စာပေတန်ဆောင် မီးရှူးရောင် ထွန်းလင်းရေး

စာပေတန်ဆောင် မီးရှူးရောင် ထွန်းလင်းရေး

စာပေသည် လူမျိုးတစ်မျိုး၏ ဉာဏ်ပညာ အခြေခံကို ထင်ဟပ်လျက် ထိုလူမျိုး၏ အဆင့်အတန်းကို ဖော်ညွှန်းသော ကြေးမုံဖြစ်သည်။ ဘာသာစကား နှင့် စာပေသည် နိုင်ငံတစ်နိုင်ငံရှိ လူမျိုးတစ်မျိုး၏ တန်ဆောင်ဆီမီးပင် ဖြစ်သည်။ ပုဂံခေတ် ကျန်စစ်သား မင်းကြီး၏ သားတော် ရာဇကုမာရ် မင်းသား ကမ္ပည်းရေးထိုး ခဲ့သော မြစေတီ ကျောက်စာ၌ မွန်၊ မြန်မာ၊ ပျူ၊ ပါဠိဘာသာ တို့နှင့် ရေးထိုးရာတွင် ဖခမည်းတော်ကို ကျေးဇူးဆပ်သည့် အကြောင်း ရေးထိုးထားသည်ကို ထောက်၍ မြန်မာစာပေသည် ကျေးဇူး သိတတ်မှုတည်း ဟူသော လူ့ယဉ်ကျေးမှုဖြင့် အစပြုခဲ့သည်။ ပြောဆိုသည့် ဘာသာစကား မတူညီသော ပုဂံ ပြည်သူတို့ စည်းလုံး ညီညွတ်စွာ နေထိုင်ကြ ခြင်းကြောင့် ဤကမ္ဘာမှာ ပြည်မြန်မာ ဂုဏ်တင့်ခဲ့သည်။

ဤအကြောင်းကို နှောင်းလူတို့ သိရှိလိုက်နာကြ စေခြင်းငှာ ဆရာ ဇော်ဂျီ က ရှေးခေတ် ပုဂံပြည်ကဗျာ တွင် ဖော်ကျူးထား သည်မှာ ''စေတီနဲ့ တန်ဆောင်း၊ ဆည်ချောင်းနဲ့ စပါးနှံ၊ ရွှေပေါက္ကံ ပြည်တစ်ကြောမှာ၊ ပေါချင်တိုင်း ပေါတဲ့ပြင်၊ ဝပြောတဲ့ သာသနာ၊ ခေါင်းလောင်းသံ ညံမစဲရယ်နဲ့၊ ပုဂံပွဲသာ လွန်းလို့၊ လာသူလာ သွားသူသွား၊ လယ်တွင်းသား ပြည်တော်သား၊ အသည်သား မင်းမှုထမ်း၊ တစ်စိတ်ဝမ်း တစ်လက်ညီ၊ ပြည်ရေးကို ပြိုင်တူချီတော့၊ ပြည်တော်မြတ် ပဲ့တင်သံ၊ ဘဝဂ်က ပြန်ပါရော့'' ဆိုသော စာပိုဒ်များတွင် တွေ့ရသည်။

ယနေ့ခေတ်သည် ပညာခေတ် ဖြစ်သည့် အားလျော်စွာ နိုင်ငံတစ်နိုင်ငံ ၏ နိုင်ငံရေး၊ စီးပွားရေး၊ လူမှုရေးရာ အဖြာဖြာတို့သည် ထိုနိုင်ငံသားတို့၏ ပညာရည်ပေါ် တည်မှီလျက် ရှိသည်။ နိုင်ငံသားတို့၏ ပညာရည် မြင့်မားရေး အခြေခံသည် စာပေအပေါ်တွင် မူတည်သည်။ စာပေမှတစ်ဆင့် အသိပညာ၊ အတတ်ပညာ၊ အတွေးအခေါ် အယူအဆ၊ ဗဟုသုတ ကြွယ်ဝမှုတို့ကို ရရှိနိုင်မည် ဖြစ်သည်။

