တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်(၁၇)ကြိမ်မြောက် တပ်ဖွဲ့တွင်း အဆို၊ အက၊ အရေး၊ အတီး၊ အငြိမ့်၊ ပြဇာတ်နှင့် မျက်လှည့်ပြိုင်ပွဲတွင် ဆုချီးမြှင့်ခြင်းခံခဲ့ရသည့် စစ်သည်၊ စစ်သမီးများ၏ဖျော်ဖြေတင်ဆက်မှုများအား တက်ရောက်ကြည့်ရှုအားပေး

 

 

နေပြည်တော်၊ အောက်တိုဘာ - ၇

မြန်မာ့ရိုးရာယဉ်ကျေးမှု အနုသုခုမပညာရပ်များကိုထိန်းသိမ်းရန်၊ ပိုမိုတိုးတက် မြင့်မားလာစေရန်နှင့် နိုင်ငံတော်နှင့်တပ်မတော်အဆင့်ဖျော်ဖြေရေးများတွင် အဆင့်အတန်းမြင့်မားစွာဖျော်ဖြေနိုင်စေရန် အတွက်ရည်ရွယ်၍ ကာကွယ်ရေးဦးစီးချုပ်ရုံး(ကြည်း) ပြည်သူ့ဆက်ဆံရေးနှင့် စိတ်ဓာတ် စစ်ဆင်ရေးညွှန်ကြားရေးမှူးရုံး၏ စက်တင်ဘာလ အတွင်းကျင်းပပြုလုပ်ခဲ့သည့်(၁၇)ကြိမ်မြောက် တပ်ဖွဲ့တွင်း အဆို၊ အက၊ အရေး၊ အတီး၊ အငြိမ့်၊ ပြဇာတ်နှင့်မျက်လှည့်ပြိုင်ပွဲတွင် ဆုချီးမြှင့်ခြင်းခံခဲ့ရသော စစ်သည်၊ စစ်သမီးများသည် အောက်တိုဘာ ၆ ရက်ညပိုင်းတွင် နေပြည်တော်ရှိ၊ ဇေယျာသီရိဗိမာန်၊ သဘင်ဆောင်၌ အဆို၊ အက၊ အတီး၊ အငြိမ့်၊ ပြဇာတ်နှင့်မျက်လှည့်ပြကွက်များအား ကပြဖျော်ဖြေ တင်ဆက်ကြရာ တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက် ကြည့်ရှုအားပေးသည်။

အဆိုပါဖျော်ဖြေပွဲအခမ်းအနားသို့ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် နှင့်ဇနီး ဒေါ်ကြူကြူလှ၊ ဒုတိယတပ်မတော်ကာကွယ်ရေး ဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်းနှင့်ဇနီး ဒေါ်သန်းသန်းနွယ်၊ ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ကျော်ဆွေနှင့်ဇနီး၊ ကာကွယ်ရေးဝန်ကြီးဌာန ပြည်ထောင်စုဝန်ကြီး ဒုတိယ ဗိုလ်ချုပ်ကြီး စိန်ဝင်းနှင့်ဇနီး၊ ညှိနှိုင်းကွပ်ကဲရေးမှူး(ကြည်း၊ရေ၊လေ) ဗိုလ်ချုပ်ကြီး မြထွန်းဦးနှင့်ဇနီး၊ ကာကွယ်ရေးဦးစီးချုပ်(ရေ) ဗိုလ်ချုပ်ကြီး တင်အောင်စန်းနှင့်ဇနီး၊ ကာကွယ်ရေးဦးစီးချုပ် (လေ) ဗိုလ်ချုပ်ကြီး မောင်မောင်ကျော်နှင့်ဇနီး၊ ကာကွယ်ရေးဦးစီးချုပ်ရုံးမှတပ်မတော် အရာရှိကြီးများ၊ ကာကွယ်ရေးဦးစီးချုပ်ရုံး(ကြည်း၊ရေ၊လေ) ရုံး/ဌာနအသီးသီးမှ အရာရှိ၊ စစ်သည်၊ မိသားစုများ တက်ရောက်ကြည့်ရှုအားပေးကြသည်။

