နေပြည်တော် ၃-၁၀-၂၀၁၇
ဘူးသီးတောင်မြို့နယ် အတွင်းရှိ ကျေးရွာများမှ ဘင်္ဂါလီများသည် စားဝတ်နေရေး အခက်အခဲကြောင့် လည်းကောင်း၊ လုံခြုံရေးအခြေအနေအရ ကျေးရွာတွင် လုံခြုံမှုမရှိဟုယူဆ၍ လည်းကောင်း၊ ဘင်္ဂလားဒေ့ရ်ှနိုင်ငံသို့ ရောက်ရှိနေသည့် ဘင်္ဂါလီများကထွက်ခွာရန် ဆက်သွယ်ပြောဆိုခြင်း များကြောင့်လည်းကောင်း၊ ၎င်းတို့အုပ်စုသည် လူနည်းစုဖြစ်မည်ကို စိုးရိမ်သဖြင့် တစ်ဖက်နိုင်ငံရှိ ၎င်းတို့မျိုးနွယ်စု များထံသွားရောက်လိုခြင်းကြောင့် လည်းကောင်း မိမိနေထိုင်သည့် ကျေးရွာများမှတစ်ဖက်နိုင်ငံသို့ သွားရောက်ရန် စက်တင်ဘာ ၂၆ ရက်မှစတင်၍ ထွက်ခွာခဲ့ကြပြီး နှစ်နိုင်ငံနယ်စပ်အနီးသို့ စုပြုံရောက်ရှိ လျက်ရှိသည်။
မောင်တောမြို့နယ် သင်္ဘောလှကျေးရွာနှင့် သာယာကုန်းကျေးရွာကြားတွင် ဘူးသီးတောင်မြို့နယ်အတွင်းမှ တစ်ဖက်နိုင်ငံသို့ တိမ်းရှောင်မည့် ဘင်္ဂါလီများရောက် ရှိနေကြောင်း သတင်းအရ မောင်တော
ခရိုင်အတွင်းတရားဥပဒေ စိုးမိုးရေးလုပ်ငန်းများ ဆောင်ရွက်နေသည့် အုပ်ချုပ်ရေးအဖွဲ့များနှင့် လုံခြုံရေးတပ်ဖွဲ့ဝင်များသည် အောက်တိုဘာ ၁ ရက် နံနက် ၁၁နာရီတွင် သွားရောက်တွေ့ဆုံခဲ့သည်။
တိမ်းရှောင်ရောက်ရှိနေသည့် ဘင်္ဂါလီများကို စားဝတ်နေရေး အခက်အခဲရှိပါကဆန်၊ ဆီ၊ ဆား၊ ပဲ လေးမျိုးကို ဒေသအတွင်းမှ နှစ်ဖက်လူ့အဖွဲ့အစည်းများကို လူမျိုးဘာသာမရွေး ထောက်ပံ့ပေးနေကြောင်း၊ လုံခြုံရေးနှင့် ပတ်သက်၍လည်း ဒေသအတွင်း၌ အေးချမ်းတည်ငြိမ် ရေးအတွက် ဆောင်ရွက်နေမှုများကို ရှင်းလင်းပြောကြားပြီး မိမိတို့ဒေသရပ်ရွာ ဒေသများ၌ အေးချမ်းစွာပြန်လည် နေထိုင်၍ လုပ်ကိုင်စားသောက်ကြရန် အခက်အခဲရှိသည်များကို တတ်နိုင်သလောက် ပူးပေါင်းဆောင်ရွက် သွားမည်ဖြစ်ကြောင်း၊ တွေ့ဆုံရှင်းလင်း ပြောကြားခဲ့မှုအပေါ် ၎င်းတို့ဘက်မှနားလည် သဘောပေါက်သော်လည်း တစ်ဖက်နိုင်ငံသို့သာ ၎င်းတို့ကိုယ်ပိုင်ဆန္ဒဖြင့် သွားရောက်လိုကြောင်း ပြန်လည်တင်ပြကြသည်။
ဘူးသီးတောင်မြို့နယ်အတွင်းရှိ ဂူတာပြင်ကျေးရွာမှ ဘင်္ဂါလီ ၁၆၈ဦးသည် စက်တင်ဘာ ၂၆ရက်တွင် ရွာသစ်ကေကျေးရွာ အနီး၌လည်းကောင်း၊ ရွှေထားကျေးရွာနှင့် ဇင်ခါးမကျေးရွာတို့မှ ဘင်္ဂါလီ ၂၅၅ဦး၊ တောင်ချောင်းကျေးရွာ နှင့်ပေါက်တောကျေးရွာမှ ဘင်္ဂါလီ ၂၈၁ဦး၊ သိမ်တောင်ပြင်ကျေးရွာနှင့် ကာလီကျေးရွာတို့မှ ဘင်္ဂါလီဦးရေ၂ဝဝနှင့် ဒုအိုးသည်မ ကျေးရွာတို့မှ ဘင်္ဂါလီ ၃၅ဦးတို့သည် စက်တင်ဘာ ၂၇ရက်တွင် လေယာဉ်ကွင်း ကျေးရွာအနီး ကမ်းစပ်၌ လည်းကောင်း၊ တောင်ချောင်းကျေးရွာ၊ ဇင်ခါးမကျေးရွာ၊ ဘိုလီကျေးရွာနှင့် ငွေတောင်ကျေးရွာတို့မှ ဘင်္ဂါလီ ၈၉၅ဦးတို့သည် စက်တင်ဘာ ၂၈ရက်တွင် လေယာဉ်ကွင်းကျေးရွာ အနီးကမ်းစပ်၌ လည်းကောင်း၊ ဂူတာပြင်ကျေးရွာမှ ဘင်္ဂါလီဦးရေ ၅၃ဝတို့သည် စက်တင်ဘာ ၂၉ ရက်တွင် ပညောင်ပင်ကြီးနှင့် နယ်စပ်ခြံစည်းရိုးကြားတွင် လည်းကောင်း၊ ထပ်မံရောက်ရှိလာသည့် ဘင်္ဂါလီဦးရေ ၁ဝဝဝဝခန့်သည် လက်ဖွဲ့ကျကျေးရွာနှင့် ကွမ်းသီးပင်ကျေးရွာကြား အနောက်ဘက် တောစပ်တို့တွင် တစ်ဖက်နိုင်ငံသို့ ထွက်ခွာရန်စုပြုံ ရောက်ရှိနေကြောင်း သတင်းရရှိသည်။
#Yadanarpondaily
.jpg)
No comments:
Post a Comment