ကောလင်း ၃၁-၇-၂ဝ၁၈
စစ်ကိုင်းတိုင်းဒေသကြီး ကသာခရိုင် ကောလင်းမြို့နယ်တွင် မိုးသည်းထန်စွာ ရွာသွန်းခဲ့သဖြင့် ယနေ့တွင် ကားလမ်းရေကျော်ခြင်းနှင့် အနိမ့်ပိုင်းနေရာများ ရေဝင်ရောက်မှုများ ဖြစ်ပေါ်လျက်ရှိကြောင်း ကောလင်း
မြို့နယ် မီးသတ်ဦးစီးဌာနမှ သိရသည်။
ကောလင်းမြို့နယ်တွင် မိုးသည်းထန်စွာ ရွာသွန်းသဖြင့် ကောလင်း-ဝန်းသို-ပင်လည်ဘူး-ဥက္ကံကားလမ်းတို့ ရေကျော်လျက် ရှိကြောင်း သိရသည်။
"အခုရှေ့ပြေးအနေနဲ့ သဖန်းကုန်း ရေကျော်နေရာကို ရောက်ရှိနေတယ်။ ရေအနည်းငယ်တက်နေ တာတွေ့ရတယ်။ မိုးကရွာနေတယ်ဆိုတော့ သတိထား စောင့်ကြည့် နေပါတယ်။ ကောလင်းမြို့မှာက ခေါပြင်ချောင်းနဲ့ ဒေါင်းမြူးချောင်း တောင်ကျချောင်းရေ ကသတိထားရတယ်"ဟု ကောလင်းမြို့နယ် မီးသတ်ဦးစီး ဌာနမှ ဒုတိယတပ်ကြပ် ဖြိုးကျော်က ပြောပြသည်။
ကောလင်းမြို့နယ်တွင် မြို့ပေါ်ရပ်ကွက်ခုနစ် ရပ်ကွက်ရှိပြီး မြို့မရဲစခန်း၊ ကျော်ဇေယျာရပ်ကွက်(၁)၊ (၂)၊အနိမ့်ပိုင်းနေရာများတွင် ရေတစ်တောင်ခန့်ထိ ဝင်ရောက်နေကြောင်း၊ မိုးဆက်လက်ရွာနေခြင်းကြောင့် အစိုးရဌာနဆိုင်ရာ များနှင့် လူမှုကူညီရေး အသင်းဝင်များ အနေဖြင့် ကူညီကယ်ဆယ်ရေးများ လုပ်ဆောင်ရန် စီစဉ်နေကြကြောင်း သိရသည်။
"ကောလင်းမြို့မှာ မိုးကဆက်လက် ရွာသွန်းနေပြီး အနိမ့်ပိုင်းနေရာတွေ ရေဝင်နေပါတယ်။ ကားလမ်းကတော့ ဆိုင်ကယ်ထမ်းသွား လာရတယ်။ ကျောင်းတွေတော့ ရေမဝင်သေးပါဘူး။ ချောင်းတွေရှိတော့ တောင်ကျချောင်းရေ သတိထားရပါတယ်"ဟု ကောလင်းမြို့နယ် ဒေသခံဦးမိုးအောင်က ပြောပြသည်။
ကောလင်းမြို့နယ်တွင် ၂ဝ၁၅ ခုနှစ်ကလည်း ရေကြီးရေလျှံမှုများ ဖြစ်ပေါ်ခဲ့ပြီး ၂ဝ၁၇ခုနှစ် ဇူလိုင်လ လယ်အတွင်းကလည်း မိုးသည်းထန်စွာ ရွာသွန်းခဲ့သဖြင့် ရေကြီးရေလျှံခြင်းများ ရှိခဲ့ကြောင်း သိရသည်။
#Themyawadydaily
.jpg)
No comments:
Post a Comment