ဖျော်ဖြေပွဲအခမ်းအနားတွင် အမှတ်(၁)တပ်မတော်ရုပ်မြင်သံကြားထုတ်လွှင့်ရေး တပ်မှ စစ်သည် များက "စံတော်ချိန်တီးလုံး၊ နှဲထပ်ပတ်ထပ်လက်စွမ်းပြ" တီးလုံးဖြင့်လည်းကောင်း၊ အမှတ်(၁) နယ်လှည့်ပြည်သူ့ဆက်ဆံရေးတပ်ခွဲမှ တပ်ကြပ်ကြီး(အစားခန့်)အေးသူဇာကျော် က တေးရေး ရွှေတိုင်ညွန့်ရေးဖွဲ့ခဲ့ပြီး တေးသံရှင်စိန်ပါတီကသီဆိုခဲ့သည့် "စံပယ်တင်မှဲ့" တေးသီချင်းဖြင့် လည်းကောင်း၊ တပ်သားအေးမင်းထွန်းနှင့် တပ်ကြပ်ကြီး (အစားခန့်)နွယ်နီဝင်းတို့က "အပေါင်းမွေ့ဘွယ်သောင်းရွှေ့လယ်" မြိုင်ထနှစ်ပါးသွား အကဖြင့်လည်းကောင်း၊ ဒုတိယအရာခံဗိုလ် စန်းလွင်က တေးရေးမင်းယုနိုင်(ကဗျာ)က ရေးဖွဲ့ခဲ့ပြီး တေးသံရှင်စန္ဒရားထွန်းညွန့်သီဆိုခဲ့သည့် "စာဆိုစစ်သည်" သီချင်းဖြင့် လည်းကောင်း၊ အမှတ်(၃)နယ်လှည့်ပြည်သူ့ဆက်ဆံရေးတပ်ခွဲမှ စစ်သည်၊ စစ်သမီးများ က "စင်တင်မျက်လှည့်" ဖြင့်လည်းကောင်း၊ အမှတ်(၁) နယ်လှည့်ပြည်သူ့ ဆက်ဆံရေး တပ်ခွဲမှ စစ်သည်၊ စစ်သမီးများက "စိန်သရဖူအငြိမ့်"ဖြင့်လည်းကောင်း၊ အမှတ်(၂) နယ်လှည့်ပြည်သူ့ဆက်ဆံရေးတပ်ခွဲမှ စစ်သည်၊ စစ်သမီးများက "နန်းဘုံသီဟာဘွေ အိုးစည်ယိမ်း အက" ဖြင့်လည်းကောင်းသီဆိုကပြဖျော်ဖြေကြသည်။

ယင်းနောက် အမှတ်(၁)နယ်လှည့်ပြည်သူ့ဆက်ဆံရေးတပ်ခွဲမှ စစ်သည်၊ စစ်သမီးများက သက္ကရာဇ် ၁၂၄၇ ခုနှစ် နယ်ချဲ့အင်္ဂလိပ်အစိုးရလက်အောက်သို့ ကျရောက်စဉ် သူ့ကျွန်မခံလိုသည့် ပုဂံ ညောင်ဦးမြို့နယ်၊ ငါ့သရောက်ဆယ်ရွာမှ တိုင်းရင်းဆေးဆရာ ဆရာချိုမှသားနှစ်ယောက်နှင့် အတူမျိုးချစ်စိတ်ရှိသည့်ဒေသခံ များနှင့်စုပေါင်း၍ ဗိုလ်ချိုအမည်ခံပြီးနယ်ချဲ့အစိုးရအား လေးနှစ်ခန့် တော်လှန် တိုက်ခိုက်ခဲ့စဉ် အနိုင်ယူအောင်မြင်ခဲ့မှုများနှင့် ကျန်းမာရေးအခြေအနေ ကြောင့်သီရိပစ္စယာ ဂူပြောက်ဘုရားတွင်အနားယူနေချိန်၌ သစ္စာဖောက်နယ်ချဲ့အလိုတော်ရိတစ်ယောက်ကြောင့် အဖမ်းခံခဲ့ရပြီး ကြိုးစင်တက်ခဲ့ရမှုများအား ပုံဖော်တင်ဆက်ထားသည့် "ရဲမာန်ဝံ့ကြွားပုဂံသား" ပြဇာတ်ဖြင့်ဖျော်ဖြေတင်ဆက်ကြပြီး နောက် (၁၇)ကြိမ်မြောက် တပ်ဖွဲ့တွင်း အဆို၊ အက၊ အရေး၊ အတီး၊ အငြိမ့်၊ ပြဇာတ်နှင့်မျက်လှည့် ပြိုင်ပွဲတွင် ဆုချီးမြှင့်ခြင်းခံခဲ့ရသည့် စစ်သည်၊ စစ်သမီးများက "ဇာတိမာန်"သီချင်းဖြင့်သီဆိုဖျော်ဖြေကြသည်။

ဖျော်ဖြေပွဲအခမ်းအနားအပြီးတွင် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် ဇနီးဒေါ်ကြူကြူလှတို့က သီဆိုကပြဖျော်ဖြေတင်ဆက်ခဲ့ကြသည့် စစ်သည်၊ စစ်သမီးများအား ဂုဏ်ပြုပန်းခြင်းနှင့်ဂုဏ်ပြုဆုငွေများပေးအပ်ချီးမြှင့်ခဲ့ကြောင်း သတင်းရရှိသည်။