www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Tuesday, July 12, 2016

ကိုယ်အင်္ဂါအစိတ်အပိုင်း လှူဒါန်းခြင်းကို iPhone အသုံးပြု ဆောင်ရွက်နိုင်မည်



ဝါရှင်တန် ၊ ၁၂-၇-၂၀၁၆

ကမ္ဘာတစ်ဝန်းတွင် ကိုယ်အင်္ဂါ အစားထိုး ခွဲစိတ်ကုသမှု ခံယူလိုသူ ဦးရေများသည်ထက် များလာသော်လည်း အလှူရှင် ဦးရေမှာ သိသိသာသာ တိုးလာခြင်း မရှိကြောင်းနှင့် အကြောင်းရင်းမှာ လူအများစုက ကိုယ်အင်္ဂါ အစိတ်အပိုင်း များကို လှူဒါန်းလိုသော်လည်း စိုးရိမ်ထိတ်လန့် မှု ရှိခြင်း၊ လှူဒါန်းရာတွင် ဆောင်ရွက်ရသည့် စာရွက်စာတမ်း ကိစ္စ များပြားသည်ကို မလိုလားခြင်း တို့ ကြောင့် ဖြစ်ကြောင်း ပေါ်ပေါက်သည့် အတွက် ယခုအခါ ကိုယ်အင်္ဂါ အစိတ်အပိုင်း လှူဒါန်းလိုသူများအနေဖြင့် iPhone ဖြင့် လွယ်ကူစွာ ဆောင်ရွက်နိုင် စေရန် စီစဉ်လျက် ရှိကြောင်း အမေရိကန်ပြည် ထောင်စု၊ အမျိုးသားဇီဝ အလှူမှတ်ပုံတင် ဌာန NDLR မှ ထုတ်ပြန် ကြေညာသည်။ 

Apple ကလည်း ၄င်း အသစ်ဖြန့် ချိ သွားမည့် iOS 10 တွင်ပါရှိသော Health app တွင် အမျိုးသား ဇီဝအလှူ မှတ်ပုံတင် ဌာနထံ တိုက်ရိုက် လျှောက်ထားနိုင်မည့် အပလီကေးရှင်း ပါဝင်မည် ဖြစ်ကြောင်း၊ ဆေးလောကတွင် အလွန် လိုအပ်လျက် ရှိသော ကိုယ်အင်္ဂါ အစိတ်အပိုင်း လှူဒါန်းမှုကို အဆင်ပြေချောမွေ့  လွယ်ကူစွာ ဆောင်ရွက်နိုင်ရန် ရည်ရွယ်ကြောင်း သိရသည်။ 

" အမေရိကန် ပြည်ထောင်စု မှာ ကိုယ်အင်္ဂါ အစိတ်အပိုင်း လှူဒါန်းဖို့  အမည်စာရင်း ပေးထားသူသန်း ၁၂၀ ထက် မနည်းရှိပါတယ်။ ကိုယ်အင်္ဂါ အစိတ်အပိုင်း အစားထိုးခွဲစိတ် ကုသမှုခံယူဖို့ စောင့်ဆိုင်းနေသူ ဦးရေကလည်း ၁၂၀၀၀၀ ဦးထက် မနည်းရှိပါတယ်။ Apple နဲ့  ပေါင်းစပ်ပြီးတော့ iPhone ကနေတစ်ဆင့် ကိုယ်အင်္ဂါ အစိတ်အပိုင်း လှူဒါန်းနိုင်အောင် စီစဉ်ပေးနေပါတယ် " ဟု NDLR မှ တာဝန်ရှိသူတစ်ဦးက ပြောပြသည်။ 
အချို့အင်္ဂါ အစိတ်အပိုင်း တွေက အလှူရှင် သေဆုံးသွားမှ ထုတ်ယူလို့ ရပေမယ့် ကျောက်ကပ်၊ အသည်း အစရှိတဲ့ ကိုယ်အင်္ဂါ တွေကိုကျတော့ အလှူရှင် အသက်ရှင်နေဆဲ အချိန်မှာ ခွဲစိတ် ထုတ်ယူလို့ ရပါတယ်။ အလှူရှင် အများစု က ဆန္ဒရှိပေမယ့် ခွဲစိတ်ခံရမှာကို ကြောက်၍ဖြစ်စေ၊ စာရွက်စာတမ်း ကိစ္စတွေ ရှုပ်ထွေး၍ ဖြစ်စေ၊ မလှူဖြစ်ကြ ပါဘူး။ ဒါကြောင့် လှူချင်တယ် ဆိုရင် အလွယ်တကူ လှူလို့ ရအောင် အခုလို စီစဉ် ဆောင်ရွက်ခြင်း ဖြစ်ပါတယ် " ဟု ၄င်းက ဆက်လက် ပြောပြသည်။ 

Apple သည် ၄င်း၏ ကျန်းမာရေး အပလီကေးရှင်းကို ၂၀၁၄ ခုနှစ်တွင် စတင်ဖြန့် ချိ ခဲ့ပြီး စမတ်ဖုန်း အသုံးပြုသူ၏ ကျန်းမာရေးကို စောင့်ကြည့်ပေး ခဲ့ကြောင်း၊ အရေးပေါ် အခြေအနေ များတွင် လူနာ၏ အသေးစိတ် အချက်အလက် များကို ချက်ခြင်းဖော်ပြ ပေးနိုင်ခဲ့ကြောင်း၊ ယခုလည်း ကိုယ်အင်္ဂါ အစိတ်အပိုင်း လှူဒါန်းလိုသူ များအတွက် အဆင်ပြေ ချောမွေ့ အောင် စီစဉ်ပေးခြင်းပင် ဖြစ်ကြောင်း သိရသည်။

မြ၀တီနေ့စဉ်

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page