ပြည်ပ သွင်းကုန် အစားထိုးနိုင်မည့် DENTOMEC သွားတိုက်တံနှင့် သွားတိုက်ဆေး စက်ရုံ ဖွင့်ပွဲ အခမ်းအနား ကျင်းပ

-
နေပြည်တော်၊  ဇန်န၀ါရီ- ၂
-
ပြည်ပသွင်းကုန် အစားထိုးနိုင်ရန်နှင့် ပြည်သူများ ကျန်းမာရေးနှင့် ညီညွတ်ပြီး ဈေးနှုန်း သက်သာစွာ အသုံးပြုနိုင်ရန် ရည်ရွယ် တည်ဆောက်ခဲ့သည့်  မြန်မာစီးပွားရေး ကော်ပိုရေးရှင်း ၊ DENTOMEC  သွားတိုက်တံနှင့် သွားတိုက်ဆေး စက်ရုံဖွင့်ပွဲ အခမ်းအနားအား ယနေ့နံနက် ပိုင်းတွင် ရန်ကုန်တိုင်း ဒေသကြီး၊ မင်္ဂလာဒုံမြို့နယ်၊ ရန်ကုန်-ပြည် ကားလမ်းမကြီး အနီးရှိ အဆိုပါ စက် ရုံရှေ့၌ ကျင်းပပြုလုပ်ရာ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက်ဖွင့်လှစ်ပေးသည်။
-
အဆိုပါ အခမ်းအနားသို့ ကာကွယ်ရေး ဦးစီးချုပ်(ရေ) ဗိုလ်ချုပ်ကြီး တင်အောင်စန်း၊ ကာကွယ်ရေး ဦးစီးချုပ်(လေ) ဗိုလ်ချုပ်ကြီး မောင်မောင်ကျော်၊ ကာကွယ်ရေး ဦးစီးချုပ်ရုံး (ကြည်း)မှ တပ်မတော် အရာရှိကြီးများ၊ ရန်ကုန်တိုင်း စစ်ဌာနချုပ် တိုင်းမှူး ဗိုလ်ချုပ် သက်ပုံ၊ သွားဘက်ဆိုင်ရာ ဆေးပညာအဖွဲ့မှ တာဝန်ရှိသူများ၊ ဖိတ်ကြားထားသည့် ဧည့်သည်တော်များ၊ စက်ရုံအမှုထမ်းများ တက်ရောက် ကြသည်။
-

-
ဦးစွာ မြန်မာစီးပွားရေး ကော်ပိုရေးရှင်း ဥက္ကဋ္ဌ စစ်ထောက်ချုပ် ဒုတိယ ဗိုလ်ချုပ်ကြီး ညိုစော၊ ရန်ကုန်တိုင်း စစ်ဌာနချုပ် တိုင်းမှူး ဗိုလ်ချုပ် သက်ပုံနှင့် မြန်မာစီးပွားရေး ကော်ပိုရေးရှင်း ဦးဆောင်ညွှန်ကြားရေးမှူး ဦးသန့်ဆွေတို့က DENTOMEC  သွားတိုက်တံနှင့် သွားတိုက်ဆေး စက်ရုံအား ဖဲကြိုးဖြတ် ဖွင့်လှစ်ပေးကြသည်။ ထို့နောက် တပ်မတော် ကာကွယ်ရေး ဦးစီးချုပ် က DENTOMEC သွားတိုက်ဆေးစက်ရုံအား စက်ခလုပ်နှိပ် ဖွင့်လှစ်ပေးပြီး စက်ရုံကမ္ပည်း မော်ကွန်းအား အမွှေးနံ့သာရည်များ ပက်ဖျန်းပေးသည်။ ယင်းနောက် ဖွင့်ပွဲအထိမ်းအမှတ် စုပေါင်းဓာတ်ပုံ ရိုက်ကူးကြသည်။
-

-
