ဘားအံ ၃၁-၇-၂ဝ၁၈
ကရင်ပြည်နယ် ဘားအံမြို့နယ်တွင် သံလွင်မြစ်နှင့် ဂျိုင်းမြစ်တို့သည့် ရေအနည်းငယ် ကျသွားသော်လည်း စိုးရိမ်ရေအမှတ် ထက်ကျော်လွန် နေသည့်အပြင် မိုးအဆက်မပြတ် ရွာသွန်းခြင်းတို့ကြောင့် ဘားအံသထုံကားလမ်းနှင့် ဘားအံ-ဇာသပြင် အဖြောင့်လမ်းရှိ အချို့နေရာများတွင် ရေအနက် နှစ်ပေနှင့် ငါးပေအနက်ထိ ရေကျော်နေကြောင်း၊ ဘားအံ၊ ကော့ကရိတ်၊ မြဝတီကားလမ်း တံတားအမှတ် ၁-၃၆ ခရဲကမ်းနားကျေးရွာအုပ်စု ဥပုဒ်တောင်မုခ်ဦးအနီးတွင် ကားလမ်းပေါ်သို့ သုံးပေခန့် ရေကျော်နေကြောင်း သိရပြီးကုန်သွယ်မှုနှင့် သွားလာရေး ခက်ခဲလျက်ရှိကြောင်း သိရသည်။
ထို့ပြင် ထိုင်း-မြန်မာနယ်စပ်ကုန်သွယ်ရေး လမ်းကြောင်းပေါ်ရှိ ဂျိုင်းပွန်တွန်း တံတားချဉ်းကပ် လမ်းပေါ်တွင် ရေအနက်ခုနစ်ပေ ခန့်ကျော်နေသဖြင့် ဖြတ်သန်းသွားလာ၍ မရရှိသေးကြောင်း သိရသည်။
"ဘားအံမှာ ကုန်သွယ်မှုနဲ့ သွားလာရေး အခက်အခဲတော်တော်လေး ဖြစ်နေပါတယ်။ မြဝတီဘက်ကလဲ စားသောက်ကုန်တွေ မဝင်နိုင်သေးပါဘူး။ မော်လမြိုင်နဲ့ သထုံဘက်ကလဲ စားကုန်က မဝင်နိုင်သေးဘူး။ တစ်မြို့နယ်လုံးက ရေမြုပ်နေတာ။ ဘာစားပင်မှ မကျန်တော့ဘူး။ ဈေးထဲမှာလဲ အချို့အသီးအရွက်က သုံးဆလောက် ဈေးတက်သွားတယ်။ ဝယ်လို့ရနေတာပဲ ကျေးဇူးတင်ရမှာပါ။ နောက်သုံးရက် လောက်ဆို ခုရောင်းနေတဲ့ လက်ကျန်ကုန်လဲ ရှိမှာမဟုတ်တော့ဘူး"ဟု ဘားအံမြို့မဈေးမှ ကုန်စုံဆိုင်ရှင်တစ်ဦးက ပြောပြသည်။
ဘားအံမြို့တွင် သံလွင်မြစ်ရေသည် ယနေ့ နံနက် ၆နာရီ မိနစ် ၃ဝ တိုင်းတာချက်အရ ယင်းမြို့၏ စိုးရိမ်ရေအမှတ် စင်တီမီတာ ၇၅ဝအထက် ၉၃၈စင်တီမီတာတွင် ရှိနေပြီး ဂျိုင်းမြစ်ရေမှာ ယနေ့နံနက် ၆ နာရီမိနစ် ၃ဝ တိုင်းတာ ချက်အရ ကျုံဒိုးမြို့၏ စိုးရိမ်ရေအမှတ် စင်တီမီတာ ၅၇ဝအထက် ၆၁၄ စင်တီမီတာတွင် တည်ရှိနေကြောင်း၊ ယနေ့  ညနေ ၆နာရီ မိနစ် ၃ဝ မိုးလေဝသနှင့် ဇလဗေဒညွှန်ကြားမှု ဦးစီးဌာန၏ တိုင်းတာ ချက်များအရ သံလွင်မြစ်ရေနှင့် ဂျိုင်းမြစ်ရေတို့မှာ ၆စင်တီမီတာခန့်စီ ကျဆင်းသွား ပြီဖြစ်သော်လည်း ဆက်သွယ်သွားလာနိုင် ခြင်းမရှိဘဲ ခက်ခဲလျက်ရှိကြောင်း သိရသည်။
#Themyawadydaily
.jpg)
No comments:
Post a Comment