တိုင်းပြည်၏အားသည် ပြည်တွင်းမှာသာရှိသည် ဆိုသည့်အတိုင်း အားလုံးစည်းလုံး ညီညွတ်မှုရှိမှသာ အားရှိမည်ဖြစ်၊ ပြည်တွင်း စည်းလုံးညီညွတ်မှု မရှိသည့်နိုင်ငံတိုင်း ပြိုကွဲသွားသည်ကို တွေ့ရှိရမည်ဖြစ်

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ဖရူဆိုတပ်နယ်ရှိ တပ်မတော်တန်းမြင့်လေ့ကျင့်ရေးကျောင်းမှ နည်းပြအရာရှိ၊ စစ်သည်များ၊ သင်တန်းသားအရာရှိ၊ စစ်သည်များနှင့် နယ်ခြားစောင့်တပ်မှ သင်တန်းသားစစ်သည်များအား တွေ့ဆုံအမှာစကားပြောကြားစဉ်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ဖရူဆိုတပ်နယ်ရှိ တပ်မတော်တန်းမြင့်

 လေ့ကျင့်ရေးကျောင်းရှိ သင်တန်းသားစားရိပ်သာ၌ သင်တန်းသားများနှင့် နေ့လယ်စာအားအတူတကွ

သုံးဆောင်စဉ်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်၏ဇနီး ဒေါ်ကြူကြူလှ ဖရူဆိုတပ်နယ်ရှိ မိခင်နှင့်ကလေးစောင့်ရှောက်ရေးအသင်းအတွက် ချီးမြှင့်ငွေများပေးအပ်စဉ်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ဘောလခဲတပ်နယ်ရှိ နယ်မြေခံတပ်မတော် ဆေးရုံ အမျိုးသားကုသ ဆောင်တွင်တက်ရောက် ဆေးကုသမှုခံယူနေသည့် အရာရှိ၊ စစ်သည်များအား တစ်ဦးချင်း ရင်းရင်းနှီးနှီးလိုက်လံ နှုတ်ဆက်အားပေးစကားပြောကြားစဉ်။

နေပြည်တော် ၁၂-၉-၂ဝ၁၈

မိမိတို့နိုင်ငံ၏ ကိုလိုနီခေတ် အတိတ်သမိုင်းတွင် နိုင်ငံ၏သယံဇာတ သိမ်းပိုက်ခံရမှု၊ ယဉ်ကျေးမှု၊ မျိုးချစ်စိတ်၊ အမျိုးဘာသာ၊ သာသနာအားလုံးကို ရိုက်ချိုးခံခဲ့ရသည့် ခါးသီးသည့် အတွေ့အကြုံများ ရှိခဲ့သဖြင့် ထိုကဲ့သို့ နောက်တစ်ကြိမ် မဖြစ်ပွားစေရန်အတွက် မိမိတို့အနေဖြင့်ဆောင်ရွက် ရမည်ဖြစ်ကြောင်း၊ ထိုသို့ဆောင်ရွက်ရန်အတွက် နိုင်ငံတော်ကာကွယ်ရေးတွင် အဓိကတာဝန်ရှိသည့် မိမိတို့တပ်မတော်သည် စွမ်းရည်ထက်မြက်သည့် တပ်မတော်၊ နိုင်ငံတော်ကိုကာကွယ်နိုင်စွမ်း ရှိသည့်တပ်မတော်ဖြစ်ရမည်ဖြစ်ကြောင်း၊ တိုင်းပြည်၏အားသည် ပြည်တွင်းမှာသာရှိသည်ဆိုသည့် အတိုင်း အားလုံးစည်းလုံး ညီညွတ်မှသာအားရှိမည် ဖြစ်ကြောင်း၊ ပြည်တွင်းစည်းလုံးညီညွတ်မှု မရှိသည့်နိုင်ငံတိုင်း ပြိုကွဲသွားသည်ကို တွေ့ရမည်ဖြစ်ကြောင်း၊ မိမိတို့နိုင်ငံတွင် တိုင်းရင်းသားလူမျိုးများ အနေဖြင့်လည်း စည်းစည်းလုံးလုံးညီညီညွတ်ညွတ်နေထိုင်မှသာ တိုင်းပြည်အားရှိမည် ဖြစ်ကြောင်းဖြင့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ဘောလခဲ တပ်နယ်ရှိအရာရှိ၊ စစ်သည်၊ မိသားစုများနှင့် ဖရူဆိုတပ်နယ်ရှိ တပ်မတော် တန်းမြင့်လေ့ကျင့်ရေးကျောင်းမှ နည်းပြအရာရှိ၊ စစ်သည်များ၊ သင်တန်းသားအရာရှိ၊ စစ်သည်များနှင့် နယ်ခြားစောင့်တပ်မှ သင်တန်းသားစစ်သည်များအား ယနေ့နံနက်ပိုင်းနှင့် မွန်းလွဲပိုင်းတို့တွင် သီးခြားစီတွေ့ဆုံ အမှာစကားပြောကြားရာ၌ ထည့်သွင်းပြောကြားသည်။

