ဒါကာ ၊ ၃၀-၁၁-၂၀၁၃
ဘင်္ဂလားဒေ့ရှ် နိုင်ငံအတွင်း ရှိ အနောက်တိုင်း ကုန်အမှတ် တံဆိပ် အထည်များ ထုတ်လုပ်ရာ အကြီးဆုံး အထည်ချုပ် စက်ရုံတစ်ခု တွင်ရှို့မီး ဟု ယူဆရသည့် မီးလောင်မှု ဖြစ်ပွား ခဲ့ခြင်းကြောင့် အာဏာပိုင် များက စုံစမ်း စစ်ဆေးလျက် ရှိကြောင်း ရဲတပ်ဖွဲ့ က ယမန်နေ့တွင် ပြောကြား ခဲ့သည်။
အဆိုပါ မီးလောင်မှု သည် အထည်ချုပ် အလုပ်သမား များနှင့် အာဏာပိုင်များ အကြား အဓိကရုဏ်းများ ဖြစ်ပွားပြီး နောက်တစ်ရက် တွင် မြို့တော် ဒါကာ ၏ အပြင်ဘက်ရှိ ဂါဇီပူ စက်မှုဇုန် ရှိ Standard Group အဆောက်အအုံ ၌ ဒေသ စံတော်ချိန် ည ၁၁ နာရီတွင် ဖြစ်ပွား ခဲ့ခြင်း ဖြစ်သည်။ (ပုံ)
အဆိုပါ မီးလောင်ကျွမ်း ခဲ့သည့် စက်ရုံ တစ်ခုကို အလျင်အမြန် မီးငြှိမ်း သတ် နိုင်ခဲ့ သော်လည်း အခြား တစ်ခုမှာ တစ်ညလုံး မီးလောင်ကျွမ်း ခဲ့ကြောင်း နှင့် ကုန်အပြည့် တင်ဆောင် ထားသည့် ကုန်တင်ယာဉ် ၁၅ စီးမှာ မီးလောင် ပျက်စီးခဲ့ကြောင်း မီးသတ်ဌာန မှ တာဝန်ရှိသူ မာဘူဘာရာမန် က AFP သတင်းဌာန သို့ ပြောကြား ခဲ့သည်။
မီးလောင်ကျွမ်း မှုကြောင့် အထည်ချုပ် စက်ရုံသည် ဒေါ်လာသန်း ၁၀၀ တန်ဖိုးရှိ အထည်များ ၊ စက်ပစ္စည်းများ ၊ ပြည်ပသို့ ပို့ဆောင်ရန် စီစဉ်ထား သည့် ပရိဘောဂ ပစ္စည်းများ မီးလောင် ပျက်စီး ဆုံးရှုံး ခဲ့ကြောင်း ဘင်္ဂလားဒေ့ရှ် အထည်ချုပ် လုပ်ငန်း နှင့် ပို့ကုန် လုပ်ငန်းရှင်များ အသင်းမှ ဒုတိယ ဥက္ကဋ္ဌ ရီအက်ဇ်ဘင်မာမွတ် က ပြောကြား ခဲ့ကြောင်း သိရသည်။
အဆိုပါ အထည်ချုပ် စက်ရုံမီးလောင်း ကျွမ်းမှု နှင့် စပ်လျဉ်း၍ စုံစမ်း မှုများ ဆောင်ရွက်လျက် ရှိကြောင်း သိရှိရသည်။
.jpg)
No comments:
Post a Comment