ပြည်ထောင်စုသမ္မတ မြန်မာနိုင်ငံတော် တွင် ကလေးစာပေ ထွန်းကားရေး အတွက် ကြိုးပမ်းလျက်ရှိရာ ကလေးငယ်များ စာဖတ်ရာမှ ရရှိသော အသိဖြင့် အဆိုးကိုကြဉ်၍ အကောင်းကို ခင်တတ်စေရန် ရည်ရွယ်သော စာပေများ ယခုထက်ပိုမို ရေးသားထုတ် ဝေ နိုင်ရေး ကလေးများ လက်လှမ်းမီ ဖတ်ရှုနိုင်စေရန်တို့ကို အားလုံးဝိုင်းဝန်း ကြိုးစား ကြရမည် ဖြစ်သည်။ ကလေးများ ဖတ်လိုစိတ် ရှိစေရန်နှင့် စာဖတ်ပြီး ရရှိသော အသိကို အကျိုးရှိအောင် အသုံးချတတ် စေရန် မိဘ၊ ဆရာနှင့် ပတ်ဝန်းကျင် တို့က အားပေး လမ်းညွှန်တတ်ရေး ကိုလည်း အလေးထား ကြရမည်ဖြစ်သည်။ မျက်မှောက်ကာလ နည်းပညာ ဖွံ့ဖြိုးရေးသည် ရုပ်ပိုင်းဆိုင်ရာ ဖွံ့ဖြိုးရေး အတွက် အဓိက ဖြစ်သည်ကို မငြင်းနိုင် သကဲ့သို့ စိတ်ပိုင်းဆိုင်ရာ ဖွံ့ဖြိုးရေး သည်လည်း လူ့အဖွဲ့အစည်း ငြိမ်းချမ်း သာယာရေး အတွက် မရှိမဖြစ် လိုအပ်ကြောင်း မည်သူမျှ မငြင်းနိုင်ပေ။

မြန်မာ စာပေလောက တွင် ၃၈ ဖြာမင်္ဂလာ တရားတော်ကိုအခြေပြု၍ ပုံဝတ္ထုများ ရေးသားထားသည်မှာ အရွယ်သုံးပါး မရွေး၊ ကိုးကွယ်သည့် ဘာသာမရွေး ဖတ်ရှုသူ အတွက် အသိပညာ တိုးပွားဖွယ်ရာ များသာ ဖြစ်သည်။ ထိုပုံဝတ္ထုများကို သင်ခန်းစာ ယူ၍ အကြောင်းအကျိုး၊ အကောင်းအဆိုး ဝေဖန်ဆန်းစစ်ကာ လူဖြစ်ရသည့် ရည်ရွယ်ချက်ကို ကောင်းစွာ ဖြည့်ဆည်းနိုင် သဖြင့် လူဖြစ်ရကျိုး နပ်မည်ဖြစ်သည်။ ဤသို့ ကောင်းကျိုးသုခကို သတိမမူမိကြ သူများမှာမူ ရှေးရှေးတုန်းက ပုံပြင်တွေ ပြောမနေပါနှင့်၊ ဘိုးတော်ဘုရား လေးဖက်သွား တုန်းက အကြောင်းတွေ ပြောမနေပါနှင့် စသည်ဖြင့် ပြောသံများ ကြားရဖူးသည်။

ရိုးရိုးလေး ဆိုရသော် အလိမ္မာ စာမှာရှိဆိုထားသည့် အတိုင်း ပထမ မြန်မာနိုင်ငံတော် ပုဂံခေတ်မှစ၍ ကျေးဇူးတရား သိနားလည်မှု၊ စည်းလုံးခြင်း အင်အားဖြင့် မြန်မာ့ လူ့အဖွဲ့အစည်း သာယာ ဝပြောအောင် တည်ဆောက်ခဲ့မှု တို့ဖြင့် သန္ဓေတည် ထွန်းကားခဲ့သော မြန်မာစာပေ အမွေကို မျိုးဆက်သစ်များ ခံယူ၍ ကောင်းမှုမြတ်နိုး၊ ကောင်းအောင်ကျိုးကာ၊ ကောင်းကျိုးကိုယ်၌ တည်စေခြင်းငှာ စာပေတန်ဆောင် မီးရှူးရောင် ထွန်းလင်းရေး အားပေးကူညီ ကြပါရန် မြဝတီက တိုက်တွန်းနှိုးဆော် လိုက်ရပါသည်။

( အယ်ဒီတာ့အာဘော် )

မြ၀တီနေ့စဉ်သတင်းစာ ၊ စာ(၂)