ရန်ကုန် ၊ ၁၇-၆-၂၀၁၅
နိုင်ငံခြား ခရီးသွား ဧည့်သည်များ ဝင်ရောက်မှုနှုန်း များပြားသည့် ဒေသအတွင်းရှိ ဒေသခံများအား ဧည့်လမ်းညွှန် သင်တန်းများ ပို့ချရာတွင် ဘာသာရပ် ၄ဝ ကျော်ကို သင်ကြားပို့ချ ပေးလျက်ရှိကြောင်း မြန်မာနိုင်ငံ ခရီးသွား လုပ်ငန်းဆိုင်ရာ သင်တန်းကျောင်း မှ သိရသည်။
အဆိုပါ သင်တန်းပို့ချ ခဲ့သော မန္တလေး၊ ပုဂံ၊ မော်လမြိုင်၊ တောင်ကြီး၊ လွိုင်ကော်၊ လားရှိုး၊ စစ်တွေ၊ ပြည်၊ ဘားအံ၊ မိုးကုတ် စသည့် ဒေသတို့၌ သင်တန်းသား ဦးရေ ၁၁၈၈ ဦးအထိ သင်တန်းများ ပို့ချပေးနိုင် ခဲ့ကြောင်း သိရသည်။ အဆိုပါ ဒေသတွင်း ဧည့်လမ်းညွှန် သင်တန်း များတွင် Bird Watching နှင့် ပတ်သက်သည့် ဘာသာရပ်များ၊ သဘာဝအခြေခံ ခရီးသွား လုပ်ငန်းများ၊ သဘာဝ ပတ်ဝန်းကျင် ထိန်းသိမ်းရေး ဆိုင်ရာ ဘာသာရပ်များ၊ ယဉ်ကျေးမှု (ရှေးဟောင်း နယ်မြေများ)၊ တိုင်းရင်းသား ဒေသများ၏ ရိုးရာဓလေ့ ထုံးတမ်းများ၊ ဂီတနှင့် သမိုင်းဆိုင်ရာ အချက်အလက်များ၊ လူဝင်မှု ကြီးကြပ်ရေး ဆိုင်ရာ အချက်အလက်များ အစရှိသည့် ခရီးသွား လုပ်ငန်းနှင့် ပတ်သက်သော ဘာသာရပ် ၄ဝ ကျော်ကို သင်ကြား ပေးလျက် ရှိကြောင်း သိရသည်။ ယခုနှစ်တွင် မြန်မာနိုင်ငံသို့ နိုင်ငံခြား ခရီးသွား ဧည့်သည် ဝင်ရောက်မှုမှာ ၄ ဒသမ ၅ သန်းရှိမည် ဟု ခန့်မှန်း ထားကြောင်း ဟိုတယ်နှင့် ခရီး သွားလာရေး လုပ်ငန်း ဝန်ကြီးဌာနမှ တာဝန်ရှိသူ တစ်ဦးက ပြောသည်။
#Themyawadydaily
.jpg)
No comments:
Post a Comment