၎င်းနောက် တပ်မတော် ကာကွယ်ရေး ဦးစီးချုပ်က စက်ရုံဖွင့်ပွဲ အထိမ်းအမှတ် အမှာစကား ပြောကြားရာ၌  နိုင်ငံတော် တစ်ခုတွင်  နိုင်ငံရေး၊ ကာကွယ်ရေးနှင့် စီးပွားရေး မောင်းနှင်အား ၃ ခုရှိကြောင်း၊ အဆိုပါ ၃ ခုအနက်စီးပွားရေး မောင်းနှင်အားသည် အရေးကြီးဆုံး ဖြစ်ကြောင်း၊ စီးပွားရေး မောင်းနှင် အားကောင်းမှသာ ပြည်သူလူထု စားဝတ်နေရေး အဆင်ပြေ ကျေနပ်နှစ် သိမ့်မှုရရှိကာ နိုင်ငံရေးအရ တည်ငြိမ်အေးချမ်းမှု ရရှိစေမည်ဖြစ်သကဲ့သို့ ကာကွယ်ရေး စွမ်းအားကိုလည်း မြှင့်တင်နိုင်မည် ဖြစ်ကြောင်း၊ မိမိတို့အနေဖြင့် နိုင်ငံတော်၏ စီးပွားရေး ဖွံ့ဖြိုးတိုးတက် မှုကို အထောက်အကူ ဖြစ်စေရန်အတွက် ပြည်တွင်း၌ လူတိုင်း အမှန်တကယ်အသုံးပြုနေကြရသည့် ပြည်တွင်းဈေးကွက် လိုအပ်ချက်ရှိနေသည့် လူသုံးကုန်နှင့် စားသောက်ကုန် ပစ္စည်းများကို ထုတ်လုပ်နိုင်ရန် ကြိုးစား ဆောင်ရွက်ရမည်ဖြစ်ပြီး ပြည်တွင်း ထုတ်ကုန်များ ဈေးကွက်ရရှိရန် လိုအပ်ကြောင်း၊ မိမိတို့နိုင်ငံတွင် သွားတိုက်တံနှင့် သွားတိုက်ဆေးများ ပြည်ပမှ တင်သွင်းမှု အနေဖြင့် ၂၀၁၇-၂၀၁၈ ဘဏ္ဍာရေးနှစ်တွင် သွားတိုက်တံ အမေရိကန် ဒေါ်လာ ၅ ဒသမ ၄၆ သန်းဖိုး၊ သွားတိုက်ဆေး ၂၂ ဒသမ ၂၆ သန်းဖိုး၊ ၂၀၁၈ ခုနှစ် Mini Budget တွင် သွားတိုက်တံ အမေရိ ကန်ဒေါ်လာ ၄ ဒသမ ၄၅ သန်းဖိုး၊ သွားတိုက်ဆေး ၃ ဒသမ ၃၄ သန်းဖိုး တင်သွင်းခဲ့ရခြင်းသည် ယခုကဲ့သို့ ပြည်ပ သွင်းကုန် အစားထိုး လုပ်ငန်းများ မရှိခြင်းကြောင့် ဖြစ်ကြောင်း ပြောကြားသည်။
-
ယင်းနောက် ပြည်ပသွင်းကုန် အစားထိုး ဆောင်ရွက်နိုင်ရန်အတွက် နိုင်ငံခြားငွေသုံးစွဲမှု လျှော့ချ နိုင်ရန်မျှော်မှန်းချက် ထားဆောင်ရွက်ရန် လိုအပ်ကြောင်း၊ ပြည်တွင်း၏ ဈေးကွက်တွင် ပြည်ပမှ တင်သွင်းသည့်(Import) Market Shareများနေပါက ပြည်တွင်းမှ ပြည်ပသို့ ငွေကြေး စီးဆင်းမှုများ သွားမည်ဖြစ်ကြောင်း၊ ထို့ကြောင့်  ပြည်တွင်း သယံဇာတများကို ထုတ်ယူရောင်း ချခြင်းထက် ကုန်ချောအဖြစ် ပြည်တွင်း  ထုတ်ကုန်များ

