ရန်ကုန် ၊ ၂၄-၃-၂၀၁၆
၂ဝ၁၆ ခုနှစ် နှစ်ဆန်းပိုင်းတွင် ပြည်တွင်းသို့ ဂျာမနီနိုင်ငံမှ ဝင်ရောက် လာသည့် Waterproof nano vaccum coating machine သည် ဖုန်းအတွင်းသို့ ရေဝင်ရောက်မှု များနှင့် ဖုန်းအတွင်းရှိ အညစ်အကြေး များကိုလည်း သန့်စင်ပေးမှုများ လုပ်ဆောင်ရာတွင် ပျက်စီးမှု မရှိစေဘဲ ပကတိအတိုင်း ရှိနေစေရန် လုပ်ဆောင်ပေး နိုင်မည် ဖြစ်သည်။
''ဂျာမနီနိုင်ငံ ကနေ တင်သွင်းပြီး ဂျာမနီ နည်းပညာနဲ့ ပြုလုပ်ပေး တာပါ။ နာနိုဆေးရည်နဲ့ နာရီဝက်လောက် ပေါင်းခံပေး ရတာပါ။ ဒီလိုပေါင်းခံပေး ထားတာကြောင့် ဖုန်းမှာ ပျက်စီးမှု တစ်စုံတစ်ရာ လုံးဝ မရှိပါဘူး။ေ ရဝင်ရောက်မှုကို ကာကွယ်ပေးတဲ့ အပြင် အမှုန်အမွှား ဝင်တာတွေက အစ ကာကွယ်ပေး နိုင်ပါတယ်။ စတင် ဝင်ရောက်တဲ့ အချိန်တုန်း ကတော့ လုပ်ကိုင်ရမှု နည်းပါးပြီး အခုချိန်မှာ အသုံးပြုမှုများ နေပါတယ်'' ဟု ဟန်းဆက်များ ရေစိုခံရန် ပေါင်းခံပေးခြင်း ဝန်ဆောင်မှု လုပ်ငန်းမှ ကိုကျော်သူရ က ပြောသည်။
ဖုန်းပေါင်းခံ နည်းဖြင့် ရေဝင်ရောက် ခြင်းကို ကာကွယ်နိုင်ပြီး တစ်ကြိမ် ဆောင်ရွက်ထား ပါက တစ်နှစ်ခန့် ခံနိုင်ကြောင်းနှင့် ယင်း စက်တစ်လုံးလျှင် ငွေကျပ် ၆၅ သိန်းခန့်ရှိပြီး ပေါင်းခံဆေးရည်မှာ ငွေကျပ်လေးသိန်း မှ ခုနစ်သိန်းအထိ ရှိကြောင်း သိရသည်။
ဖုန်းပေါင်းခံခြင်း ပြုလုပ်ပါက ဖုန်း အမျိုးအစား ပေါ်မူတည်၍ ငွေကျပ် ၁ဝဝဝဝ မှ ၁၅ဝဝဝ အထိ ကျသင့်ကြောင်း သိရသည်။
မြ၀တီနေ့စဉ် ၊ စာ(၂၆)
.jpg)
No comments:
Post a Comment