အဆိုပါတွေ့ဆုံပွဲများသို့ တပ်မတော်ကာကွယ်ရေးဦးစီးချုပ်၏ဇနီး ဒေါ်ကြူကြူလှ၊ ကာကွယ်ရေး ဦးစီးချုပ်(ရေ)ဗိုလ်ချုပ်ကြီး တင်အောင်စန်းနှင့်ဇနီး၊ ကာကွယ်ရေးဦးစီးချုပ် (လေ) ဗိုလ်ချုပ်ကြီး မောင်မောင်ကျော်နှင့်ဇနီး၊ ကာကွယ်ရေးဦးစီးချုပ်ရုံး(ကြည်း)မှ တပ်မတော်အရာရှိကြီးများ၊ အရှေ့ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ်လင်းအောင်၊ တပ်နယ်များမှအရာရှိ၊ စစ်သည်၊ မိသားစုများ၊ သင်တန်းနည်းပြအရာရှိ၊ စစ်သည်များ၊ သင်တန်းသား အရာရှိ၊ စစ်သည်များနှင့် နယ်ခြားစောင့်တပ်မှသင်တန်းသားစစ်သည်များ တက်ရောက်ကြသည်။

တွေ့ဆုံပွဲများ၌ တပ်မတော်ကာကွယ်ရေးဦးစီးချုပ်ကအမှာစကားပြောကြားရာတွင် ယခုနယ်မြေများ သည် ယခင်ကသွားလာမှုခက်ခဲသည့်နေရာများဖြစ်ပြီး ယခုအခါတည်ငြိမ် အေးချမ်းမှုအထိုက် အလျောက်ရရှိပြီဖြစ်၍ လမ်းပန်းဆက်သွယ်ရေးကောင်းမွန်လာသော်လည်း ထာဝရတည်ငြိမ် အေးချမ်းမှုမရရှိသေးကြောင်း၊ အယူဝါဒမတူညီမှုများနှင့် တိုင်းရင်းသားရေးများကြောင့် ၁၉၄၈ ခုနှစ် လွတ်လပ်ရေးရပြီးချိန်မှစ၍ ယနေ့ထက်တိုင် မိမိတို့နိုင်ငံတွင်တိုင်းရင်းသား လက်နက်ကိုင် ပဋိပက္ခ များရှိနေသေးကြောင်း၊ ယခင်တပ်မတော်အစိုးရတာဝန်ယူချိန်တွင် တိုင်းရင်းသားလက်နက်ကိုင် အဖွဲ့များနှင့် ငြိမ်းချမ်းရေးရရှိအောင်ဆောင်ရွက်ခဲ့သကဲ့သို့ ၂၀၁၁ ခုနှစ်ပြည်သူများမှရွေးချယ်သည့် ဒီမိုကရေစီအစိုးရတာဝန်ယူချိန်တွင်လည်း ကျန်ရှိနေသည့်တိုင်းရင်းသားလက်နက်ကိုင် အဖွဲ့များကို ငြိမ်းချမ်းရေးလမ်းကြောင်းပေါ်သို့ရောက်ရှိအောင်ဆောင်ရွက်ခဲ့ကြောင်း၊ ဒီမိုကရေစီစနစ်ဆိုသည်မှာ ဥပဒေဘောင်အတွင်းမှသာငြိမ်းချမ်းစွာ ဆောင်ရွက်ရခြင်း ဖြစ်၍ ဥပဒေကိုကျော်လွန်ဆောင်ရွက်၍ မရကြောင်း၊ အယူဝါဒရေးရာအရကွဲပြားမှုနှင့် တိုင်းရင်းသားအရေးအရအမြင်ကွဲလွဲမှုများကို ဥပေဒဘောင်အတွင်းမှသာဖြေရှင်း ဆောင်ရွက်ရမည်ဖြစ်သဖြင့် တိုင်းရင်းသားလက်နက်ကိုင် အဖွဲ့များကို ငြိမ်းချမ်းရေး ကမ်းလှမ်းခဲ့ကြောင်း၊ မိမိတို့မြန်မာနိုင်ငံအတွင်း တိုင်းဒေသကြီးနှင့် ပြည်နယ်အားလုံးရှိ ဒေသတိုင်းတွင်တိုင်းရင်းသား လူမျိုးစုတစ်ခုတည်းသာနေထိုင်သည်မဟုတ်ဘဲ အားလုံးပေါင်းစည်းနေထိုင်ကြကြောင်း၊ တိုင်းရင်းသားလူမျိုးစုတစ်ခုတည်းကိုသာ အခွင့်အရေးပေး ထားသည့်နေရာများမရှိဘဲ အားလုံးတန်းတူအခွင့်အရေးရရှိအောင် ဆောင်ရွက်ပေးထားပြီး တိုင်းရင်းသားရေးအရခွဲခြားမှုမရှိကြောင်း၊ ထာဝရ ငြိမ်းချမ်းရေးရရှိစေရန်အတွက်ဆောင်ရွက်ရာတွင် ပြည်သူနှင့်တပ်မတော်တစ်သားတည်း ရှိနေစေရန်၊ ပြည်သူကတပ်မတော်အပေါ် အားကိုး အားထားရှိနေစေရန်နှင့် ယုံကြည်မှု ရှိနေစေရန်မိမိတို့သက်ဆိုင်ရာနယ်မြေများအလိုက် ဆောင်ရွက် ရမည်ဖြစ်ကြောင်း၊ မိမိတို့တပ်မတော်၏အဓိကလုပ်ငန်းတာဝန်မှာ နိုင်ငံတော်ကာကွယ်ရေးတာဝန်၊ လေ့ကျင့်ရေးတာဝန်နှင့်ပြည်သူ့အကျိုးပြုလုပ်ငန်း တာဝန်များဖြစ်သည့်အားလျော်စွာ ပြည်သူများ၏ လိုအပ်ချက်ဖြစ်သည့် ပညာရေး၊ ကျန်းမာရေးနှင့်ဖွံ့ဖြိုးတိုးတက်ရေး စသည့်အကျိုးပြုလုပ်ငန်းများ ကိုစဉ်ဆက်မပျက်ဆောင်ရွက်နေခြင်းဖြင့် ပြည်သူများမှ မိမိတို့တပ်မတော်သားများအား ယုံကြည် အားကိုးလာမည်ဖြစ်ကြောင်း၊ ထိုသို့ ဆောင်ရွက်ရင်း မိမိတို့တပ်များ၏စွမ်းရည်ကိုလည်း မြှင့်တင် ဆောင်ရွက်နေရမည်ဖြစ် ကြောင်းပြောကြားသည်။