ထုတ်လုပ်ကာ ပြည်တွင်းဈေးကွက်အား မိမိရရဆုပ်ကိုင် နိုင်ရေးနှင့် ပြည်တွင်းဖြစ်ကိုအားပေးကြရန် လိုကြောင်း၊ စစ်ပြီးခေတ်တွင် ဂျပန်နိုင်ငံသည် ပြာပုံ ဘ၀မှ နေ၍ ပြည်တွင်းဖြစ်ကို အားပေးပြီး စစ်ရှုံးနိုင်ငံမှနေ၍ စီးပွားရေး ကောင်းမွန်သည့် နိုင်ငံအဖြစ် ရောက်ရှိခဲ့ကြောင်း၊ ကိုရီးယားနိုင်ငံသည်လည်း အလားတူပင်ဖြစ်ကြောင်း၊ ပြည်တွင်း ထုတ် ကုန်များ နည်းပါးပြီး ပြည်တွင်းဝယ်လိုအား များပြားခြင်းကြောင့် ပြည်ပမှကုန်များတင်သွင်းရသည့်အတွက် ငွေကြေးဖောင်းပွမှု အကျိုးဆက်များ ဖြစ်ပေါ် လာခြင်း ဖြစ်ကြောင်း၊ နှစ်စဉ်ကုန်သွယ်မှု လိုငွေ အမြဲပြနေပြီး လျှော့ချသော်လည်း  ဒေါ်လာ သန်းရာနှင့်ချီ၍ လိုနေသေးကြောင်း၊ အဆိုပါကိစ္စရပ်များသည် တိုင်းပြည်အတွက် များစွာ ထိခိုက်စေနိုင်ကြောင်း၊ ထို့ကြောင့် ကုန်ထုတ်လုပ်ငန်း များနှင့် ဆက်စပ်ပတ်သက်သည့် ကုမ္ပဏီများနှင့် စီးပွားရေး လုပ်ငန်းကို ကောင်းမွန်စွာ အသုံးချပြီး နိုင်ငံ၏ ကုန်သွယ်မှုလိုငွေလျှော့ချ သွားရန် တိုက်တွန်းလိုကြောင်း ပြောကြားသည်။
-
ထို့ပြင် အလုပ်အကိုင် အခွင့်အလမ်းနှင့် ပတ်သက်ပြီး မိမိတို့နိုင်ငံတွင် လူဦးရေ သန်း ၅၀ ကျော်ခန့်ရှိပြီး အလုပ်လုပ်နိုင်သူ ၃၃ သန်းခန့်ရှိကာ အမှန်တကယ် အလုပ်လုပ်သူ ၂၁ သန်း ကျော် ရှိကြောင်း၊ တချို့မှာပြည်ပတွင်သွားရောက် လုပ်ကိုင်နေသူများ ဖြစ်သည်ကို စစ်တမ်းများအရ သိရှိရကြောင်း၊ ပြည်တွင်း၌ အလုပ်အကိုင် အခွင့်လမ်းများ ဖော်ဆောင် ပေးရန် လိုအပ်ပြီး ပြည်ပသို့ သွားရောက် လုပ်ကိုင်သူများ နည်းသွားမှသာ နိုင်ငံအတွက် အကျိုးရှိမည် ဖြစ်ကြောင်း၊ သယံဇာတကို အခြေခံပြီး ထုတ်လုပ်သည့် ကုန်ထုတ်လုပ်မှုများကို ဆောင်ရွက် ရမည်ဖြစ်ကြောင်း၊ ယခု သွားတိုက်တံနှင့် သွားတိုက်ဆေးစက်ရုံအား ပြည်ပသွင်းကုန်အစားထိုးနိုင်ရန်အတွက် ရည်ရွယ်ဆောင်ရွက် ခဲ့ခြင်းဖြစ်ပြီး နိုင်ငံ၏စီးပွားရေးနှင့် လူမှုရေးကဏ္ဍများတွင် တစ်စိတ်တစ်ပိုင်း