလဲ တည်ဆောက်၊ အဟောင်းတွေကိုလဲ ပြန်လည်မွမ်းမံရပါ လိမ့်မယ်။ ဒီကဏ္ဍတွေအားလုံးအတွက် နည်းပညာတိုးတက်မှု၊ ဆောက်လုပ်ရေး ပစ္စည်းထုတ်လုပ်မှုနဲ့ ပြဿနာကို ပြေလည်အောင် ဖြေရှင်းနိုင်မယ့် ချဉ်းကပ်မှု တွေကိုဖန်တီးရမှာ ဖြစ်ပါတယ်။ ဒါတွေနဲ့တင် တရုတ်နိုင်ငံရဲ့နည်းပညာနဲ့ စက်မှုလုပ်ငန်းတွေဟာ ကမ္ဘာကလိုက်မမီအောင် တစ်ဟုန်ထိုးဖွံ့ဖြိုး တိုးတက်လာမှာ ဖြစ်ပါတယ်။

လူလတ်တန်းစားဦးရေ မြင့်တက်လာမှု။ လွန်ခဲ့တဲ့နှစ် ၃ဝ အတွင်းမှာ တိုးလာတဲ့ လူဦးရေနဲ့အတူ လူလတ်တန်းစားဦးရေလဲ မြင့်တက်လာခဲ့ပြီး နိုင်ငံရဲ့ ငွေအများဆုံး လည်ပတ်နေတဲ့လူတန်းစား တစ်ရပ်ဖြစ်လာခဲ့ပါတယ်။ ဒါဟာလဲ တရုတ်အစိုးရရဲ့ စီးပွားရေးမူဝါဒ ဖြေလျှော့ပေးမှုကြောင့် မူလကဆင်းရဲနေတဲ့ အခြေခံလူတန်းစား သန်းပေါင်းများစွာဟာ အသင့်အတင့် သုံးစွဲနိုင်တဲ့ လူလတ်တန်းစားတွေ ဖြစ်လာတာကြောင့်လဲ ပါပါတယ်။ လူတစ်ဦးချင်းအနေနဲ့  ကြီးပွားလာတဲ့အခါ ပစ္စည်းဝယ်ယူ တဲ့နှုန်းတွေလဲ မြင့်တက်လာခဲ့ပြီး နိုင်ငံတွင်းမှာ ငွေကြေးလည်ပတ်မှုအား ပိုကောင်းလာခဲ့ပါတယ်။ ဒီတော့ လူလတ်တန်းစားတွေရဲ့ ဝယ်လိုအားကို ဖြည့်ဆည်းပေးနိုင်ဖို့ အစိုးရက ဈေးကွက် အသစ်တွေ ဖန်တီးပေးရပါလိမ့်မယ်။ အိမ်ဆောက်ပစ္စည်းတွေ၊ စားသုံးကုန်နဲ့ လူသုံးကုန် ပစ္စည်းတွေဆိုတာ ပိုပိုပြီးရောင်းရတော့မှာမို့ အဲဒီလိုအပ်ချက်ကို ပြည့်မီဖို့ စက်မှုလုပ်ငန်း အမြန်ဖွံ့ဖြိုး ဖို့လိုပါတယ်။ ဒါကလဲကမ္ဘာမှာတရုတ် ရဲ့စက်မှုလုပ်ငန်းက အားအကောင်းဆုံး ဖြစ်လာစေမယ့် ဒုတိယအချက် ဖြစ်လာပါတယ်။

အစိမ်းရောင်တော်လှန်ရေး။ တရုတ်နိုင်ငံဟာ စက်မှုအားကြီးလာလေ၊ လေထုညစ်ညမ်းမှုကို ဖြစ်စေနိုင်အားလဲ မြင့်လာလေဖြစ်မှာပါ။ အခုလဲ ကမ္ဘာပေါ်မှာ လေထုညစ်ညမ်းစေမှုကို အဖြစ်နိုင်ဆုံးနိုင်ငံပါပဲ။ ကမ္ဘာပေါ်မှာ လေထု ညစ်ညမ်းမှု အဖြစ်ဆုံးမြို့ကြီး ၂ဝ ထဲမှာ ၁၇ မြို့က တရုတ်နိုင်ငံထဲမှာပါ။ ဒီတော့ တရုတ်နိုင်ငံဟာ သဘာဝပတ်ဝန်းကျင်ကို ထိခိုက်မှုကင်းစေမယ့်၊ သန့်စင်စွမ်းအင်ကို အသုံးပြုမယ့် အစိမ်းရောင်တော်လှန်ရေးကို အင်အားကောင်း
ကောင်းနဲ့ အကောင်အထည် ဖော်ဆောင်ရွက် ပါလိမ့်မယ်။ တရုတ်ဟာ အခုကို ကမ္ဘာပေါ်မှာ လေစွမ်းအင်အများဆုံး ထုတ်လုပ်နေပါတယ်။ နေစွမ်းအင် ထုတ်လုပ်နိုင်စွမ်းကလဲ ၁၈ ဂဂ္ဂါဝပ်ရှိနေပါပြီ။

ကား၊ လေယာဉ်၊ သင်္ဘောတို့အတွက်လဲ ပြန်လည်ပြည့်ဖြိုးမြဲ စွမ်းအင်ကိုအသုံးပြုဖို့ ကြိုးစားနေပြီ ဖြစ်တဲ့အတွက် တရုတ်နိုင်ငံဟာ ကမ္ဘာ့လေထုညစ်ညမ်းမှု အဖြစ်စေဆုံး နိုင်ငံစာရင်းမှာ တဖြည်းဖြည်းအောက်ကို ရောက်သွား တော့မှာဖြစ်ပါတယ်။ တစ်ချိန်တည်းမှာ သန့်စင်စွမ်းအင်အသုံးပြုနေတဲ့ သူ့စက်မှုလုပ်ငန်းကိုလဲ ကမ္ဘာက ချီးကျူးရပါလိမ့်မယ်။

ကျွမ်းကျင်ပညာကို ပြည်ပတွင်မြှုပ်နှံခြင်း။ တရုတ်နိုင်ငံဟာ ကျွမ်းကျင်ပညာရှင် တွေကိုမွေးထုတ်၊ ပြည်ပကိုပို့လွှတ်ပြီး ရင်းနှီးမြှုပ်နှံမှုတွေ ပြုလုပ်ပါတယ်။ လွန်ခဲ့တဲ့ နှစ်ပေါင်းများစွာ ကတည်းက အရှေ့တိုင်း၊ အနောက်တိုင်း၊ အာဖရိက အစရှိတဲ့ နိုင်ငံတွေရဲ့ အထင်ကရစီးပွားရေး၊ ရင်းနှီးမြှုပ်နှံမှုနဲ့ စက်မှုလုပ်ငန်းတွေမှာ တရုတ်ကုမ္ပဏီတွေ ရှိနေခဲ့ပါတယ်။ လူဦးရေဘီလီယံနဲ့ချီ ရှိလာမယ့် တရုတ်နိုင်ငံဟာ ကမ္ဘာနဲ့ ရင်ပေါင်တန်းနိုင်တဲ့ ပညာရေးအတွက်
လဲ စီစဉ်ထားပြီးနေပါပြီ။ နိုင်ငံတကာ တက္ကသိုလ်တွေကို နိုင်ငံတွင်းမှာဖိတ်ခေါ်ပြီး ဖွင့်လှစ်ထားပါတယ်။ ပညာတတ်တွေ မွေးထုတ်ပါမယ်။ နိုင်ငံတွင်းမှာလဲ လုပ်ကွက်တွေ ဖော်ပေးပါမယ်။ နိုင်ငံခြားမှာလဲ လူ့စွမ်းအားအရင်းအမြစ် တွေကို မြှုပ်နှံပါမယ်။

ဒီတော့ တရုတ်နိုင်ငံရဲ့ စက်မှုအင်အားဟာ ၂ဝ၃ဝ ပြည့်နှစ် မကျော်ခင်မှာဘဲ ကမ္ဘာကို လွှမ်းမိုးသွားနိုင်မယ့် အနေအထားကို မြင်နေရပါကြောင်း လေ့လာရေးသား တင်ပြလိုက်ရပါတယ်။

ရတနာပုံနေ့စဉ်သတင်းစာ စာ (၃၁)

#Yadanarpondaily

သုတအလင်း မဂ္ဂဇင်း အမှတ် (၁၆)



သုတအလင်း မဂ္ဂဇင်း အမှတ် (၁၆)

Download Links

တေဇရုပ်စုံ အတွဲ (၂၉) ၊ အမှတ် (၂)



တေဇရုပ်စုံ အတွဲ (၂၉) ၊ အမှတ် (၂)

