ဝါရှင်တန် ၊ ၂၈-၄-၂၀၁၅
မိုက်ခရိုဝေ့ဗ် မီးဖိုများသည် အစားအစာကို ချက်ပြုတ်ရန် လည်းကောင်း၊ ပြန်နွှေးရန် လည်းကောင်း အလွန် အသုံးတည့် သော်လည်း အချို့ အစာ အာဟာရ အရည်အသွေးကို ပျက်စီး စေနိုင်ပြီး တစ်ချိန်တည်းတွင် အချို့ အာဟာရဓာတ် သတ္တိများကို ပိုမို ကောင်းမွန် စေနိုင်သည့် အတွက် မိုက်ခရိုဝေ့ဗ် မီးဖိုကို ကျန်းမာရေး နှင့် ညီညွတ်အောင် အသုံးပြုရန် သုတေသီ များက အကြံပြု ထားသည်။
''မိုက်ခရိုဝေ့ဗ်နဲ့ အစားအစာ ချက်ပြုတ်တာ ဖြစ်စေ၊ ပြန်နွှေးတာ ဖြစ်စေ အချို့ အာဟာရတွေကို ပျက်စီးစေပါတယ်။ ဥပမာ အပူပေး လိုက်တာနဲ့ တစ်ပြိုင်နက် Vitamin C နဲ့ B12 လို ဓာတ်မျိုးတွေဟာ ချက်ချင်း ပျက်စီး သွားပါတယ်။ ဒါပေမဲ့ တချို့ ဓာတ်သတ္တိ တွေကျတော့ အပူပေး လိုက်တဲ့အခါ ပိုပြီးအားကောင်း လာပါတယ်။ ဥပမာ မုန်လာဥနီ၊ ခရမ်းချဉ်သီး တွေလို ရောင်စုံ ဟင်းသီးဟင်းရွက် တွေကိုကြည့်ပါ။ သူတို့မှာ အဆိပ် အတောက် ဖြေပေးနိုင်တဲ့ အာနိသင် ရှိတဲ့ ကာရိုတီနွိုက် လို ဓာတ်မျိုးတွေ ပါပါတယ်။ ဒီဓာတ်တွေကို ထပ်ပြီး ပွားမလာအောင် ပရိုတိန်းတွေက ထိန်းချုပ် ထားပါတယ်။ ဒါပေမဲ့ အပူပေး ခံရရင် သူတို့ကို ထိန်းချုပ်ထားတဲ့ ပရိုတိန်း ပြိုကွဲသွားလေ့ ရှိပြီး ကာရိုတီနွိုက် တွေလဲ ပိုပြီးများပြား အားကောင်း လာလေ့ ရှိပါတယ်'' ဟု ဟားဗတ် တက္ကသိုလ်မှ အမျိုးသား ကျန်းမာရေးမှူး ဂိုင်ခရော့စ်ဘီ က ပြောပြသည်။
''မိုက်ခရိုဝေ့ဗ် မီးဖိုနဲ့ အစားအစာ ပြန်နွှေးတာဟာ တခြားနည်းတွေ ထက်တော့ ပိုကောင်း နေပါသေးတယ်။ အချိန်တိုအတွင်း အစားအစာတွေကို ပြန်နွှေး ပေးနိုင်တဲ့ အတွက် Vitamin C လို အာဟာရဓာတ်တွေ ပျက်စီးတယ် ဆိုရင်တော့၊ ပျက်စီးမှုနည်း တာပေါ့'' ဟု ၄င်းက ဆက်လက် ပြောပြသည်။
အစားအစာများကို ချက်ပြုတ်ရာတွင် အပူပေးချိန် လျော့နည်း၍ ဖြစ်စေ၊ ရေဓာတ် အသုံးပြုမှု လျော့နည်း၍ ဖြစ်စေ၊ အာဟာရ ပျက်စီးမှု နည်းမည် ဖြစ်ကြောင်း၊ မိုက်ခရိုဝေ့ဗ် သည် ဤစံချိန်စံညွှန်း အတိုင်းပင် ဖြစ်ကြောင်း၊ ရေအနည်းငယ်ကို အသုံးပြုကာ အစားအစာကို အပူ ပေးခြင်းဖြင့် ရေငွေ့သည် အစားအစာ အတွင်းမှ အပြင်သို့ ထွက်သောကြောင့် အစားအစာပါ အာဟာရဓာတ်များ မပျောက်မပျက်ဘဲ ကျန်ရှိကြောင်း၊ ပြင်ပရေကို အစားအစာ ထဲစိမ့်ဝင် သွားအောင် ချက်ပြုတ်သည့် စနစ်သည် အာဟာရဓာတ် များကို ပျက်စီး စေကြောင်း သိရသည်။
#Yadanarpondaily
.jpg)
No comments:
Post a Comment