www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Monday, September 29, 2014

ထိုင်း-မြန်မာ ပူးပေါင်းရိုက်ကူးသည့် ရုပ်ရှင်ဇာတ်ကား ပြည်တွင်း၌ ပြသမည်


ရန်ကုန် ၊ ၂၉-၉-၂၀၁၄

ပြည်တွင်းရှိ Myanmar Media 7 နှင့် ထိုင်းနိုင်ငံမှ Katana JK ကုမ္ပဏီတို့ ပူးပေါင်း ရိုက်ကူးကာ နှစ်နိုင်ငံမှ အနုပညာရှင်များ ပါဝင် သရုပ်ဆောင် ထားသည့် ''ဘယ်လို အချစ်မျိုးလဲ'' ( Myanmar in Love in Bangkok ) ရုပ်ရှင် ဇာတ်ကားကြီးကို အောက်တိုဘာလ တွင် မြန်မာနိုင်ငံရှိ ရုပ်ရှင်ရုံ များ၌ ပြသသွားမည် ဖြစ်သည်။

ယင်း ဇာတ်ကားသည် မြန်မာနိုင်ငံမှ ထိုင်းနိုင်ငံသို့ သွားရောက် အလုပ် လုပ်ကိုင်သော မြန်မာ ရွှေ့ပြောင်း အလုပ်သမား ကောင်လေး တစ်ယောက် နှင့် တက်တူးထိုးသည့် လုပ်ငန်းဖြင့် အသက်မွေး ဝမ်းကျောင်းပြု နေသော ထိုင်း ကောင်မလေး တစ်ယောက် တို့၏ အပြန် အလှန် ချစ်မေတ္တာ မျှသည့် ဇာတ်လမ်းကို စိတ်ကူးယဉ် ဆန်ဆန် ရိုက်ကူးထားသော ဇာတ်ကားတစ်ကား ဖြစ်သည်။

ထိုင်းနိုင်ငံရှိ ရုပ်ရှင်ရုံများ၌ ထိုဇာတ်ကားကို စက်တင်ဘာ ၁၈ ရက်မှ စတင်၍ ရုံတင် ပြသခဲ့ရာ ထိုင်းနိုင်ငံရောက် မြန်မာ ပရိသတ်များ အပြင် ထိုင်းလူမျိုး များလည်း လာရောက် ကြည့်ရှုခဲ့ကာ အလွန်နှစ်သက် သဘောကျ ခဲ့ကြောင်း၊ မြန်မာနိုင်ငံ ၌လည်း အောက်တိုဘာလ တွင် ရုံတင်ပြသ သွားမည် ဖြစ်ပြီး ထိုသို့ရုံတင် ပြသသောအခါ ၄င်းရုပ်ရှင် ဇာတ်ကားထဲတွင် ပါဝင်သည့် အဓိက သရုပ်ဆောင်များ သည် မြန်မာနိုင်ငံသို့ လာရောက် ကြမည် ဖြစ်ကြောင်း Myanmar Media 7 မှ တာဝန်ရှိသူ တစ်ဦးက ပြောသည်။

အဆိုပါ ရုပ်ရှင် ဇာတ်ကားကြီးတွင် မြန်မာ သရုပ်ဆောင် မင်းသားအဖြစ် ထိုင်းနိုင်ငံသို့ သွားရောက် အလုပ် လုပ်ကိုင်နေသော မွန်အမျိုးသား ကိုအောင်နိုင်စိုး နှင့် ထိုင်းနိုင်ငံရှိ ရုပ်သံ ဇာတ်လမ်းတွဲများ၊ MTV များတွင် ပါဝင် သရုပ်ဆောင်သည့် ထိုင်းမင်းသမီး ကရဗီ (ကယောက်) တို့ ပါဝင် သရုပ်ဆောင် ထားကြပြီး ထိုင်း နှင့်မြန်မာ နှစ်နိုင်ငံစလုံး ၌ ရိုက်ကူး ထားခြင်း ဖြစ်ကြောင်း၊ မြန်မာ နိုင်ငံ၌ ထို ရုပ်ရှင်ကားကို ရုံတင် ပြသသော အခါ ထိုင်းစကားပြော နေရာများတွင် မြန်မာ စာတန်းထိုး ပြသ ပေးသွားမည် ဖြစ်ကြောင်း သိရှိရသည်။

ဆောင်းဦး

#Themyawadydaily

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger