တိုင်းဒေသကြီးတချို့ ၌ ကြယ်ပဲစိုက်ခင်းများ ပျက်စီးခဲ့သော်လည်း ယခုနှစ်အတွင်း စိုက်ဧကတိုးချဲ့ စိုက်ပျိုးမှုကြောင့် အထွက်နှုန်းမထိခိုက်နိုင်

မန္တလေး   အောက်တိုဘာ   ၉ 

-

ယခုနှစ်အတွင်း ရေကြီးနစ်မြုပ်မှုများကြောင့် ရန်ကုန်တိုင်းဒေသကြီး၊ ပဲခူးတိုင်းဒေသကြီးနှင့် ဧရာဝတီတိုင်းဒေသကြီးတို့ရှိ ကြယ်ပဲစိုက်ခင်းတချို့ ပျက်စီးခဲ့သော်လည်း ကျန်တိုင်းဒေသကြီးနှင့် ပြည်နယ်များ 

၌ စိုက်ဧကများ နှစ်ဆခန့် တိုးချဲ့စိုက်ပျိုးခဲ့သောကြောင့် အထွက်နှုန်းမထိခိုက်နိုင်ကြောင်း မန္တလေးတိုင်းဒေသကြီး ကြယ်ပဲ စိုက်ပျိုးထုတ်လုပ်တင်ပို့ရောင်းချသူများ အစုအဖွဲ့ ဥက္ကဋ္ဌ ဦးတင်မျိုးနိုင်ထံမှ သိရသည်။

ကြယ်ပဲသည် ယမန်နှစ်က ဈေးကွက် မကောင်းခဲ့သည့်အတွက် တစ်နိုင်ငံလုံး၌ စိုက်ဧက ၅ဝဝဝ ခန့်ရှိခဲ့ရာမှ ဧက ၃ဝဝဝ ခန့်ကို စိုက်ခင်းများဖျက်သိမ်းခဲ့ရာ စိုက်ဧက ၂ဝဝဝ ခန့်သာကျန်ရှိခြင်းဖြစ်သည်။

-

ယခုနှစ် နှစ်ဆန်းပိုင်းတွင် ဈေးကွက် ပြန်လည်ကောင်းမွန်လာသည့်အတွက် စိုက် ဧက ၆ဝဝဝ ခန့်အထိ တိုးချဲ့စိုက်ပျိုးခဲ့သော်လည်း ယခုနှစ်သည် မိုးများသည့်အတွက် စိုက်ခင်းတချို့ပျက်စီးမှုများရှိခဲ့ကြောင်း သိရ သည်။

-

''မိုးများတဲ့အတွက် တချို့အပင်တွေမှာ သီးနှုန်းတွေ ပိုမိုဖြစ်ထွန်းလာတာတွေ့ရပေမယ့် တချို့မိုးများတဲ့နေရာတွေမှာတော့ ပျက်စီးတာတွေတွေ့ရတယ်။ ရန်ကုန်တိုင်းဒေသကြီး၊ ဧရာဝတီတိုင်းဒေသကြီးနဲ့ ပဲခူး

တိုင်းဒေသကြီးဘက်က စိုက်ခင်းတချို့ကတော့ တစ်ခင်းလုံးနီးပါးပျက်စီးတာတွေ ရှိတယ်။ ဒါပေမဲ့ ဒီနှစ်ပိုင်းမှာ ကြယ်ပဲ စိုက်ပျိုးတဲ့တောင်သူ များလာတော့ အထွက် နှုန်းသိပ်ပြီးမထိခိုက်နိုင်ဘူး''ဟု ဦးတင်မျိုးနိုင် 

ကပြောသည်။

-

ကြယ်ပဲသည် ခြောက်သွေ့မှသာ ခူးဆွတ် ရလေ့ရှိသည့်သီးနှံမျိုးဖြစ်ရာ ယခုနှစ် မိုးများသည့်အတွက် စက်တင်ဘာလအတွင်း ထွက်ရှိရမည့်ကြယ်ပဲများမှာ အထွက် နောက်ကျကာ ယခုလမှသာ စတင်ထွက် ရှိသည်။

-

ကြယ်ပဲသည် စတင်စိုက်ပျိုးသည့်နှစ်တွင် တစ်သီးသာသီးလေ့ရှိသော်လည်း နောက်တစ်နှစ်မှစ၍ နှစ်သီးသီးလေ့ရှိကြောင်း သိရသည်။ ကြယ်ပဲမှ ကြယ်ပဲဆီ၊ ကြယ်ပဲလှော်၊ ကြယ်ပဲကြော်၊ ဟင်းခတ်မှုန့်၊ ကွတ်ကီး

စသည့်စားသောက်ကုန်များ ထုတ်လုပ်နိုင်သည့်အပြင် ခေါင်းလျှော်ရည်၊ မျက်နှာသစ် ဆပ်ပြာ၊ မျက်နှာလိမ်းခရင်၊ ခေါင်းလိမ်းဆီ၊ နှုတ်ခမ်းနီ စသည့်အလှကုန်ပစ္စည်းများ ထုတ်လုပ်နိုင်ပြီး ရွက်စိမ်းခြောက်၊ ပေါင်းခြောက် 

နှင့် အသီးခွံများကိုလည်း လက်ဖက်ခြောက် အဖြစ်ထုတ်လုပ်ခြင်း စသည့်ထုတ်ကုန်အမျိုး ၂ဝ ခန့် ထုတ်လုပ်လျက်ရှိသည်။ ကြယ်ပဲသည် စိုက်ပျိုးရာတွင် အော်ဂဲနစ်သီးနှံဖြစ်သည့် အတွက် တခြားသီးနှံများထက် ကုန်ကျစရိတ် နည်းပါးကြောင်း သိရသည်။  

-

#မြ၀တီနေ့စဉ်သတင်းစာ