ဝိုင်နီသောက်ခြင်းဖြင့် အဆီပိုများ လောင်ကျွမ်းနိုင်

လန်ဒန် ၊ ၁၁-၂-၂၀၁၅

အဝလွန်သူများ အနေဖြင့် စပျစ်ဝိုင် အနီရောင်ကို သင့်တင့် မျှတစွာ သောက်သုံးပါလျှင် ကျန်းမာရေး တိုးတက် ကောင်းမွန် လာနိုင်ပြီး အဆီ လောင်ကျွမ်းမှု အားကိုလည်း ကောင်းစေ နိုင်မည် ဖြစ်ကြောင်း အော်ရီဂွန် တက္ကသိုလ် သုတေသီ များက ဆိုသည်။ ''အရောင်ရင့်တဲ့ စပျစ်သီး ဖြစ်စေ၊ အဲဒီလို စပျစ်သီး ကနေ လုပ်ထားတဲ့ ဝိုင်အရက် လိုမျိုးဖြစ်စေ မှန်မှန်မှီဝဲမယ် ဆိုရင် အသည်း အဆီဖုံး တာကို ကာကွယ်ပေးပြီး အဆီချတဲ့ အခါလဲ အများကြီး အထောက်အကူပြု ပါတယ် '' ဟု ဇီဝဓာတု ပညာရှင် တစ်ဦးက ပြောပြသည်။

စပျစ်သီးတွင် အယ်လာဂျစ် အက်ဆစ် အပါအဝင် သဘာဝဓာတု ပစ္စည်းလေးမျိုး ပါဝင်ပြီး အယ်လာဂျစ် က အဆီဆဲလ် များကို ချေဖျက်ပေးကာ အသစ်ထပ်မံ မဖြစ်နိုင် အောင် တားဆီး ပေးသည့် အပြင် အသည်းဆဲလ်များ အတွက် အလွန် လိုအပ်သော ဖက်တီး အက်ဆစ် များကိုလည်း ပေါများ စေကြောင်း သိရသည်။

''စပျစ်ဝိုင်ကို အဆီချဆေး လိုတော့  မမြင်စေချင် ပါဘူး။ အဆီ လောင်ကျွမ်းမှုကို မြန်စေတယ် ဆိုတာကလဲ အသည်းထဲက အဆီကို လောင်ကျွမ်း စေတာပါ။ အသည်းထဲက အဆီပိုတွေ လောင်ကျွမ်း သွားတော့ အသည်းရဲ့ လုပ်ဆောင်ချက် ပိုကောင်း လာပြီး ခန္ဓာကိုယ်ရဲ့ အဆီပို တွေကိုလဲ ဆက်လက် ချေဖျက်နိုင်တာ ဖြစ်ပါတယ်။ စပျစ်သီး၊ စပျစ်ဝိုင် ဆိုတာ အသည်းအဆီ မဖုံးအောင် စားပေး၊ သောက်ပေးရတဲ့ ဓာတ်စာလို့ပဲ မြင်စေချင် ပါတယ် '' ဟု သုတေသီတစ်ဦး က ပြောသည်။ 

စပျစ်၊ စပျစ်ဝိုင်ဟာ အသည်းအဆီ၊ ခန္ဓာကိုယ် အဆီတို့ကို လျှော့ချ ပေးနိုင်သလို သွေးချိုကိုလဲ ထိန်းပေးနိုင်တာ တွေ့ရပါတယ်။ အဓိက ကတော့ အယ်လာဂျစ် အက်ဆစ်ပဲ ဖြစ်ပါတယ်။ ဒီ အယ်လာဂျစ် အက်ဆစ်က ဆဲလ် တွေထဲမှာ Ppar-Alpha နဲ့ Ppar Gamma လို့ခေါ်တဲ့ ပရိုတိန်း နှစ်မျိုးကို လှုပ်ရှား အားကောင်း လာစေတဲ့ အတွက် ဆဲလ်တွေ အနေနဲ့ အဆီနဲ့ သကြား ကိုပိုပြီး ထိရောက်စွာ ချေဖျက် သုံးစွဲ နိုင်တာ ဖြစ်ပါတယ်။ ဒီလို အဆီနဲ့သကြားကို ချေဖျက်အား ပိုကောင်း လာတော့လဲ သွေးတွင်း ထရိုက် ဂလီဆီရိုက် အဆီတွေ မတိုးနိုင်တော့ တဲ့အတွက် နှလုံး သွေးကြောကျဉ်း တဲ့ရောဂါ အတွက်ပါ အထောက်အကူ ပြုနိုင်ပါတယ် '' ဟု ၄င်းက ဆက်လက် ပြောပြသည်။

သို့ဖြစ်၍ အရွယ်ရောက် သူများ အနေဖြင့် ကိုယ်အလေးချိန် ကောင်းမွန်အောင် ထိန်းသိမ်းရန် အလွန် အရေးကြီးကြောင်း၊ ကျန်းမာရေး လှုပ်ရှားမှု မလုပ်နိုင်လျှင် အစားအသောက် မှန်ကန်စွာ ရွေးချယ်ခြင်း ဖြင့် ထိန်းသိမ်း သင့်ကြောင်း၊ ထိုသို့ ရွေးချယ်ရာတွင် စပျစ်ဖြစ်စေ၊ စပျစ်ဝိုင် ဖြစ်စေ စားသောက် ပေးခြင်းသည် အဝလွန်သူ၊ အထိုင်များသူ၊ အသည်း အဆီဖုံး သူများအတွက် သင့်လျော်သော ဓာတ်စာ တစ်မျိုး ဖြစ်ကြောင်း သိရသည်။

Red wine stops lung cancer cells, study finds

#Yadanarpondaily

#ရတနာပုံနေ့စဉ်