www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Friday, October 5, 2018

နှစ်ခြိုက်စွာအိပ်ပျော်ခြင်း


ကျန်းမာရေး
-
ကျွန်မတို့တွေ တစ်ဦးနဲ့တစ်ဦးနှုတ်ဆက်တဲ့အခါ မင်္ဂလာပါလို့ပြောလေ့ရှိပါတယ်။ အနောက်တိုင်းနှုတ်ဆက်စကားကတော့ မင်္ဂလာနံနက်ခင်းပါ၊ မင်္ဂလာနေ့လယ်ခင်းပါ၊ မင်္ဂလာညချမ်းပါလို့ အချိန်ကိုလိုက်ပြီး ပြော
လေ့ရှိပါတယ်။ နံနက်စောစောမှာ မင်္ဂလာပါလို့နှုတ်ဆက်ပြီးရင် နောက်ထပ်ပြောလေ့ရှိတာကတော့ ညက ကောင်းကောင်းအိပ်ပျော်ရဲ့လားတဲ့။ တစ်ခါတလေလည်း ညဘက်နှုတ်ဆက်တဲ့အခါ ကောင်းကောင်း
အိပ်ပျော်ပါစေ၊ အိပ်မက်ကောင်းကောင်း မက်ပါစေဆိုပြီး ဆုတောင်းပေးလေ့ရှိပါတယ်။ ဆိုလိုတာက အိပ်ပျော်တာကို အလေးထား တယ်လို့ပြောတာပါ။ ကမ္ဘာဦးကတည်းက အိပ်ပျော်တာကို အလေးထားခဲ့တာပါ။
-
ကျွန်မဆိုရင် အလုပ်တွေအရမ်းပင်ပန်းတဲ့အခါ အိပ်ပျော်တာနဲ့အစားနဲ့ကို ဘယ်ဟာ ဦးစားပေးမလဲဆိုရင် အိပ်ပျော်တာကိုပဲ ရွေးပါတယ်။ အဲလိုအခါဆိုရင် ည ၈ နာရီမှာ အိပ်ရာဝင်ပြီး နောက်နေ့နံနက် ၈ နာရီမှ 
နိုးတာတောင်ရှိပါတယ်။ အဲတော့မှပဲ အားပြည့်တယ်လို့ခံစားမိပါတယ်။ 
-
နှစ်ခြိုက်စွာအိပ်ပျော်ခြင်းဆိုတာ ဘာကို ပြောတာပါလိမ့်။ သိပ္ပံပညာရှင်တို့ကတော့ နှစ်နှစ်ခြိုက်ခြိုက် အိပ်ပျော်တယ်ဆိုတာ အိပ်ရာဝင်ပြီး နာရီဝက်အတွင်း အိပ်ပျော် သွားတာကိုဆိုလိုပါတယ်။ ဒါ့အပြင် အိပ်ရာ ထဲမှာလှဲနေတဲ့အချိန်ရဲ့ ၈၅ ရာခိုင်နှုန်းဟာ အိပ်ပျော်နေတာပဲဖြစ်ရပါမယ်တဲ့။ အိပ်ပျော် သွားပြီးပြီးချင်း ပြန်နိုးလာရင်လည်း မိနစ် နှစ်ဆယ်အတွင်း ပြန်ပြီးအိပ်ပျော်သွားရပါမယ်
တဲ့။ တတ်နိုင်သရွေ့အိပ်လိုက်ရင် တစ်ရေးမှ မနိုးဘဲ မိုးလင်းမှနိုးတာမျိုးက အကောင်း ဆုံးပါပဲတဲ့။ ဒါပေမဲ့လည်း တစ်ခါတစ်ရံ တစ်ရေးနိုးချိန် တစ်ကြိမ်တော့ရှိနိုင်တယ်လို့ ဆိုပါတယ်။ ကဲဒါဆိုရင် ကျွန်မတို့ပြီးခဲ့တဲ့တစ်ပတ်က နှစ်နှစ်ခြိုက်ခြိုက်အိပ်ပျော်တာ ဘယ်နှရက်လောက်ရှိလဲ။ ကိုယ့်ဘာသာ တွက်ကြည့်ကြပါဦး။
-
လူတစ်ဦးကို အိပ်ချိန်ဘယ်လောက်လိုသလဲ။ အသက်အရွယ်ပေါ်တည်ပါတယ်။ မွေးကင်းစကလေးတွေဆိုရင်တော့ အိပ်ချိန်များတာပေါ့။ အသက်ကြီးလာတဲ့ဘိုးဘိုး ဘွားဘွားတွေကျတော့ အိပ်ချိန်နည်းလာတဲ့
