www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Tuesday, December 8, 2015

အောင်မြင်မှုဆီ စိတ်ဓာတ်ကောင်းဖြင့် အစချီ


အောင်မြင်မှုဆီ စိတ်ဓာတ်ကောင်းဖြင့် အစချီ

သရက်တန်းစိုးရွှေ (စိတ်ပညာ)

လူသားတိုင်း အောင်မြင်လိုကြ ပေသည်။ အောင်မြင်ခြင်း ဆိုသောအရာသည် အပြော လွယ်သလောက် ပေးဆပ် ရင်းနှီးမှုမှာ များစွာ ခက်ခဲကြပေသည်။ အောင်မြင်ခြင်း ဆိုသော အောင်ပန်းသည် လက်တွေ့ ကြိုးစားခြင်း ဖြင့်သာ ဆွတ်ချူနိုင် ပေသည်။ သို့အတွက် အောင်မြင်ခြင်း ဟူသည် စိတ်ကူးယဉ်မှု တို့နှင့် ဆန့်ကျင်သော လက်တွေ့ ဆိုသောအရာနှင့် ပေါင်းစပ်ကြရ ပေမည်။ သို့အတွက် အောင်မြင်လိုသူ၏ သဘောထား ရပ်တည်ချက်သည် အောင်မြင်ခြင်း ဆီသို့ ဦးတည်ထား ကြရပေမည်။

ဝရှိပါမှ ဝိဖြစ်သည့် သဘာဝ ထဲတွင် လူသားတို့ အချိုးကျ ညီမျှစွာ ရထားသောအရာမှာ အချိန်နှင့်အတူ ခန္ဓာကိုယ်ပင် ဖြစ်ပေသည်။ တစ်ဘဝ တစ်ခန္ဓာ အတွက် ရရှိလာသမျှ ခန္ဓာကိုယ်အား အရင်းထား၍ ဘဝတိုးတက် ရေးကို ပြုကျင့်ပေးကြ ရပေမည်။ ဟယ်လင်ကဲလား ၏ စကားအရ ဆိုရပါမူ ဘဝဟူသည် တွေ့ကြုံ ရင်ဆိုင်ပြီး သိမှတ် တတ်မြောက်အောင် သင်ယူရမည့် စဉ်ဆက်မပြတ် သင်ခန်းစာ များပင် ဖြစ်ပေသည်။

လွယ်လွယ်ပြောသော စကားတစ်ခွန်းသည် တစ်ခါတစ်ရံ လေးနက်သော အဓိပ္ပာယ် ဆောင်နေတတ် ပေ သည်။ ထိုစကားမှာ လက်သင့်ခံခြင်း ဆိုသော စကားပင် ဖြစ်ပေသည်။ ထိုစကား ၏ ရှေ့တွင် အောင်မြင်လိုသူ မှန်သမျှ စကားစု တစ်စုဖြင့် တွဲဆက်အသုံးပြု ကြရပေမည်။ ထိုစကားမှာ လောကဓံ တရားပင် ဖြစ်ပေသည်။ သို့အတွက် လောကဓံတရားကို လက်သင့်ခံ တတ်ရပေမည်။ လောကဓံ တရားကို လက်သင့်ခံခြင်း နှင့်အတူ တွေ့ကြုံလာသော လောကဓံကို အလိုက်သင့် ရင်ဆိုင် ရုန်းကန်ရဲကြ ပေလိမ့်မည်။ သို့အတွက် ဘဝ သည် နေတတ် လျှင် ကျေနပ် စရာပင် ဖြစ်နေပေ တော့သည်။

အောင်မြင်မှုအတွက် အရေးအကြီးဆုံး သူမှာ မိမိကိုယ်သာလျှင် ဖြစ်ပေသည်။ မိမိကိုယ်ကိုမိမိ တန်ဖိုးထားတတ် ကြရပေမည်။ ထို့အတူပင် မိမိ လေးစားအပ်သော မိမိအဖြစ် စွမ်းဆောင်ပြကြ ရပေမည်။ အယ်လီနာရုစဗဲ့ ၏ စကားအရမူ သင့်သဘော တူညီချက်မပါဘဲ ဘယ်သူမျှ သင့်အား သိမ်ငယ်စိတ် ဝင်အောင် မပြုလုပ်နိုင် ပါပေ။ လူသည်နေ့စဉ် အသက်ရှူသည့် နည်းအတိုင်း မိမိကိုယ်ကို အမြဲလေးစားဖို့ လိုအပ်လှ ပါပေသည်။ မည်သည့် ကိစ္စမဆို အလေးထားမှု၊ လေးစားမှုတို့ လိုအပ်လှ ပါပေသည်။ အလေးထားမှု အားလုံးအနက် ပထမဦးဆုံး အလေးထား ရမည့်အရာမှာ မိမိ၏ ကျန်းမာရေးပင် ဖြစ်ပေသည်။ ကျန်းမာမှ ချမ်းသာမည် ဖြစ်ပေသည်။ ကျန်းမာရေး အတွက်အစားအသောက် အနေအထိုင် တို့ကို ဂရုပြုကြ ရပေမည်။ စိတ်၏ သဘာဝတွင် စိတ်ပျက် လေလွင့်သည်နှင့် အမျှ မကောင်းမှု ပြုရေးကို အားသာ ပေးလေ့ ရှိပေသည်။ ခေတ်ကာလ၏ ဈေးကွက်အရ အရက်၊

