မန္တလေး ၊ ၂၃-၁-၂၀၁၃
မန္တလေးမြို့ ၊ မဟာမြတ်မုနိ ရုပ်ရှင်တော်
မြတ်ကြီးအား ချိတ်ဆွဲ ရတနာ ပစ္စည်းဖြစ်သော ကျပ်သိန်း ၁၅၀၀ တန် စိန်မကိုဋ်တော် လှူဒါန်းခြင်း
အခမ်းအနားကို ဇန်န၀ါရီ ၁၈ ရက်နေ့ မွန်းလွဲ ၁ နာရီက မိုးကောင်း ဓမ္မာရုံတွင် ကျင်းပ ပြုလုပ်ရာ
ရေတော် ဆရာတော် ဘဒ္ဒန္တ ဥက္ကဋ္ဌ (ဓမ္မစရိယ) ကြွရောက် တော်မူပြီး မန္တလေးတိုင်း ဒေသကြီး လူမှုရေး
ဝန်ကြီးဌာန ၀န်ကြီး ၊ တိုင်းဒေသကြီး ဥပဒေချုပ် ၊ ဂေါပက အဖွဲ့ အတွင်းရေးမှူး နှင့် အမှုဆောင်များ
၊ အလှူရှင် မန္တလေး ၊ မဟာအောင်မြေ မြို့နယ် ၊ ၄၁x၄၂ လမ်းကြား ၊ ၆၁x၆၂ လမ်းကြား နေ ဘုရား
၊ သိမ် ၊ ကျောင်း ၊ ရဟန်း ဒါယကာ ၊ ဒါယိကာမ ဦးမင်းဆွေ ၊ ဒေါ်ခင်ထွေး ဖောင်ဒေရှင်း ဥက္ကဋ္ဌ
၊ ပခုက္ကူ အသင်း (မန္တလေး) ဥက္ကဋ္ဌ ဦးမင်းဆွေ (တရားရုံး လွှတ်တော် ရှေ့နေ) ဒေါ်ခင်ထွေး တို့၏
မိသားစုဝင်များ ၊ ပခုက္ကူ အသင်းမှ တာဝန်ရှိသူများ တက်ရောက် ကြည်ညို ကြကြောင်း သိရသည်။
အစီအစဉ်အရ ရေတော် ဆရာတော် ဘုရားကြီးထံမှ
ပရိသတ်က သီလခံယူ ဆောက်တည်ကြသည်။ ဆက်လက်ပြီး ဦးမင်းဆွေ ဒေါ်ခင်ထွေး တို့အား ရည်စူးလျက်
ကျပ်သိန်း ၁၅၀၀ တန် စိန်မကိုဋ်တော် ၊ န၀ကမ္မ အလှူတော်ငွေ ကျပ် ၁၀ သိန်း နှင့် လှူဖွယ်
တို့အား မိသားစုဝင်များက ရေတော် ဆရာတော် ဘုရားကြီးထံ ကပ်လှူကြရာ လှူဒါန်းမှုအတွက် လူမှုရေး
ဝန်ကြီးက မှတ်တမ်းလွှာကို ပြန်လည် ပေးအပ်ပြီး လှူဒါန်းမှု အစုစု အတွက် ရေစက်ချ တရားကို
ရေတော် ဆရာတော် ဘုရားကြီး က ချီးမြှင့်ခဲ့ကြောင်း သိရှိရသည်။
.jpg)
No comments:
Post a Comment