www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Wednesday, June 17, 2015

နိုင်ငံခြားခရီးသွားဧည့်သည်များ သတင်းရယူနိုင်ရန် ပုဂံရှေးဟောင်း ယဉ်ကျေးမှုနယ်မြေတွင် သတင်းအချက်အလက် စင်တာများ ဖွင့်လှစ်မည်



ရန်ကုန် ၊ ၁၇-၆-၂၀၁၅

မြန်မာနိုင်ငံ၏ ရှေးဟောင်း ယဉ်ကျေးမှု အမွေအနှစ်ပေါင်း များစွာရှိသည့် ပုဂံ ရှေးဟောင်း ယဉ်ကျေးမှု နယ်မြေသို့ နိုင်ငံခြား ခရီးသွား ဧည့်သည်များ လာရောက် လည်ပတ်ရာတွင် ပုဂံ ရှေးဟောင်း ယဉ်ကျေးမှု နယ်မြေ အကြောင်းကို လေ့လာ သတင်းရယူ နိုင်ရန် ၂ဝ၁၅ ခုနှစ် နှစ်လယ် ပိုင်းတွင် သတင်း အချက်အလက် စင်တာများကို ဖွင့်လှစ် သွားမည် ဖြစ်ကြောင်း ပုဂံ ဟိုတယ်ဇုန် ဧည့်လမ်းညွှန် အသင်း ဥက္ကဋ္ဌ ဦးဇော်ဝင်းချို က ပြောသည်။

''ပုဂံမှာ သတင်း အချက်အလက် စင်တာနှစ်ခု ဖွင့်လှစ် သွားမှာပါ။ ပုဂံမြို့ဟောင်း နဲ့ မြို့သစ်မှာ တစ်ခုစီ ဖွင့်လှစ် သွားမှာပါ။ ဒီ စင်တာတွေ ကနေ ပုဂံနဲ့ ပတ်သက်တဲ့ အသေးစိတ် အချက်အလက် တွေကို နိုင်ငံခြား ခရီးသွား ဧည့်သည်တွေ အနေနဲ့ အချိန်မရွေး သီးသန့် စုံစမ်းမှုတွေ လုပ်နိုင်မှာ ဖြစ်ပါတယ်.. '' ဟု ၄င်းက ဆက်လက် ပြောသည်။

အဆိုပါ သတင်း အချက်အလက် စင်တာကို ဂျပန် အပြည်ပြည် ဆိုင်ရာ ပူးပေါင်း ဆောင်ရွက်ရေး အေဂျင်စီ (JICA) ၏ အကူအညီဖြင့် ဖွင့်လှစ်မည် ဖြစ်သည်။

ပုဂံမြို့သစ်တွင် ဖွင့်လှစ်မည့် သတင်း အချက်အလက် စင်တာအတွက် ဖွင့်လှစ်ခွင့် လျှောက်ထားမှုမှာ လွယ်ကူ သော်လည်း ပုဂံရှေးဟောင်း ယဉ်ကျေးမှု နယ်မြေတွင် သတင်း အချက်အလက် စင်တာ ဖွင့်လှစ်ရာတွင် ရှေးဟောင်း ယဉ်ကျေးမှု နယ်မြေ ဖြစ်သည့်အတွက် နယ်မြေနှင့် ပတ်သက်၍ ထိခိုက် ပျက်စီးမှု မရှိစေရေး ညှိနှိုင်း ဆောင်ရွက်မှုများ ပြုလုပ် နေရကြောင်း သိရသည်။

ထို့အပြင် ညောင်ဦး တွင်လည်း သတင်း အချက်အလက် စင်တာ တစ်ခုကို ဖွင့်လှစ် သွားမည် ဖြစ်သည်။ JICA သည် ပုဂံရှေးဟောင်း ယဉ်ကျေးမှု နယ်မြေဖွံ့ဖြိုး တိုးတက်ရေး အတွက် လိုအပ်သည့် အကူအညီ များကို ရေရှည် စီမံကိန်းဖြင့် ကူညီပေး သွားရန် စီစဉ်ထားကြောင်း သိရသည်။

မင်းသော်တာလွင်

#Themyawadydaily

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page