www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Thursday, September 22, 2016

ရဲတံခွန်လူငယ် အစီအစဉ် ကျင်းပမည်



ရန်ကုန် ၊ ၂၂-၉-၂၀၁၆

မြန်မာနိုင်ငံ တက္ကသိုလ်၊ ကောလိပ်များ မှ ကျောင်းသား၊ ကျောင်းသူများ အသိပညာ စွမ်းရည်ကို အသုံးပြု၍ မိမိတို့၏ ဒေသများ၌ ပိုမို ကောင်းမွန်သော အနာဂတ် ကို အပြုသဘော ဆောင်ကာ လုပ်ဆောင် ပေးနိုင်မည့် ရဲတံခွန် လူငယ် အစီအစဉ် ကို ရန်ကုန်မြို့နှင့် ထားဝယ်မြို့တို့၌ ကျင်းပသွားမည် ဖြစ်ကြောင်း သိရသည်။

ရဲတံခွန်လူငယ် အစီအစဉ်တွင် ပါဝင်လိုသော ကျောင်းသား၊ ကျောင်းသူ များသည် အဖွဲ့လိုက် မိမိ ပတ်ဝန်းကျင် တွင် လူမှုအဖွဲ့အစည်း များကို အကျိုးပြု နိုင်မည့် ပညာရေး၊ ကျန်းမာရေး၊ သဘာဝ ပတ်ဝန်းကျင် ထိန်းသိမ်းရေး နှင့် လူမှုဘဝ စွန့်ဦးတီထွင်မှု စသည့် ခေါင်းစဉ်များထဲမှ ဒေသဖွံ့ဖြိုးရေး ခေါင်းစဉ် တစ်ခုကို ရွေးချယ်ရမည် ဖြစ်ပြီး အဖွဲ့တစ်ဖွဲ့ တွင် အနည်းဆုံး နှစ်ဦးမှ လေးဦးအထိ ယှဉ်ပြိုင်ခွင့် ရရှိမည် ဖြစ်သည်။

ပြိုင်ပွဲတွင် အမြင့်ဆုံး ရမှတ်ရရှိသော အသင်း ၁၆ သင်းသည် Regional Round (ဒေသဆိုင်ရာ အဆင့်)သို့ တက်ရောက်ယှဉ်ပြိုင် နိုင်မည်ဖြစ်ပြီး Regional Round အဆင့်မှ အမြင့်ဆုံးအမှတ် ရရှိသည့် အသင်းလေးသင်း သည် Final Round (နောက်ဆုံးအဆင့်) ပြိုင်ပွဲတွင် ယှဉ်ပြိုင်ရမည် ဖြစ်သည်။ နောက်ဆုံးအနိုင် ရရှိသောအသင်း ကို Project ဆက်လက် ဆောင်ရွက်နိုင်ရန် ရန်ပုံငွေအဖြစ် အမေရိကန် ဒေါ်လာ ၂၅ဝဝ နှင့် မလေးရှားနိုင်ငံ ကွာလာလမ်ပူ ခရီးစဉ်ကို ဆုအဖြစ် ချီးမြှင့်သွားမည် ဖြစ်ကြောင်း သိရသည်။

ထို့ပြင် နောက်ဆုံး အဆင့်တွင် ကျန်ရှိသော အသင်းသုံးသင်း ကိုလည်း တစ်ဖွဲ့လျှင် အမေရိကန် ဒေါ်လာ ၂၅ဝဝ စီ ချီးမြှင့်သွားမည် ဖြစ်ကြောင်း သိရသည်။

ရဲတံခွန်လူငယ် အစီအစဉ်တွင် ပါဝင်လိုသူ များသည် အသက် ၁၆ နှစ်မှ ၂၃ နှစ်အတွင်း ရှိရမည်ဖြစ်ပြီး အောက်တိုဘာ ၂၅ ရက် နောက်ဆုံးထားကာ e-Mail လိပ်စာ yetagunyouthprogram @ gmail.com သို့ ပေးပို့ လျှောက်ထား နိုင်ကာ အသေးစိတ် သိရှိလိုပါက ရဲတံခွန်လူငယ် အစီအစဉ်၏ တရားဝင် လူမှုကွန်ရက် စာမျက်နှာဖြစ်သည့် www.facebook.com/yetagunyouthprogram တွင် ဝင်ရောက် လေ့လာ နိုင်ကြောင်း သိရသည်။

လင်းခန့်

မြ၀တီနေ့စဉ် ၊ စာ(၅)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger