www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Thursday, June 16, 2016

ခေါင်းဆောင်ကောင်း



ခိုင် (ပညာရေး)

အများစုပေါင်း ဆောင်ရွက်ရသော အဖွဲ့အစည်း တိုင်းတွင် ဦးစီး ဦးဆောင်မှု ကောင်းကောင်းဖြင့် ချက်ကျလက်ကျ ဆောင်ရွက်သွား နိုင်သော ခေါင်းဆောင် တစ်ဦးကို တင်မြှောက်ရစမြဲ ဖြစ်သည်။ ခေါင်းဆောင်မှု ကောင်းလျှင် စည်းလုံးညီညွတ်မှု၊ တိုးတက်ခိုင်မာမှု တို့ဖြင့် အောင်မြင်မှု အရှိန်အဟုန် မြင့်မားသွားပြီး ခေါင်းဆောင်မှု မကောင်းခဲ့လျှင် စည်းလုံး ညီညွတ်မှု ပျက်ပြားကာ ဖရိုဖရဲဖြင့် ပြိုကွဲပျက်စီး ဆုံးရှုံး သွားသည်သာ ဖြစ်သည်။ ထုိ့ကြောင့် ခေါင်းဆောင်ကောင်း များကို ရွေးချယ် တင်မြှောက်ရန် အလွန် အရေးကြီးလေသည်။ ထကြွ ၊ နိုးကြား ၊ သနား ၊ သည်းခံ ၊ ဝေဖန် ၊ ထောက်ရှု ဟူသည့် နာယကဂုဏ် ခြောက်ပါးနှင့် ပြည့်စုံပြီး အတွေးအခေါ် အမြော်အမြင် မြင့်မားသော ပုဂ္ဂိုလ်မျိုး၊ အသိပညာနှင့် အတတ်ပညာ ပြည့်ဝသော ပုဂ္ဂိုလ်မျိုးတို့ကို ရွေးချယ် တင်မြှောက် ပေးသင့်သည်။

အသိပညာနှင့် အတတ်ပညာ ပူးတွဲလိုအပ် ရခြင်းမှာ တစ်ခါတစ်ရံ ဘွဲ့ရပညာမဲ့ များနှင့် ပညာမဲ့ လူတော်များကို တွေ့ရတတ်သည့် အတွက်ကြောင့် ဖြစ်သည်။ ဘွဲ့ရပညာမဲ့ ဟု ဆိုရခြင်းမှာ သင်ကြား တတ်မြောက်မှု စာတွေ့ အပိုင်းတွင် ထူးချွန်သော်လည်း ဘဝ အတွေ့အကြုံနည်းပါးသည့် အတွက် ခေတ်ပညာတတ် ဘွဲ့ရတစ်ဦး ဖြစ်သော်လည်း ပညာမဲ့ကဲ့သို့ ဖြစ်နေရှာသည်။ အချို့မှာ ခေတ်ပညာတတ် မဟုတ်သော်လည်း ကျော်ဖြတ်ခဲ့ ရသည့် ခေတ်စနစ်များ၊ ဘဝ အတွေ့အကြုံများ ကြောင့် ရင့်ကျက် တည်ငြိမ်မှု ရကာ အတွေးအခေါ် အမြော်အမြင် ကြီးမားသည့် လူတော် စာရင်းဝင် ဖြစ်နေပြန်သည်။

