www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Tuesday, November 29, 2016

ရင်းနှီးမြှုပ်နှံမှုကြီးမားသည့် ဒစ်ဂျစ်တယ်စက်များကြောင့် တိုင်းဒေသကြီးအတွင်း မပြသတော့သည့် ရုပ်ရှင်ရုံ ၁၂ ရုံထိရှိလာ



မန္တလေး ၊ ၂၉-၁၁-၂၀၁၆

မန္တလေးတိုင်း ဒေသကြီးအတွင်း ရင်းနှီးမြှုပ်နှံမှု ကြီးမားသည့် ဒစ်ဂျစ်တယ် စက်များကြောင့် မပြသတော့သည့် ရုပ်ရှင်ရုံ ၁၂ ရုံထိ ရှိလာကြောင်း အဆိုပါ တိုင်းဒေသကြီး ရုပ်ရှင်မြှင့်တင်ရေး ဦးစီးဌာနမှ တာဝန်ရှိသူ တစ်ဦးက ပြောပြသည်။

ပြီးခဲ့သည့် ဆယ်စုနှစ်ကာလ က မန္တလေးတိုင်း ဒေသကြီး အတွင်း၌ ရုပ်ရှင်ရုံများတွင် ဖလင်စနစ်ဖြင့် ရုပ်ရှင်ပြသ လာခဲ့ရာမှ ယခုလက်ရှိ ကာလတွင် ဒစ်ဂျစ်တယ်စက် များဖြင့် အဆင့်မြှင့်တင်ကာ နာမည်ကြီး ရုပ်ရှင်ရုံအချို့ ဖြစ်သည့် မြို့မ၊ မြို့ဂုဏ်ရောင်၊ နေပြည်တော်၊ ဝင်းလိုက် စသည့် ရုပ်ရှင်ရုံတို့တွင် ပြောင်းလဲပြသ လာခဲ့ပြီး ဖလင်စနစ်ဖြင့် ပြသခဲ့သည့် ရုပ်ရှင်ရုံများသည် ရင်းနှီးမြှုပ်နှံမှု ကြီးမားသည့် အတွက် ပြသမှု မရှိတော့ကြောင်း သိရသည်။

''အခုခေတ်က ရုပ်ရှင်ရုံတွေ အားလုံးနီးပါး ဒစ်ဂျစ်တယ်တွေနဲ့ ပြသနေကြပါပြီ။ တချို့ဖလင်နဲ့ ပြသတဲ့ ရုံတွေက အရင်းအနှီး ကြီးတာကြောင့်နဲ့ ပရိသတ်စိတ်ဝင်စား မှုကလဲ အားနည်းလို့ မပြတာတွေ ရှိပါတယ်။ အရင်ခေတ်က တီဗွီ၊ DVD စက်တွေ မပေါ်သေးတဲ့အတွက် ရုပ်ရှင်ရုံဖွင့်ပြီး ရင်းနှီးမြှုပ်နှံမှု လုပ်ကြတယ်။ အဲဒီခေတ်တွေ တုန်းက တွက်ခြေကိုက် ကြတယ်။ အခုကျတော့ အရှုံးပေါ်မှုတွေ ဖြစ်ပေါ်ခဲ့တာကြောင့် တချို့ရုံတွေဆို မပြတော့ပါဘူး'' ဟု ၄င်းက ဆက်လက် ပြောပြသည်။

မန္တလေးတိုင်း ဒေသကြီးအတွင်း ဒစ်ဂျစ်တယ်စနစ်ဖြင့် ရုပ်ရှင်ပြသ နေသည့် ရုံခြောက်ရုံရှိပြီး ကျန်ရှိသည့် ရုံ ၁၂ ရုံမှာ ပြသမှုမရှိ ခြင်းကြောင့် ရုပ်ရှင် အဆင့်မြှင့်တင်ရေး ဦးစီးဌာနက ၄င်းရုပ်ရှင်ရုံများကို ဒစ်ဂျစ်တယ် စနစ်ဖြင့် ပြောင်းလဲကာ အဆင့်မြှင့်တင်မှုများ ပြုလုပ်ရန် တိုက်တွန်း နေကြောင်း သိရသည်။

ရင်းနှီးမြှုပ်နှံမှု ကြီးမားသည့် ဒစ်ဂျစ်တယ် စက်တစ်လုံး တန်ဖိုးသည် ငွေကျပ် သိန်း ၃ဝဝဝ ခန့်ပေး၍ ဝယ်ယူရသည့် အပြင် ဒစ်ဂျစ်တယ် စက်ဖြင့် တွဲဖက်ပြသမည့် ပိတ်ကား တန်ဖိုးသည်လည်း အနည်းဆုံး ငွေကျပ် သိန်း ၁၅ဝ အထက်တွင် ရှိနေခြင်းကြောင့် ယခုလက်ရှိ ဖလင်ဖြင့်ပြသ နေသည့် ရုံများအနေဖြင့် ပြသမှု မရှိတော့သည့် အခြေအနေ သို့ ရောက်ရှိ နေကြောင်း သိရသည်။

ရတနာပုံနေ့စဉ်သတင်းစာ ၊ စာ(၁၄)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page