www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Monday, October 8, 2018

ကျောင်းပေါင်း ၁၈ ကျောင်းတွင် ပြေးဆွဲနေသော ကျောင်းကားများကို စုစည်း၍ အများပိုင် ကုမ္ပဏီ ဖွဲ့စည်းရန် ညှိနှိုင်း ဆွေးနွေး



ရန်ကုန် အောက်တိုဘာ ၇
-
ရန်ကုန်တိုင်းဒေသကြီးအတွင်း ကျောင်းပေါင်း ၁၈ ကျောင်းတွင် ပြေးဆွဲနေသော ကျောင်းကားများ စုစည်း၍ အများပိုင်ကုမ္ပဏီ ဖွဲ့စည်းရန် ညှိနှိုင်းဆွေးနွေးပွဲကို ယနေ့ ညနေပိုင်းတွင် တာမွေမြို့နယ် ရွှေထွဋ်တင်ကွင်း၌ ပြုလုပ်ခဲ့သည်။
-
ရန်ကုန်တိုင်းဒေသကြီး အစိုးရအဖွဲ့မှ မြန်မာနိုင်ငံ လိုင်စင်ရ ကန်ထရိုက်တာများ အသင်းထံသို့ ကျောင်းကားအစီးရေ ၂ဝဝ ဝယ်ယူရာတွင် ၅ ဒသမ ၅ ဘီလီယံ ရှယ်ယာ ထည့်ရန်၂ဝ၁၈ ခုနှစ် သြဂုတ်လက ကမ်းလှမ်း ခဲ့ကြောင်း သိရသည်။
-
''သက်ဆိုင်ရာ အာဏာပိုင်အဖွဲ့ YRTA က ကျွန်တော်တို့ မြန်မာနိုင်ငံ လိုင်စင်ရ ကန်ထရိုက်တာများ အသင်းကို ကျောင်းကား အစီးရေ ၂ဝဝ ဝယ်ယူဖို့ လွန်ခဲ့တဲ့ နှစ်လ ကျော် သုံးလကတည်းက ကမ်းလှမ်းခဲ့တယ်။ ကျွမ်းလည်း မကျွမ်းကျင်ပါဘူး။ လက်ရှိ ကျောင်းကားလုပ်ငန်း လုပ်နေတဲ့ လုပ်ငန်းရှင်တွေအပေါ်ကို လုပြီးတော့ လုပ်တဲ့သဘော သက်ရောက်မှာ စိုးတဲ့အတွက် လုပ်ငန်းရှင်တွေနဲ့ ပူးပေါင်းပြီး ဆောင်ရွက်မယ်ဆိုပြီး အခုလို အများပိုင်ဖွဲ့ဖို့ ကမ်းလှမ်းခဲ့တာပါ''ဟု မြန်မာနိုင်ငံ လိုင်စင်ရကန်ထရိုက်တာများ အသင်းဥက္ကဋ္ဌ ဦးကျော်ဝင်း ကပြောသည်။
-
ယင်းကဲ့သို့အများပိုင် ခေါ်ယူရာတွင် အစုတစ်စုလျှင် တစ်သောင်းနှုန်းဖြင့် သတ်မှတ်ထားပြီး မိမိစိတ်ကြိုက် တစ်သောင်းမှစ၍ ပါဝင်နိုင်ကြောင်း သိရသည်။
-
ကျောင်းကားအများပိုင်ကုမ္ပဏီ ဖွဲ့စည်းတည်ထောင်မည်ဆိုပါက အစိုးရ၊ မြန်မာနိုင်ငံ လိုင်စင်ရ ကန်ထရိုက်တာများ အသင်းနှင့် မူလပြေးဆွဲနေသော တစ်နိုင်တစ်ပိုင်ကျောင်း ကားလုပ်ငန်းရှင်များ စုပေါင်းကာ ဆောင်ရွက် မည်ဖြစ်ကြောင်း သိရသည်။
-
''အခုက အများပိုင်ကုမ္ပဏီ တည်ထောင်ဖို့အတွက် ဆွေးနွေးညှိနှိုင်းတာပဲ ရှိပါသေးတယ်။အခု ရှယ်ယာထုတ်ရောင်းတာ မဟုတ်ပါဘူး။တစ်ယောက်ထဲ မလုပ်ချင်လို့ ပူးပေါင်းဆောင်ရွက်ဖို့အတွက် ရှယ်ယာထည့်ပြီး ပါဝင်ခိုင်း တာပါ။ ကုမ္ပဏီအောင်မြင်တဲ့ အပေါ်မှာ အကျိုးအမြတ်က ခံစားရမှာပါ။ ရှုံးရင်လည်း အတူတူပေါ့'' ဟု ၎င်းက ဆက်လက်ပြောသည်။
-
ကျောင်း၁၈ ကျောင်းတွင် အ-လ-က(၁) ဒဂုံ၊ အ-ထ-က(၁)ဒဂုံ၊ အလုံ(၄)၊ ဗိုလ်တထောင် (၂)၊ ဗိုလ်တထောင်(၃)၊ ဗိုလ်တထောင်(၄)၊ ဗိုလ်တထောင်(၅)၊ ဗိုလ်တထောင် (၆)၊ စမ်းချောင်း (၂)၊ TTC (ပြည်လမ်း)၊ TTC (ရန်ကင်း)၊ ပုစွန်တောင်(၄)၊ ကမာရွတ် (၂)၊ အ-မ-က(၁)ဗဟန်း၊ လသာ(၁)၊ လသာ(၂)၊ အထက(၂)မင်္ဂလာဒုံ စသည်တို့ ပါဝင်ကြောင်း သိရသည်။
-
အဆိုပါကျောင်းများ၌ လက်ရှိ ပြေးဆွဲနေသည့် ကျောင်းကား လုပ်ငန်းရှင်များမှလည်း ယခုညှိနှိုင်းပွဲတွင် ၎င်းတို့၏အခက်ခဲများကို ဆွေးနွေးခဲ့ကြကြောင်း သိရသည်။

-
#မြ၀တီနေ့စဉ်သတင်းစာ

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page