ခေါင်းဆောင်ကောင်း တစ်ဦးဖြစ်ရန် အတတ်ပညာ နှင့် အသိပညာ နှစ်မျိုးလုံး ပြည့်ဝရန် လိုအပ်သည်။ လူသားတို့တွင် ဖြစ်လေ့ဖြစ်ထ ရှိသော တွေဝေ မိုက်မှားခြင်း အမိုက်အမှောင် ပေါင်းစုံတို့ကို ပညာ၏ အလင်းရောင် ဖြင့်သာ ပပျောက်စေနိုင် သောကြောင့် ဖြစ်သည်။ အရည်အချင်း ပြည့်ဝသည့် ခေါင်းဆောင်ကောင်း တို့မှာ လောကဓံ တရားရှစ်ပါး ဖြစ်သော ကောင်း၊ ဆိုးနှစ်တန် တို့ကို ခံနိုင်ရည် ရှိကြသည်။ ကောင်းသော လောကဓံ တရားနှင့် တွေ့ကြုံသည် ဖြစ်စေ၊ မကောင်းသော လောကဓံ တရားနှင့် တွေ့ကြုံသည် ဖြစ်စေ အရာခပ်သိမ်း အတွက် တုန်လှုပ်ခြင်း အလျှင်းမရှိဘဲ ပလွှားခြင်း၊ မောက်မာခြင်း၊ ချောက်ချားခြင်း ကင်းလှသည်။ မနေ့ကထက် ယနေ့ ပိုကောင်းအောင် လုပ်ဆောင်ကြပြီး မနေ့ကထက် ယနေ့ ပိုတော်အောင် တီထွင်ကြံဆ အားထုတ် ကြသည်။ မိမိကိုယ်မိမိ ချိုးနှိမ်၍ တင်းတိမ် ရောင့်ရဲမှုနှင့် တည်ငြိမ် အေးချမ်းစွာ နေထိုင်ပြီး လုပ်ဆောင်ဖွယ်ရာ တို့ကို သေချာ ရေရာစွာ စွမ်းဆောင်မှု ပြုကြသည်။

ခေါင်းဆောင်ကောင်း တစ်ဦး၏ အရည်အချင်း မပြည့်ဝသူတို့ မှာဖြင့် အထူးတလည် ပြောရန် လိုမည်မထင်။ မပြည့်သည့်အိုး ဘောင်ဘင်ခတ် သည့် ပုံစံအတိုင်းပင် ဖြစ်သည်။ ကာလဒေသနှင့် လိုက်လျောညီထွေ ပြုမူပြောဆိုခြင်း ကင်းကာ မိမိ ပြောလိုက်သည့် စကား၏ နက်နဲမှု၊ ထိရောက်စွာ မည်ရွေ့မည်မျှ ဖြစ်ကြောင်းလည်း ဝေဖန်ပိုင်းခြား နိုင်စွမ်းမရှိ။ စကားကြောင့် အမျက်ပြေ၊ စကားကြောင့် အသက်သေ ဟူသော ပညာရှိတို့၏ ဆုံးမသြဝါဒ ကိုလည်း ဆင်ခြင် သုံးသပ်ခြင်း မပြုဘဲ ကိုယ်ထင်ရာ ကိုယ်စိုင်း ပြောဆိုပြုမူတတ် ကြသည်ကို တွေ့ရသည်။ ဘဝ အတွေ့အကြုံ နည်းပါးလွန်း လှသောကြောင့် လည်း ဖြစ်တန်ရာသည်။

အမှန်စင်စစ် ဘဝ အတွေ့အကြုံ ဆိုသည်မှာ မိမိကိုယ်တိုင် ထိပ်တိုက် ရင်ဆိုင်တွေ့ကြုံ ခဲ့ရသော အဖြစ်အပျက်များ သာမက တစ်ပါးသူ တို့၏ ဘဝ အခက်အခဲ၊ ပြဿနာ၊ လုပ်ငန်း အတွေ့အကြုံ တို့ကို ဖတ်ရှု၊ လေ့လာ၊ ကြားနာမှုဖြင့်လည်း ရရှိနိုင်သည်။ ထို့ကြောင့် အတွေ့အကြုံ ဗဟုသုတ ကြွယ်ဝသူတို့၏ အဆုံးအမ သြဝါဒများ ခံယူကာ များစွာသော ဘဝ အတွေ့အကြုံ တို့ကို လေ့လာ မှတ်သားရင်းဖြင့် တည်ငြိမ် ရင့်ကျက်မှု ရှိလာစေရန် လေ့ကျင့်ပေးမှုများ လိုအပ်လေသည်။ စာပေ ဖတ်ရှုခြင်းဖြင့် လည်းကောင်း၊ စာပေ ဟောပြောပွဲများ တက်ရောက် ကြားနာ ခြင်းဖြင့် လည်းကောင်း အချက်အလက်များ စုဆောင်း မှတ်သားသင့် သည်။ ထို့သို့ ဖတ်ရှု၊ ကြားနာခြင်း တို့ ပြုရာတွင်လည်း ယူတတ်မှရ သကဲ့သို့ အနှစ်သာရ ပိုင်းကို ပိုင်ပိုင်နိုင်နိုင် အတုယူ တတ်ပါမှ သုတ၊ ရသ စုံလင်စွာ ရရှိမည်ဖြစ်သည်။ အတုယူ လွဲမှားလျှင်လည်း အလွန် အန္တရာယ်ကြီး လှသည်။ အချို့လည်း အနီးကပ် အကြံပေး ပုဂ္ဂိုလ်များ၏ လွဲမှားသော အကြံဉာဏ်များကို ယုံစားမိခြင်း ကြောင့်လည်း အလွဲကြီး လွဲ၍ အမှားကြီး မှားသွား တတ်ကြသည်။ စဉ်းစားဆင်ခြင်မှု အားနည်း၍ တာဝန်ကို အာဏာအဖြစ် ပြောင်းပြီး ချမှတ်ထားသော စည်းကမ်း၊ ဥပဒေတို့ အပေါ် လုပ်ပိုင်ခွင့်ဟု မှတ်ထင်ကာ မူဝါဒတို့ကို တစ်ပြေးညီ ဆောင်ရွက်ခြင်း မပြုဘဲ လူကိုခင်လျှင် မူကိုပြင်၍ လူကိုမုန်းလျှင် မူကိုသုံးသည့် ပုံစံမျိုး လုပ်ဆောင်ကြသည့် အတွက် လာဘ်ပေး လာဘ်ယူ ကိစ္စများ ကြီးထွားစွာ ပေါ်ပေါက်လာ လေသည်။ လာဘ်ပေး လာဘ်ယူ ဟူသည် ငွေကြေး တစ်ခုတည်းမဟုတ်၊ အခွင့်အရေး ရယူလို သူတို့က ထိုပုဂ္ဂိုလ်၏ စိတ်အား ထက်သန်ရာကို ဦးစွာလေ့လာမှု ပြုပြီး သင့်လျော်သော လာဘ်ပေး လာဘ်ယူမှု ပြုကြလိမ့်မည်။ မည်သည့် ပုဂ္ဂိုလ်ဖြစ်စေ လာဘ်ပေး လာဘ်ယူမှု လက်ခံသူသည် မိမိ၏ အလုံးစုံ ဂုဏ်သိက္ခာ တို့ကို အပြီးသတ် ရောင်းစားလိုက်ခြင်း ဖြစ်သည်။ ထို့ကြောင့် မိမိ၏ ဂုဏ်သိက္ခာ မညှိုးနွမ်း ရလေအောင် အလုပ်လုပ် ရာ၌ အထက်လူကြီး တို့၏ အားကိုးယုံကြည် မှုနှင့် လက်အောက် ငယ်သားတို့၏ လေးစားကြည်ညို မှုရှိစေရန် ထာဝစဉ် ကြိုးပမ်း ဆောင်ရွက် သင့်သည်။

မိမိတွင် ဂုဏ်သိက္ခာ ရှိသည့် အားလျော်စွာ အများက လေးစား ကြည်ညိုကြ ပေလိမ့်မည်။ ဂုဏ်သိက္ခာ ဟူသည် ဓနဥစ္စာ၊ ရာထူး၊ ပညာ တို့နှင့်လည်း သက်ဆိုင်မှု မရှိချေ။ မိမိ၏ ကိုယ်ကျင့်တရားနှင့် လုပ်ဆောင်မှု တို့၏ ပဲ့တင်သံ ဖြစ်သည်။ သြဇာ သက်ရောက်မှု သည်လည်း ထိုနည်းတူပင် အသံ၏ သြဇာ သက်ရောက်မှု၊ ဥပဓိရုပ်၏ သြဇာ သက်ရောက်မှု တို့ကလည်း အလွန် အရေးပါသည်။

