ကောင်းမှုတစ်ခု နေ့စဉ်ပြု

ကောင်းမှုတစ်ခု နေ့စဉ်ပြု

( မောင်သင်းဝေ )

လူ့ဘဝမှာ အလိုဆန္ဒတွေ ဘယ်လောက်ပဲ များများ၊ အဲဒီ အလိုဆန္ဒတွေ ဘယ်လောက်ပဲ ပြည့်စုံအောင် လုပ်လုပ် ပြည့်စုံကြွယ်ဝတဲ့ ဘဝမျိုးကို ပြည့်ပြည့်ဝဝ မရရှိနိုင်ပါဘူး။ ဘာကြောင့်လဲ ဆိုတော့ လူဆိုတာ လောဘကို အတောမသတ် နိုင်ကြလို့ပါပဲ။ လောဘကို အတောသတ် နိုင်မှ၊ လိုအင်ဆန္ဒတွေ လျှော့ချနိုင်ပြီ ဆိုမှသာ ဘဝဟာ နေပျော် ပါလိမ့်မယ်။ 

ဘဝမှာ ချမ်းသာစစ် ဆိုတာ ဘာလဲလို့မေးရင် ရုပ်ပိုင်းဆိုင်ရာ ကြွယ်ဝမှုနဲ့ စိတ်ပိုင်းဆိုင်ရာ ငြိမ်းချမ်းမှု ညီညွတ်မျှတ နေတာမျိုးပဲ ဖြစ်ပါလိမ့်မယ်။ အဓိက ကတော့ လောဘပါ။ လောဘကြောင့် အလိုရမ္မက်တွေ ဖြစ်ပေါ်လာ ပါတယ်။ အလိုရမ္မက် ကြောင့် အမှားအမှန် ချင့်ချိန်ဝေဖန် တွေးဆနိုင်မှု ဆိတ်သုဉ်းပြီး မောဟ အမှောင်ဖုံးလွှမ်း ရတော့တာပဲ မဟုတ်ပါလား။ တကယ်တော့ ချမ်းသာစစ် ဆိုတာ စိတ်ချမ်းသာမှု ရယ်၊ ကိုယ်ချမ်းသာမှု ရယ် ညီညွတ်မျှတ နေတာ ပါပဲ။ ကိုယ်ချမ်းသာမှု ဆိုတာ စည်းစိမ်ကြွယ်ဝ ချမ်းသာတာနဲ့လဲ မဆိုင်ပါဘူး။ အာရုံငါးပါး ခံစားနိုင်တာနဲ့လဲ မပတ်သက်ပါဘူး။ အနာရောဂါ ကင်းကင်းနဲ့ အလိုရမ္မက်တွေ ကင်းရှင်းပြီး ကိုယ့်စိတ်ကို ဖြူစင် အောင်၊ ငြိမ်းအေးအောင် ထားနိုင်ဖို့ အရာရာ မေတ္တာတရားနဲ့ ပွားများနိုင်ဖို့ ပါပဲ။

လူတော်တော် များများဟာ ကိုယ့်ကိုယ်ကိုယ် လူရာဝင်လိုကြတယ်။ လူတွင်ကျယ် လုပ်လိုကြတယ်။ အဆင့်နေရာ၊ ရာထူးဂုဏ်ရှိန် ကို မက်မောတွယ်တာ ကြတယ်။ တကယ်တော့ အဲဒီဘဝမျိုးဟာ နွံထဲမှာ ပျော်တဲ့ ကျွဲဘဝနဲ့ ဘာမှမထူးပါဘူး။ ငြီးငွေ့စရာ စက်ဆုပ်စရာ ကြီးပါ။ အမှန်တကယ် ကျေနပ်စရာ ကောင်းတဲ့ စစ်မှန်တဲ့ ဘဝဆိုတာ ငွေကြေး၊ အာဏာ၊ ဂုဏ်ပါဝါတွေ မဟုတ်ပါဘူး။ ဘဝမှာ ချမ်းသာ ပျော်ရွှင်အောင် နေတတ်တဲ့ အကျင့်စရိုက်ပဲ ဖြစ်ပါတယ်။ ဘဝမှာ အဆင့်အတန်း မြင့်မြင့် နေထိုင်နိုင်သူ တချို့ရဲ့ ဘဝဟာလဲ မပီဝိုးတဝါးနှင့် ကျေနပ်စရာ မရှိတာကို တွေ့ရတတ်ပါတယ်။

ဒါပေမဲ့ တခြားတစ်ဖက်ကို ကြည့်မြင်တဲ့အခါ လမ်းဘေး သစ်ပင်ရိပ်မှာ ဂိတ်ထိုးပြီး စာဖတ်နေတဲ့ အနှေးယာဉ်မောင်း တစ်ယောက်ရဲ့ ဘဝဟာ ရိုးရိုးရှင်းရှင်း လေးပါ။ ဒါပေမဲ့ ခရီးသွားတွေကို သူတို့လိုရာ ခရီးရောက်ရှိအောင် လိုက်လံပို့ဆောင် ပေးရတဲ့ အရသာကိုလဲ သူနှစ်ခြိုက် နေပါတယ်။ သူဟာသူ့ဘဝကို သူကျေနပ်ပျော်ရွှင် နေသူပါ။

ကုန်တင်၊ ကုန်ချလုပ်သား တွေ ပလက်ဖောင်းဘေးမှာ ထမင်းဝိုင်းဖွဲ့စားရင်း စကားစမြည် ပြောဆို နေကြတာတွေ၊ ခေါင်းရွက်ဗျပ်ထိုး ဈေးသည်လေးတွေ အချင်းချင်း ခြေတို့လက်တို့ ပြောဆို ရယ်မောနေကြ ပုံတွေ စာရေးသူတို့ အများကြီးတွေ့ခဲ့၊ မြင်ခဲ့ကြဖူး ပါတယ်။ စာရေးသူ အမေ့ရွာကို ခဏပြန်စဉ်က လယ်သမား မိသားစုတော်တော် များများနဲ့ တွေ့ဆုံကျွမ်းဝင် ခဲ့ပါတယ်။ သူတို့ဟာ နေထွက်၊ နေဝင် ပင်ပန်းကြီးစွာ လုပ်ဆောင်ခဲ့ကြ ပါတယ်။ 

မိုးရွာမရှောင်၊ နေပူမရှောင် ပါပဲ။ ဒါပေမဲ့ သူတို့ရရှိတဲ့ ဝင်ငွေဟာ သူတို့အတွက် တစ်ဝမ်းတစ်ခါး မျှတရုံထက် မပိုပါဘူး။ သူတို့အဖို့ ပျော်ပွဲရွှင်ပွဲမရှိ၊ ဘောလုံး လောင်းစရာမရှိ၊ တီဗွီဂိမ်း မရှိ၊ ရှိုးပွဲမရှိ၊ သူတို့အဖို့ သူတို့လယ်၊ မြေရှိရာနဲ့ အိမ်ရာကလွဲပြီး တခြား သွားစရာ မရှိသလောက်ပါပဲ။

'' ဘဘတို့ဘ၀လဲ မလွယ်ပါလားဗျာ " လို့ စာရေးသူက ပြောတော့ ဘကြီးဖြိုးက-

''ရိုးရိုးလေးပါ ငါ့တူရာ၊ ငါက ငါ့ဘဝကို ရည်ရွယ်ချက် တစ်ခုတည်းနဲ့ တည်ဆောက် ထားတာ။ အသက် ရှင်သမျှ စိတ်ချမ်းသာအောင် နေမယ်။ လုပ်နိုင်သလောက် လုပ်မယ် ဒါပဲပေါ့။ ဒါဟာ ငါ့တူတို့ ပြောပြော နေကြတဲ့ ဂုဏ်တွေ၊ ပကာသနတွေ၊ ရာထူးရာခံ တွေထက် သာပါတယ် မောင်ရာ။'' ဟုတ်ပါတယ်။

လူတစ်ယောက်ရဲ့ဘဝဟာ သာမန်မျှသာ ဖြစ်ချင် ဖြစ်ပါလိမ့်မယ်။ ဒါပေမဲ့ ကိုယ့်ဘဝကို ကိုယ်တိုင် တန်ဖိုးထား မြှင့်တင်နိုင် ပါတယ်။ ကိုယ်ရောက်ရှိ နေတဲ့ ဘဝကို တန်ဖိုးထား တတ်တာ၊ ပျော်ရွှင်တာက တကယ်ပဲ အရေးပါလှတယ် ဆိုတာ စာရေးသူ သင်ခန်းစာ ရခဲ့ပါတယ်။

