www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Friday, December 28, 2018

ဝန်ဆောင်ခနှင့် အခွင့်အလမ်း ကွာခြားသဖြင့် ထိုင်းနိုင်ငံသို့ ရွှေ့ပြောင်းလုပ်သား အများဆုံး သွားရောက်

-
ရန်ကုန်   ဒီဇင်ဘာ   ၂၇ 
-
ထိုင်းနိုင်ငံသို့ သွားရောက်သည့် ဝန်ဆောင်ခနှုန်းထားနှင့် အခွင့်အလမ်း ကွာခြားသဖြင့် ယခုနှစ်အတွင်း    ယမန် နှစ်များကထက် ထိုင်းနိုင်ငံသို့ ရွှေ့ပြောင်းလုပ်သား အများဆုံး  သွားရောက်နေကြောင်းမြန်မာပြည်ပ အလုပ် အကိုင် ဝန်ဆောင်မှု လုပ်ငန်းရှင်များ အဖွဲ့ချုပ်(Myanmar  Oversea  Employment Agencies  Fedration-MOEAF) မှ  တွဲဖက်အထွေထွေ အတွင်းရေးမှူး   (၁) ဦးမြတ်သူထံမှ သိရသည်။
-
ပြည်ပနိုင်ငံများသို့ သွားရောက် အလုပ်လုပ်ကိုင်ရာတွင်  ဘာသာစကား ကျွမ်းကျင်မှုနှင့် တစ်ဦးချင်း စွမ်းရည်များအလိုက် သွားရောက်သည့် နိုင်ငံကွာခြားမှုရှိပြီး မြန်မာနိုင်ငံမှ ရွှေ့ပြောင်းလုပ်သားများသည် ကျေးလက်ဒေသများမှ ဖြစ်၍  ထိုင်းနိုင်ငံနှင့်  မလေးရှားနိုင်ငံတို့သို့ အခြေခံ လုပ်သားများအဖြစ် သွားရောက်မှု အများဆုံးဖြစ်ကြောင်း သိရသည်။ 
-
ထိုင်းနိုင်ငံသို့  တစ်လလျှင် တရားဝင် လုပ်သားတစ်သောင်း ဝန်းကျင်အထိ သွားရောက်နေကြောင်း သိရသည်။ ''အရင်နှစ်တွေက မလေးရှားကို သွားတာများတယ်။ နောက်ပိုင်း ထိုင်းနဲ့   မြန်မာ ယဉ်ကျေးမှုကနီးစပ်တဲ့အတွက် ထိုင်းကို သွားတဲ့သူ ပိုများလာတယ်'' ဟု  ဦးမြတ်သူက ပြောသည်။ 
-
ထို့ပြင် ထိုင်းနိုင်ငံသို့ သွားရောက်ရာတွင် ဝန်ဆောင်ခနှုန်းထားမှာ  ငွေကျပ်နှစ်သိန်း ဝန်းကျင်သာရှိပြီး မလေးရှားနိုင်ငံသို့ သွားရောက်ရန်  အခွင့်အလမ်းနှင့် ဝန်ဆောင်ခ ဈေးနှုန်းအရ ကွာခြားမှုများ ရှိနေသဖြင့်ထိုင်းနိုင်ငံသို့ သွားရောက်မှု   ပိုမိုများပြားလာခြင်းဖြစ်ကြောင်း သိရသည်။ 
-
မြန်မာနိုင်ငံမှ ရွှေ့ပြောင်းလုပ်သားများသည် ထိုင်း၊ မလေးရှားနှင့် စင်ကာပူ နိုင်ငံတို့သို့ အဓိက သွားရောက်နေပြီး ဂျပန်နိုင်ငံ၏ လုပ်သားလိုအပ်ချက်အရ လာမည့်နှစ်တွင် ယခုနှစ်ထက် ဂျပန်နိုင်ငံသို့သွားရောက်သူ ပိုမိုများပြားနိုင်ကြောင်း သိရသည်။
-
#မြ၀တီနေ့စဉ်သတင်းစာ

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger