www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Wednesday, January 25, 2017

ကြွက်တက်ခြင်း


ကြွက်တက်ခြင်း 

( ဒေါက်တာ လွင်သန့် )

ကြွက်တက်ခြင်းဟာ အလွန်နာကျင်ပြီး ခံရခက်တဲ့ ဝေဒနာဆိုးဖြစ်တယ်။ လူတိုင်း ကြွက်တက်ခြင်း ခံစားဖူးလိမ့်မယ်။ ကြွက်တက်ခြင်း ဆိုတာ ကြွက်သားများ အလိုအလျောက် ပြင်းထန်စွာ၊ နာကျင်စွာ၊ ကြာမြင့်စွာ ကျုံ့သွားခြင်း ဖြစ်တယ်။ အားကစား သမားများ၊ အလုပ်ကြမ်း သမားများအဖြစ် များလေ့ ရှိတယ်။

ကြွက်တက်ခြင်းဟာ ခြေသလုံး ကြွက်သားတွေမှာ အများဆုံးဖြစ်တယ်။ ကြွက်တက်ခြင်း အားလုံးရဲ့ ထက်ဝက်ခန့်ဟာ ကြွက်သားမှာ ဖြစ်လေ့ရှိတယ်။ လေးပုံတစ်ပုံခန့် က ခြေဖျားလက်ဖျား ရှိ ကြွက်သားတို့ မှာရှိပြီး လက်မောင်း နဲ့ပေါင်မှာ တစ်ခါတစ်ရံ ဖြစ်တယ်။

ကြွက်တက်ရတဲ့ အကြောင်းရင်း

ကြွက်တက်ခြင်းဟာ ရောဂါတစ်ရပ် မဟုတ်ဘူး။ အကြောင်းအမျိုးမျိုး အဖုံဖုံကြောင့် ကြွက်တက်ခြင်း လက္ခဏာတစ်ရပ် ဖြစ်ပေါ်လာတယ်။

ပေါင်၊ ခြေသလုံး၊ ခြေဖဝါး၊ လက်မောင်းနဲ့ လက်ချောင်းရှိ ကြွက်သားတွေရဲ့ကျုံ့ခြင်း၊ ဆန့်ခြင်းကို ဦးနှောက်ရှိ ဗဟိုအာရုံကြော အဖွဲ့အစည်းက ကောင်းစွာကွပ်ကဲ ထိန်းချုပ်နိုင်တယ်။ ယင်း ကြွက်သားတွေ ကိုယ်ပိုင်သီးခြား သိမှု၊ ခံစားမှု စွမ်းရည်ရှိပြီး ပြင်ပမှ နှိုးဆွမှု တစ်ခုခုနဲ့ ကြုံတွေ့ရတဲ့ အခါ ကျုံ့ခြင်း၊ ဆန့်ခြင်း ဖြစ်နိုင်ပါတယ်။ ပြင်ပ အအေးဓာတ်ဟာ ကြွက်သားရဲ့ကျုံ့ခြင်း၊ ဆန့်ခြင်းကို နှေးကွေးစေတယ်။ အေးတဲ့ ဆောင်းရာသီမှာ သွေးပူ လေ့ကျင့်ခန်း မယူဘဲ ရုတ်တရက် အားစိုက်ပြီး ကြွက်သားများ ပြင်းထန်စွာ လှုပ်ရှားလိုက်ရင် ကြွက်တက်လေ့ ရှိတယ်။

ကြွက်သားတွေ လှုပ်ရှားမှု များလေလေ၊ အသုံးပြုဖန် များလေလေ ကြွက်တက်ဖို့ နီးစပ်လေဖြစ်တယ်။ ကြွက်သားတွေ ဆက်တိုက်လှုပ်ရှား တဲ့အခါ ကြွက်သားတွေ ပင်ပန်းပြီး ကျုံ့ခြင်း၊ ဆန့်ခြင်း နှေးလာလို့ ကြွက်တက်တယ်။ ဘောလုံး ကစားသူများ၊ ရေကူးသူများ၊ ပေါင်နဲ့ ခြေသလုံးမှာ လည်းကောင်း၊ စာရေးဆရာတို့ လက်ချောင်း တွေမှာလည်းကောင်း၊ ချည်မျှင်နဲ့ သိုးမွေးလုပ်သား တို့ လက်မောင်းမှာ လည်းကောင်း ကြွက်တက်လေ့ ရှိတယ်။ ကြွက်သားတွေ အလွန်အကျွံ မောပန်းနွမ်းနယ် နေတဲ့အခါ ဦးနှောက်ရဲ့စေစားချက် အတိုင်း ကျုံ့ခြင်း၊ ဆန့်ခြင်း ကို ရုတ်တရက်တုံ့ပြန် မလုပ်နိုင်ဘဲ ကျုံ့နေလေ့ရှိတယ်။ 

