ငါ့သရောက်-ကျောက်ပန်းတောင်း ကျေးလက်လမ်း ပျက်စီးနေသော လမ်းပိုင်းများအား ပြုပြင်လျက်ရှိ

-

ငါ့သရောက်  ဖေဖော်ဝါရီ  ၆ 

-

မန္တလေးတိုင်းဒေသကြီး ညောင်ဦးခရိုင် အတွင်းရှိ ကျောက်ပန်းတောင်းမြို့နှင့် ငါ့သရောက်မြို့သို့ ဆက်သွယ်ထားသောပျက်စီးနေသည့် ကျေးလက်လမ်းနေရာများအား ယနေ့နံနက်ပိုင်းမှ စတင်၍ ပြုပြင်နေပြီဖြစ်ကြောင်း သိရသည်။ 

-

အဆိုပါ ကျောက်ပန်းတောင်းမြို့နှင့် ငါ့သရောက်မြို့သို့ ဆက်သွယ် ဖောက်လုပ်ထားသော လမ်းသည် ဗျတ္တပန်းဆက်လမ်း ဂျမ်းလှီးကျေးရွာ မြောက်ဘက်နားမှ ငါ့သရောက်မြို့ ဗြူကြီးကျေးရွာအဝင်ဆိုင်းဘုတ်အထိ ချိုင့်ခွက်ကြီးများ ဖြစ်ပေါ်နေသည်။ ''ဘက်ဟိုးတစ်စီး၊ မြေသယ်ထော်လာဂျီ သုံးစီး၊ ဖောကား နှစ်စီး အားလုံးခြောက်စီးနဲ့ ဝိုင်းဝန်းပြုပြင်နေတာပါ။ အလှူငွေပေါ်မူတည်ပြီးပြုလုပ်သွားမှာဖြစ်ပါတယ်''ဟု တာဝန်ရှိသူ တစ်ဦးက ပြောသည်။ 

-

ငါ့သရောက်မြို့ တောင်ဘက်ခြမ်းကျေးရွာများသည် ဈေးရောင်းဈေးဝယ်ရာတွင်ယင်းကျေးလက်လမ်း တစ်လမ်းကိုသာ မှီခိုအားထားနေရပြီး ကုန်ပစ္စည်းများ ကျောက်ပန်းတောင်း မြို့သို့သွားရောက်ရောင်းချရာတွင် လမ်းမကောင်းသည့် အတွက်အချိန်ကြန့်ကြာကြောင်း၊ ကုန်ထုတ်လမ်းအဖြစ် အဆင့်မြှင့်တင် ပေးနိုင်လျှင် ကုန်စည်စီးဆင်းမှု မြန်ဆန်ကာ ကျေးလက်နေပြည်သူတို့ဘဝတစ်ထောင့်တစ်နေရာမှ အထောက်အကူဖြစ်စေနိုင်ကြောင်း သိရသည်။

-

#မြ၀တီနေ့စဉ်သတင်းစာ