သဘောရှိပါတယ်။ ကြက်အိပ်ကြက်နိုးလို့ လူကြီးတွေတင်စားလေ့ရှိပါတယ်။ လှုပ်ရှားနေတဲ့ လူငယ်ရှစ်ဦးအတွက် တစ်နေ့အိပ်ချိန် ခုနစ်နာရီမှ ကိုးနာရီအထိ လိုတယ်လို့ဆိုပါတယ်။ နှစ်နှစ်ခြိုက်ခြိုက်အိပ်ပျော်တာ ကောင်း
တယ်ဆိုတာ လူတိုင်းလက်ခံပါတယ်။ ဘယ်လိုကောင်းတာပါလိမ့်။ တစ်နေ့လုံး ရုန်းကန်လှုပ်ရှားထားတော့ စိတ်ရော၊ ကိုယ်ရောအနားယူဖို့လိုတယ်လေ။ နှစ်ခြိုက်စွာအိပ်ပျော်ရင် ခန္ဓာကိုယ်ရော၊ ဦးနှောက်
ရောအနားရတော့ နောက်တစ်နေ့ဘဝ တိုက်ပွဲအတွက် ခွန်အားတွေအပြည့်ဖြစ်နေတာပေါ့။ ရုပ်က လန်းဆန်းနေတာပေါ့။ အဲတော့ ဆုံးဖြတ်ချက်တွေချတာ မြန်ဆန် ပြီးပြတ်သားတာပေါ့။ ကျွန်မဆိုရင် သောကြာ
နေ့ညဂျူတီကျပြီး နောက်နေ့နံနက်ဈေးဝယ်ရင်း ခရမ်းချဉ်သီးရွေးတာလေးတောင် ခါတိုင်းလောက်သွက်သွက်လက်လက်မရှိပါ။ ညဂျူတီဆိုတော့မအိပ်ရသလောက်ပဲပေါ့။ နောက်နေ့ အကြောဆေးထိုးမယ်ဆိုရင် 
အဆင်မပြေတတ်ပါ။ လူနာရဲ့အကြောကလည်း အထင်းသား။ အဲဒါကိုပဲ တစ်ချက် တည်းနဲ့ထိုးတာမရတတ်ပါ။ ကောင်းကောင်း အိပ်ပျော်ရင် စိတ်ကိုယ်လန်းဆန်းရုံတင်မကပါဘူး။ နောက်နေ့အတွက်လိုတဲ့ ဟော်မုန်း
တွေလည်း အလုံအလောက်ထွက်လာတော့ တိုက်ခိုက်မှုတွေ အဆင်ပြေသွားတာပေါ့။ ဒါ့အပြင် ကောင်းကောင်းအိပ်ပျော်တာဟာ ကျွန်မတို့ရဲ့ ကိုယ်ခံစွမ်းအားစနစ်လည်း အားကောင်းကောင်းပြည့်ပြီး ပိုကောင်းလာ
တယ်လို့ပြောပါတယ်။ စိတ်ရောကိုယ်ပါ ပျော်ရွှင်ကျန်းမာတဲ့ဘဝကို ပိုင်ဆိုင်သူများ ဖြစ်စေပါတယ်။ ဘဝဟာ လုံခြုံပြီး ဘေးအန္တရာယ် အထိုက်အလျောက်ကင်းတယ်လို့ ဆိုပါတယ်။
-
ကောင်းကောင်းအိပ်ပျော်တာ ကောင်းတယ်ဆိုတော့ အိပ်မပျော်ရင်ရောဘယ်လိုလဲ။ နှစ်နှစ်ခြိုက်ခြိုက်အိပ်မပျော်တဲ့လူတွေမှာ ဘယ်လိုစိတ်ပိုင်းဆိုင်ရာရောဂါ၊ ရုပ်ပိုင်းဆိုင်ရာရောဂါတွေဖြစ်တာကို တွေ့ရပါသလဲ
ဆိုတာ အမေရိကန်နိုင်ငံမှ သိပ္ပံပညာရှင်များက လေ့လာခဲ့ပါတယ်။ သူတို့နိုင်ငံမှာရှိတဲ့ လူငယ်တွေရဲ့သုံးပုံနှစ်ပုံဟာ ကောင်းကောင်းအိပ်ရေးမဝသူတွေဖြစ်ကြောင်း တွေ့ရပါတယ်တဲ့။ သူတို့မှာ စိတ်ကျရောဂါဖြစ်