အဓိကအနေနဲ့ ကြွက်တက်ခြင်းဟာ ခန္ဓာကိုယ်တွင်းရှိ ဆားဓာတ်နဲ့ အများဆုံး သက်ဆိုင်တယ်။ ခန္ဓာကိုယ်မှာ ဆားဓာတ် လျော့နည်းရင် ကြွက်တက်တတ်တယ်။ လူတို့ခန္ဓာကိုယ်မှ ထွက်တဲ့ ချွေးမှာ ဆားဓာတ် သုည ဒသမ ၃ ရာခိုင်နှုန်း ပါဝင်တယ်။ အကြောင်း အမျိုးမျိုးကြောင့် ပြင်းထန်စွာ ကိုယ်လက် လှုပ်ရှားစဉ်၊ ရေကူးစဉ်၊ ဘောလုံး ယှဉ်ကစားစဉ် ချွေးအလွန်ထွက်လို့ ဆားဓာတ်များပါ ပြင်ပကိုထွက်ပြီး ကြွက်တက်လေ့ ရှိတယ်။ ဝမ်းသွားရာမှ ဝမ်းနဲ့အတူ ဆားဓာတ်များ ပါသွားတယ်။ ဝမ်းမကြာခဏ သွားရင်၊ ဝမ်းနုတ်ဆေး ပြင်းပြင်းသောက် ပြီးရင်၊ ကာလဝမ်းရောဂါ ဖြစ်ရင် ခန္ဓာကိုယ်မှာ ဆားဓာတ် လျော့နည်းပြီး ကြွက်တက်တယ်။ လက်ချောင်း၊ ခြေချောင်းတွေသာ ကြွက်တက်ပြီး တစ်ချောင်းနဲ့ တစ်ချောင်း ကပ်နေခြင်းမျိုး ကလည်း အဓိကအနေနဲ့ ခန္ဓာကိုယ်တွင်း ထုံးဓာတ်နည်းပါးတဲ့ အခြေအနေ မှာတွေ့ရတတ်တယ်။ လည်ပင်းရှိ သိုင်းရွိုက်ဂလင်း ခွဲစိတ်ကုသမှု ခံယူအပြီးမှာ ယင်းမှာ ကပ်နေတဲ့ ဂလင်းငယ်တွေရဲ့ လုပ်ငန်းဆောင်တာ ချို့ယွင်းရင် (Hypoparathyroidism) မှာ အာဟာရဓာတ် ချို့တဲ့ပြီး ခန္ဓာကိုယ်မှာ ထုံးဓာတ်နည်းလေ့ ရှိတယ်။

ကြွက်တက်နေလျှင်

ဦးစွာ ကြွက်မတက်မီ ကြွက်တက်မယ့် ကြွက်သားဟာ တစ်ကြိမ်၊ နှစ်ကြိမ်ခန့် အနည်းငယ် ကျုံ့သွားတတ်တယ်။ ချက်ချင်းအနားယူ လိုက်ရင် ကြွက်မတက် တော့ဘူး။ ကြွက်တက်တဲ့အခါ ကျုံ့နေတဲ့ ကြွက်သားမျှင် တွေကို ဆန့်ပြီး လက်နဲ့ခြေချောင်း တွေကို ညို့သကျည်း ဘက်ကို နောက်လှန်ဆွဲ ပေးရမယ်။ ခြေချောင်းမှာ ကြွက်တက်ရင် ကွေးသွားတဲ့ ခြေချောင်းငယ်တွေကို နောက်ဘက်ကိုလှန်ပြီး ဆန့်ပေးသင့် ပါတယ်။ ပေါင်မှာ ကြွက်တက်ရင် ဒူးကိုဆန့်ပြီး ပေါင်ကိုရှေ့ကို လက်နဲ့တွန်းပေး သင့်တယ်။ လက်ချောင်း လေးတွေ ကြွက်တက်ရင် ကွေးနေတဲ့ လက်ချောင်းလေး တွေကို အခြားလက်နဲ့ကိုင်ပြီး ပြန်ဆန့်ပေးရမယ်။ ပြန်ဆန့်ပေးရင်းက မကြာခင်သက်သာ သွားလိမ့်မယ်။ 

ခြေချောင်း၊ လက်ချောင်းငယ် တွေကပ်နေတဲ့ ကြွက်တက် ခြင်းမျိုးမှာ ဖော်ပြပါနည်း အတိုင်း မသက်သာရင် နီးစပ်ရာဆေးရုံ၊ ဆေးခန်း၊ မိသားစုဆရာဝန် ထံ အမြန်ပြသပြီး လိုအပ်တဲ့ ထုံးဓာတ်ကို ခန္ဓာကိုယ်တွင်း သွေးကြောမှ သွင်းပေးရင် ချက်ချင်းသက်သာ သွားနိုင်ပါတယ်။

ကြွက်တက်နေတဲ့ အခါ စိတ်ကို တည်ငြိမ်အောင် ထားပြီး ကြွက်သားကို အသာအယာ နှိပ်နယ်ပေးရမယ်။ အေးလွန်းပြီး ကြွက်တက်ခြင်း ဖြစ်ရင် ရေနွေးအိတ် ကပ်ပေးရင် သင့်တော်ပါတယ်။ ကြွက်တက်နေသူရဲ့အပေါ်မှ တက်ပြီး ဖိပေးခြင်း၊ နင်းပေးခြင်းမျိုးက မသင့်လျော်ပါဘူး။ အချို့က လက်လှန်ချိုးခြင်း၊ ခြေထောက် နောက်ပြန် လှန်ချိုးခြင်း၊ ကြိုးချည်နှောင် ပေးခြင်းစတဲ့ တတ်သမျှ၊ မှတ်သမျှနဲ့ ကြွက်တက်ခြင်း သက်သာအောင် ဆောင်ရွက် ပေးတယ်။ အခန့်မသင့်ရင် သွေးမလျှောက်နိုင်၊ အာရုံကြော ဖိမိနိုင်ကာ ခြေ၊လက် အကွေးအဆန့် ချို့ယွင်းခြင်း၊ အဆစ်တွေ တောင့်တင်းသွားခြင်း ဖြစ်နိုင်တယ်။

ကြွက်တက်ခြင်းမှကာကွယ်ဖို့

မြန်မာနိုင်ငံဟာ အပူပိုင်းဇုန်မှာ ပါဝင်လို့ ချွေးထွက် လွယ်ကြတယ်။ ချွေးထွက်များပြီး ဆားဓာတ် လျော့နည်းခြင်းမှ ကာကွယ်ဖို့ အားကစား သမားတွေ၊ အလုပ်ကြမ်း သမားတွေ အခြားသူတွေထက် ဆားပိုမို စားပေးဖို့ သင့်လျော် ပါတယ်။

အားကစား လှုပ်ရှားမှုတွေ မစတင်မီ ခန္ဓာကိုယ် ကြွက်သားတွေ ပြင်းထန်တဲ့ လှုပ်ရှားမှုပြုနိုင်ဖို့ အဆင်သင့် ဖြစ်နေစေတဲ့ သွေးပူ လေ့ကျင့်ခန်းမျိုး လုပ်ဖို့လိုတယ်။ ပြင်းထန်စွာ လှုပ်ရှားရမယ့် လုပ်ငန်းတွေ ကိုလည်း ရုတ်တရက် ချက်ချင်းစတင် မလုပ်ဆောင် သင့်ဘဲ သွေးပူ လေ့ကျင့်ခန်း လုပ်ရမယ်။ လှုပ်ရှားမှု အနည်းငယ် ကစပြီး တဖြည်းဖြည်း တိုးမြှင့်ကာ ပြင်းထန်တဲ့ လှုပ်ရှားမှုမျိုး လုပ်ရမယ်။ ကြွက်သားတွေ အလွန်ပင် ပန်းနွမ်းနယ် လာရင် ပြင်းထန်တဲ့ လှုပ်ရှားမှုတွေကို ဆက်လက် မလုပ်နိုင်ဘဲ ခေတ္တ အနားယူသင့် ပါတယ်။ အစာ အာဟာရ ထုံးဓာတ် မချို့တဲ့ဖို့ နို့အမျိုးမျိုး၊ အရိုးပါစားရတဲ့ ငါး၊ ငါးပိ၊ လတ်ဆတ်တဲ့ ဟင်းသီးဟင်းရွက် တွေ မျှတစွာစားသုံး ဖို့လိုပါတယ်။ မကြာခဏ ခြေချောင်း၊ လက်ချောင်းတွေ ကပ်တတ်ရင်၊ ကောက်ကွေးလေ့ ရှိရင် နီးစပ်ရာဆေးရုံ ဆေးခန်း သို့မဟုတ် မိသားစုဆရာဝန် နဲ့တိုင်ပင်ပြီး ထုံးဓာတ်ပါတဲ့ ဆေးပြား နေ့စဉ်သောက်ဖို့ သို့မဟုတ် ကယ်လ်ဆီယမ် ဂလူကိုနိတ် ထိုးဆေး ဖြည်းညင်းစွာ ထိုးပေးဖို့ လိုအပ်မှာ ဖြစ်ပါတယ်။

ကြွက်တက်ခြင်း တစ်ခါဖြစ်ဖူးရင် နောက်ထပ်လည်း ဖြစ်တတ်တာကြောင့် အစားအစာ၊ အနေအထိုင်၊ အလုပ်အကိုင် ကအစ ခန္ဓာကိုယ်နဲ့ သင့်လျော်မယ့် အပြုအမူ အစားအသောက်မျိုး ဖြစ်သင့်တယ်။ အရက် အလွန်အကျွံ သောက်သူတွေဟာ အာဟာရဓာတ် ချို့တဲ့လို့၊ ကယ်လ်ဆီယမ်ဓာတ် ချို့တဲ့လို့ ကြွက်တက်ခြင်း ပိုဖြစ်တတ်တယ်။ ယောက်ျားတွေမှာ ဖြစ်တဲ့ ''တိုနာ'' ဆိုတာ ကြွက်တက်ခြင်း ကြောင့် ကျားလိင်အင်္ဂါ အထဲကိုကျုံ့ဝင် သွားခြင်းမျိုး  ဖြစ်ရာ အချိန်မီ ကုသပါမှ လူစဉ်မီနိုင်မှာ ဖြစ်တယ်။

အထက်ဖော်ပြပါ နည်းတွေအတိုင်း ကျန်းမာရေးနဲ့ အညီ ဆင်ခြင်နေထိုင် ကြမယ်ဆိုရင် လူတိုင်းလူတိုင်း ကြွက်တက်ခြင်း ဆိုတဲ့ဝေဒနာဆိုးမှ ကင်းဝေးနိုင်ကြမှာပဲ ဖြစ်တယ်။ နင်းခြင်း၊ နှိပ်နယ်ပေးခြင်း မလုပ်သင့်ဘဲ ရေနွေးအိတ် ကပ်ပေးခြင်း၊ အနားယူ ပေးခြင်း၊ ဓာတ်ဆားရည် သောက်ပေးခြင်း နည်းတွေကသာ ထိရောက်တဲ့ ကုသမှုမျိုး ဖြစ်နိုင်ပါတယ်။ လေ့ကျင့်ခန်း၊ အပြေး သို့မဟုတ် အလေးအပင် မခြင်းမစမီ သွေးပူ လေ့ကျင့်ခန်း လုပ်ဆောင်ဖို့ လိုအပ်ပါတယ်။

မြ၀တီနေ့စဉ်သတင်းစာ ၊ စာ(၈)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page