နေပြည်တော် အောက်တိုဘာ ၁၅
ရှမ်းပြည်နယ်(တောင်ပိုင်း)၊ လွိုင်လင်မြို့မှ တောင်ကြီးမြို့ဘက်သို့အထွက် ဟိုတင့်ကျေးရွာ အနီး၌ ဌာနဆိုင်ရာ တာဝန်ရှိ သူများ ပါဝင်သော ပူးပေါင်းအဖွဲ့သည် မော်တော်ယာဉ်ဖြတ်သန်း သွားလာမှုများအား သတင်းအရ စစ်ဆေးစဉ် အောက်တိုဘာ ၁၄ ရက် မွန်းတည့် ၁၂ နာရီခန့်တွင် လွိုင်လင်မြို့ဘက်မှ တောင်ကြီးမြို့ဘက်သို့ ယာဉ်မောင်း ညီညီလွင် (ဘ) ဦးမြသန်း မောင်းနှင်ပြီး ဘိုဘိုဝင်း(ဘ) ဦးတင်ဝင်း လိုက်ပါလာသည့် ၁၂ ဘီး ယာဉ် SCANIA အမျိုးအစား မော်တော်ယာဉ်အမှတ်၊ MDY 5P/---- အား ရပ်တန့်စစ်ဆေးရာ ယာဉ်ပေါ်မှ မူးယစ်ဆေးဝါး ချက်လုပ်ရာတွင် အသုံးပြုသည့် ဆာလဖျူရစ်အက်စစ် ၁၈ဝလီတာခန့်စီပါ ပလတ်စတစ်ပီပါ ၇၉ လုံး၊ စုစုပေါင်း ဆာလဖျူရစ် အက်စစ် ၁၄၂၂ဝ လီတာခန့် (စုစုပေါင်းခန့်မှန်းတန်ဖိုးငွေကျပ် သိန်းပေါင်း ၁၄ဝဝ ကျော်)နှင့်အတူ ဖမ်းဆီး ရမိခဲ့သည်။
-
-
အဆိုပါမူးယစ်ဆေးဝါးချက်လုပ်ရာတွင် အသုံးပြုသည့် ဆာလဖျူရစ်အက်စစ်များနှင့် အတူ ဖမ်းဆီးရမိသူများအား တရား ဥပဒေ အရ အမှုဖွင့်အရေးယူနိုင်ရန် လွိုင်လင်မြို့မ ရဲစခန်းသို့ စနစ်တကျ လွှဲပြောင်းအပ်နှံခဲ့ကြောင်း သတင်း ရရှိသည်။
-
#မြ၀တီနေ့စဉ်သတင်းစာ
.jpg)
No comments:
Post a Comment