Download Links

မြ၀တီရသစုံမဂ္ဂဇင်း အတွဲ (၆၅) ၊အမှတ် (၉)



မြ၀တီရသစုံမဂ္ဂဇင်း အတွဲ (၆၅) ၊အမှတ် (၉)

Download Links

ကမ္ဘာ့ချန်ပီယံဆုကိုရယူနိုင်ရန် ရာနှုန်းပြည့် ယုံကြည်ကြောင်း အောင်လအန်ဆန်ပြောကြား



ရန်ကုန် ၂၈-၆-၂၀၁၇

ဇွန် ၃ဝ ရက်တွင်ကျင်းပမည့် MMA ဘက်စုံကိုယ်ခံပညာ သုံးပြိုင်ပွဲတွင် အဓိကတွဲဆိုင်း အဖြစ်ထိုးသတ်မည့် အောင်လအန်ဆန် (မြန်မာ)နှင့် ဗစ်တာလီဘစ်ဒက်ရှ် (ရုရှား)တို့၏ လေ့ကျင့်ပြင်ဆင်မှုများနှင့် မီဒီယာတွေ့ဆုံပွဲကို ယနေ့ညနေပိုင်းတွင် Junction Mawtin ၌ ကျင်းပသည်။

ယင်းပြိုင်ပွဲတွင် မစ်ဒယ်ဝိတ်တန်း ကမ္ဘာ့ချန်ပီယံလုပွဲ ထိုးသတ်မည့် အောင်လအန်ဆန်နှင့် ဘစ်ဒက်ရ်ှတို့က တစ်ဦးချင်းလေ့ကျင့်မှုများ ပြုလုပ်ပြီး မီဒီယာများ၏ မေးမြန်းမှုများကို ဖြေကြားခဲ့သည်။ အောင်လအန်ဆန်က ''ဘစ်ဒက်ရှ် နဲ့ပထမထိုးသတ်ခဲ့တဲ့ ပွဲအပြီးမှာ ဒီပွဲအတွက်အချိန်ယူပြီး ပြင်ဆင်ခဲ့ပါတယ်။ 

ပထမအကြိမ်မှာ ရှုံးနိမ့်ခဲ့တာက ပြင်ဆင်ချိန် သိပ်မရခဲ့လို့ပါ။ စိတ်မကျေပွဲထိုးသတ်နိုင်ဖို့ သေချာပြင်ဆင်ခဲ့ပါတယ်။ လေ့ကျင့်ချိန်တွေရော အစားအသောက်တွေပါ စနစ်တကျ ပြင်ဆင်ခဲ့ပါတယ်။ လက်သီးထိုးသတ်ပုံတွေ ပိုကောင်း လာဖို့ နည်းပြတစ်ဦး ငှားရမ်းလေ့ကျင့် ခဲ့ပါတယ်။ ဘစ်ဒက်ရ်ှဟာ ပြိုင်ဘက်ကောင်းဖြစ်ပေမယ့် သူ့မှာလည်းအားနည်းချက် ရှိပါတယ်။ ဒါကိုအသုံးချနိုင်ဖို့ လုပ်ထားပါတယ်။ ဒီပြိုင်ပွဲက ကိုယ့်မြေ၊ ကိုယ့်ပရိသတ် ရှေ့မှောက်မှာ ထိုး သတ်ရမှာ ဖြစ်တာကြောင့် ပိုပြီးကြိုးစား ထားပါတယ်။ ဘစ်ဒက်ရ်ှကိုရှုံးကြွေး ပြန်ဆပ်ပြီး ကမ္ဘာ့ချန်ပီယံဆုကို ရယူနိုင်မယ်လို့ ၁ဝဝ ရာခိုင်နှုန်းပြည့် ယုံကြည်မှုရှိပါတယ်'' ဟု ပြောကြားသည်။