ထို့နောက် မိမိတို့တပ်မတော်သားများသည် တပ်တည်ဆောက်ရေးတာဝန်၊ နိုင်ငံတော်ကာကွယ်ရေး တာဝန်နှင့် ဒေသလုံခြုံရေးတာဝန်စသည့်တာဝန်များကို အမြဲအသင့် ဖြစ်အောင်ဆောင်ရွက်နေရသူများ ဖြစ်သဖြင့် ၂၄ နာရီတာဝန် ထမ်းဆောင်နေကြရသူများဖြစ်ကြောင်း၊မိမိတို့သက်ဆိုင်ရာတပ်အလိုက် နေ့စဉ်လေ့ကျင့်ရေးလုပ်ငန်းစဉ်များ ကိုလည်းအမြဲမပြတ်လေ့ကျင့်ဆောင်ရွက်ခြင်းဖြင့် မိမိတို့တပ်များ သည်အမြဲအသင့်ဖြစ်နေမည်ဖြစ်ပြီး တိုင်းပြည်ကိုကာကွယ်နိုင်မည်ဖြစ်ကြောင်း၊ မိမိတို့ တပ်မတော်သားများ အနေဖြင့်ကျန်းမာကြံ့ခိုင်စေရန်အတွက် လေ့ကျင့်ရေးလုပ်ငန်းများဆောင်ရွက် နေရမည်ဖြစ်သကဲ့သို့ အာဟာရပြည့်ဝစွာစားသောက်နိုင်ရန်လည်းလိုအပ်ကြောင်း၊ မိမိတို့၏ ကျန်းမာရေးကို ထိခိုက်စေနိုင်သည့် ဆေးလိပ်၊ ကွမ်းနှင့်အရက်သောက်သုံးခြင်းကို ရှောင်ကျဉ်ရန် လိုကြောင်း၊ တပ်မတော်သည်ဆင့်ကဲကွပ်ကဲမှုစနစ်ကျင့်သုံးသည့် အဖွဲ့အစည်းတစ်ခုဖြစ်သဖြင့် မိမိတို့ထက်ရာထူးကြီးသည့်သူမှပေးအပ်သည့်အမိန့်ကို နာခံရမည်ဖြစ်ကြောင်း၊ မိမိတို့ တပ်မတော်သားများနှင့် မိသားစုဝင်များအားလုံးညီအစ်ကိုစိတ်ဓာတ်၊ မိသားစု စိတ်ဓာတ်ဖြင့် နေထိုင်ပြောဆိုဆောင်ရွက်ရမည်ဖြစ်ကြောင်း၊ အဆင့်ဆင့်သော သတင်းပို့စနစ်ဖြင့် မိမိတို့၏ လိုအပ်ချက်များအားအုပ်ချုပ်သူများ ထံတင်ပြပြီးဆောင်ရွက်ရမည်ဖြစ်ကြောင်း၊ တပ်တွင်းစည်းလုံး ညီညွတ်မှုကိုတည်ဆောက်ခြင်းဖြင့်ပြည်သူများမှလည်း တပ်မတော်အပေါ်လေးစားယုံကြည်စွာ ဆက်ဆံမည်ဖြစ်ကြောင်းရှင်းလင်းမှာကြားသည်။

ဆက်လက်ပြီး တပ်မတော်တန်းမြင့်သင်တန်းကျောင်းများသည် တပ်မတော်၏စွမ်းရည် မြှင့်တင် ပေးရာတွင်အရေးပါသည့်သင်တန်းကျောင်းများဖြစ်ကြောင်း၊ တတ်ကျွမ်းပြီးသော စစ်ပညာများကို ပိုမိုတတ်ကျွမ်းစေရန်နှင့် အဆင့်တိုးမြှင့်ခြင်းအတွက်လိုအပ်သည့်ပညာ ရပ်များကိုလေ့ကျင့်သင်ကြား နိုင်ရန်အတွက်ဖွင့်လှစ်ထားခြင်းဖြစ်ကြောင်း၊ သင်တန်း ကျောင်းမှလေ့ကျင့်သင်ကြားပေးလိုက်သည့် ပညာရပ်များကိုလက်တွေ့နယ်ပယ်တွင် မှန်မှန်ကန်ကန်ထိထိရောက်ရောက်အသုံးချရန်လိုကြောင်း၊ လေ့လာ၊ လေ့ကျင့်၊ လိုက်နာ ဆိုသည့်အတိုင်း ခေတ်နှင့်အညီအမြဲတိုးတက်ပြောင်းလဲနေသည့် စစ်ပညာရပ်များနှင့် လက်နက်များကိုကျွမ်းကျင်စွာကိုင်တွယ်အသုံးချနိုင်ရန်အတွက် အမြဲလေ့လာခြင်း၊ ၎င်းတို့ကို ကျွမ်းကျင်မှုရှိအောင်အမြဲလေ့ကျင့်ခြင်း၊ ထိုသို့လေ့လာလေ့ကျင့်ခဲ့မှု များအား လက်တွေ့ နယ်ပယ်၌ အမြဲလိုက်နာကျင့်သုံးနေရမည်ဖြစ်ကြောင်း၊ သို့မှသာနိုင်ငံတော်ကို ကာကွယ်နိုင် မည်ဖြစ်ကြောင်း၊ နိုင်ငံတိုင်းရှိတပ်မတော်တိုင်းသည် မိမိတို့၏နိုင်ငံကို ကာကွယ်နေခြင်းဖြစ်ကြောင်း၊ မိမိတို့နိုင်ငံ၏နိုင်ငံခြားရေးမူဝါဒမှာ လွတ်လပ်၍ တက်ကြွသောနိုင်ငံခြားရေးမူဝါဒကိုကျင့်သုံးလျက်ရှိပြီး နိုင်ငံအားလုံးနှင့်မိတ်ဝတ်မပျက် ဆက်ဆံရေးကိုတည်ဆောက်ထားကြောင်းရှင်းလင်းပြောကြားသည်။

