မကွေး ၃၀-၇-၂၀၁၈
၂ဝ၁၈-၂ဝ၁၉ ဘဏ္ဍာနှစ် ဧပြီလမှ စက်တင်ဘာလထိ ခြောက်လအတွင်း၌ ကမ်းပြိုကာကွယ်ရေး လုပ်ငန်း ၁ဝ ခုအား တိုင်းဒေသကြီး ငွေလုံးငွေရင်းရန်ပုံငွေကျပ် ၁၅၅၂ ဒသမ ၉၁ သန်းဖြင့် ဆောင်ရွက်လျက်ရှိရာ လုပ်ငန်း ရှစ်ခုမှာ ရာနှုန်းပြည့် ပြီးစီးသွားပြီဖြစ်ပြီး ကျန်နှစ်ခုမှာဆောင်ရွက်ဆဲဖြစ်ကြောင်း မကွေးတိုင်းဒေသကြီး ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေး ဦးစီးဌာန ညွှန်ကြားရေးမှူးထံမှ သိရသည်။
ရေစကြိုမြို့နယ် ဇရပ်နီကျေးရွာ ချင်းတွင်း မြစ်ရေတိုက်စားမှု၊ ပေါက်မြို့နယ် သမားတော်ကျေးရွာ ရေပြာချောင်း တိုက်စားမှု၊ ပွင့်ဖြူမြို့နယ် မဲဇလီကျေးရွာအုပ်စု ထူးပေါက်-အင်းကုန်းကျေးရွာ ကမ်းပြိုမှု၊ ငဖဲမြို့နယ် နယ်ဇော ကျေးရွာ မန်းချောင်းရေတိုက်စားမှု၊ ပေါက်မြို့နယ် ချောင်းကူးကျေးရွာကမ်းပြိုမှု၊ ရေနံချောင်းမြို့နယ် ပင်းဝကျေးရွာ ပင်းချောင်းရေ တိုက်စားမှု၊ စလင်းမြို့နယ် ဆင်မကျွန်းကျေးရွာကမ်းပြိုမှု၊ အောင်လံမြို့နယ် ရွာထောင် ကျေးရွာ အခြေခံပညာ မူလ တန်းကျောင်း ချောင်းရေ တိုက်စားမှု စသည့် ကမ်းပြိုကာကွယ်ရေး လုပ်ငန်းရှစ်ခုမှာ ရာနှုန်းပြည့် ပြီး စီး သွားပြီဖြစ်ကြောင်း သိရသည်။
''ကျန်နေသေးတဲ့ ဆင်ပေါင်ဝဲမြို့နယ် စည်တိုင်းကျေးရွာ ကမ်းပြိုကာကွယ်ရေးလုပ်ငန်းက ၉ဝ ရာခိုင်နှုန်းပြီးနေ ပါပြီ။ ကံမ မြို့နယ်ထဲက ရေနံသာကျေးရွာ မန်းချောင်း ရေတိုက်စားမှု လုပ်ငန်းကတော့ ရေတက်နေလို့ ဆောင်ရွက်မှု အပိုင်းက ၇ဝ ရာခိုင်နှုန်းလောက်ပဲ ပြီးသေးတယ်။ ဆောင်ရွက်နေရတဲ့ လုပ်ငန်း ၁ဝခုထဲမှာ ကိုးခု က ချောင်းရေတိုက်စား တာကြောင့်ဖြစ်ပြီး တစ်ခုပဲ မြစ်ရေတိုက်စားမှုကြောင့် ဖြစ်တာကို တွေ့ရတယ်'' ဟု မကွေးတိုင်း ဒေသကြီး ရေအရင်းအမြစ်နှင့်မြစ်ချောင်းများ ဖွံ့ဖြိုးတိုးတက်ရေး ဦးစီးဌာန ညွှန်ကြားရေးမှူး ဦးဇော်လွင်က ပြောသည်။
ယခုခြောက်လတာ လုပ်ငန်းများ ပြီးစီးလျှင် ၂ဝ၁၈-၂ဝ၁၉ဘဏ္ဍာနှစ်၌ တိုင်းဒေသကြီးအတွင်း ကမ်းပြို ကာကွယ် ရေး လုပ်ငန်း ၁၆ခု ဆောင်ရွက်နိုင်ရန် တိုင်းဒေသကြီး အစိုးရအဖွဲ့ထံ တင်ပြထားမှုအား မကွေးတိုင်း ဒေသကြီး လွှတ်တော်က အတည်ပြု ထားပြီဖြစ် သည့် အတွက် တိုင်းဒေသကြီး ငွေလုံးငွေရင်းရန်ပုံငွေကျပ် ၃ဘီလီယံခန့် သုံးစွဲ ဆောင်ရွက်ရန် ရှိကြောင်း ဦးဇော်လွင်က ဆိုသည်။
ယခုနှစ် မိုးရာသီကာလ မိုးများသော်လည်း ဆောင်ရွက်ထားပြီး လုပ်ငန်းများမှာ ပျက်စီးမှုမရှိဘဲ ကျေးရွာများကို အကာ အကွယ်ပေး နိုင်ခဲ့ကြောင်း၊ ကမ်းပြို ကာကွယ်ရေး လုပ်ငန်းများကို မကွေးတိုင်း ဒေသကြီး ဘတ်ဂျက်ဖြင့် ဆောင် ရွက် နေခြင်းဖြစ်ပြီး ရေလမ်းကြောင်း ထိန်းသိမ်းရေး လုပ်ငန်းများအတွက် ပြည်ထောင်စု ဘတ်ဂျက်မှ နှစ်စဉ်ချ ထားပေးနေကြောင်း သိရှိရသည်။
#Themyawadydaily
.jpg)
No comments:
Post a Comment