ပေါင်ဒါမှုန့် မပါတော့သည့် လက်အိတ် Powder Free Gloves
၁၉-၁၂-၂၀၁၆
အမေရိကန် ပြည်ထောင်စု၊ အစားအစာနှင့် ဆေးဝါးကြီးကြပ်ရေး အဖွဲ့  FDA က ပေါင်ဒါမှုန့် ဖြူးထားသော လက်အိတ် များသည် အန္တရာယ်ရှိသည့် အတွက် ဆရာဝန်များ အသုံးပြုခြင်းကို ပိတ်ပင်ကြောင်း ထုတ်ပြန်ကြေညာ ခဲ့ကြောင်း သိရသည်။
FDA ၏ သမိုင်း တစ်လျှောက်တွင် ဆေးပစ္စည်း ပိတ်ပင် တားဆီးမှုအား ဒုတိယအကြိမ် ပြုလုပ်ခဲ့ခြင်း ဖြစ်သည်။ ဖော်ပြပါ ပေါင်ဒါမှုန့် ပါရှိသော လက်အိတ်ကို ပိတ်ပင်ရန် မတ်လ ကတည်းက စတင်ဆောင်ရွက် နေခဲ့ခြင်းပြီး ဒီဇင်ဘာ ၁၆ ရက်စွဲဖြင့် အမိန့် ထုတ်ပြန်ကြေညာ ခဲ့ပြီးနောက် ၂၀၁၇ ဇန်န၀ါရီ ၁၉ မှ စတင်ကာ ၄င်းအမိန့်  စတင်သက်ရောက်မည် ဖြစ်ကြောင်း သိရသည်။
" ကျန်းမာရေး စောင့်ရှောက်မှု ပေးအပ်ရာမှာ အဲဒီရော်ဘာ လက်အိတ်တွေက လူနာတွေကို အများကြီး ကာကွယ်ပေး ပါတယ်။ ဒါပေမယ့် အဲဒီ လက်အိတ်တွေမှာ ဖြူးထားတဲ့ ပေါင်ဒါမှုန့် တွေက လူနာတွေအတွက် အလွန် အန္တရာယ်များ ပါတယ်။ ပေါင်ဒါမှုန့် တွေက ချွတ်ရ၊၀တ်ရ လွယ်အောင် ဖြူးထားတာပါ။ ဒါပေမယ့် အဲဒီပေါင်ဒါမှုန့် တွေ လေထဲလွှင့် သွားရင် အချို့ လူနာတွေမှာ ဓာတ်မတည့်တဲ့တုန့် ပြန်မှုတွေ ဖြစ်ပွားနိုင် ပါတယ်။ အထူးသဖြင့် ခွဲစိပ်ကုသမှုတွေ ပြုလုပ်တဲ့အခါ လူနာရဲ့ ခန္ဓာကိုယ်ထဲကို ရောက်သွားရင် တစ်ရှူးတွေမှာ အမာရွတ် ဖြစ်ကျန်ခဲ့နိုင် ပါတယ် " ဟု FDA မှ တာဝန်ရှိသူ တစ်ဦးက ပြောသည်။
" အခုနောက်ပိုင်းမှာ ပေါင်ဒါမှုန့် မပါတဲ့ လက်အိတ် Powder Free Gloves တွေကို ထုတ်လုပ် လာကြပါပြီ။ ပေါင်ဒါမှုန့်  မပါပေမယ့်လည်း ၀တ်ရ၊ ချွတ်ရ လွယ်ကူအောင် ပြုလုပ်ထားတဲ့ လက်အိတ်တွေ ဖြစ်ပါတယ်။ အရေအတွက် ကိုလည်း အလုံအလောက် ထုတ်လုပ်ထားတာ ဖြစ်တဲ့အတွက် ပေါင်ဒါမှုန့် ပါတဲ့ လက်အိတ်ကို တားမြစ်ပိတ်ပင် လိုက်လို့  လက်အိတ်တွေ မလုံမလောက် ဖြစ်မှာတော့ မဟုတ်ပါဘူး။ ဆေးလောကမှာ ပေါင်ဒါမှုန့် ပါတဲ့ လက်အိတ် ပမာဏက အစကတည်းက နည်းပါတယ်။ ဒါကြောင့် ကျွန်တော်တို့  နိုင်နင်းစွာ အစားထိုးနိုင်မှာပါ " ဟု ၄င်းက ဆက်လက် ပြောပြသည်။
FDA သည် ဆေးပစ္စည်း တားမြစ်ခြင်းကို ယခုတစ်ကြိမ် အပါအ၀င် နှစ်ကြိမ်သာ ပြုလုပ်ဖူး သေးကြောင်း၊ ၁၉၈၃ တွင် ဖိုင်ဘာဆံခြည်မျှင် အတုများကို ပြုလုပ်ခြင်းအား တားမြစ်ခဲ့ခြင်း ဖြစ်ကြောင်း၊ ယခု ပေါင်ဒါမှုန့် ဖြူးထားသော လက် အိတ်များကို ဆက်လက် အသုံးမပြုရန် တားမြစ်ခြင်း ဖြစ်ကြောင်း၊ သို့ သော် အမေရိကန် ပြည်ထောင်စု တစ်ခုတည်း အတွက်သာ အကျုံးဝင်မည် ဖြစ်ကြောင်း သိရသည်။
မြ၀တီနေ့စဉ်သတင်းစာ
.jpg)
No comments:
Post a Comment