တာများပါတယ်။ ဒါ့အပြင် အဝလွန်ရောဂါ၊ ဆီးချိုရောဂါပိုဖြစ်တာလည်း တွေ့ရပါတယ်။ ညဘက်အိပ်ရေးမဝတော့ စိတ်/ရုပ်မလန်းဆန်းဘဲ ကားတိုက်မှုဖြစ်ပွားနှုန်းလည်းများတာကို တွေ့ရပါတယ်တဲ့။ ဒါကြောင့်
နှစ်နှစ်ခြိုက်ခြိုက်အိပ်ပျော်ဖို့ လမ်းညွှန်တွေပေးလိုက်တာပါ။
-
ပထမလမ်းညွှန်ကတော့ အိပ်ရာဝင်ချိန်၊ အိပ်ရာထချိန် အချိန်မှန်ပါစေတဲ့။ အကြောင်းကတော့ ကျွန်မတို့ခန္ဓာကိုယ်ထဲမှာ ကိုယ်ပိုင်နာရီရှိတယ်။ ဥပမာ-ညဘက်ရုပ်ရှင်ထိုင်ကြည့်ပြီး သန်းခေါင်ကျော်မှ အိပ်ရာဝင်ရင်
ဒီနာရီကို ထိခိုက်တယ်။ နောက်နေ့မှာ အာရုံစိုက်မှုနည်းသွားတယ်လို့ဆိုပါတယ်။ ကိုယ်နဲ့အချိန်မတူတဲ့ တိုင်းပြည်တွေသွားရင်လည်း ကိုယ်ပိုင်နာရီက ချက်ချင်းမပြောင်းလဲဘူး။ ဒါကြောင့်ဲနအူေဲါနအူေါ ရတယ်လို့ဆိုပါတယ်။
မျက်စိအကျင့်ပါတဲ့အတိုင်း အိပ်နေကျအချိန်မှာ အိပ်ချင်နေတာပေါ့။ သုတေသီတို့တွေ့ရှိထားတဲ့ ထူးခြားတဲ့ အချက်တစ်ခုကတော့ နေ့လယ်ဘက်အလင်းရောင်နဲ့ပုံမှန်ထိတွေ့တာဟာ နှစ်နှစ်ခြိုက် ခြိုက်အိပ်ပျော်ခြင်းကို ဖြစ်စေပါတယ်တဲ့။
-
ဒီလိုထိတွေ့ချိန်ဟာ တစ်နေ့ကို နာရီဝက်ခန့်လိုပါတယ်။ နေရောင်ခြည်ဟာ နှစ်ခြိုက်စွာ အိပ်ပျော်ခြင်းကိုအားပေးတဲ့ ဦးနှောက်ဆဲလ်အသစ်တွေ ထပ်မံတိုးပွားစေပါတယ်တဲ့။ အဲလိုမှမဟုတ်ဘဲ လျှပ်စစ်မီးအလင်းရောင်
နဲ့ပဲထိတွေ့ရင် အဲဒါဟာ ကျွန်မတို့ရဲ့ကိုယ်ပိုင်နာရီကို နှေးကွေးသွားစေတယ်လို့ ပြောပါတယ်။ ဒါဆို အိပ်ပျော်တာနောက်ကျ သွားမှာပေါ့။ တတိယအချက်ကတော့ ညဘက်မှာ အပြာရောင်အလင်းရောင်ရှောင်ရမှာဖြစ်ပါ
တယ်။ အပြာရောင်အလင်းရောင်ဟာ နေရောင်ခြည်နဲူ့နီူနီ အခြေပြုအလင်းရောင်မီးလုံးများမှာ တွေ့ရပါတယ်။ူနီူနီအခြေပြု အလင်းရောင်ကို တီဗွီကြည့်တဲ့အခါ၊ ဖုန်းကြည့်တဲ့ အခါ၊ ကွန်ပျူတာတပ်ပလက်ကြည့်တဲ့
အခါ၊ ရင်ဆိုင်ရမှာဖြစ်ပါတယ်။ ဒီလိုမျိုး အပြာရောင်အလင်းရောင်များသည် အိပ်ပျော်ခြင်းကို ဟန့်တားစေသည်။ ဤအလင်းတန်းများသည် မျက်စိမှတစ်ဆင့် ဦးနှောက်သို့ရောက်သွားပြီး အိပ်ပျော်ခြင်းကို ဟန့်တား
