www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Wednesday, January 20, 2016

အုန်းသီးအခွံဖြင့် ပြုလုပ်ထားသော လက်မှု အသုံးအဆောင် ပစ္စည်းများကို ဈေးကွက်အတွင်း ရောင်းချနိုင်ရန်စီစဉ်နေ


အုန်းသီးအခွံဖြင့် ပြုလုပ်ထားသော အသုံးအဆောင် ပစ္စည်းများ

ရန်ကုန် ၊ ၂၀-၁-၂၀၁၆

အုန်းသီးအခွံဖြင့် ပြုလုပ်ထားသော လက်မှုထုတ်ကုန် အသုံးအဆောင် ပစ္စည်းများကို ဈေးကွက်အတွင်းသို့ တင်သွင်း ရောင်းချနိုင်ရန် စီစဉ်နေကြောင်း အုန်းသီးအခွံဖြင့် လက်မှုပစ္စည်း ထုတ်လုပ်သူများ နှင့် ရောင်း ချသူများက ပြောသည်။

''အုန်းသီးအခွံနဲ့ လုပ်လို့ရတဲ့ လူ့အသုံးအဆောင် ပစ္စည်းတွေက အများကြီးပါပဲ။ မြန်မာနိုင်ငံမှာ အခုမှ ဈေးကွက်ထဲမှာ ရောင်းချပေမယ့် ထိုင်းနိုင်ငံနဲ့ ဗီယက်နမ်နိုင်ငံ တွေမှာတော့ စီးပွားဖြစ် ပြု လုပ်ရောင်းချ နေတာ ကြာပါပြီ။

ဒါ့အပြင် အစ်မတို့က အုန်းသီးအခွံ တွေနဲ့ ကြယ်သီး အလှလေးတွေလည်း ပြုလုပ်ပြီး ဈေးကွက်ကို တင်ပို့ပါမယ်။ လုပ်ရတာ လက်ဝင်ပေမယ့် အဆင်ပြေပါတယ်။ တခြား အုန်းသီးအခွံနဲ့ ပြုလုပ်တဲ့ လူ့ အသုံးအဆောင် က တစ်ခုပြီးဖို့ အချိန်အတော်ပေး နေရပါတယ်'' ဟု ငွေဆောင်ရှိ အုန်းသီးအခွံ များဖြင့် လူ့ အသုံးအဆောင် ပစ္စည်းများ ပြုလုပ်နေသည့် လက်မှု လုပ်ငန်းရှင် တစ်ဦးက ပြောသည်။

အုန်းသီးအခွံများကို အသုံးအဆောင် ပစ္စည်းအမျိုးမျိုး ပြုလုပ်ထားပြီး အသုံးအဆောင် ပစ္စည်းပေါင်း ၁ဝဝ ကျော်ကို တီထွင်၍ ပြုလုပ်ထား သော်လည်း ဈေးကွက် အတွင်းသို့ ရောင်းချထားခြင်း မရှိသေးကြောင်း သိရသည်။

၎င်းပစ္စည်းများမှာ လက်မှုပစ္စည်းများ ဖြစ်သည့်အတွက် ဈေးနှုန်း သတ်မှတ်ရန် ခက်ခဲနေပြီး ဈေးနှုန်းများ ကိုလည်း အချိုသာ ဆုံးဖြစ်အောင် ရောင်းချပေး သွားမည် ဖြစ်ကြောင်း၊ စွန့်ပစ် အုန်းသီးအခွံ များဖြင့် စားပွဲတင်မီးအိမ်၊ မျက်နှာကြက် မီးအိမ်၊ ဝိုင်သောက်သည့် ခွက်များ၊ ရေနွေးခွက်များ၊ ပိုက်ဆံအိတ်များ၊ ရေခွက်များ၊ ကြယ်သီးများနှင့် စုဘူးများ ပြုလုပ်ပြီး ပိုမိုလှပခိုင်ခံ့မှု ရှိစေရန် အပြင်ဘက် မျက်နှာပြင်များကို ဆေးသုတ်လိမ်း ထားကြောင်း၊ ပစ္စည်းတစ်မျိုးကို ပြုလုပ်ရာတွင် အနည်းဆုံး ၁ဝ ရက်မှ နှစ်လအထိ ကြာမြင့်ကြောင်း သိရသည်။

ထို့ပြင် စွန့်ပစ် အုန်းသီးအခွံ များနှင့်ပြုလုပ် ထားသည့် ကြယ်သီးများကို အထည်ချုပ် လုပ်ငန်းများသို့ ဖြန့်ဖြူးရောင်းချသွား မည်ဖြစ်ပြီး ပြည်တွင်း ဈေးကွက်၌လည်း ရောင်းချမှု ပြုလုပ် သွားမည် ဖြစ် သည့် အပြင် ပြည်ပ သို့လည်း ထိုးဖောက်၍ တင်ပို့သွားမည် ဖြစ်သည်။ ယင်း အုန်းသီးအခွံ များကို ဆေးခြယ်မှု ပြုလုပ်ရာတွင် မြန်မာ့ရိုးရာ ပုံသဏ္ဌာန်များနှင့် မြန်မာနိုင်ငံ၏ ရှုခင်းပုံတို့ကို ရေး ဆွဲပြီး ဈေးကွက် သို့ တင်ပို့မှု ပြုလုပ်သွားမည် ဖြစ်ကြောင်း သိရသည်။

သီရိ ၊ (၄၄၃)

မြ၀တီနေ့စဉ် ၊ စာ(၁၁)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page