မုံရွာ ၁၁-၅-၂၀၁၇
မုံရွာမြို့ဆိပ်ကမ်းမှ အထက် ခန္တီး၊ ဟုမ္မလင်း၊ မော်လိုက်မြို့တို့နှင့် အောက်ပိုင်းမြင်းခြံ၊ ပခုက္ကူ၊ ပုဂံညောင်ဦး မြို့တို့သို့ ကုန်စည် သယ်ယူ ပို့ဆောင်နေသော ပုဂ္ဂလိက မော်တော်ပိုင်များ အနေဖြင့် ရေကြောင်းမှ ကုန်သယ်ဆောင်မှုနည်းပါး လာခြင်းကြောင့် မိမိတို့ မော်တော်ရေယာဉ် သံခွံများကို သံရည်ကျိုစက်ရုံသို့ တင်ပို့ရောင်းချကာ အခြားအလုပ် အကိုင်များကို ပြောင်းလဲလုပ်ကိုင် နေသူများရှိနေ ကြောင်း မုံရွာဆိပ်ကမ်းမှ သံခွံ ရေယာဉ်ပိုင်ရှင် တစ်ဦးက ပြောပြ၍သည်။
တစ်နှစ်ထက်တစ်နှစ် ကုန်းလမ်းပို့ဆောင်ရေး လုပ်ငန်းများ တိုးတက်ပြောင်း လဲလာခြင်း၊ ကုန်သည်အများ အပြားက ရေကြောင်း သယ်ယူစရိတ် သက်သာသည်ထက် ကုန်းကြောင်း ကုန်စည်စီးဆင်းမှု သွက်လက်မှုကို ပိုမိုနှစ်သက်ခြင်း၊ ကုန်သည်များနှင့် သယ်ယူပို့ ဆောင်ရာ၌ ချိတ်ဆက်ရာတွင် ခက်ခဲလာခြင်း စသောအကြောင်းများ ကြောင့်ရေများ ချိန်ကာလရောက် လုနီးလာသော်လည်း ပုဂ္ဂလိက မော်တော်ရေယာဉ် ပိုင်ရှင်များမှာကုန်ကြမ်းရှာရန် အခက်အခဲဖြင့် ကြုံတွေ့နေရကြောင်း သိရသည်။
ထိုသို့အခက် အခဲများကြောင့် အဆိုပါဆိပ်ကမ်းရှိ မော်တော်ပိုင် များမှာ မိမိတို့သံခွံ ရေယာဉ်၊ အသားခွံရေယာဉ်များကို မုံရွာသံရည်ကျိုစက်ရုံ သို့လည်းကောင်း၊ အခြားနီးစပ်ရာမြို့များမှ သံရည်ကျို စက်ရုံများသို့လည်းကောင်း အပ်နှံ ရောင်းချလျက်ရှိသည်။ အသားခွံ ရေယာဉ်ပိုင်ရှင်များ အနေဖြင့်လည်း မိမိတို့အသိ မိတ်ဆွေများထံသို့ အရှုံးခံ၍ရောင်းချကာ အခြားအလုပ်အကိုင်များကို ပြောင်းလဲ လုပ်ကိုင်လျက်ရှိကြောင်း သိရသည်။
ယခင်နှစ်များက မော်တော်ပိုင်ရှင်များမှာ ကုန်တစ်မျိုးမရ တစ်မျိုးရှာပြီး သယ်ယူပို့ဆောင်ရ သည်မှာ လွယ်ကူကြောင်း၊ ယခုနှစ်ဦး ပိုင်းကစ၍ ကုန်တန်ချိန် ပြည့်ရန် လပိုင်း ခန့်ထိစောင့်ဆိုင်း ရကြောင်း၊ အချို့မော်တော်ယာဉ်များဆိုလျှင် ကုန်ကြမ်းရှားသည့် အတွက် ကျောက်စရစ်၊ သဲစုပ်လုပ်ငန်း များကို ပြောင်းလဲလုပ်ကိုင် လျက်ရှိကြောင်း ၎င်းက ဆက်လက် ပြောပြ၍ သိရသည်။
#Themyawadydaily
.jpg)
No comments:
Post a Comment