www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Wednesday, June 17, 2015

ပင်လယ်ရေကြောင်းမှ ကုန်စည်ရောင်းဝယ် သယ်ယူပို့ဆောင်ရာတွင် အာဆီယံအဖွဲ့ဝင် နိုင်ငံများမှ ဝင်ရောက် ဆောင်ရွက်လျက်ရှိ




ရန်ကုန် ၊ ၁၇-၆-၂ဝ၁၅

ကမ္ဘာ့နိုင်ငံ များ၏ ရေကြောင်းဖြင့် ကုန်စည်ကူးသန်း ရောင်းဝယ်မှုမှ သယ်ယူပို့ဆောင် နိုင်သော တန်ချိန်မှာ ၈ ရာခိုင်နှုန်းသော ပမာဏကို အာဆီယံ အဖွဲ့ဝင် နိုင်ငံများ အားလုံးမှ ပင်လယ်ကူး သင်္ဘောပေါင်း သုံးထောင်ကျော် က ပင်လယ်တွင်း၌ သယ်ယူ ပို့ဆောင်လျက် ရှိကြောင်း သိရသည်။

''ရန်ကုန်ဆိပ်ကမ်းမှာ ဝင်ရောက် ဆိုက်ကပ်နေတဲ့ သင်္ဘောပေါင်း ၂ဝဝ၀ ကျော် ရှိတယ်။ အဲဒီအထဲမှာ နိုင်ငံခြားက သင်္ဘောလိုင်း ၁၄ လိုင်း ဝင်ပြေး နေတယ်။ ဒီ ၁၄ လိုင်း ဝင်ပြေးတဲ့ အထဲမှာ မြန်မာက ကုန်ပစ္စည်း သယ်ဆောင်နိုင်တဲ့ ပမာဏက ၁၃ ရာခိုင်နှုန်းပဲ ရနေတယ် ၊ လက်ရှိမှာ နိုင်ငံခြား သင်္ဘောတွေ မြန်မာ့ကုန်စည် သယ်ယူ ပို့ဆောင်နိုင်မှု တွေမှာ ပိုမိုဆောင်ရွက် နိုင်တဲ့အတွက် ရေကြောင်း ကုန်သွယ်မှုနဲ့ ပတ်သက်လို့ အာဆီယံ စီးပွားရေး အသိုက်အဝန်း လုပ်ရမယ်။ AEC မှာ မြန်မာနိုင်ငံ အနေနဲ့ ပင်လယ်ကူး သင်္ဘောတွေနဲ့ ပတ်သက်တဲ့ ကန့်သက်ချက်တွေ၊ ဥပဒေတွေ ပြဋ္ဌာန်းထားတာ မရှိလို့ အခက်အခဲတွေ ဖြစ်လာ နိုင်ပါတယ်'' ဟု သင်္ဘော လုပ်ငန်းကဏ္ဍနှင့် ပတ်သက်၍ ဆောင်ရွက်နေသူ တစ်ဦး၏ ပြောပြချက် အရ သိရသည်။

၂ဝ၁၆ ခုနှစ်တွင် စတင် လာနိုင်မည့် AEC သည် အာဆီယံအဖွဲ့ဝင် နိုင်ငံများ အချင်းချင်း ဆက်ဆံမှုများ ပြုလုပ်ရာ တွင်သာ တူညီမှုရှိပြီး အခက်အခဲများ မဖြစ်ပေါ် စေရန် လူမှုရေး၊ စီးပွားရေး အစရှိသည့် အခန်းကဏ္ဍများ တွင် တန်းတူ အခွင့်အလမ်းများ ပေးခြင်းကို ဆိုလိုသည်။ ဥပမာ- အာဆီယံနိုင်ငံ များ၌ နေထိုင်သူ နိုင်ငံသားများ မည်သည့် အာဆီယံ အဖွဲ့ဝင်နိုင်ငံကို မဆို သွားရောက် ကြရာတွင် ဗီဇာ သတ်မှတ်ချက်များ မလိုဘဲ လွတ်လပ်စွာ သွားလာနိုင်ပြီး ကုန်စည်များ သယ်ယူ ပို့ဆောင် ရာတွင်လည်း လွတ်လပ်စွာ ကုန်စည် စီးဆင်း ဆောင်ရွက်နိုင်ခွင့် အချက်များအား ပူးပေါင်း လုပ်ဆောင်ကြမည် ဖြစ်ကြောင်း သိရသည်။

ပင်လယ် ရေကြောင်းမှ ကုန်စည် ရောင်းဝယ်တင်ပို့မှု သည် ရှေးနှစ်ပေါင်း များစွာကပင် လုပ်ဆောင်ခဲ့သော အဓိက စီးပွားရေးတစ်ခု ဖြစ်ပြီး မြန်မာနိုင်ငံ အနေဖြင့် ယင်းနေရာ တွင် တခြား အာဆီယံ နိုင်ငံများမှ သင်္ဘောလုပ်ငန်း အများအပြား ဝင်ရောက် လာကြပြီး မိမိနိုင်ငံ၏ စီးပွားရေး အကျိုးစီးပွား အား ထိခိုက်နိုင်မည့် အခွင့်အလမ်း များကို အကာအကွယ် ပြုနိုင်ရန် ယခုအချိန်တွင် တိကျ သော နိုင်ငံပိုင် အကျိုးစီးပွား များကို ကာကွယ်သည့် ဥပဒေများကို အမြန်ဆုံး အကောင် အထည်ဖော် ပြဋ္ဌာန်းပေး နိုင်ရန် လိုအပ်လျက် ရှိကြောင်း သိရသည်။

မိုးအောင်

#Themyawadydaily

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger