မိုးမိတ်မြို့နယ်၊ နားယုတ်ကျေးရွာအနီးရှိ ဖောင်းကတော့ သစ်တောကြိုးဝိုင်း၌ တရားမဝင် သစ်များနှင့် ဆက်စပ်ပစ္စည်းများ သိမ်းဆည်းရမိ

-

နေပြည်တော် ဇန်နဝါရီ ၁ဝ 

-

ရှမ်းပြည်နယ်(မြောက်ပိုင်း)၊ မိုးမိတ်မြို့နယ်၊ နားယုတ်ကျေးရွာ၏ အနောက်တောင်ဘက် ၆ မိုင်ခန့်အကွာရှိ ဖောင်းကတော့သစ်တောကြိုးဝိုင်းသို့ ဌာနဆိုင်ရာ တာဝန်ရှိသူများ ပါဝင်သော ပူးပေါင်းအဖွဲ့က ဇန်နဝါရီ ၉ ရက် နံနက် ၉ နာရီခွဲခန့်တွင် သတင်းအရ သွားရောက်စစ်ဆေးရာ အဆိုပါနေရာတစ်ဝိုက်၌ စုပုံထားသော တရားမဝင် ကျွန်းသစ်တန်၂ဝ ခန့်၊ သစ်ထုတ်ရာတွင် အသုံးပြုသည့် ဂျင်ဒေါင်းအမျိုးအစား၂၂ ကောင်အင်ဂျင်တပ် သစ်ခွဲစက်တစ်လုံးနှင့် ဆက်စပ်ပစ္စည်းများကို ပိုင်ရှင်မဲ့ သိမ်းဆည်းရမိခဲ့သည်။ 

-

-

အဆိုပါသိမ်းဆည်းရမိ တရားမဝင် ကျွန်းသစ်များနှင့် ဆက်စပ်ပစ္စည်းများအား မိုးမိတ်မြို့နယ်၊ သစ်တောဦးစီး ဌာနချုပ်သို့ စနစ်တကျ လွှဲပြောင်းအပ်နှံ သွားမည်ဖြစ်ကြောင်း သတင်းရရှိသည်။

-

(၁ဝဝ)

-

#မြ၀တီနေ့စဉ်သတင်းစာ