သည့်ဓာတ်တစ်မျိုးထွက်စေသည်ဟု ဆိုပါသည်။ ထို့ကြောင့်ူနီူနီ အခြေပြုသော ဖန်သားပြင်များအသုံးပြုခြင်းကို ဆင်ခြင်သင့်ပါသည်။ ထို့ကြောင့် အလင်းတန်းဟန့်တားသည့်အကာများအသုံးပြုခြင်း၊ အလင်းလျှော့
ချခြင်း၊ မျက်မှန်တပ်ခြင်းများကို ညဘက်မဖြစ်မနေ အသုံးပြုရမည့်အနေအထားတွင်သုံးသင့်သည်။
-
နောက်ထပ်အကြံပြုချက်မှာ နေ့လယ်ဘက်တွင် ကိုယ်လက်လှုပ်ရှားမှုလုပ်ခြင်းဖြစ်သည်။ ကျွန်မတို့ကိုယ်တွေ့လည်းဖြစ်ပါသည်။ နေ့လယ်ဘက်လမ်းလျှောက်တာများရင် ညဘက်အိပ်ကောင်းတာပဲ မဟုတ်
လား။ ကလေးတွေ နေ့လယ်ဘက်အရမ်းဆော့ရင် အမေတွေကပြောလေ့ရှိပါတယ်။ ညကျရင်တော့ ကောင်းကောင်းအိပ်တော့မယ်လို့လေ။ သုတေသီတို့၏တွေ့ရှိချက်မှာရက်သတ္တပတ်လျှင် မိနစ် ၁၅ဝ ခန့်ကိုယ်
လက်လှုပ်ရှားမှုပြုသူများ၏သုံးပုံနှစ်ပုံတွင် နှစ်နှစ်ခြိုက်ခြိုက်အိပ်ပျော်ကြောင်း၊ ညဘက် ခြေသလုံြး<ွကက်တက်ခြင်းလည်းမရှိကြောင်း ဖြစ်သည်။
-
ထို့ပြင် အစားအစာသည်လည်း အိပ်ပျော်ခြင်းနှင့် ဆက်နွှယ်နေပါသည်။ အိပ်ရာဝင်ခါနီးတွင် ဗိုက်အရမ်းတင်းအောင်စားလျှင် ဗိုက်အင့်ပြီး ကောင်းကောင်းအိပ်ပျော်မည် မဟုတ်ပါ။ အိပ်ခါနီး ရေတွေအများကြီး
သောက်ရင်လည်း ညဘက်ဆီးထသွားရင် အိပ်ရေးဝမည်မဟုတ်ပါ။ သုတေသီတို့တွေ့ရှိချက်မှာ ပြည့်ဝဆီကို အနည်းငယ်သာစားသုံးသူများ၊ အသားဓာတ် များများစားသူများသည် ပြည့်ဝဆီများများ
စားသူများ၊ အချိုဓာတ်များများစားသူများထက် နှစ်နှစ်ခြိုက်ခြိုက်အိပ်ပျော်ကြောင်း တွေ့ရသည်။
-
ကဖင်းဓာတ်ပါသည့် ကော်ဖီကိုလည်းအိပ်ရာမဝင်မီ ခြောက်နာရီအတွင်း သောက်ပါက အိပ်ပျော်ရန်ခဲယဉ်းပါသည်။ ထို့ကြောင့် ညဘက်ကော်ဖီမသောက်သင့်ပါ။ နောက်တွေ့ရှိချက်တစ်ခုမှာ တရားထိုင်
ခြင်းသည်လည်း အိပ်ပျော်ခြင်းကိုအားပေးကြောင်း တွေ့ရပါသည်တဲ့။ အထူးသဖြင့် ညဘက်အိပ်ခါနီးမှာ စိတ်ပူပန်စရာတွေ မတွေးဘဲ၊ မကြည့်ဘဲ၊ စိတ်အေးအေးချမ်း ချမ်းတည်တည်ငြိမ်ငြိမ်ဖြစ်အောင်လုပ်တာ
ပေါ့။ အဖေတို့ ကျွန်မတို့ကလေးဘဝကတည်းက ညဘက်လုပ်ခိုင်းတာတော့ဒီလိုပါ။ ရေမိုးချိုး၊ သနပ်ခါးရေကျဲလေးလိမ်း၊ ဘုရားရှိခိုးပြီးရင် လူကြီးမိဘတွေကိုကန်တော့ပြီးမှ အိပ်ရာဝင်ရတယ်လေ။ တချို့ကလည်း ပြော
