မြန်မာနိုင်ငံ စစ်မှုထမ်းဟောင်းအဖွဲ့ ဗဟို စည်းရုံးရေး ကော်မတီဥက္ကဋ္ဌ ဒုတိယဗိုလ်ချုပ်ကြီး ဆန်းဦး
ဦးဆောင်သော ကိုယ်စားလှယ်အဖွဲ့အား ရန်ကုန်တိုင်း စစ်ဌာနချုပ် တိုင်းမှူး ဗိုလ်ချုပ် မျိုးဇော်သိန်း နှင့်
တပ်မတော် အရာရှိကြီး များက ရန်ကုန် အပြည်ပြည်ဆိုင်ရာ လေဆိပ်၌ ကြိုဆိုနှုတ်ဆက်စဉ်
နေပြည်တော် ၊ ၁၁-၁၀-၂၀၁၆
မြန်မာနိုင်ငံ စစ်မှုထမ်းဟောင်း အဖွဲ့ ဗဟို စည်းရုံးရေး ကော်မတီဥက္ကဋ္ဌ ဒုတိယ ဗိုလ်ချုပ်ကြီး ဆန်းဦး ဦးဆောင်သော ကိုယ်စားလှယ်အဖွဲ့ သည် ဘရူနိုင်း ဒါရုဆလမ်နိုင်ငံ၊ ဘန်ဒါဆရီ ဘီဂါဝန်မြို့ တွင် ကျင်းပ ပြုလုပ်သည့် အာဆီယံ နိုင်ငံများ စစ်မှုထမ်းဟောင်း အဖွဲ့ (VECONAC) ၏ (၁၆)ကြိမ်မြောက် အထွေထွေ ညီလာခံနှင့် (၂၉)ကြိမ်မြောက် အလုပ် အမှုဆောင်အဖွဲ့ အစည်းအဝေးများ တက်ရောက်ခဲ့ပြီး ယမန်နေ့ နေ့လယ်ပိုင်းတွင် လေကြောင်း ခရီးဖြင့် ရန်ကုန်မြို့သို့ ပြန်လည်ရောက်ရှိ ကြသည်။
ဒုတိယဗိုလ်ချုပ်ကြီး ဆန်းဦး ဦးဆောင်သော မြန်မာ့တပ်မတော် ကိုယ်စားလှယ် အဖွဲ့အား ရန်ကုန်တိုင်း စစ်ဌာနချုပ် တိုင်းမှူး ဗိုလ်ချုပ် မျိုးဇော်သိန်း နှင့် တပ်မတော် အရာရှိကြီးများ၊ တာဝန်ရှိ သူများက ရန်ကုန် အပြည်ပြည် ဆိုင်ရာလေဆိပ် ၌ ကြိုဆို နှုတ်ဆက်ကြသည်။ အဆိုပါ ခရီးစဉ်တွင် ဒုတိယဗိုလ်ချုပ်ကြီး ဆန်းဦးနှင့် အတူ အဖွဲ့ဝင်အဖြစ် လိုက်ပါသွား ကြသည့် ကာကွယ်ရေး ဦးစီးချုပ်ရုံး(ကြည်း) မှ တပ်မတော် အရာရှိကြီး များနှင့် မြန်မာနိုင်ငံ စစ်မှုထမ်းဟောင်း အဖွဲ့ ဗဟို စည်းရုံးရေး ကော်မတီမှ တာဝန်ရှိသူများ ပြန်လည်လိုက်ပါ လာကြသည်။
ဘရူနိုင်း ဒါရုဆလမ် နိုင်ငံတွင် ကျင်းပပြုလုပ်သည့် အာဆီယံ နိုင်ငံများ စစ်မှုထမ်းဟောင်း အဖွဲ့ (VECONAC)၏ (၁၆)ကြိမ်မြောက် အထွေထွေ ညီလာခံနှင့် (၂၉)ကြိမ်မြောက် အလုပ်အမှုဆောင် အဖွဲ့ အစည်းအဝေး များကို အောက်တိုဘာ ၆ ရက်မှ ၉ ရက်ထိ ပြုလုပ်ခဲ့ပြီး အစည်းအဝေးတွင် ဥက္ကဋ္ဌအဖြစ် မြန်မာနိုင်ငံ စစ်မှုထမ်းဟောင်း အဖွဲ့ ဗဟို စည်းရုံးရေး ကော်မတီ ဥက္ကဋ္ဌ ဒုတိယဗိုလ်ချုပ်ကြီး ဆန်းဦးက တာဝန်ယူ ဆောင်ရွက်ခဲ့ပြီး အာဆီယံ နိုင်ငံများ၏ စစ်မှုထမ်းဟောင်း ဥက္ကဋ္ဌအဖြစ် အလှည့်ကျ ဆက်လက် တာဝန် ထမ်းဆောင်မည့် ဘရူနိုင်း ဒါရုဆလမ်နိုင်ငံ စစ်မှုထမ်းဟောင်း ဥက္ကဋ္ဌ MAJ GEN (R) PEHIN DATO HAJI SHARI ထံသို့ တာဝန် ဝတ္တရားများ လွှဲပြောင်း ပေးအပ် ခဲ့ကြောင်း သတင်းရရှိသည်။
မြ၀တီနေ့စဉ် ၊ စာ(၁၆)
No comments:
Post a Comment