ပြည်ထောင်စု ၀န်ကြီးများ ၊ ရခိုင်ပြည်နယ် ၀န်ကြီးချုပ် နှင့် ကုလသမဂ္ဂ အဖွဲ့အစည်း များမှ
ကိုယ်စားလှယ် များနှင့် သံတမန် အဖွဲ့ဝင်များ ကြိမ်ချောင်းကျေးရွာ ရှိ
ရွာသူရွာသား များနှင့် တွေ့ဆုံစဉ်
မောင်တော ၊ ၃-၁၁-၂၀၁၆
ရခိုင်ပြည်နယ် မောင်တောခရိုင် အတွင်း အမှတ်(၁) နယ်ခြားစောင့် ရဲကွပ်ကဲမှု ဌာနချုပ် စခန်းနှင့် နယ်မြေရုံးတို့ကို ပြီးခဲ့သည့် အောက်တိုဘာ ၉ ရက်က အကြမ်းဖက်စီးနင်း တိုက်ခိုက်ခံရပြီး လက်နက်ခဲယမ်း နှင့် ဆက်စပ်ပစ္စည်း များဆုံးရှုံးခဲ့ရာ မောင်တောမြို့နယ် အတွင်းရှိ ကြိမ်ချောင်းကျေးရွာ မှ ပြည်သူများလည်း ထိတ်လန့် စိုးရိမ်မှုများ ဖြစ်ပေါ်ကာ ကျောင်းများ၊ ဈေးများ ပိတ်ထားခဲ့ရာမှ ယခုအခါ နယ်မြေ တည်ငြိမ်အေးချမ်း လာပြီဖြစ်၍ စာသင်ကျောင်း နှင့် ဈေးများ ပြန်လည်ဖွင့်လှစ် ကာ ရောင်းဝယ်ဖောက်ကား မှုများနှင့် သွားလာမှုများ ပုံမှန်အတိုင်း ရှိနေပြီ ဖြစ်သည်။
ကြိမ်ချောင်းကျေးရွာ ဈေးတွင် ဆိုင်ခန်းများ အားလုံး ဖွင့်လှစ်ရောင်းချ လျက်ရှိပြီး နံနက်ပိုင်းတွင် ဈေးရောင်း ဈေးဝယ်များဖြင့် စည်ကားလျက် ရှိသည်။ ကြိမ်ချောင်း ကျေးရွာသည် အိမ်ခြေ ၁ဝဝ၁ ရှိပြီး လူဦးရေ ၈၄၉၃ ဦးရှိကာ ဗုဒ္ဓဘာသာ၊ အစ္စလာမ် ဘာသာ နှင့် ဟိန္ဒူ ဘာသာဝင်များ အတူတကွ ယှဉ်တွဲကာ အေးချမ်း တည်ငြိမ်စွာ နေထိုင်လျက် ရှိသည်။ ကြိမ်ချောင်းရွာ ဈေးသည် အနီးဝန်းကျင် ကျေးရွာများရှိ ဈေးများအနက် အကြီးဆုံးနှင့် အစည်ကားဆုံး သော ဈေးတစ်ခု ဖြစ်သည်။
''ကျွန်တော်တို့ ကြိမ်ချောင်းရွာဟာ တောင်ရွာ၊ မြောက်ရွာ၊ အလယ်ရွာ ဆိုပြီးတော့ ရွာသုံးရွာ စုပေါင်းထားတဲ့ ကျေးရွာ ဖြစ်ပါတယ်။ ရခိုင် တိုင်းရင်းသား တွေနဲ့ အစ္စလာမ် ဘာသာဝင်တွေ စုပေါင်း နေထိုင်တဲ့ရွာ ဖြစ်ပြီး တည်ငြိမ် အေးချမ်းတဲ့ရွာ ဖြစ်ပါတယ်။ အောက်တိုဘာ ၉ ရက်က အနီးဝန်းကျင် ကျေးရွာတချို့မှာ အကြမ်းဖက် တိုက်ခိုက်မှုတွေ ဖြစ်ပွားခဲ့ တာကြောင့် စိုးရိမ် ထိတ်လန့်ပြီး စာသင်ကျောင်း နဲ့ ဈေးကို ပိတ်ထားခဲ့ ပေမယ့် အခုတော့ ပုံမှန်အတိုင်း ပြန်လည်ဖွင့်လှစ် နေပြီ ဖြစ်ပါတယ်။ ပြဿနာ တစ်စုံတစ်ရာလည်း မရှိခဲ့ပါဘူး '' ဟု ကြိမ်ချောင်း ကျေးရွာ အုပ်ချုပ်ရေးမှူး ဦးကိုကိုအောင် က ပြောသည်။
ကြိမ်ချောင်းကျေးရွာ ရှိ တချို့နေရာ များတွင် နယ်မြေ အေးချမ်းမှု ရရှိစေရန် ရပ်မိရပ်ဖများ၊ အုပ်ချုပ်ရေးမှူး နှင့် အရန်မီးသတ် တပ်ဖွဲ့ဝင်များ စုပေါင်းကာ ရွာသူရွာသား များအနေဖြင့် စိုးရိမ်ပူပန်ပြီး ကျေးရွာမှ ထွက်မပြေး ကြရန်၊ နယ်မြေလုံခြုံရေး အတွက် ဝိုင်းဝန်း ဆောင်ရွက် ကြရန်၊ ပြစ်မှုကျူးလွန်သူ များကို သိရှိပါက ဖော်ထုတ် ကူညီပေးကြရန် လက်ကိုင် စပီကာဖြင့် ကြိုတင် အသိပေးမှုများ ပြုလုပ်ခဲ့သဖြင့် အထင်အမြင် လွဲမှားမှုများ မရှိခဲ့ဘဲ ရပ်ရွာ အုပ်ချုပ်ရေး အဖွဲ့အစည်း များနှင့် ရွာသူရွာသားများ အတူတကွ ပူးပေါင်းကာ ရပ်ရွာတည်ငြိမ် အေးချမ်းရေး အတွက် ဆောင်ရွက် နိုင်ခဲ့ကြသည်။
ကြိမ်ချောင်း ကျေးရွာသို့ နိုဝင်ဘာ ၂ ရက် မွန်းလွဲပိုင်းက ပြည်ထောင်စု ဝန်ကြီးများ၊ ရခိုင်ပြည်နယ် ဝန်ကြီးချုပ်နှင့် ကုလသမဂ္ဂ အဖွဲ့အစည်းများမှ ကိုယ်စားလှယ် များနှင့် သံတမန် အဖွဲ့ဝင်များ ရောက်ရှိခဲ့ ချိန်တွင် ဗုဒ္ဓဘာသာ၊ အစ္စလာမ် ဘာသာနှင့် ဟိန္ဒူဘာသာ ဝင်များ အတူတကွ အေးချမ်းစွာ ယှဉ်တွဲနေထိုင် မှုနှင့် ပတ်သက်၍ သံတမန် တစ်ဦးက မေးမြန်း ခဲ့ရာတွင် ''ကျွန်တော်တို့ အခုလို အတူတကွ ပူးတွဲပြီး အေးအေးချမ်းချမ်း နေထိုင်နိုင်တာ ဟာ စီးပွားရေး ကောင်းပြီး အသိဉာဏ် ရှိကြတယ်၊ ပညာတတ် လို့လည်း ဖြစ်ပါတယ် '' ဟု အစ္စလာမ် ဘာသာဝင် တစ်ဦးက ပြန်လည် ဖြေကြားခဲ့သည်။
မြ၀တီနေ့စဉ်သတင်းစာ ၊ စာ(၁၂)
.jpg)
No comments:
Post a Comment