ဘဝရည်မှန်းချက်

ထွေထွေထူးထူး မဟုတ်ပါ။ တစ်ပါးသူ စိတ်ချမ်းသာဖို့နဲ့ သူတို့ဘဝ အခြေအနေ မြင့်မားစေဖို့ အတွက် တတ်နိုင်သမျှ ကူညီဖို့ပါပဲ။ တစ်ပါးသူဆိုတာ မိသားစုဝင် တစ်ယောက်လဲ ဖြစ်ချင်ဖြစ်မယ်။ လုပ်ငန်းခွင့် လုပ်ဖော်ကိုင်ဖက် တစ်ယောက်လဲ ဖြစ်ချင် ဖြစ်ပါလိမ့်မယ်။ အိမ်နီးချင်း မိတ်ဆွေ တစ်ယောက်ယောက် လဲ ဖြစ်ချင်ဖြစ် ပါလိမ့်မယ်။ သူတို့အတွက် ကူညီဆောင်ရွက် ပေးနိုင်တာတွေ အများကြီး ရှိပါတယ်။ လုပ်ဆောင်ပေး နိုင်တယ် ဆိုတာတွေဟာ တကယ်လဲ လုပ်သင့်လုပ်ထိုက် တာတွေ ဖြစ်ပါလိမ့်မယ်။

သူတို့အဆို သူတို့သဘောထား

ပလေတို၊ အရစ္စတိုတယ်၊ ရူဆိုး၊ ဟေဂဲလ် စတဲ့ တွေးခေါ် ပညာရှင်ကြီး တွေရဲ့ လူ့လောကအပေါ် တူညီတဲ့ သဘောထားတစ်ရပ် ရှိပါတယ်။

''လူတစ်ယောက်ရဲ့ စစ်မှန်တဲ့ ရည်ရွယ်ချက် ဆိုတာ သူပါဝင်ရာ လူ့အဖွဲ့အစည်း အတွက် ကောင်းကျိုးပြုဖို့ပဲ ဖြစ်ပါတယ်။ အများကောင်းကျိုး ဆိုတာ ကိုယ်ကိုယ်တိုင် ပါဝင်လုပ်ကိုင် ဆောင်ရွက်ရင်း ကိုယ့်ရဲ့ ပင်ကိုယ် အရည်အသွေးကို အမြင့်ဆုံး စံချိန်ထိ တွန်းပို့ဖို့ ဖြစ်ပါတယ်။

''လူဆိုတာ သဘာဝအရ ကိုက နိုင်ငံရေး သတ္တဝါပဲ'' လို့ အရစ္စတိုတယ်က ဆိုဖူးပါတယ်။

သစ်စေ့တစ်စေ့ ကနေ သစ်ပင်ကြီး အဖြစ် ကြီးထွား ရှင်သန်လာပြီး အကိုင်းအခက်တွေ ဝေဆာဖွံ့ဖြိုး လာသလို လူတစ်ယောက် အနေနဲ့လဲ သူကျင်လည်ရာ လူ့အသိုင်းအဝိုင်း ကို ဖွံ့ဖြိုးစည်ပင်အောင် အကျိုးပြု လုပ်ဆောင်ရ ပါလိမ့်မယ်။ ကောင်းမှုမြတ်နိုး ကောင်းအောင် ကြိုးစား ရပါလိမ့်မယ်။

''အောင်မြင်သူဆိုတာ လူသား အချင်းချင်း စိတ်ဝင်စားသူ၊ လူ့အဖွဲ့အစည်း တစ်ရပ်လုံး အတွက် တစ်ထောင့် တစ်နေရာကနေ ပါဝင်အသုံးခံက ပြသူဖြစ် ပါတယ်''လို့ စိတ်ပညာရှင်ကြီး ဘဲလ်ဖရက် အက်ဒလာ က ပြောခဲ့ဖူး ပါတယ်။