ဆေးလိပ်မှအစ ကံစမ်းမဲ လှလှများဖြင့် စည်းရုံးနေလေ့ ရှိပေသည်။ သို့အတွက် အခက်အခဲတစ်ခု ကြုံတိုင်း ကောင်းမှု တစ်ခုခုကို ပြုလုပ်သည့် အလေ့အကျင့် ကို ပြုလုပ်သင့်လှ ပါပေသည်။ ဘာတွေပဲ ဖြစ်ဖြစ် စိတ်မညစ်ဖို့ လိုအပ်လှ ပါပေသည်။ ဘာတွေပဲ ပျက်ပျက် စိတ်မပျက်ဖို့ လိုပါပေသည်။ အပြောလွယ်၍ အလုပ်ခက်သော အောင်မြင်ခြင်း အတွက် ပေးဆပ်ကြိုးစား ရိုးသားရုံမှ တစ်ပါး တခြားမရှိ နိုင်ပါတော့ချေ။

ရည်မှန်းချက် ရှိသည့်တိုင်အောင် စိတ်ဓာတ် မခိုင်မာသမျှ ပန်းတိုင်သို့ ရောက်မည် မဟုတ်ပါချေ။ လူဆိုသည်မှာ အကောင်းပြော သလို အကောင်းလုပ်ဖို့ တာဝန်များနှင့် တိုက်ရိုက် ပတ်သက် နေတတ်ပေသည်။ ''အစာလည်းဆေး၊ ဆေးလည်းအစာ'' ဆိုသော စကားအတိုင်း ဆိုရပါမူ စိတ်ညစ် ပျောက်ဆေးမှာ အလုပ်ဖြစ်သလို၊ အလုပ်သည်လည်း စိတ်ညစ်မှုကို ပျောက်စေတတ်မြဲ ပင်ဖြစ်ပေသည်။

အောင်မြင်ရမည် ဟု ယုံကြည်လိုက်ပါ။ ယုံကြည်မှု ဆိုသည်မှာ ကိုယ်တိုင် တည်ဆောက်ယူ ရသည့် အရာသာလျှင် ဖြစ်ပေသည်။ ကံကောင်းချင် သမျှ အလုပ်ကောင်း လုပ်ရုံမှတစ်ပါး တခြားမရှိ ပါချေ။ သိရမည့်၊ အသိဆောင်ရမည့် သဘောထားကို ပြောဆိုသမျှ တစ်ခုမျှသာလျှင် ရှိပေသည်။ ထိုအရာမှာ လက်ရှိ အခြေအနေ တိုင်းကို ဆင်ခြင်တုံ တရားနှင့် သုံးသပ် ကြည့်ရေးပင် ဖြစ်ပေသည်။

အချိန်တွေက အကုန်မြန် လိုက်တာလို့ မညည်းလိုက် ပါနှင့်။ အချိန်က ပုံမှန် သွားနေဆဲမှာ ကိုယ်ဟာ နှေးသွား၍ နောက်ကျခြင်းကို ဝန်ခံရာ ရောက်သွား တတ်ပေသည်။ အမှန်ကို မြင်သင့်လှ ပါချေပြီ။ ပြုပြင် ပြောင်းလဲချင်တဲ့ စိတ်ရှိခြင်းဟာ တိုးတက်မှု၏ လမ်းစသာ လျှင် ဖြစ်ပေသည်။ သို့အတွက် အသုံးကို သိကာ အဖြုန်းမရှိရေး ကျင့်ဆောင်ပေး ကြရပေမည်။ အတ္တဝါဒကို ဆုပ်ကိုင်ကာ ဆင်ခြေများဖြင့် ဆုပ်ကိုင်မည့် အစား အမှန်တရားကို လက်ခံရဲဖို့ လိုအပ်လှ ပေသည်။

လူ့ဘဝသည် ရခဲသည်ဟု ဆိုထားခဲ့ပေသည်။ ရခဲသော လူ့ဘဝတွင် အောင်မြင်မှုတို့ ရရှိရန်အတွက် ကြိုးပမ်းသင့်လှ ပါပေသည်။ လွယ်လွယ်နှင့် ရသော အောင်မြင်မှုသည် ရေရှည်မတည် ဆိုသော စကားအရ လေးလေး နက်နက်နှင့် အခက်အခဲများကို ကျော်လွှား၍ အောင်မြင်ခြင်း စစ်စစ်ကို ရယူသင့်လှ ပါပေသည်။ အောင်မြင်ခြင်း ပန်းတိုင် ဆိုသည်မှာ မလုပ်သူတွေ အတွက် ဝေးနေသည့် တိုင်အောင် လုပ်နေသူ အတွက် နီးနီးကလေး ဖြစ်နေတတ်မြဲပင် ဖြစ်ပေသည်။

အောင်မြင်မှုကို ရယူကြပါစို့၊ မိမိစိတ်ကို ကိုယ်တိုင်ပြဋ္ဌာန်း ကြပါစို့၊ ရည်မှန်းချက်ကို မြဲမြဲခိုင်ခိုင် ထားကြပါစို့၊ အချိန်ကို အကျိုးရှိစွာ အသုံးချကြ ပါစို့။ လောကဘဝ နှင့်တကွ နှလုံးသားလေး လှနေဖို့ ယခုပင်စိတ်ထားကလေးကို အလှဆင်ကြပါစို့ ဟုပင် တိုက်တွန်း လိုက်ချင် ပါပေသည်။

မြ၀တီနေ့စဉ် ၊ စာ(၂၀)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page