ရုရှားနိုင်ငံသား ဗစ်တာလီဘစ်ဒက်ရ်ှကလည်း ''ဒီပြိုင်ပွဲကို မြန်မာနိုင်ငံမှာ လာရောက်ထိုးသတ်တာဟာ ကိုယ့်ကိုယ်ကိုယ် ယုံကြည်မှု အပြည့်ရှိလို့ပါ၊ အောင်လအန်ဆန်ရဲ့နိုင်ငံမှာ လာရောက်ထိုးသတ်ရတာ မလွယ်ကူပါဘူး။ ပုံမှန်ထက်တော့ ပိုပြီးခက်ခဲနိုင်ပါတယ်။ အောင်လအန်ဆန်က ဒီပွဲအတွက် သေချာပြင်ဆင် နေတာကြောင့် ပထမပွဲထက် ပိုပြီးခက်ခဲမှာပါ။ ကျွန်တော်ကတော့ ဒီပြိုင်ပွဲအတွက် နှစ်လလောက် အချိန်ယူပြီး ပြင်ဆင်ထားပါတယ်။ လက်ရှိအချိန်မှာတော့ အကောင်းဆုံးအနေ အထားရရှိနေပါပြီ။ ကျွန်တော်က ကမ္ဘာ့ချန်ပီယံဆုကို ၂ဝ၁၅ ခုနှစ်မှာ ရခဲ့တာဖြစ်ပြီး ချန်ပီယံဆုကို တတ်နိုင်သလောက် ကာကွယ်သွားမှာပါ။ ဒီပွဲမှာလည်း ကမ္ဘာ့ချန်ပီယံဆုကိုကာကွယ် နိုင်မယ်လို့ ယုံကြည်ပါတယ်'' ဟု ပြောကြားသည်။

အောင်လအန်ဆန်နှင့် ဘစ်ဒက်ရ်ှသည် ဇန်နဝါရီလက အင်ဒိုနီးရှားနိုင်ငံ၌ ပထမဆုံးအကြိမ် ထိုးသတ်ခဲ့ရာ ဘစ်ဒက်ရ်ှကအမှတ်ဖြင့် အနိုင်ရခဲ့သည်။ ဘစ်ဒက်ရ်ှသည် MMA ပွဲပေါင်း ကိုးပွဲထိုးသတ်ရာ ပွဲတိုင်း အနိုင်ရထားပြီး အောင်လအန်ဆန်သည် ၂၉ ပွဲထိုးသတ်ရာတွင် ၁၉ ပွဲနိုင်၊ ၁ဝ ပွဲရှုံးနိမ့်ထားကြောင်း သိရသည်။

#Themyawadydaily

ခရီးသည်တင် စက်လှေတစ်စင်း နစ်မြုပ်မှုဖြစ်ပွား


နစ်မြုပ်မှုဖြစ်ပွားသော စက်လှေကို ကယ်ဆယ်ရေးလုပ်ငန်းများဆောင်ရွက်စဉ်။

စစ်တွေ ၂၈-၆-၂၀၁၇

ရခိုင်ပြည်နယ် စစ်တွေမြို့နယ် ပါဒလိတ်ဆိပ်ကမ်းမှ ရသေ့တောင်မြို့နယ် မိုးစဲကျွန်း ဇီးကိုင်းကျေးရွာဘက်သို့ သွားသည့် ခရီးသည် တင်စက်လှေတစ်စင်း ယနေ့နံနက် ၁ဝ နာရီ ၄၅ မိနစ်တွင် နစ်မြုပ်မှုဖြစ်ပွား ကြောင်းသိရသည်။

ဖြစ်စဉ်မှာ ရသေ့တောင်မြို့နယ် ညောင်ပင်လယ်ကျေးရွာနေ ဦးမောင်သာကျော်သည် စစ်တွေမြို့နယ် ပါဒလိတ်ဆိပ်ကမ်းမှ ရသေ့တောင်မြို့နယ် မိုးစဲကျွန်း ဇီးကိုင်းကျေးရွာ ဘက်သို့ ခရီးသည် ၂၁ ဦးတင်ဆောင်၍ မောင်းနှင် လာစဉ် မိုးစဲကျွန်း ဇီးကိုင်းကျေးရွာ ဆိပ်ကမ်းအနီး၌ လှိုင်းနှင့်လေပြင်း တိုက်ခတ်မှုကြောင့် စက်လှေနစ်မြုပ် ခဲ့ခြင်းဖြစ်သည်။

အဆိုပါစက်လှေ နစ်မြုပ်မှုကြောင့် ခရီးသည် ၂ဝ ဦးကို မြစ်အတွင်း သွားလာနေသည့် စက်လှေများနှင့် ဆိပ်ကမ်းအနီးရှိ ဒေသခံပြည်သူများက ဝိုင်းဝန်း ကယ်တင်နိုင်ခဲ့ပြီး တစ်ဦးမှာ မြစ်အတွင်းမျောပါ သွားသည်။ ကယ်တင်နိုင်ခဲ့သူများအနက် အမျိုးသမီးနှစ်ဦးနှင့် ကလေးတစ်ဦးကို စစ်တွေမြို့ အထွေထွေ ရောဂါကုဆေးရုံကြီးသို့ ပို့ဆောင်ထားကြောင်း သိရသည်။

အဆိုပါစက်လှေ နစ်မြုပ်ရာသို့ ရခိုင်ပြည်နယ်အစိုးရအဖွဲ့ဝင်ဝန်ကြီးများ၊ ပြည်နယ်လွှတ်တော် ကိုယ်စားလှယ်များနှင့် ဌာနဆိုင်ရာ တာဝန်ရှိသူများက လာရောက်တွေ့ဆုံမေးမြန်း အားပေးစကား ပြောကြားခဲ့ကြသည်။ ပျောက်ဆုံးနေသူတစ်ဦးကို ပြန်လည်တွေ့ရှိ နိုင်ရေး စစ်တွေမြို့နယ်နှင့် ရသေ့တောင်မြို့နယ်တို့မှ အုပ်ချုပ်ရေးမှူးများနှင့် မြို့နယ်မီးသတ် တပ်ဖွဲ့ဝင်များ၊ ရဲတပ်ဖွဲ့ဝင်များက ရှာဖွေလျက်ရှိကြောင်း သတင်းရရှိသည်။

#Themyawadydaily

SSA (၀မ်ဟိုင်း) အဖွဲ့ဝင်တစ်ဦးအား မူးယစ်ဆေးဝါးများနှင့်အတူ ဖမ်းဆီးရမိ


ဖမ်းဆီးရမိသူ SSA (ဝမ်ဟိုင်း) အဖွဲ့ဝင်တစ်ဦးကို မော်တော်ယာဉ်၊ မူးယစ်ဆေးဝါးများနှင့်အတူ တွေ့ရစဉ်။

နေပြည်တော် ၂၈-၆-၂၀၁၇

ရှမ်းပြည်နယ် (တောင်ပိုင်း)၊ နမ့်စန်မြို့၏ အရှေ့ဘက် ၂ ဖာလုံခန့်အကွာရှိ ပန်ခေါက်ဝိုးကျေးရွာအနီး လွိုင်လင်-နမ့်စန်သွားကားလမ်း၌ တပ်မတော်သားများနှင့် မြန်မာနိုင်ငံရဲတပ်ဖွဲ့ဝင်များ ပါဝင်သော ပူးပေါင်းအဖွဲ့ကယာဉ် ၀င်/ ထွက်မှုများအား စစ်ဆေးလျက်ရှိစဉ် ဇွန် ၂၅ ရက် ညနေ ၅ နာရီခန့်တွင် လွိုင်လင်မြို့ဘက်မှ နမ့်စန်မြို့ဘက်သို့ စိုင်းကျော်ဦး (ဘ) ဦးဖုန်းကျော် မောင်းနှင်လာသည့် ကာဒီးနားအမျိုးအစား မော်တော်ယာဉ် အမှတ် 9F/------ တပ်ဆင်ထားသော လိုင်စင်မဲ့ မော်တော်ယာဉ်အား ရပ်တန့်စစ်ဆေးရာ ယာဉ်ရှေ့ခန်း တူးဘောက်အတွင်းမှ အချိုရည်ဘူးခွံအတွင်း ထည့်ထားသည့် ဘိန်းဖြူမှုန့် ၈ ဂရမ်ခန့် (ခန့်မှန်းတန်ဖိုးငွေကျပ် ၂ သိန်းခန့်) နှင့်အတူ ဖမ်းဆီး ရမိခဲ့သည်။

ဖမ်းဆီးရမိသူအား စစ်ဆေးမေးမြန်းချက်အရ ၎င်းသည် SSA (၀မ်ဟိုင်း) အဖွဲ့၊ ၀မ်ဟိုင်းဌာနချုပ်၌ တပ်သားအဆင့်ဖြင့် တာဝန်ထမ်းဆောင်နေသူ ဖြစ်ကြောင်း၊ လက်ရှိတွင် တာဟုန်းတံတား၌ တာဝန်ထမ်းဆောင်လျက် ရှိရာမှ သစ်အရောင်းအ၀ယ် ကိစ္စဖြင့် ကျိုင်းတောင်းမြို့ဘက်သို့ သွားရောက်စဉ် ဖမ်းဆီးခံရခြင်း ဖြစ်ကြောင်း သိရှိရသည်။

