မူဆယ်မြို့နယ်၊ ဟိုနောင်ကျေးရွာ အနီး၌ ငွေကျပ် သိန်းပေါင်း ၃ဝဝဝ ကျော်တန်ဖိုးရှိ မူးယစ်ဆေးဝါး သယ်ဆောင်လာသူများအား ဖမ်းဆီးရမိ

-

နေပြည်တော်  ဇန်နဝါရီ  ၆ 

-

ရှမ်းပြည်နယ်(မြောက်ပိုင်း)၊   မူဆယ်မြို့ နယ်အတွင်း လုံခြုံရေး ဆောင်ရွက်နေသော ပူးပေါင်းအဖွဲ့က ဟိုနောင်ကျေးရွာလမ်းခွဲ၌ မော်တော်ယာဉ်ဖြတ်သန်း သွားလာမှုများအား စစ်ဆေးစဉ် ဇန်နဝါရီ ၅ ရက် ညနေ ၃ နာရီ ၄၅ မိနစ်ခန့်တွင် မူဆယ်(၁ဝ၅)မိုင် ကျောက်တိုင်လမ်းခွဲ-ကျန်စန်းကျော့ လမ်းခွဲအတိုင်း လားရှိုးမြို့ဘက်သို့ ယာဉ်မောင်း တွမ်ရင်ရိန်း(ဘ)  ဦးတွမ်ဆင်းလုံး မာင်းနှင်ပြီး ရန်ဆိုင်လျန်(ဘ) ဦးရန်ခြောက်ကျီ လိုက်ပါလာသော ISUZU အမျိုးအစား ၁၂ ဘီးယာဉ်အမှတ်၊  YGN/------ အား ရပ်တန့်ရှာဖွေရာ ယာဉ်ပေါ်မှ ဆာလာအိတ် ၁၇ဝ အိတ်ဖြင့် ထုပ်ထားသော ကဖင်းအဖြူရောင်အမှုန့် ၄၂၅ဝ ကီလိုခန့်၊ စက္ကူပုံး ၇ဝ ပုံးဖြင့် ထည့်ထားသည့် အမိုနီယမ်ကလိုရိုက် အဖြူရောင်အမှုန့် ၁၇၅ဝ ကီလိုခန့် (စုစုပေါင်းခန့်မှန်း တန်ဖိုးငွေ ကျပ်သိန်းပေါင်း ၃ဝဝဝ ကျော်)နှင့် မူးယစ်ဆေးဝါးပြုလုပ်ရာတွင် အသုံးပြုသည့် ဆက်စပ်ပစ္စည်းများနှင့် အတူဖမ်းဆီးရမိခဲ့သည်။ 

-

အဆိုပါဖမ်းဆီးရမိ မော်တော်ယာဉ်၊ မူးယစ်ဆေးဝါးနှင့် ဆက်စပ်ပစ္စည်းများ၊ ဖမ်းဆီးရမိသူများအား မူဆယ်မူးယစ်တပ်ဖွဲ့စုသို့ စနစ်တကျ လွှဲပြောင်းအပ်နှံပြီး တရားဥပဒေအရ အမှုဖွင့်အရေးယူ ဆောင်ရွက်လျက်ရှိကြောင်း သတင်းရရှိသည်။ 

-

(၁ဝဝ)

-

#မြ၀တီနေ့စဉ်သတင်းစာ