ဘီးလင်းမြို့နယ်အတွင်း ရေဘေးသင့်ဒေသခံ ပြည်သူများအား ကူညီကယ်ဆယ်စဉ် ရေစီးနှင့်အတူ မျောပါသွားခဲ့သည့် စစ်သည် ၃ ဦးအနက် စစ်သည် ၁ ဦး၏ ရုပ်အလောင်းအား ပြန်လည်တွေ့ရှိ၊ ကျန်စစ်သည် ၂ ဦးအား ဆက်လက်ရှာဖွေလျက်ရှိ

နေပြည်တော် ၃၀-၇-၂ဝ၁၈

မွန်ပြည်နယ်၊ ဘီးလင်းမြို့နယ်အတွင်း ဇူလိုင် ၂၅ ရက် ရေကြီး ရေလျှံမှုများကြောင့် နယ်မြေခံ တပ်မတော်သားများက ဌာနဆိုင်ရာ တာဝန်ရှိသူများ၊ မီးသတ်တပ်ဖွဲ့ဝင်များ၊ ဒေသခံကယ်ဆယ်ရေး အဖွဲ့များနှင့် ပူးပေါင်း၍ ရေဘေးကယ်ဆယ်ရေး လုပ်ငန်းများ ဆောင်ရွက်လျက်ရှိစဉ် ဇူလိုင် ၂၇ ရက် မွန်းလွဲပိုင်းတွင် ရေစီးနှင့်အတူ မျောပါပျောက်ဆုံး သွားခဲ့သည့် စစ်သည် ၃ ဦးအနက် စစ်သည် ၁ ဦး၏ ရုပ်အလောင်းအား ယနေ့ နေ့လယ်ပိုင်းတွင် ပြန်လည်ရှာဖွေ တွေ့ရှိခဲ့ကြောင်း သိရှိရသည်။

ဖြစ်စဉ်မှာ အဆိုပါဖြစ်စဉ်ဖြစ်ပွားရာနေရာသို့ နယ်မြေခံတပ်မတော်သားများ၊ ဌာနဆိုင်ရာ တာဝန်ရှိသူများ၊ မီးသတ်တပ်ဖွဲ့ဝင်များ၊ ဒေသခံကယ်ဆယ်ရေးအဖွဲ့များနှင့် ရေကူး ကျွမ်းကျင်သူများ ပူးပေါင်း၍ အဆိုပါစစ်သည် ၃ ဦးမျောပါရာေ ရစီးကြောင်းတစ်လျှောက်၌ ရှာဖွေကယ်ဆယ်ရေး လုပ်ငန်းများ ဆက်လက်ဆောင်ရွက် လျက်ရှိရာ ယနေ့နေ့လယ် ၁၁ နာရီ ၄၀ မိနစ်ခန့်တွင် မစောတံတား၏ တောင်ဘက်မီတာ ၅၀၀ ခန့်အကွာ နေရာရှိရေအောက်ချုံနွယ် များအတွင်း ငြိတွယ်လျက် ရှိသော စစ်သည်တစ်ဦး၏ ရုပ်အလောင်းအား ရှာဖွေတွေ့ရှိခဲ့ပြီး ကျန်စစ်သည် ၂ ဦးအား ဆက်လက်ရှာဖွေ လျက်ရှိကြောင်း သတင်း ရရှိသည်။

#Themyawadydaily