ရန်ကုန် ၊ ၁၁-၉-၂၀၁၄
၁၉၇၁ ခုနှစ်က ဖြစ်ပွားခဲ့သော သမိုင်းဖြစ်စဉ် တစ်ခု ဖြစ်သည့် ကွမ်းလုံ ရက် ၄၀ တိုက်ပွဲ အကြောင်းကို ပရိသတ် ကြိုက်မည့် စစ်ကား ပုံစံဖြင့် ရိုက်ကူးရန် ရှိကြောင်း ဒါရိုက်တာ ပန်းချီစိုးမိုး က ပြောကြားသည်။
အဆိုပါ ဖြစ်ရပ်မှန် ရုပ်ရှင်တွင် သမိုင်းဖြစ်စဉ် တိုက်ပွဲပေါင်း ၂၀ ခန့် ပါဝင်မည် ဖြစ်ပြီး ယင်း အချိန်က တပ်မတော် အင်အား အနည်းငယ်ဖြင့် အင်အားများသည့် ဗကပ ( ဗမာပြည် ကွန်မြူနစ် ပါတီ ) ကို ကျားကုတ် ကျားခဲ တိုက်ခိုက် ခဲ့ရသော တိုက်ပွဲများ အကြောင်းကို ပရိသတ် အကြိုက် စစ်ကားကြီး အဖြစ် ပုံဖော် ရိုက်ကူးမည် ဖြစ်ကြောင်း ၊ နာမည်ကျော် သရုပ်ဆောင် များစွာအပြင် သရုပ်ဆောင် အသစ် များလည်း ပါဝင်မည် ဖြစ်ကြောင်း ဒါရိုက်တာ ပန်းချီ စိုးမိုး က ပြောကြားသည်။
ယင်း ဇာတ်ကားကို ယခုလတွင် စတင် ရိုက်ကူးရန် ရည်မှန်း ထားကြောင်း ၊ ဖြစ်စဉ် အမှန်တကယ် ဖြစ်ပွား ခဲ့သည့် ကြိုးတံတား သို့ သွားရောက် ရိုက်ကူးမည် ဖြစ်ပြီး တိုက်ပွဲ ၂၀ စလုံးကို ထည့်သွင်း ရိုက်ကူး သွားမည် ဖြစ်ကြောင်း လည်း သိရသည်။
" ဇာတ်လမ်း making ကတော့ လုပ်မှာပါ ၊ ဒါပေမဲ့ တကယ် ပါခဲ့တဲ့ အထင်ကရ ဇာတ်ကောင် တွေကိုတော့ ဇာတ်လမ်း လုပ်လို့ မရဘူး ၊ သူတို့ ဇာတ်လမ်း တွေကိုတော့ အမှန်အတိုင်း ပဲ ရိုက်ရမယ် ၊ ဒီအထဲက ရဲဘော်လေး တစ်ယောက် ဒါမှမဟုတ် တပ်ကြပ် တစ်ယောက် အကြောင်းကို ဇာတ်လမ်း ဆင်ပြီး ရိုက်မယ် ... " ဟု ပန်းချီ စိုးမိုး က ပြောသည်။
မြန်မာ့ တပ်မတော် ၏ သမိုင်းကြောင်း ကို ရိုက်ကူး ပုံဖော်ထားသော ကြယ်စင်မော်ကွန်း ဇာတ်ကားသည် ဒါရိုက်တာ ပန်းချီ စိုးမိုး ရိုက်ကူး ခဲ့ခြင်း ဖြစ်ပြီး ၂၀၁၃ ခုနှစ်အတွက် ရုပ်ရှင် ထူးချွန်ဆု ပထမ အဆင့် ရွေးချယ်ရေး အဖွဲ့က ဆန်ခါတင် ရွေးချယ် ခဲ့ကာ ရုပ်ရှင် ၆ ကားတွင်လည်း ပါဝင်လျက် ရှိကြောင်း သိရှိရသည်။
ဇာညီသစ္စာ
.jpg)
No comments:
Post a Comment