ထို့နောက် နိုင်ငံတစ်ခုကိုတည်ဆောက်ရာတွင် နိုင်ငံရေး၊ စီးပွားရေး၊ အုပ်ချုပ်ရေး နှင့်ပတ်သက်ပြီး ဖွဲ့စည်းပုံအခြေခံဥပဒေဖြင့် ပြည်သူကိုအာမခံချက်ပေးရကြောင်း၊ ဖွဲ့စည်းပုံအခြေခံဥပဒေအား နိုင်ငံသားအားလုံး၏အများဆန္ဒနှင့်အညီ အတည်ပြုခြင်းဖြစ်ကြောင်း၊ နိုင်ငံရေးအရ တည်ငြိမ် အေးချမ်းမှု၊ လုံခြုံရေးအရ တည်ငြိမ်အေးချမ်းမှုစသည့် အချက်များအားအာမခံချက် ခိုင်ခိုင်မာမာ ရှိနေအောင် ဆောင်ရွက်ရမည်ဖြစ်ကြောင်း၊ ဥပဒေနှင့်အညီဖွဲ့စည်းထားသည့်တပ်မတော်သည် ဥပဒေနှင့်အညီသာဆောင်ရွက်ရမည်ဖြစ်ပြီး ဥပဒေနှင့်အညီဆောင်ရွက်မှုမရှိသူများ အားအရေးယူ ဆောင်ရွက်လျက်ရှိကြောင်း၊ တပ်မတော်သားများသည်ပြည်သူကြားမှ ပေါက်ဖွားလာသူများဖြစ်ပြီး ပြည်သူများ၏အစိတ်အပိုင်းတစ်ခုဖြစ်သဖြင့် ပြည်သူများအတွက် ထုတ်ပြန်ထားသည့် ဥပဒေများအား လေးစားလိုက်နာရသကဲ့သို့ စစ်ဘက်ဆိုင်ရာစည်းမျဉ်း၊ ဥပဒေများကိုလည်း လေးစားလိုက်နာ ရကြောင်း၊ စည်းကမ်းသည်တပ်မတော်၏ ကျောရိုးမဏ္ဍိုင်ဆိုသည့်အတိုင်း စည်းကမ်းဖြင့်သာ ဆောင်ရွက်လျက်ရှိကြောင်း၊ ထိုသို့ဆောင်ရွက်နိုင်ရန်အတွက်တပ်မတော်သားတိုင်း စစ်စည်းကမ်း ကောင်းမွန်ရန် လိုအပ်ကြောင်း၊ စည်းကမ်းဆိုသည်မှာတိုက်တွန်းချက်၊ တားမြစ်ချက်ပင်ဖြစ်ပြီး စည်းကမ်းကို ဥပဒေဖြင့်ထိန်းချုပ်ထားကြောင်း၊ အခြေခံအကျဆုံးဖြစ်သည့်စစ်စည်းကမ်းသည် တပ်မတော်၏ အသက်သွေးကြောပင်ဖြစ်ကြောင်း၊ ထို့ကြောင့် မိမိတို့တပ်မတော်သား များအနေဖြင့် စည်းကမ်းကောင်းသည့်သူများဖြစ်အောင် ဆောင်ရွက်ကြရန်လိုကြောင်း မှာကြားသည်။