အဆိုပါ မူးယစ်ဆေးဝါးများနှင့်အတူ ဖမ်းဆီးရမိသူအား လွိုင်လင်မြို့မ ရဲစခန်း၌တရား ဥပဒေအရ အမှုဖွင့် အရေးယူဆောင်ရွက်လျက် ရှိကြောင်း သတင်းရရှိသည်။

#Themyawadydaily

သနပ်ပင်မြို့နယ် စစ်မှုထမ်းဟောင်းရုံးသစ်ဖွင့်လှစ်၊ ကျောင်းသား၊ ကျောင်းသူများအား ပညာသင်စရိတ်ပေးအပ်၊ ကျန်းမာရေးစောင့်ရှောက်


တောင်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်မြတ်ကျော် သနပ်ပင်မြို့နယ် စစ်မှုထမ်းဟောင်းရုံးသစ် ဖွင့်ပွဲအခမ်းအနားတွင် အမှာစကားပြောကြားစဉ်။

နေပြည်တော် ၂၈-၆-၂၀၁၇

ပဲခူးတိုင်းဒေသကြီး၊ သနပ်ပင်မြို့နယ် စစ်မှုထမ်းဟောင်း ရုံးသစ်ဖွင့်ပွဲကို ဇွန် ၂၆ ရက်နေ့လယ်ပိုင်းတွင် အဆိုပါ စစ်မှုထမ်းဟောင်းရုံး၌ပြုလုပ်ရာ တောင်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်မြတ်ကျော်နှင့် အဖွဲ့ဝင်များ၊ မြို့နယ် စစ်မှုထမ်းဟောင်း အဖွဲ့ဥက္ကဋ္ဌနှင့် အဖွဲ့ဝင်များ၊ မိသားစုဝင်ကျောင်းသား၊ ကျောင်းသူများ တက်ရောက်ကြသည်။

ဦးစွာတိုင်းမှူးနှင့် တာဝန်ရှိသူများက စစ်မှုထမ်းဟောင်းရုံးသစ်အား ဖဲကြိုးဖြတ်ဖွင့်လှစ်ပေးသည်။ ထို့နောက်တိုင်းမှူးက အမှာစကားပြောကြားပြီး စစ်မှုထမ်းဟောင်း အဖွဲ့ဝင်များ၏ တင်ပြချက်များအပေါ် လိုအပ်သည်များ ညှိနှိုင်း ဆောင်ရွက်ပေးကာ စစ်မှုထမ်းဟောင်းမိသားစုဝင် ကျောင်းသား၊ ကျောင်းသူများအား ပညာသင်စရိတ်၊ ကျောင်းသုံးစာရေးကိရိယာနှင့် စားသောက်ဖွယ်ရာများ ပေးအပ်သည်။

အဆိုပါစစ်မှု ထမ်းဟောင်းရုံးသည် အလျားပေ ၅၀၊ အနံ ၂၃ ပေရှိသည့် အုတ်ညှပ်အမျိုး အစားသွပ်မိုးနှစ် ထပ်အဆောက်အအုံဖြစ်ပြီး ဖေဖော်ဝါရီ ၂၁ ရက်မှစတင် ဆောက်လုပ်ခဲ့ခြင်း ဖြစ်ကြောင်း သိရှိရသည်။

ထို့ပြင်စစ်မှုထမ်းဟောင်း အဖွဲ့ဝင်များ၊ မိသားစုဝင်များနှင့် ဒေသခံပြည်သူ ၁၂၄ ဦးတို့ကို တောင်ပိုင်းတိုင်း စစ်ဌာနချုပ် နယ်လှည့်ဆေးကုသရေး အဖွဲ့က သွေးတိုးရောဂါ၊ ဆီးချိုရောဂါ၊ နှလုံးရောဂါ၊ သွေးလွန်တုပ်ကွေး ရောဂါ၊ အထွေထွေရောဂါတို့နှင့် ပတ်သက်၍လိုအပ်သည့် ကျန်းမာရေးစစ်ဆေးကုသခြင်းများ ဆောင်ရွက်ပေးပြီး ဆေးရုံတက်ရောက်ကုသရန် လိုအပ်သော လူနာများအား အင်းတိုင်မြို့ရှိ တပ်မတော်ဆေးရုံသို့ တက်ရောက်ကုသနိုင်ရေး စီစဉ်ဆောင်ရွက် ပေးသည်။

ထိုသို့ဆောင်ရွက် ပေးနေမှုများကို တိုင်းမှူးနှင့်အဖွဲ့ဝင်များက လိုက်လံကြည့်ရှု၍ လိုအပ်သည်များညှိနှိုင်း ဆောင်ရွက်ပေးခဲ့ကြောင်း သတင်းရရှိသည်။

#Themyawadydaily

တပ်မတော်စစ်ကြောင်းများက TNLA အကြမ်းဖက် သောင်းကျန်းသူများ၏ လေကျင့်ရေးဆောင်ရွက်သည့် စခန်းပုန်းနှင့် လက်နက်/ခဲယမ်းများအား သိမ်းပိုက်ရရှိ


တပ်မတော်သားများကို TNLA အကြမ်းဖက်သောင်းကျန်း သူများ၏ လေ့ကျင့်ရေးဆောင်ရွက်သည့် စခန်းပုန်းနှင့် လက်နက်/ခဲယမ်းများအားသိမ်းပိုက်အပြီး တွေ့ရစဉ်။

TNLA အကြမ်းဖက်သောင်းကျန်းသူများ လေ့ကျင့်ရေးဆောင်ရွက်သည့် စခန်းပုန်းကို တွေ့ရစဉ်။


နေပြည်တော် ၂၈-၆-၂၀၁၇

ရှမ်းပြည်နယ် အရှေ့မြောက်ဒေသ၊ နမ့်ဆန်မြို့နယ်၊ မန်လန်းကျေးရွာ အနီးတစ်ဝိုက် တောတွင်းတစ်နေရာ၌ TNLA အကြမ်းဖက် သောင်းကျန်းသူများက အကြမ်းဖက်လုပ်ရပ်များ ဆောင်ရွက်ရန် သင်တန်းများ ဖွင့်လှစ်သင်ကြား ပေးလျက်ရှိကြောင်း သတင်းအရ တပ်မတော်စစ်ကြောင်းများက ၎င်းနေရာတစ်ဝိုက်အား ဇွန် ၂၀ ရက်မှစတင်၍ အသေးစိတ်ဖြန့်ခွဲ နယ်မြေသွားရောက် ရှင်းလင်းခြင်းများ လုပ်ဆောင်ခဲ့ရာ ဇွန် ၂၁ ရက် နံနက် ၈ နာရီခန့်တွင် မန်လန်းကျေးရွာခန့်မှန်း မြေပုံညွှန်း (LF- ၂၆၀ ၄၀၂) ၏ အရှေ့မြောက်ဘက် မီတာ ၂၀၀၀ ခန့်အကွာ၌ TNLA အကြမ်းဖက် သောင်းကျန်းသူများ၏ လေ့ကျင့်ရေးဆောင်ရွက်သည့် စခန်းပုန်းတစ်ခုကို ရှာဖွေတွေ့ရှိ ရှင်းလင်းခဲ့ သည်။

အဆိုပါစခန်းပုန်းနေရာ၌ အခြေခံအဆောက်အဦများ ဖြစ်သည့် ပေ ၄၀ ပတ်လည်ခန့်ရှိ တန်းစီကွင်း၊ သင်တန်းခန်းမဆောင် ၁ ဆောင်၊ ၎င်းခန်းမဆောင်အတွင်းမှ ၃ ဦးထိုင် ခုံတန်းရှည် ၁၂ လုံး၊ အိပ်ဆောင် ၃ လုံး၊ ထမင်းချက် ဆောင် ၁ လုံးနှင့် ထမင်းစားဆောင် ၁ လုံး၊ စုစုပေါင်းအဆောက်အဦ ၆ လုံးနှင့် မီးစက် ၁ လုံး၊ ဒီတိုနေတာ ၁၂ ချောင်း၊ ပေ ၁၀၀ ခန့်ရှိ ၀ါယာကြိုးခွေ ၁ ခွေ၊ TNLA ဘက်တံဆိပ်ပါ ယူနီဖောင်း အစုံ ၄၀ ၊ အစိမ်းရောင်စောင် အထည် ၂၀၊ဂလူးကို့စ် အားသွင်းဆေးရည် အလုံး ၅၀ ၊ ဆေးမျိုးစုံဆာလာအိတ် ၂ အိတ်နှင့်ဆန်အိတ်များ၊ စားသောက်ဖွယ်ရာများကို သိမ်းဆည်းရမိခဲ့ပြီး ထပ်မံရှင်းလင်းစဉ် စခန်းဝန်းကျင် တစ်ဝိုက်နှင့်အဆောက်အဦးများအကြား မှ ၄ လက်မသံပိုက်ဖြင့် ပြုလုပ်ထားသည့် ဒေသန္တရတိုက်မိုင်း ၅ လုံး၊ ၈ လက်မသံပိုက်ဖြင့် ပြုလုပ်ထားသည့် ဒေသန္တရတိုက်မိုင်း ၁ လုံးနှင့် ၅ ဂါလံဝင် ပလပ်စတစ်ပုံးဖြင့်ပြုလုပ် ထားသည့် ဒေသန္တရလက်လုပ်မိုင်း ၄ လုံးတို့ကို တွေ့ရှိရှင်းလင်းသက်မဲ့ ပြုလုပ်နိုင်ခဲ့သည်။