ပါတယ်။ အိပ်ပျော်နေတုန်း အသက်ထွက် သွားနိုင်တာမို့လို့ ဘုရားရှိခိုးပြီးမှအိပ်ရတာတဲ့။ ဘယ်လိုပဲပြောပြော ဘုရားရှိခိုး၊ မေတ္တာပို့၊ အမျှဝေပြီးမှအိပ်ရာဝင်တာဟာ နှစ်နှစ်ခြိုက်ခြိုက်အိပ်ပျော်စေပါတယ်။ စိတ်လန့်
ချောက်ချားတာလည်းမဖြစ်ပါ။ အိပ်မက်ဆိုးလည်း မမက်ပါ။ ဘုရားဂုဏ်ကျေးဇူးဟာအင်မတန်ဆန်းကြယ်ပါသည်။
-
ပူပြင်းတဲ့နွေရာသီဆိုရင်လည်း သင်ဖြူးဖျာအေးအေးလေးပေါ်မှာ ကြိမ်ခေါင်းအုံးလေးနဲ့အိပ်၊ ယပ်တောင်လေးနဲ့ယပ်ခတ်ပြီး အိပ်ရင် ဇိမ်ကောင်းကောင်းနဲ့အိပ်ပျော်မှာပါ။ ဆောင်းအခါဆိုရင်လည်း နွေးနွေးထွေးထွေး
စောင်ခြုံရမှာပေါ့။ ဒါ့ပြင် အိပ်ရာဝင်ခါနီးမှာ ငြိမ့်ငြိမ့်ညောင်းညောင်းသီချင်းသံတွေဟာလည်း နှစ်နှစ် ခြိုက်ခြိုက်အိပ်ပျော်တာကို အားပေးပါတယ်။ ဒါကြောင့် အမေတို့တွေ သားချော့တေးကဗျာတွေဆိုပြီး ကလေးတွေကိုသိပ်တာကိုး။ 
ကလေးတွေအိပ်ပျော်ပြီဆိုရင် မီးပိတ်ပြီး အသံတိတ်တိတ်လေးနေကြတယ်လေ။ ဒါကို ကြည့်ရင်ပဲ ဆိတ်ငြိမ်တဲ့ဝန်းကျင်မှာ လူတွေဟာ ပိုပြီးအိပ်ပျော်တယ်။ လျှပ်စစ်မီးစူးစူး ထိန်ထိန်ကြီးဆိုရင် အိပ်ရခက်တယ်ဆိုတာ
သိသာပါတယ်။
-
နောက်ဆုံးအိပ်ပျော်လွယ်အောင် လုပ်တာကတော့ အိပ်ဆေးပါပဲ။ အသက်ကြီးတဲ့ ဘိုးဘိုးဘွားဘွားတို့ပဲ တစ်ခါတစ်ရံအိပ်ဆေး သုံးသင့်ပါတယ်။ ဆေးကိုအားမကိုးဘဲ အခြားအိပ်ပျော်နည်းတွေကို အသုံးပြုမယ်
ဆိုရင် ၉ဝ ရာခိုင်နှုန်းလောက်အဆင်ပြေနိုင်ပါတယ်။ တစ်ခါတလေ စိတ်ပူစရာကိစ္စရှိရင်လည်း (ဥပမာ-စာမေးပွဲနီးလာတဲ့အခါ) အိပ်မပျော်တတ်ပါ။ စိတ်ညစ်စရာ၊ ဒေါသထွက်စရာတွေရှိရင်လည်း အိပ်မပျော်တတ်
ပါ။ ဒါတွေကို လောကဓံဆိုပြီး ကျော်လွှားနိုင်စိတ်ထားမယ်ဆိုရင် အဆင်ပြေမှာပါ။ ကျွန်မတို့အားလုံး နှစ်နှစ်ခြိုက်ခြိုက်အိပ် ပျော်ပြီး နောက်နေ့မှာကိုယ်စိတ်နှစ်ဖြာလန်းဆန်းပြီး ရောဂါကင်းဝေးအောင်၊ အန္တရာယ်
ကင်းဝေးအောင်ရည်ရွယ်ပြီး ဒီဆောင်းပါးကို ရေးလိုက်ခြင်းဖြစ်ပါတယ်။ အားလုံးနှစ်ခြိုက်စွာအိပ်ပျော်ပြီး စိတ်ပျော်သူများဖြစ်ကြပါစေ။
-
ပါမောက္ခဒေါက်တာခင်ဖြူပြာ

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger