မန္တလေးတိုင်းဒေသကြီး ညောင်ဦးခရိုင်အတွင်းရှိ မြို့ နယ်များ၌ ပဲစင်းငုံစိုက်ပျိုးမှုနည်းပါးလာ

ညောင်ဦး အောက်တိုဘာ ၁၄ 

-

မန္တလေးတိုင်းဒေသကြီး ညောင်ဦးခရိုင် အတွင်းရှိမြို့နယ်များ၌ ပဲစင်းငုံစိုက်ပျိုးမှု မရှိသလောက် နည်းပါးလာကြောင်းသိရသည်။ အဆိုပါပဲစင်းငုံကို ဧပြီနှင့်မေလ နှမ်းနှင့်အတူရောပြီး စိုက်ပျိုးထားလေ့ရှိကာ 

သြဂုတ်လ နှမ်းများနုတ်သိမ်းချိန် ပဲစင်းငုံပင်များ မြေဆွပေးသကဲ့သို့ဖြစ်ကာ အပင်များ ကြီးထွားလာသည်။ ပဲစင်းငုံသည် သီတင်းကျွတ်၊ တန်ဆောင် မုန်းလတို့တွင် အဖူးအပွင့်ပွင့်ပြီး မိုးများလျှင် အပွင့်များအသီးမတင်တော့ဘဲ အထွက်နှုန်းလျော့ကျခြင်း၊ အပင်များသာ ကိုင်းထွက် ကိုင်းဖျားဝေဆာနေခြင်း၊ ကြဲပက်စိုက်ပျိုးရာတွင် အပင်စိပ်လျှင် အပင်ဖြစ်ထွန်းမှုညှပ်ခြင်း များကြောင့် အပင်ငယ်စဉ်အချိန်တွင် ခွဲထုတ်ပေးမှသာ ပဲစင်းငုံအထွက်နှုန်းကောင်းမွန်သည်။

-

ယခုအခါ ညောင်ဦးခရိုင်အတွင်းရှိ မြို့နယ်များတွင် ပဲစင်းငုံစိုက်ပျိုးကြဲပက်ခြင်း မရှိသလောက်ဖြစ်နေပြီး စိုက်ပျိုးသည့် ရက်မှ ခုတ်သိမ်းချိန်ထိ ကိုးလကျော်ကြာကာ ပဲစင်းငုံစိုက်ပြီးပါက နောက်အခြားသီးနှံ စိုက်ပျိုးလျှင် ဖြစ်ထွန်းမှုအားနည်းသွားသည်။

-

ပဲစင်းငုံခုတ်ချိန်တွင်လည်း အရင်က ထန်းလျက်ချက်လုပ်ရန်အတွက် ထန်းသမား မိသားစုများက ပဲစင်းငုံအပင်ယူကာ ခုတ်ပေးပြီး ပဲစင်းငုံသိမ်းပြီးသည်အထိ ပဲစင်းငုံအပင်ယူ စနစ်ဖြင့်လုပ်ကိုင်လာကြကြောင်း၊ ထန်းတက်သမား ထန်းလုပ်ငန်းလျော့နည်းသွားခြင်းသည်လည်း ပဲစင်းငုံစိုက်ပျိုးမှုကို အကျိုးသက်ရောက်မှုဖြစ်စေကြောင်း၊ ငါ့သရောက်မြို့ ကုလားတဲကျေးရွာ အုပ်ချုပ်ရေးမှူး ဦးသန်းထိုက်ကပြောသည်။

-

ယခုအခါ လယ်ယာမြေများထွန်ယက် စိုက်ပျိုးရာတွင် လယ်ထွန်စက်ကြီးများဖြင့် ထွန်ယက်စိုက်ပျိုးလာရာ ပဲစင်းငုံစိုက်ပျိုး ခုတ်ယူထားသည့် ယာရှင်များ အငှားခေါ်လျှင် အငှားလိုက် မထွန်ရဲကြဘဲ ပဲစင်းငုံငုတ်များက

ထွန်စက် ဘီးများကို ဘီးပေါက်အောင် အမြဲဒုက္ခပေးသောကြောင့် ပဲစင်းငုံစိုက်ပျိုးမှု နည်းလာခြင်းဖြစ်ကာ ပဲစင်းငုံဈေးကွက် ဈေးနှုန်းမခိုင်မာမှုကလည်း တောင်သူများ အတွက် အဓိကထိုးနှက်ချက်ဖြစ်ကြောင်း သိရသည်။

-

ကိုထိန်(ငါ့သရောက်)

#မြ၀တီနေ့စဉ်သတင်းစာ