အထောက် အကူ ရရှိမည်ဟု ယုံကြည်ပါကြောင်း၊ ထို့အပြင် ရေ၊ လျှပ်စစ်ဓာတ်အားနှင့်အခြားသုံးစွဲမှုများကိုလည်း လိုအပ်သလောက်သာ ခြိုးခြံချွေတာခြင်းဖြင့် စီးပွားရေးကို အထောက်အကူ ရရှိစေ မည်ဖြစ်ကြောင်း၊ ယခုကဲ့သို့ ပြည်တွင်း ကုန်ထုတ်လုပ်မှု လုပ်ငန်းများကို အားလုံးပူးပေါင်း၍ အောင်မြင်အောင် ဆောင်ရွက်ပြီး နိုင်ငံ၏ စီးပွားရေးကို ဖွံ့ဖြိုးတိုးတက်အောင် ဆောင်ရွက်ခြင်းဖြင့် နိုင်ငံရေး ရည်မှန်းချက်များ အောင်မြင်မည်ဖြစ်ကြောင်း ပြောကြားသည်။
-

-
ယင်းနောက် မြန်မာစီးပွားရေး ကော်ပိုရေးရှင်း ဦးဆောင် ညွှန်ကြားရေးမှူး ဦးသန့်ဆွေက စက်ရုံဆိုင်ရာ အချက်အလက်များကို ရှင်းလင်းတင်ပြသည်။ ၎င်းနောက် မြန်မာစီးပွားရေး ကော်ပိုရေးရှင်း ဥက္ကဋ္ဌ စစ်ထောက်ချုပ် ဒုတိယ ဗိုလ်ချုပ်ကြီး ညိုစောက တပ်မတော် ကာကွယ်ရေး ဦးစီးချုပ်နှင့် ကာကွယ်ရေး ဦးစီးချုပ်(ရေ)၊ ကာကွယ်ရေး ဦးစီးချုပ်(လေ) တို့အား စက်ရုံဖွင့်ပွဲ အထိမ်းအမှတ် လက်ဆောင်ပစ္စည်းအား ပေးအပ်သည်။ ထို့နောက်တပ်မတော် ကာကွယ်ရေးဦးစီးချုပ်က စက်ရုံတည်ဆောက်မှုတွင် ပါဝင်ခဲ့သည့် နိုင်ငံခြားသား ပညာရှင်များအား သစ်သီးခြင်းလက်ဆောင် ပေးအပ်သည်။
-
၎င်းနောက် တပ်မတော် ကာကွယ်ရေး ဦးစီးချုပ်နှင့် အခမ်းအနား တက်ရောက်လာ ကြသူများသည် စက်ရုံအတွင်း သွားတိုက်တံနှင့် သွားတိုက်ဆေးများ ထုတ်လုပ်နေမှု အခြေ အနေများအား လှည့်လည် ကြည့်ရှုကြသည်။ အဆိုပါ DENTOMEC  သွားတိုက်တံနှင့် သွားတိုက် ဆေးစက်ရုံတွင် ဂျာမနီနိုင်ငံနှင့် ဆွီဒင်နိုင်ငံတို့မှ နည်းပညာများဖြင့် နိုင်ငံတကာ အဆင့်မီ စက်သစ်ကြီးများ အသုံးပြုကာ ပြည်ပသွင်းကုန် အစားထိုး (Import Substitution) ထုတ်ကုန်အဖြစ် ကျန်းမာရေးနှင့် ညီညွတ်ပြီး ဈေးနှုန်းသက်သာသည့် သွားတိုက်တံနှင့် သွားတိုက်ဆေးများကို ဈေးကွက်အတွင်းသို့ ထုတ်လုပ်ဖြန့်ဖြူးသွားမည် ဖြစ်ကြောင်း သတင်း ရရှိသည်။
-
#မြ၀တီနေ့စဉ်သတင်းစာ