အလားတူ ဇွန် ၂၃ ရက် မွန်းလွဲ ၁နာရီခန့်တွင် ၎င်းစခန်းပုန်း၏ အရှေ့ဘက်နှင့် အရှေ့တောင်ဘက် လျှိုစောင်းခြုံအတွင်းမှ ဒေသန္တရလက်လုပ်မိုင်း ၁၃လုံးနှင့် အလျား၎လက်မ၊ အနံ ၄ လက်မ၊ အမြင့် ၆ လက်မခန့်ရှိ လေးထောင့် သံပုံးဖြင့် ပြုလုပ်ထားသည့် ဒေသန္တရလက်လုပ်မိုင်း ၄ လုံးတို့ကို ရှာဖွေတွေ့ရှိ ရှင်းလင်းခဲ့ပြီးနောက် ဇွန် ၂၆ ရက်အထိ ဖြန့်ခွဲရှင်းလင်းခဲ့ရာ ခန့်မှန်းမြေပုံညွှန်း (LF- ၂၇၀ ၄၁၀) နေရာမှ ခန့်မှန်းမြေပုံညွှန်း (LF- ၂၇၇ ၄၂၄) နေရာ အကြားထိတွေ့မှု ၅ ကြိမ် တိုက်ပွဲပြင်းထန်စွာ ဖြစ်ပွားပြီးနောက် TNLA အကြမ်းဖက်သောင်းကျန်းသူ များသည် အနောက်ဘက်နှင့် အနောက်မြောက်ဘက်သို့ ဆုတ်ခွာထွက်ပြေး သွားခဲ့သည်။

ဖြစ်စဉ်တွင် မိမိဘက်မှ အရာရှိ၊ စစ်သည်အချို့ နိုင်ငံတော်အတွက် အသက်ပေးလှူခဲ့ရကာ အချို့ထိခိုက်ဒဏ်ရာ ရရှိခဲ့ပြီး ရန်သူ့ထံမှ အလောင်း ၄ လောင်း၊ အမ် ၂၂ သေနတ် ၁၂ လက်၊ စက်လက် ၁ လက်၊ ကေ ၁၂ သေနတ် ၁ လက်၊ အမ် ၂၂ ဒင်ခေါက် သေနတ် ၁ လက်၊ RPG ဒုံးသီး ၂၆ လုံး၊ ၆၀ မမ ဗုံးသီး ၁၁ လုံး၊ အမ် ၂၂ ကျည်အိမ် ၁၄ ခု၊ ၎င်းကျည် ၈၀၀ တောင့်၊ စနိုက်ပါကျည်အိမ် ၃ ခု၊ စာရွက်စာတမ်း မျိုးစုံဆာလာအိတ် ၂ ထုပ်နှင့်စစ်ဝတ်ပစ္စည်း မျိုးစုံဆာလာအိတ် ၁ ထုပ် တို့ကိုတွေ့ရှိ သိမ်းဆည်းရရှိခဲ့သည်။

၎င်းနေရာပတ်ဝန်းကျင် တစ်ဝိုက်အား တပ်မတော်စစ်ကြောင်းများက နယ်မြေရှင်းလင်းရေး လုပ်ငန်းများ ဆက်လက် ဆောင်ရွက်လျက်ရှိကြောင်း သတင်းရရှိသည်။

#Themyawadydaily
Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page