ပဲခူး ၁၉-၁၂-၂၀၁၇
ပဲခူးမြစ်ကြောင်း တစ်လျှောက်ရှိ ရေအရည်အသွေးကို နှစ်နှစ်ကြာစစ်ဆေးရာ မြစ်အောက်ပိုင်းသည် ရေညစ်ညမ်းမှု အဆိုးရွားဆုံးအဆင့်တွင် ရှိနေကြောင်း ရေဝေရေလဲအုပ်ချုပ်ရေး ဦးစီးဌာနတာဝန်ရှိသူ တစ်ဦးထံမှ သိရသည်။
အဆိုပါလေ့လာမှုအရ မြစ်အပေါ်ပိုင်း ဒေသများ၌ ရေအရည်အသွေး ကောင်းမွန်လျက် ရှိကြောင်းနှင့် ပဲခူးမြစ်အောက်ပိုင်း ရေထုညစ်ညမ်းရခြင်းမှာ ပဲခူးမြို့ နေအိမ်များမှ ထွက်ရှိသောအမှိုက်များကို မြစ်အတွင်းသို့ စွန့်ပစ်ခြင်း၊ မြစ်အတွင်း အိမ်သာဆောက်လုပ်ခြင်းနှင့် စိုက်ပျိုးရေး လုပ်ငန်းများမှ အသုံးပြုသော ဓာတ်မြေသြဇာ၊ ပိုးသတ်ဆေး အကြွင်းအကျန်များ မြစ်အတွင်း ဝင်ရောက်ခြင်းတို့ကြောင့် ဖြစ်သည်။
ဘက်စုံပူးပေါင်းပါဝင်သော ရေသယံဇာတ စီမံအုပ်ချုပ်လုပ်ကိုင်ခြင်း ရှေ့ပြေးစီမံကိန်းအဖြစ် မြန်မာနိုင်ငံရှိ မြစ်များ ကိုယ်စားပြုအဖြစ် ပဲခူးမြစ်နှင့် ကန်များကိုယ်စားပြု အဖြစ်အင်းလေးကန်ကို ရွေးချယ်၍ ရေအရည်အသွေး စစ်ဆေးခြင်းနှင့် ရေသယံဇာတ အခြေအနေပုံမှန် စစ်ဆေးခြင်းတို့ကို နော်ဝေနိုင်ငံ၏ ပံ့ပိုးကူညီမှုဖြင့် ဆောင်ရွက်ခဲ့ခြင်း ဖြစ်သည်။
ထိုကဲ့သို့ ရေအရည်အသွေး ပုံမှန်စစ်ဆေးပြီးပါက ရလဒ်များစုပေါင်း၍ မြစ်ဝှမ်းဒေသများနှင့် နယ်နိမိတ်ထိစပ်နေသော တိုင်းဒေသကြီးနှင့် ဌာနဆိုင်ရာ အချင်းချင်းချိတ်ဆက်ကာ ထိန်းသိမ်းရေးလုပ်ငန်းများ ပူးပေါင်းဆောင်ရွက် မည်ဖြစ်ကြောင်း သိရသည်။
#Themyawadydaily
.jpg)
No comments:
Post a Comment