ကောင်းမှုတစ်ခု နေ့စဉ်ပြု 

လူသားအများစု အတွက် ကောင်းကျိုးပြုဖို့ ဆိုရာမှာ နေ့စဉ်အများနဲ့ ဆိုင်တဲ့ ကောင်းမှု တစ်ခုခုကို ပြုလုပ်ဖို့ပဲ ဖြစ်ပါတယ်။ ကိုယ်နဲ့တွေ့ကြုံ ဆက်ဆံရတဲ့ လူတစ်ဦး တစ်ယောက်အပေါ် ပဲဖြစ်ဖြစ်၊ အများစု အပေါ်ပဲဖြစ်ဖြစ် အားနည်းချက် လေးတွေကို ဖေးကူပြီး အားသာချက် လေးများကို ထောက်ပြ ချီးမွမ်းတာ၊ အားပေးကူညီ တာမျိုးပဲ ဖြစ်ပါတယ်။ တကယ်တော့ ကိုယ်ကျရောက်ရာ တစ်ထောင့် တစ်နေရာမှာပဲ ဘဝအပေါ် နှစ်သိမ့် ကျေနပ်နိုင်သူ၊ တာဝန်ကျေသူဟာ စိတ်ရောကိုယ်ပါ ချမ်းသာမှု တစ်ခုမဟုတ် တစ်ခုပြုလုပ် နေသူတွေလဲ ဖြစ်ပါတယ်။ လူတစ်ဦးချင်းဆီမှာ ရှိကြတဲ့ တာဝန်ပိုင်းရဲ့ အရည်အချင်းကို အသိအမှတ်ပြုပြီး ချီးမွမ်းပြောဆို နိုင်သူ အားပေး အားမြှောက်သူလဲ ဖြစ်ပါတယ်။

ဈေးသည် အမျိုးသမီးဟာ ကိုယ့်ရဲ့ဖောက်သည် အပေါ် ကျေနပ် နှစ်သက်အောင် ဆက်ဆံမယ်၊ ချိုချိုသာသာ ပြောဆို နှုတ်ဆက်ပြီး အဆစ်တောင်း လာရင်လဲ ပိုပိုသာသာ လေးပေးမယ်။ ပြီးတော့ ''အခုလို အားပေးတဲ့ အတွက် ကျေးဇူးတင် ပါတယ်'' ဟု ပြောပါလိမ့်မယ်။

ဒီအမျိုးသမီးဟာ သူနေထိုင်ရာ ရပ်ကွက်မှာ ဝင်ဆံ့သူ၊ ရပ်ရေးရွာရေးမှာ ပါဝင် ဆောင်ရွက်သူ၊ သာရေး၊ နာရေး၊ နှုတ်မလေးသူ၊ ရပ်ကွက်သူ၊ ရပ်ကွက်သား တွေနဲ့ တစ်သားတည်း ကျအောင် ချစ်ချစ်ခင်ခင် နေထိုင်နိုင်သူ ဖြစ်ပါတယ်။ ဒါဆိုရင် အဲဒီ အမျိုးသမီးဟာ စိတ်ရောကိုယ်ပါ ပြည့်စုံနေပြီလို့ မဆိုနိုင်ဘူးလား။ ပြီးပြည့်စုံတဲ့ ဘဝဆိုတာ ပြုစုပျိုးထောင် ယူရမယ့်ဘဝ။ သူတစ်ဖက်သား အပေါ် အကောင်းဘက်က ရှုမြင်စိတ်နဲ့ အကူအညီ ပေးနိုင်တဲ့ဘဝ ဖြစ်ပါတယ်။

ဒီလိုသာဆိုရင် ဘယ်လိုပုဂ္ဂိုလ်မျိုး မဆို အထီးကျန် မဖြစ်နိုင်တော့ သလို ဘဝဟာလဲ ငြီးငွေ့စရာ ကောင်းတော့မှာ မဟုတ်ပါဘူး။ လူအများစုနဲ့ ရောပြီး ပါဝင်လှုပ်ရှား နိုင်လေလေ၊ စိတ်အာရုံ ခံစားမှုတွေက နုပျိုလန်းဆန်း လာလေဖြစ်ပြီး ဘဝဟာ နေပျော်သည်ထက် နေပျော်ကာ အဓိပ္ပာယ် လေးနက်လေလေ ဖြစ်ပါလိမ့်မယ်။

ရတနာပုံနေ့စဉ်သတင်းစာ