ရန်ကုန် ၊ ၁၈-၁-၂၀၁၆
မြန်မာနိုင်ငံမှ လက်မှုထွက်ကုန် ကြိမ်ထည် ပစ္စည်းများကို စပိန်နှင့်ဂျာမနီ နိုင်ငံတို့မှ ကြိုက်နှစ်သက်ပြီး မှာယူမှုကြောင့် တင်ပို့ နေရကြောင်း သိရသည်။ ထိုသို့ ဝယ်ယူရာတွင် ဟိုတယ်လုပ်ငန်း များနှင့် စားသောက်ဆိုင် လုပ်ငန်းများ၌ အဓိကသုံးစွဲရန် ဖြစ်ကြောင်း သိရသည်။
''ကြိမ်ထည်ပစ္စည်း တွေက အမျိုးပေါင်း တော်တော်များများ ရှိပါတယ်။ ဒီလိုတင်ပို့တဲ့ နေရာမှာလည်း မှိုတက်ခြင်း မရှိအောင် ကြိမ်ကို အရင်ဆုံးပေါင်းပြီးမှ လူသုံးပစ္စည်း ပြုလုပ်တာပါ။ ဒါကြောင့် ဒီကကြိမ်ထည် ပစ္စည်းတွေက ရေရှည်ခံတယ်။ ဒီနောက်ပိုင်း မှာယူသူတွေကလည်း ကြိုက်ကြတယ်။ လက်ရှိမှာတော့ အဆိုပါ နှစ်နိုင်ငံက ပစ္စည်း ငါးမျိုးပဲမှာယူတယ်။ ပြီးခဲ့တဲ့နှစ် ဒီဇင်ဘာလဆန်း လောက်ကစပြီး တင်ပို့ နေရတာပါ။ သူတို့အကြိုက် ဒီဇိုင်းတွေကို ပြုလုပ်ပြီး တင်ပို့ပေး ရတာတွေလည်း ရှိပါတယ်။ သူတို့က အရောင်ဆိုး မထားတဲ့ သဘာဝ ကြိမ်အရောင်ကို ပိုပြီးမှာယူကြ ပါတယ်''ဟု ကြိမ်ထည် ပစ္စည်းများ ထုတ်လုပ်တင်ပို့ ရောင်းချနေသည့် လုပ်ငန်းရှင် တစ်ဦးက က ပြောသည်။
မှာယူသည့် ပစ္စည်းငါးမျိုးတွင် လျှော်ဖွပ်မည့် အဝတ်များ ထည့်သော ဒိုဘီခြင်းများကို အများဆုံး တင်ပို့မှု ပြုလုပ်ပြီး ရေသန့်ဘူးနှင့် ဖန်ခွက်ထည့် သည့်ခြင်း၊ ဖုန်းတင်စင်၊ ခဲတံခွက်နှင့် ကြိမ်ဦးထုပ် များကို ပုံမှန် တင်ပို့ပေး ရကြောင်း သိရသည်။ ထို့ပြင် ကြိမ်ထည်များကို ထိုင်း၊ ဂျပန်နှင့် တောင်ကိုရီးယား နိုင်ငံတို့မှလည်း ကြိုက်နှစ်သက်မှု ရှိပြီး နမူနာများ တင်ပို့ထားကြောင်း သိရသည်။
မြန်မာနိုင်ငံ အတွင်းရှိ ဟိုတယ် လုပ်ငန်းရှင် များကလည်း ကြိမ်ထည်များကို အသုံးပြုမှု ပိုမိုများပြား လာပြီး အော်ဒါမှာယူမှု များရှိကြောင်း သိရသည်။ ၄င်းကြိမ်ထည် ပစ္စည်းများမှာ ဈေးနှုန်းအနေဖြင့် အမျိုးအစားပေါ် မူတည်၍ ကွဲပြားပြီး သီးသန့် အော်ဒါမှာယူသည့် ကြိမ်ထည်များကို ဈေးနှုန်းပုံစံ တစ်မျိုးတည်းဖြင့် ရောင်းချလျက် ရှိကြောင်း သိရသည်။
သီရိ
မြ၀တီနေ့စဉ် ၊ စာ(၁၂)
.jpg)
No comments:
Post a Comment