ထို့နောက် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ဘောလခဲတပ်နယ်ရှိ အရာရှိ၊ စစ်သည်မိသားစုများနှင့် ဖရူဆိုတပ်နယ်ရှိ အရာရှိ၊ စစ်သည်၊ မိသားစုများနှင့် သင်တန်းသားများအတွက် စားသောက်ဖွယ်ရာများ အားပေးအပ်ရာ ဘောလခဲတပ်နယ်မှူးနှင့် ဖရူဆိုတပ်နယ်ရှိ တပ်မတော်တန်းမြင့် လေ့ကျင့်ရေးကျောင်း ကျောင်းအုပ်ကြီးတို့မှလက်ခံရယူသည်။ ထို့နောက် တပ်မတော်ကာကွယ်ရေးဦးစီးချုပ်၏ဇနီး ဒေါ်ကြူကြူလှက ဘောလခဲတပ်နယ်နှင့် ဖရူဆိုတပ်နယ်ရှိ မိခင်နှင့်ကလေးစောင့်ရှောက်ရေးအသင်းအတွက် ချီးမြှင့်ငွေများပေးအပ်ရာ တာဝန်ရှိ သူများကလက်ခံရယူကြသည်။

ယင်းနောက် ကာကွယ်ရေးဦးစီးချုပ်(ရေ) ဗိုလ်ချုပ်ကြီးတင်အောင်စန်း၊ ကာကွယ်ရေးဦးစီးချုပ်(လေ) ဗိုလ်ချုပ်ကြီးမောင်မောင်ကျော်၊ စစ်ထောက်ချုပ် ဒုတိယဗိုလ်ချုပ်ကြီး ညိုစောနှင့် ကာကွယ်ရေး ဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး မောင်မောင်အေး တို့က တပ်နယ်များမှ အရာရှိ၊ စစ်သည်၊ မိသားစုများ၊ သင်တန်းသားအရာရှိ၊ စစ်သည်များနှင့် နယ်ခြားစောင့်တပ်မှအရာရှိ၊ စစ်သည်များ အတွက် စားသောက်ဖွယ်ရာ များ၊အားကစားပစ္စည်းများနှင့်သုတရသစာအုပ်စာစောင်များအား အသီးသီးပေးအပ်ရာ တာဝန်ရှိသူများက လက်ခံရယူကြသည်။

တွေ့ဆုံပွဲများအပြီးတွင် တပ်မတော်ကာကွယ်ရေးဦးစီးချုပ်နှင့်အဖွဲ့ဝင်များသည် အခမ်းအနား တက်ရောက်လာကြသည့်အရာရှိ၊ စစ်သည်များအားရင်းရင်းနှီးနှီးလိုက်လံ နှုတ်ဆက်ခဲ့ကြသည်။

ယင်းနောက် တပ်မတော်ကာကွယ်ရေးဦးစီးချုပ်နှင့်အဖွဲ့ဝင်များသည် ဘောလခဲတပ်နယ်ရှိ နယ်မြေခံ တပ်မတော်ဆေးရုံသို့သွားရောက်၍ တပ်မတော်ကာကွယ်ရေးဦးစီးချုပ် ကအမျိုးသားကုသဆောင်တွင် တက်ရောက်ကုသလျက်ရှိသည့် အရာရှိ၊ စစ်သည်များအား တစ်ဦးချင်းရင်းရင်းနှီးနှီးလိုက်လံ အားပေးစကားပြောကြားပြီး စားသောက်ဖွယ်ရာများပေး အပ်သည်။ ထို့အတူ တပ်မတော် ကာကွယ်ရေးဦးစီးချုပ်၏ဇနီးဒေါ်ကြူကြူလှသည်လည်း အမျိုးသမီးဆောင်တွင် တက်ရောက်ကုသ လျက်ရှိသည့် မိသားစုဝင်များအားရင်းရင်း နှီးနှီးလိုက်လံနှုတ်ဆက်အားပေးစကားပြောကြားပြီး စားသောက်ဖွယ်ရာများပေးအပ်ခဲ့ သည်။

ထို့နောက် တပ်မတော်ကာကွယ်ရေး ဦးစီးချုပ်နှင့်အဖွဲ့ဝင်များသည် နေ့လယ်ပိုင်းတွင် ဖရူဆိုတပ်နယ်ရှိ တပ်မတော်တန်းမြင့်လေ့ကျင့်ရေးကျောင်းရှိ သင်တန်းသားစားရိပ်သာ၌ သင်တန်းသားများနှင့် နေ့လယ်စာအား အတူတကွ သုံးဆောင်ခဲ့ကြကြောင်း သတင်းရရှိသည်။

# မြဝတီနေ့စဉ်သတင်းစာ