ခေါင်းဆောင် ကောင်းတစ်ဦး၏ အရည်အချင်း များတွင် အကင်းပါး ခြင်းလည်း ပါဝင်သည်။ မိမိ လက်အောက ငယ်သားတို့၏ မျက်လုံးကို ဖတ်တတ်ရမည်။ လူတစ်ဦး၏ စိတ်နေ သဘောထား၊ စိတ်အကြံ တို့သည် မျက်လုံးတွင် ပေါ်လွင်တတ်သည်။ ရိုးသားမှု၊ ကောက်ကျစ် စဉ်းလဲမှု ဟူသရွေ့တို့ကို နှလုံးသား၏ ပြတင်းပေါက် ဖြစ်သော မျက်လုံးမှ တစ်ဆင့် ထင်ရှားစွာ တွေ့မြင်နိုင်သည်။ ကြည့်တတ်မှလည်း မြင်မည်။ ကတုန်းကတိုက်၊ ကလိမ်စေ့ငြမ်းဆင် အပြောအဆိုများ၊ အမွှမ်းတင် မြှောက်ပင့် ပြောဆိုမှုများ ကိုလည်း စဉ်းစားချင့်ချိန် နိုင်သော အသိတရား ဖြင့် ခွဲခြားလက်ခံ သင့်သည်။ ထို့ပြင် မိမိ ထုတ်ပြန်ထားသော စည်းကမ်း ဥပဒေတို့ကို မိမိကိုယ်တိုင်က ပြည့်ပြည့်ဝဝ လေးစားစွာ လိုက်နာမှု ပြုပေးသင့်သည်။ 'ငါပြောသလိုလုပ်၊ ငါလုပ်သလို မလုပ်နဲ့' ဟူသော စည်းကမ်းမျိုးကို မည်သူက တန်ဖိုးထားမည်နည်း။ စာရေးသူ ပညာရေးဝန်ထမ်း ဖြစ်ခါစအချိန်က အဖြစ်အပျက်တစ်ခု ရှိခဲ့ဖူးသည်။ 

ကျောင်းကျန်းမာရေး ဆောင်ရွက်ချက် အဖြစ် မူလတန်း ကျောင်းသား များကို လက်သန့်ရှင်းရေး အတွက် လက်သည်းပုံမှန် ညှပ်စေလို သောကြောင့် လက်သည်း အရှည်လုံးဝ မထားကြရန် စည်းကမ်းတစ်ခု သတ်မှတ် ထုတ်ပြန်ထားပြီး ရက်သတ္တ တစ်ပတ်လျှင် တစ်ကြိမ် အတန်းပိုင် ဆရာမများက ကလေးများ၏ လက်သည်းများကို စစ်ဆေးပေး ရကာ လက်သည်းများ ရှည်နေပါက စနစ်တကျ ညှပ်ပေးရသည်။ တစ်နေ့တွင် ကလေးတစ်ဦး လက်သည်းများ ရှည်နေ၍ စာရေးသူက ညှပ်ပေးနေစဉ် ထိုကလေးက စာရေးသူ၏ လက်ကို စူးစိုက်ပြီး ကြည့်နေသည့် အတွက် အလွန်တရာ ရှက်ရွံ့သောစိတ်များဖြင့် ကြက်သီးဖြန်းဖြန်း ထသွားခဲ့ရသည်။ စာရေးသူ၏ ပန်းဆီရောင် တောက်တောက် ဆိုးထားသော လက်သည်းရှည် များကို စူးစိုက်ကြည့် နေသည့် ကျောင်းသားလေး ၏ မျက်နှာကို ပြန်မကြည့်ရဲ လောက်အောင် သိမ်ငယ်စိတ်များ ဖြစ်ပေါ် လာမိသည်။ အပြစ်ရှိသူ တစ်ဦး၏ သိမ်ငယ်မှု မျိုးဖြင့် ကြီးစွာသော နောင်တရမိသည်။ သူတစ်ပါးကို ပြုပြင် စေချင်လျှင် စံနမူနာ အဖြစ် မိမိကဦးစွာ လိုက်နာသင့် ကြောင်းလည်း နားလည် သဘောပေါက် သွားသည်။ ထို့နေ့မှစ၍ ယနေ့တိုင် လက်သည်း အရှည်ထားခြင်း၊ လက်သည်းနီ အရောင်စုံ ဆိုးခြင်းတို့ကို လုံးဝ ရှောင်ကြဉ်ခဲ့သည်။ မည်သည့်နေရာ တွင်မဆို ဦးဆောင်ဦးရွက် ပြုရသူတို့က အသေးအဖွဲမှ စ၍ ဂရုတစိုက် လေးစားစွာ လိုက်နာမှု ပြုရသည်။ သို့မှသာ မိမိ ထုတ်ပြန်ထားသော စည်းကမ်း၊ ဥပဒေ တို့သည် တန်ဖိုးရှိစွာ တည်တံ့ ခိုင်မြဲနေမည် ဖြစ်သည်။

