နေပြည်တော် ၂၆-၁၀-၂၀၁၇
ရှမ်းပြည်နယ် (အရှေ့ပိုင်း)၊ ကျိုင်းတုံမြို့နယ်၊ မြို့အ၀င်ဂိတ်၌ နယ်မြေလုံခြုံရေး ဆောင်ရွက်နေသည့် တပ်မတော်သားများနှင့် ဌာနဆိုင်ရာတာဝန်ရှိသူများ ပါဝင်သောပူးပေါင်းအဖွဲ့သည် ယနေ့ နံနက် ၅ နာရီ ၄၅ မိနစ်ခန့် တွင် မိုင်းပျဉ်းဘက်မှ ကျိုင်းတုံဘက်သို့ မြ၀င်း (ဘ) ဦးမောင်အေး မောင်းနှင်လာသော ကရောင်းအမျိုးအစား မော်တော်ယာဉ်အမှတ်၊ YGN 6 J/--- အားရပ်တန့်စစ်ဆေးရာ ယာဉ်နောက်ခန်းအတွင်းမှ တစ်ထုပ်လျှင် အိုက်စ် ၁ ကီလို ဂရမ်ခန့်ပါ ၂၅၀ ထုပ်၊ စုစုပေါင်း ၂၅၀ ကီလိုဂရမ်ခန့် (ခန့်မှန်းတန်ဖိုးငွေကျပ် သိန်းပေါင်း ၆၂၅၀၀ ခန့်)၊ မြန်မာငွေကျပ်သုံးသိန်း တို့နှင့်အတူ ဖမ်းဆီးရမိခဲ့သည်။
အဆိုပါ မူးယစ်ဆေးဝါးများ၊ မော်တော်ယာဉ်နှင့်အတူ ဖမ်းဆီးရမိသူအား တရားဥပဒေအရ အမှုဖွင့်အရေးယူ ဆောင်ရွက်နိုင်ရန် ကျိုင်းတုံမြို့မရဲစခန်းနှင့် မူးယစ်တပ်ဖွဲ့စုသို့ စနစ်တကျလွှဲပြောင်း အပ်နှံခဲ့ကြောင်း သတင်းရရှိသည်။
#Themyawadydaily
.jpg)
No comments:
Post a Comment