လုပ်ငန်းဆောင်တာ ဟူသရွေ့ တို့တွင်လည်း စည်းလုံးညီညွတ်မှု ရှိအောင် စွမ်းဆောင်နိုင်စွမ်း ရှိရမည်။ အမှားကို တွေ့လျှင် မှန်သည်ထိ၊ အဆိုးကိုမြင်လျှင် ကောင်းသည်ထိ ပြုပြင်ပေးနိုင်စွမ်း ရှိရမည်။ တစ်ဦး၏ အလွဲအမှားကို ကြည့်၍ ပြစ်တင်ဝေဖန်မှု ပေါင်းစုံတို့နှင့် ဘေးထိုင် ဘုပြော လုပ်နေကြလျှင် မြစ်ကို အလျားလိုက် ကူးခပ်နေရသည့် ပုံစံမျိုးဖြင့် ဆုံးခန်းတိုင်မည် မဟုတ်ချေ။ သွက်လက် ထက်မြက်သော လှုပ်ရှားမှု၊ ရွှင်ပျဖော်ရွေသော အမူအရာ၊ နှစ်လိုသော အပြုံးတို့ကို ဆောင်လျက် ငယ်သားတို့၏ ကောင်းကျိုးကို အမြော်အမြင် ကြီးစွာ စွမ်းဆောင်ပေး နိုင်မှသာ ခေါင်းဆောင်ကောင်း ပီသမည်။ လူတော်တော် များများ ကြားဖူးနားဝ ရှိခဲ့ဖူးမည့် ဟိမဝန္တာတော ဂင်္ဂါမြစ်ကမ်း အနီး အနံ့အရသာနှင့် ပြည့်စုံသော သရက်သီးများ သီးသည့် သရက်ပင်များ ပေါ်မှ မျောက်များ၏ အကြီးအမှူးဖြစ်သူ ဘုရားလောင်း မျောက်မင်း၏ ခေါင်းဆောင် ကောင်းပီသသော အမြော်အမြင်နှင့် ငယ်သားတို့ ချမ်းသာရာရရေး အတွက် စွန့်လွှတ်အနစ်နာ ခံခဲ့ပုံတို့ကို ကြည့်လျှင် ခေါင်းဆောင်ကောင်း တို့၏ အရည်အချင်းကို မျက်ဝါးထင်ထင် မြင်တွေ့ရပေမည်။ ထိုနည်းတူစွာ လွတ်လပ်ရေး ဖခင်ကြီး ဗိုလ်ချုပ် အောင်ဆန်း ၏ အမြော်အမြင် ကြီးမားမှု၊ စွန့်လွှတ် အနစ်နာခံမှု၊ ကြိုးပမ်း ဆောင်ရွက်မှု တို့ကို ကြည့်လျှင်လည်း ခေါင်းဆောင်ကောင်း တို့မည်သည် ကိုယ်ကျိုးရှာ အတ္တသမားများ မဟုတ်ကြောင်း ထင်ရှား ပေါ်လွင်လှသည်။

ထို့ကြောင့် အားကျစိတ် နှင့် မနာလိုဝန်တိုစိတ် တို့ကို ဌာန်ကရိုဏ်း ကျကျ မထားတတ်ကြ သူတို့ ပေါများလှသည့် အချိန်အခါ မျိုးတွင် အံဝင်ခွင်ကျ လုပ်ဆောင်နိုင် ရန်ဖြင့် မလွယ်ကူမှန်း နားလည် သော်လည်း၊ ပတ္တမြား မှန်လျှင်ဖြင့် နွံနစ်သော်လည်း အရောင်ညစ် သွားမည် မဟုတ်ဟု ယုံကြည်စိတ် အပြည့်အဝ ထားကာ ခေါင်းဆောင်ကောင်း တစ်ဦးဖြစ်အောင် ကျင့်ကြံလုပ်ဆောင် သွားကြပါရန် အကြုံပြု ရေးသား လိုက်ရပါသည်။

မြ၀တီနေ့စဉ် ၊ စာ(၈)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger